2 Nephi 3–5

Kinatibuk-ang Pagpasabot

Sa wala pa siya mamatay, si Lehi mikutlo sa panagna nga gihimo ni Joseph sa Ehipto mahitungod ni Joseph Smith mga 1,700 ka tuig sa wala pa ang pagkatawo ni Kristo. Human sa kamatayon ni Lehi, si Nephi misulat mahitungod sa pipila sa iyang lawom nga mga pagbati, nagpakita kanato pinaagi sa ehemplo kon sa unsang paagi kita modangop ngadto sa Ginoo kon kita makasinati sa mga hagit sa mortalidad. Tungod kay sila si Laman ug Lemuel nagplano sa pagpatay kaniya, si Nephi gipasidan-an sa pagdala sa “kadto sila kinsa mituo sa mga pasidaan ug mga pagpadayag sa Dios” (2 Nephi 5:6) ug molayas ngadto sa kamingawan. Siya ug kadtong misunod kaniya mitukod og bag-ong komunidad, diin sila milambo ug mipuyo og mga kinabuhi nga miresulta sa kalipay.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Doktrinal nga Kahanas: 2 Nephi 2:27

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran sa doktrinal nga kahanas ug sa mahinungdanong hugpong sa mga pulong sa kasulatan alang sa 2 Nephi 2:27, makapasabot sa doktrina, ug makagamit sa mga baroganan sa pag-angkon og espirituhanong kahibalo sa tinuod nga mga kahimtang sa kinabuhi.

• Pagpangandam sa estudyante: Dapita ang mga estudyante sa pagsulay sa pagsag-ulo sa 2 Nephi 2:27. Pahinumdumi ang mga estudyante nga mahimo silang mogamit sa Doktrinal nga Kahanas nga app.

• Sugyot sa pagtudlo pinaagi sa videoconference: Ikonsiderar ang pagbutang og link sa Mahinungdanon nga Dokumento sa Doktrinal nga Kahanas (2022) sa chat kon sugdan nimo ang seksiyon sa “Pagbansay sa paggamit” sa leksiyon aron dali nga makit-an sa mga estudyante ang dokumento.

2 Nephi 3

Katuyoan sa leksiyon: Ang katuyoan niini nga leksiyon mao ang pagtabang sa mga estudyante sa pagpalawom sa ilang pagpamatuod sa balaanong calling ni Propeta Joseph Smith.

• Pagpangandam sa estudyante: Dapita ang mga estudyante sa pagbasa o pagtan-aw sa pakigpulong ni Elder Neil L. Andersen nga “Joseph Smith,” gikan sa Oktubre 2014 nga kinatibuk-ang komperensiya (Liahona, Nob. 2014, 28–31), ug pangitaa kon nganong importante ang pagbaton og personal nga pagpamatuod nga si Joseph Smith gitawag sa Dios.

• Content nga ipakita: Ang mga hulagway sa upat ka mga Joseph sa sinugdanan sa leksiyon

• Sugyot sa pagtudlo pinaagi sa videoconference: Ikonsiderar ang pagbahin sa mga estudyante ngadto sa breakout nga mga grupo aron hisgotan ang ilang mga hunahuna ug mga pagbati mahitungod kang Joseph Smith o paghatag og pagpamatuod nga siya usa ka propeta.

2 Nephi 4

Katuyoan sa leksiyon: Kini nga leksiyon makatabang sa mga estudyante nga matinud-anong mosanong sa tintasyon ug pagkawalay kadasig pinaagi sa pagdangop ngadto sa Ginoo.

• Pagpangandam sa estudyante: Ikonsiderar ang pagdapit sa mga estudyante sa pagpangayo og tabang sa Dios sa usa ka tintasyon o hagit nga ilang giatubang.

• Handout: “Ang Salmo ni Nephi ug Ako”

• Sugyot sa pagtudlo pinaagi sa videoconference: Pagpili og bisan usa sa mga pamahayag gikan sa seksiyon nga “Komentaryo ug Background nga Impormasyon” ug pangandam sa pagpakita niini alang sa mga estudyante samtang sila mopaambit sa ilang mga hunahuna ug mga pagbati mahitungod sa 2 Nephi 4.

2 Nephi 5:1–9

Katuyoan sa leksiyon: Kini nga leksiyon makatabang sa mga estudyante sa pagsunod sa mga pasidaan nga mahigugmaong gihatag sa Ginoo aron mapanalipdan sila.

• Pagpangandam sa estudyante: Ikonsiderar ang pagdapit sa mga estudyante sa pagtambong sa klase nga andam sa pagpaambit og kasinatian sa dihang adunay mihatag kanila og pasidaan nga ilang gikapasalamat.

• Content nga ipakita: Mga timailhan sa pasidaan o mga hulagway sa mga timailhan sa pasidaan

• Butang sa leksiyon: Usa ka butang nga hugaw o pilit nga anaa sa usa sa mga lingkoranan ug mga timailhan sa pasidaan sa palibot sa lingkoranan

• Bidyo: “Ang mga Nephite Milayas ngadto sa Kamingawan” (5:33; tan-awa gikan sa time code 0:00 hangtod sa 3:21)

• Mga materyal alang sa mga estudyante: Usa ka kopya sa Alang sa Kalig-on sa mga Kabatan-onan (booklet, 2011) alang sa matag estudyante o mga kopya nga pagasaw-an sa ginagmay nga mga grupo sa mga estudyante

• Sugyot sa pagtudlo pinaagi sa videoconference: Sa sinugdanan sa leksiyon, imbis nga dapiton ang mga estudyante sa pagbasa sa pasidaan nga gihatag sa Ginoo kang Nephi, ikonsiderar ang pagpasalida sa bidyo nga “Ang mga Nephite Milayas ngadto sa Kamingawan” (5:33) gikan sa time code 0:00 hangtod sa 3:21.

2 Nephi 5

Timan-i: Kini nga leksiyon gibahin ngadto sa tulo ka gagmay nga mga kalihokan. Ikonsiderar ang pagdapit daan og tulo ka mga estudyante sa pag-andam sa pagtudlo sa klase gamit niini nga mga kalihokan.

Katuyoan sa leksiyon: Kini nga leksiyon makatabang sa mga estudyante sa pagkahibalo kon unsay ilang mahimong buhaton aron mabuhi subay sa paagi sa kalipay.

• Pagpangandam sa estudyante: Dapita ang mga estudyante sa paghisgot uban sa usa ka kasaligan nga higala o sakop sa pamilya sa kalainan tali sa kalipay ug kalingawan.

• Butang: Ang mga handout para sa tulo ka gagmay nga mga kalihokan nga ihatag daan ngadto sa mga estudyante, kon gi-assign

• Sugyot sa pagtudlo pinaagi sa videoconference: Imbis nga i-assign daan ang tulo ka mga kalihokan ngadto sa tulo ka mga estudyante, mahimo nimong bahinon ang klase ngadto sa mga grupo sa tinagtulo ug tahasan ang matag estudyante sa matag grupo og usa sa tulo ka mga kalihokan. Dayon gamita ang mga breakout room aron tugotan ang mga estudyante sa pagtudlo sa ilang mga grupo kon unsay ilang giandam. Kon imong gamiton kini nga opsiyon, ikonsiderar ang pagbalhin gikan sa usa ka grupo ngadto sa laing grupo samtang ang mga estudyante nagtudlo.