1 Nifae 11–15

Vaaiga Aoao

A o talanoa Nifae ma avefeau faalelagi, sa ia maua se faaaliga o le Faaola o le lalolagi ma maua lona lava malamalama i mea e aumaia ai le olioli sili: o le alofa o le Atua. Ina ua uma ona faaali atu i se faaaliga le liliuese ma le faatafunaga mulimuli ane o lona nuu, sa ia vaaia o le a faaleagaina e se ekalesia tele ma le inosia ia aoaoga o le Tusi Paia ma tau faasaga i le Au Paia a le Atua. Peitai, sa ia vaaia foi o le a toefuatai mai le talalelei, ma faamanuiaina ai i latou uma o e o le a taliaina aoaoga ma feagaiga a le Faaola. Na vaai Nifae i mea na tutupu i le Toefuataiga a o lei taitai ona tutupu ma malamalama i le matafaioi taua o le a faia e lana talafaamaumau i le Toefuataiga.

Ia Saunia e Aoao Atu

O nei faamatalaga e tuuina atu ai i faiaoga ni manatu i ni mea e ao ona saunia mamao i ai mo lesona taitasi.

1 Nifae 11

Faamoemoega o le lesona: O lenei lesona e mafai ona fesoasoani i tamaiti aoga ia lagonaina le alofa o le Tama Faalelagi ma Iesu Keriso mo i latou.

• Sauniuniga a le tamaitiiti aoga: Valaaulia tamaiti aoga e aumai se mea i le vasega e faailoa mai ai se auala se tasi e faaalia ai e le Atua Lona alofa mo i latou.

• Ata: Ata eseese mai le soifuaga ma le galuega a Iesu Keriso

• Vitio: “Ou Te Lagona le Alofa o Lo’u Faaola” (3:39)

• Fautuaga faafaiaoga faavitio: A o sailiili e tamaiti aoga le 1 Nifae 11:26–33, faaali atu ata o mea na tutupu mai le soifuaga o le Faaola o loo ta’ua i fuaiupu. Valaaulia tamaiti aoga e faasoa mai le ala na faapupula ai e mea taitasi na tutupu le faamaualalo o le Atua.

1 Nifae 13–14

Faamoemoega o le lesona: O le faamoemoega o lenei lesona o le fesoasoani lea i tamaiti aoga ia malamalama i le taua o feagaiga ma ia faateleina le manao o tamaiti aoga e osia ma tausia i latou.

• Sauniuniga a le tamaitiiti aoga: Mafaufau e valaaulia tamaiti aoga e omai saunia e faasoa mai mea latou te manatu o nisi o mea aupito sili ona taua na tutupu i le 500 tausaga ua mavae.

• Anotusi e faaali atu: O le suega puupuu e faatatau i le 1 Nifae 13–14, ua faaalia pe kopiina i luga o le laupapa

• Vitio: “Tutu i Nofoaga Paia” (5:36)

• Fautuaga faafaiaoga o fonotaga vitio: Mafaufau e faaaoga se polokalama o se suega puupuu e fatu ai ma faasoa atu le suega ina ia mafai ona maua e tamaiti aoga i a latou masini feaveai po o palausa. E mafai ona faia e tamaiti aoga le suega puupuu i le amataga o le lesona.

1 Nifae 13:20–42

Faamoemoega o le lesona: O lenei lesona e mafai ona fesoasoani i tamaiti aoga ia malamalama i le ala e fesoasoani ai le Tusi a Mamona ma isi mau ua faaalia e toefuatai ai upumoni manino ma pele o le talalelei a le Faaola.

• Sauniuniga a le tamaititi aoga: Mafaufau e valaaulia tamaiti aoga e o mai saunia e faasoa mai se mea na latou aoaoina talu ai nei mai a latou suesuega patino o tusitusiga paia.

• Mea faitino: O se uila vilivae po o se ata o se uila vilivae

• Anotusi e faaali atu: O le lisi o autu ma mau e faatatau i upumoni manino ma pele, ua faaalia pe kopiina i luga o le laupapa

• Fautuaga faafaafaiaoga faavitio: Mafaufau e vaevae tamaiti aoga i ni vaega ma atofa atu i vaega taitasi se tasi o autu e faatatau i upumoni manino ma pele. Valaaulia tamaiti aoga e talanoaina fuaitau o mau e fetaui i la latou vaega ona filifili lea o se failauga. Toe aumai faatasi le vasega ma valaaulia failauga taitasi e faasoa mai mea na talanoaina e a latou vaega.

Iloilo Lou Aoaoina 1

Faamoemoega o le lesona: O lenei lesona ua faamoemoe e fesoasoani i tamaiti aoga e iloilo sini na latou faatulagaina ma le tuputupu ae ua latou oo i ai i le taimi o a latou suesuega o le Tusi a Mamona.

• Sauniuniga a le tamaitiiti aoga: Valaaulia tamaiti aoga e omai saunia i le vasega e faasoa mai se mea na latou aoaoina mai le Tusi a Mamona lea na fesoasoani latou te lagona ai le latalata atili atu ia Iesu Keriso.

• Anotusi e faaali atu: O le iloiloga faaletagata lava ia o le suesueina o tusitusiga paia i le amataga o le lesona

• Fautuaga faafaiaoga faavitio: Mo le “Gaoioiga 3: O se tusiga faaagafesootai,” mafaufau e tuu atu i tamaiti aoga le avanoa e faasoa mai ai se mea ua latou aoaoina mai le Tusi a Mamona. Mafaufau foi e tuuina atu se molimau patino e uiga i le latalata atili atu ia Iesu Keriso e ala i le suesueina o le Tusi a Mamona.

Atamai i Aoaoga Faavae Iloiloga 1

Faamoemoega o le lesona: O lenei lesona ua faamoemoe e fesoasoani ai i tamaiti aoga e sue, maka, ma faataitai le taulotoina o mau faasino ma fasifuaitau autu o mau mo fuaitau muamua e 12 o le atamai i aoaoga faavae o le Tusi a Mamona.

• Manatua: E ono manaomia ona aoaoina se lesona o le fuaitau o atamai i aoaoga faavae e suitulaga i lenei lesona toe iloilo. Tagai i le faasologa faatulagaina o lesona ua saunia e le faatonu o le eria po o le itulagi po o le taitai faamaopoopo ia mautinoa o lesona taitasi o fuaitau o le atamai i aoaoga faavae o le a aoaoina a o faagasolo vasega seminare.

• Sauniuniga a le tamaitiiti aoga: Valaaulia tamaiti aoga e toe iloilo mau faasino ma fasifuaitau autu o mau mo fuaitau muamua e 12 o le atamai i aoaoga faavae o le Tusi a Mamona. E mafai e tamaiti aoga ona maua nei fuaitau i le Pepa Autu o le Atamai i Aoaoga Faavae (2022) po o le polokalama o le Atamai i Aoaoga Faavae.

• Anotusi e faaali: O se siata o loo faaalia ai fasifuaitau muamua e 12 o mau o le atamai i aoaoga faavae

• Fautuaga faafaiaoga i faavitio: Mafaufau e faaaoga vaevaega i potu e faataga ai tamaiti aoga e faamasani le tasi i le isi a o latou sueina mau ma tauloto fasifuaitau autu o mau.