2 Նեփի 2.1–16

«Տեր Աստված տվեց մարդուն, որ նա գործի ինքնուրույն»

Լեքին՝ Հակոբին ուսուցանելիս

Պատկերացրեք ձեր կյանքը, եթե ոչ մի ընտրություն չունենայիք: Կամքի ազատությունը կամ ընտրելու զորությունն Աստծո կողմից մեզ տրված մեծագույն պարգևներից է: Լեքիի որդի Հակոբն արդեն փոքր տարիքում շատ դժվարություններ էր ունեցել, ուստի Լեքին նրան ուսուցանեց արժեքավոր ճշմարտություններ Փրկչի և ընտրության ազատության մասին: Այս դասը կօգնի ձեզ ավելի լավ հասկանալ կամքի ազատության նշանակությունը Երկնային Հոր ծրագրում:

Տալ հարցեր, որոնք ինքնաճանաչում են բերում: Ուսանողներին սուրբ գրությունների, Փրկչի մասին իրենց զգացողությունների, Նրա ուսմունքների կամ սկզբունքների կիրառման մասին խորհելու տեղիք տվող հարցերը կարող են նպաստել մտորելուն, որը Հոգին կարող է օգտագործել ուսուցանելու համար: Ուսանողներին բավարար ժամանակ հատկացրեք արդյունավետորեն խորհելու և գրելու համար:

Ուսանողի նախապատրաստում. ուսանողներին առաջարկեք հիշել և կազմել այժմ ու նախորդ դասի միջև ընկած ժամանակահատվածում իրենց կատարած կարևոր ընտրությունների ցանկը: Նրանց խնդրեք պատրաստվել և պատմել, թե ընտրությունն ինչու է կարևոր մեր մահկանացու կյանքի և Երկնային Հոր փրկության ծրագրի համար:

Հնարավոր ուսումնական վարժություններ

Կարևոր ընտրություններ

Ստորև ներկայացվող վարժությունն օրագրերում կատարելու համար ուսանողներին առաջարկեք օգտագործել դասի համար նախապատրաստածը:

Հաջորդող երկու րոպեի ընթացքում գրեք վերջին մի քանի օրերին ձեր կատարած կարևոր ընտրություններից մի քանիսը:

• Ըստ ձեզ՝ ընտրությունն ինչո՞ւ է կարևոր մեր մահկանացու կյանքի և Երկնային Հոր փրկության ծրագրի համար:

Խորհեք, թե ինչ եք սովորել ընտրություններից, որոնցով հպարտանում եք, և որոնց համար ափսոսում եք: Այս դասի ընթացքում ուսումնասիրություն կատարելիս փնտրեք Սուրբ Հոգու առաջնորդությունը, որպեսզի իմանաք, թե ինչը կարող է օգնել ձեզ ավելի լավ հասկանալ և օգտագործել ընտրություն կատարելու ձեր ունակությունը: Եթե ունեք կամքի ազատության վերաբերյալ հարցեր, նույնպես աղոթեք և ուսումնասիրելու ընթացքում փնտրեք պատասխաններ:

Կամքի ազատության կարևոր ոլորտները

Լեքիի որդի Հակոբը ծնվել էր անապատում՝ Երուսաղեմից նրա ընտանիքի հեռանալուց հետո: Լեքին իր մահվանից քիչ առաջ Հակոբին կարևոր ճշմարտություններ ուսուցանեց կամքի ազատության մասին:

Կարդացեք 2 Նեփի 2.1–4 հատվածները և գտեք, թե Լեքին ինչպես սկսեց իր ուղերձը Հակոբին: Օգտակար կլինի իմանալ, որ «նվիրագործել» բառը նշանակում է նվիրաբերել կամ սրբագործել (Սուրբ գրքերի ուղեցույցում տե՛ս «Նվիրաբերում, նվիրաբերման օրենքը» [scriptures.ChurchofJesusChrist.org]):

• Շատ փորձությունների հանդիպած մարդու համար ինչո՞ւ է կարևոր հասկանալ ընտրության զորության կարևորությունը:

• Այս հատվածի ճշմարտություններից որո՞նք են առավել նշանակալից ձեզ համար: Ինչո՞ւ:

պատկերակ, գրառում

Ցուցադրեք ստորև ներկայացվող տեղեկությունը կամ տվեք այն ուսանողներին որպես օժանդակ նյութ: Երեք տարբերակներից մեկը կարող եք հանձնարարել տարբեր ուսանողների կամ խմբերի: Նաև կարող եք ուսանողներին խմբերի բաժանել և առաջարկել նրանց տրված ժամանակում որքան կարող են շատ բան ուսումնասիրել:

Մեր ընտրելու զորությունը

Մորմոնի Գիրք. Ուսուցչի ձեռնարկ (2024). «2 Նեփի 2.1–16»

Տարբերակ Ա. ընտրելու մեր զորությունն ի՞նչ է ուսուցանում մեզ Աստծո մասին:

Կարդացեք 2 Նեփի 2.14, 16 հատվածը և գտեք, թե Լեքին ինչ էր ուսուցանում Աստծո և մեր կամքի ազատության մասին:

• Ի՞նչ եք սովորել։

• Ինչո՞ւ է կարևոր հասկանալ, որ Աստված մեզ գործելու ինքնուրույնության զորություն է տալիս:

• Ի՞նչ զգացողություն է տալիս ձեզ այն, որ Երկնային Հայրը վստահում է ձեզ՝ կատարելու ձեր սեփական ընտրությունները:

Մտածեք մի օրինակ, որտեղ կամքի ազատությունն օգտագործել եք այնպես, որ ունեցել եք Երկնային Հորը գոհացնելու զգացողություն:

• Ըստ ձեզ՝ ինչո՞ւ է ձեր ընտրությունը գոհացրել Աստծուն:

Նաև գուցե օգտակար լինի ձեր կատարած բոլոր այն ընտրությունների մասին մտորելը, որոնք հնարավոր է՝ չեն գոհացրել Աստծուն, և ինչ եք սովորել դրանցից:

Տարբերակ Բ. Ի՞նչ է տվել մեզ Աստված, որպեսզի օգնի մեզ իմաստուն կերպով ընտրություն կատարել:

Կարդացեք 2 Նեփի 2.5, 13 և Մորոնի 7.16 հատվածները՝ փնտրելով հետևյալ ճշմարտությունները: Նկատի ունեցեք, որ «օրենքը» վերաբերում է Աստծո պատվիրաններին:

• Մենք պետք է տարբերենք չարը բարուց, որպեսզի լիարժեք կիրառենք մեր կամքի ազատությունը:

• Կամքի ազատություն ունենալու համար մենք պետք է օրենք ունենանք:

• Ի՞նչ եք սովորում Երկնային Հոր և Հիսուս Քրիստոսի մասին այն ճշմարտությունից, որ Նրանք յուրաքանչյուրին տալիս են բավարար գիտելիք չարի և բարու մասին, որպեսզի մարդիկ կարողանան իրենց ընտրությամբ լինել արդարակյաց, թե ամբարիշտ:

• Ի՞նչ տեղի կունենար, եթե չլինեին օրենքը կամ պատվիրանները:

Տարբերակ Գ. Ինչո՞ւ ենք հակադրություն զգում մեր բարի ընտրությունների նկատմամբ:

Կարդացեք 2 Նեփի 2.11, 16 հատվածները և փնտրեք լրացուցիչ ճշմարտություններ, որոնք Լեքին ուսուցանում էր կամքի ազատության մասին:

• Ի՞նչ գտաք:

• Ըստ ձեզ՝ Երկնային Հոր ծրագրում ինչո՞ւ է հակադրությունը կամքի ազատության անհրաժեշտ կողմ համարվում:

• Ի՞նչ ձևերով ենք մենք գայթակղվում՝ կատարելու ճիշտ կամ սխալ ընտրություններ:

Կարդացեք Տասներկու Առաքյալների Քվորումից երեց Ջեֆրի Ռ. Հոլլանդի հետևյալ ելույթը, որը կօգնի ձեզ հասկանալ այս ճշմարտությունը.

Երեց Ջեֆրի Ռ. Հոլլանդ

Աստծո նախաերկրային զավակները չէին կարող դառնալ նրա նման … մինչև նրանք չստանային … փորձառություն մի վայրում, որտեղ ներկա էին թե՛ բարին և թե՛ չարը: …

… Մենք ուզում էինք ունենալ հնարավորություն … հակադրել բարին և չարը և լինել բավականաչափ ուժեղ՝ բարին ընտրելու համար (Ջեֆրի Ռ. Հոլլանդ, Քրիստոսը և Նոր Ուխտը. Մորմոնի Գրքի Մեսիական Ուղերձը [1997], 200, 204):

Մտածեք այն եղանակների մասին, որոնցով սովորում եք ընտրել բարին, նույնիսկ երբ գայթակղվում եք չարի կողմից: Ձեր մտքերը կարող եք գրել ձեր օրագրում: Կարող եք նաև խորհել այն եղանակների շուրջ, որոնցով կարող եք օգնություն փնտրել բոլոր այն որոշումների համար, որոնք հնարավոր է՝ ցանկանում եք փոխել:

Մենք ունենք Փրկչի կարիքը

Մահկանացու կյանքում կատարյալ կերպով կամքի ազատություն դրսևորեց միայն Փրկիչը: Մենք բոլորս մեղքեր ենք գործում և առանց օգնության բոլորս «կորչում ենք … և դառնում հավիտյան թշվառ» (2 Նեփի 2.5):

Կարող եք օգտագործել այստեղ ներկայացված «Բացատրական և պատմական տեղեկություններ» բաժնի տեղեկությունները, որպեսզի օգնեք ուսանողներին ավելի լավ հասկանալ, թե ինչ է ուսուցանվում 2 Նեփի 2.6–8 հատվածում:

Սա իմանալով՝ կարդացեք 2 Նեփի 2.6–8 հատվածը՝ տեսնելու, թե ինչ է արել Հիսուս Քրիստոսը բոլորիս համար:

• Փրկիչը ինչպե՞ս որոշեց օգնել ձեզ:

Մի սկզբունք, որի մասին Լեքին վկայել է, այն էր, որ Իր Քավությամբ Փրկիչը փրկեց մեզ մեր մեղքերից:

• Հիսուս Քրիստոսի մասին այս մտքի ըմբռնումը ինչպե՞ս է ազդում Նրա հանդեպ ունեցած ձեր զգացողությունների վրա:

• Ի՞նչ եք սովորում Փրկչի՝ ընտրություններ կատարելու օրինակից:

Ուսանողներին առաջարկեք մտածել հետևյալի շուրջ՝ առանց պատասխանները բարձրաձայն ասելու, քանի որ դրանք խիստ անձնական կարող են լինել:

Մտածեք որևէ ժամանակի մասին, երբ Հիսուս Քրիստոսի օգնությամբ զղջացել եք որևէ մեղքի համար: Զղջալն ինչպե՞ս ազդեց ձեզ վրա:

Նախքան այս դասն ավարտելը՝ ուսանողներին կարող եք հնարավորություն տալ ամփոփել կամքի ազատության մասին հասկացածը և կիսվել դրանով: Հետևյալ վարժությունը դա անելու եղանակներից մեկն է:

Պատկերացրեք, որ ձեր տարածքում միսիոներներն ուսուցանում են երիտասարդների, որոնք առաջին անգամն են լսում Երկնային Հոր ծրագրի մասին: Միսիոներներն առաջարկում են ձեզ գալ այդ երիտասարդների հետ նշանակված հաջորդ ուսուցողական հանդիպմանը: Նրանք խնդրում են ձեզ պատրաստել մտքեր 2 Նեփի 2 գլխից այն մասին, թե Երկնային Հոր ծրագրում ինչ կարևորություն ունի կամքի ազատությունը: Կազմեք և համառոտ նկարագրեք, թե ինչ կուսուցանեիք: Ներառեք հետևյալը.

1. Առնվազն երկու սուրբ գրություն 2 Նեփի 2.1–16, 26 հատվածից, դրանց առնչվող ճշմարտությունները՝ ներառելով համառոտ բացատրություն, թե ինչու են դրանք իմաստալից կամ կարևոր

2. Ինչպե՞ս կարող է Հիսուս Քրիստոսի զոհաբերությունն ազդել մեր ընտրությունների վրա

3. Այդ ճշմարտություններն ինչպես կարող են փոխել մեր կյանքը

   Ուսանողներին բաժանեք զույգերի կամ փոքր խմբերի և առաջարկեք նրանց միմյանց հետ կիսվել իրենց նկարագրություններով: Ժամանակի առկայության դեպքում կարող եք նկարագրությունները դերախաղով ներկայացնելու հնարավորություն տալ և առաջարկել ուսանողներին ուսուցանել միմյանց:

Ձեր նկարագրությունն ավարտելուն պես փնտրեք Սուրբ Հոգու առաջնորդությունը, երբ սկսեք մտածել, թե ինչպես կարող եք հիշել այդ ճշմարտությունները, և դրանք հիշելն ինչպես կարող է օրհնել ձեր կյանքը: Օրինակ՝ ձեր հեռախոսում կարող եք էկրանապահ դնել, ձեր հայելու վրա ծանուցաթերթիկ փակցնել կամ անել մեկ այլ բան, որը թույլ կտա ձեզ անընդհատ տեսնել և հիշել այդ ճշմարտությունները:

Բացատրական և պատմական տեղեկություններ

Ինչո՞ւ են նեղությունը և հակադրությունը գալիս իմ կյանք:

Դիտեք «Մոտենալ Աստծո գահին վստահությամբ» տեսանյութի 7:27-8.30՝ տեսնելու Յոթանասունից երեց Յորգ Քլեբինգաթի բացատրությունը այս հարցի հնարավոր պատասխանների վերաբերյալ:

2 Նեփի 2.4: Ի՞նչ է նշանակում «փրկությունն անհատույց է»:

Ասել, որ «փրկությունն անհատույց է», նշանակում է, որ 1) այն անհատույց հասանելի է Աստծո բոլոր զավակների համար, և որ 2) այն հնարավոր չէ գնել, փոխանակել կամ վաստակել միայն մեր բարի գործերով. այն Աստծո բոլոր պարգևներից մեծագույնն է (2 Նեփի 2.4, Վարդապետություն և Ուխտեր 6.13, 14.7): Այն «անհատույց» չէր Քրիստոսի համար, որը պետք է վճարեր արդարադատության պահանջները բավարարելու գինը: Այն «անհատույց» չէ մեզ համար, քանի որ պահանջվում է հավատք և զղջում: Այս պարգևն անհատույց հասանելի է, բայց պահանջում է Փրկչին և պարգևն ընդունելու մեր ջանքերը:

«Պողոսը վկայել է. «Քանզի ինչպես Ադամով ամենը մեռնում են, այնպես էլ Քրիստոսով ամենը կենդանանում են» (Ա Կորնթացիս 15.22): Այս իմաստով յուրաքանչյուրը փրկված է՝ անկախ կյանքի ընթացքում կատարած ընտրություններից: Դա Փրկչի անհատույց պարգևն է բոլոր մարդկային էակներին» (Ավետարանական թեմաներ, «Փրկություն», topics.ChurchofJesusChrist.org):

Ի՞նչ կարող եմ սովորել Փրկչի և Նրա Քավության մասին 2 Նեփի 2.6–8 հատվածից:

Փրկագնել նշանակում է «ազատել, գնել կամ փրկագնել, ինչպես մեկին ազատել ստրկությունից վճարելու միջոցով» (Սուրբ գրքերի ուղեցույց, «Փրկագնել, Փրկագնված, Փրկագնում», scriptures.ChurchofJesusChrist.org):

Այս իմաստով շնորհ նշանակում է Փրկչի բարի կամքը, բարությունը, զորությունը և սերը: Նա ճշմարտության մարմնացումն է (տես Հովհաննես 14.6), և Աստծո զորության բոլոր հատկանիշները բնակվում են Քրիստոսում (տես Կողոսացիս 2.9):

Մենք անկարող ենք ինքներս վաստակել կամ արժանանալ փրկության, քանի որ «ամենը մեղանչել են» (Հռովմայեցիս 3.23, տես նաև Ալմա 22.14): Քանի որ Փրկիչն անմեղ է և ունի ողջ զորությունը, մենք միայն Նրա արժանիքներով (բարություն կամ գերազանցություն) կարող ենք փրկվել:

Շնորհն ու ողորմածությունը նման են և փոխկապակցված, բայց կարևոր ձևերով տարբեր են: Ստանալ ողորմածություն՝ նշանակում է չստանալ այն, ինչին մենք արժանի ենք (պատիժ): Ստանալ շնորհ՝ նշանակում է ստանալ այն, ինչին մենք արժանի չենք (օրհնություններ): Հետևաբար, Փրկչի զոհաբերությունն օգնում է մեզ խուսափել մեղքի արժանի պատժից ու նաև թույլ է տալիս մեզ ստանալ շնորհներ, որոնց արժանի չենք:

2 Նեփի 2.7 Ի՞նչ է նշանակում ունենալ կոտրված սիրտ և փշրված հոգի:

Դիտեք «Երբ Դու դարձի եկար» տեսանյութը 7:00-8:32, տեսնելու Տասներկու Առաքյալների Քվորումից երեց Դ. Թոդ Քրիստոֆերսոնի բացատրությունն այս հարցի պատասխանի վերաբերյալ:

Օժանդակ ուսումնական վարժություններ

2 Նեփի 2.1–2 Աստված կարող է նվիրագործել մեր չարչարանքները մեր օգտի համար

Ուսանողներին առաջարկեք մտածել այն փորձությունների, ձախորդությունների կամ չարչարանքների մասին, որոնց նրանք հիմա բախվում են: Խնդրեք նրանց կարդալ 2 Նեփի 2.1–2 հատվածը և գտնել չարչարանքների մասին այն ճշմարտությունը, որ Լեքին ուսուցանում էր Հակոբին: Նրանց առաջարկեք գտնել այն ճշմարտությունը, որ Աստված կարող է նվիրագործել մեր չարչարանքները մեր օգտի համար: Այնուհետև, նրանք կարող են մտածել իրենց և ուրիշների չարչարանքների մասին և կիսվել, թե ինչ օգուտ ստացան այդ չարչարանքներից: Ուսանողներին առաջարկեք մտածել այս ճշմարտության մասին, երբ նրանք ձախորդության մեջ կլինեն, որը կօգնի նրանց պահպանել հավերժության հեռանկարը:

2 Նեփի 2.1–9: Փրկագնում Քրիստոսի միջոցով

Եթե ուսանողների համար օգտակար կլինի մեր փրկագնման մեջ Փրկչի դերի վրա կենտրոնանալը, նրանց առաջարկեք ստորև ներկայացրածի օրինակով մի աղյուսակ կազմել: Ուսանողներին առաջարկեք 2 Նեփի 2.1–9 հատվածում գտած ճշմարտությունների հիման վրա լրացնել աղյուսակի յուրաքանչյուր կողմը (կարող եք առաջարկել «Բացատրական և պատմական տեղեկություններ» բաժնում ներկայացված ելույթները, որպեսզի օգնեք ուսանողներին հասկանալ այդ հատվածները): Ուսանողներին բավարար ժամանակ տրամադրելուց հետո նրանց առաջարկեք կիսվել, թե որն էր ամենաիմաստալիցը նրանց համար, որ սովորեցին և ինչու: Նրանց առաջարկեք հաճախ մտածել այն մասին, թե ինչ արեց Փրկիչը, և ինչու է կամքի ազատության պարգևն այդքան սրբազան:

Փրկիչն ինչպե՞ս օգտագործեց Իր կամքի ազատությունը, և ինչ է դա նշանակում ինձ համար.	Ես ինչպե՞ս կարող եմ և պետք է կիրառեմ իմ սեփական կամքի ազատությունը այն բանի պատճառով, ինչ Քրիստոսն արեց.
Փրկիչն ինչպե՞ս օգտագործեց Իր կամքի ազատությունը, և ինչ է դա նշանակում ինձ համար.	Ես ինչպե՞ս կարող եմ և պետք է կիրառեմ իմ սեփական կամքի ազատությունը այն բանի պատճառով, ինչ Քրիստոսն արեց.

handout