2 Нифай 6; 10

Израилын цугларалт

Номлогчид нэгэн эртэй гар барьж байгаа нь

Судрууд дахь олон бошиглол хожмын өдрүүд буюу өнөөгийн бидний амьдарч буй цаг үеийн үйл явдлыг өгүүлдэг. Нифайн ах Иаков бидний цаг үеийн талаар болон Израилын цугларалтын тухай бошиглолоо хуваалцсан нь бидэнд Их Эзэний хожмын өдрүүдийн ажил үйлс дэх үүргээ ойлгоход тусалж чадна. Энэ хичээл танд Израилын хожмын үеийн цугларалтад Их Эзэний хамт оролцох илүү их хүслийг мэдрэхэд тань тусална.

Идэвхтэй суралцах орчныг бүрдүүлэх. Зарим тохиолдолд суралцагчдын оролцоог нэмэгдүүлж, биеэр хийх үйл ажиллагаагаар дамжуулан анхаарлыг нь татах нь тохиромжтой байж болно. Суралцагчдад хөдөлгөөн хийх замаар оролцоход нь тусалж болно. Жишээлбэл: Суралцагчид суудлаа солих, самбарт бичих, судрыг босож зогсоод унших эсвэл судрын түүхээс тоглож үзүүлэх гэх зэрэг байж болно.

Суралцагчийн бэлтгэл: Суралцагчдад Израилын цугларалтад оролцсон туршлагаасаа хуваалцахад бэлдэж ирэхэд урь.

Боломжит суралцах үйл ажиллагаа

Чухал үйл явдал болж байна

Ерөнхийлөгч Рассэлл М.Нэлсоны дараах мэдэгдлийг нэг нэгээр дэлгэцэд гаргаж, солигдохоос нь өмнө мэдэгдэл тус бүрийг бодож тунгаах хугацааг суралцагчдад өгөхөөр түр хүлээ.

Дараах эшлэлийг ерөнхийлөгч Рассэлл М.Нэлсоны хуваалцсан мэдээнээс авав. Та эдгээрийг уншихдаа ерөнхийлөгч Нэлсон юун тухай өгүүлсэн байж болохыг бод.

• “Яг одоо энэ дэлхий дээр илүү чухал ямар ч зүйл үгүй. … Үүнээс илүү агуу үр дагавартай зүйл гэж үгүй. Бүр огт байхгүй” (Рассэлл М.Нэлсон, Вэнди В.Нэлсон, “Израилын найдвар” [өсвөр үеийнхэнд зориулсан дэлхий даяарх онцгой цугларалт, 2018 оны 6-р сарын 3], ChurchofJesusChrist.org).

• “Энэ … та нарын хувьд хамгийн чухал зүйл байх ёстой” (Рассэлл М.Нэлсон, “Израилын найдвар”).

• “Энэ бол та бүхний дэлхийд илгээгдсэн тэрхүү зорилго юм” (Рассэлл М.Нэлсон, “Израилын найдвар”).

• Таны бодлоор ерөнхийлөгч Нэлсон эдгээр мэдэгдэлдээ ямар ямар сэдвийг дурдсан байж болох вэ?

Ерөнхийлөгч Нэлсон Израилын цугларалтыг дурдсан болохыг та бүхэн мэдсэн байх. ChurchofJesusChrist.org хаягаас “Израилын найдвар” видеог цагийн код 39:36-аас 40:05 хүртэл үз эсвэл ерөнхийлөгч Нэлсоны бүтэн мэдэгдлийг харахын тулд дараахыг уншаарай.

Ерөнхийлөгч Рассэлл М.Нэлсон

Гайхалтай өсвөр үеийнхэн минь ээ, та нар Израилыг цуглуулахад туслахаар энэ дэлхийн түүхэн дэх хамгийн чухал энэ цаг үед, энэ дэлхийд илгээгдсэн. Одоо энэ дэлхий дээр үүнээс илүү чухал ямар ч зүйл үгүй. Үүнээс илүү агуу үр дагавартай зүйл гэж үгүй. Бүр огт байхгүй.

Энэ цугларалт та нарын хувьд хамгийн чухал зүйл байх ёстой. Энэ бол та нарын дэлхийд илгээгдэх болсон тэрхүү зорилго юм. (Рассэлл М.Нэлсон, Вэнди В.Нэлсон, “Израилын найдвар” [өсвөр үеийнхэнд зориулсан дэлхий даяарх онцгой цугларалт, 2018 оны 6-р сарын 3], ChurchofJesusChrist.org)

• Ерөнхийлөгч Нэлсоны мэдэгдлийн тухайд та бүхэнд ямар мэдрэмж, бодол төрж байна вэ?

• Израилын цугларалтын талаар ямар асуулт та бүхэнд байна вэ?

Бүх хүн Тэнгэрлэг Эцэг, Есүс Христ хоёрт итгэх боломжийг бий болгохын тулд одоо дэлхий дээр байгаа хүмүүст сайн мэдээг тунхаглаж мөн аль хэдийн нас барсан хүмүүст зориулан гэр бүлийн түүх бичиж, ариун сүмийн ажил хийн, Израилын цугларалтад оролцох талаар бодол, мэдрэмжээ тунгаагаарай. Энэ ажил танд хэр чухал вэ? Өнөөдөр суралцах явцдаа Израилын цугларалтад Их Эзэний хамт оролцох хүсэл эрмэлзэл, чадавхаа дээшлүүлэхэд туслах сургаалуудыг эрэлхийл.

Иаков Израилын цугларалтын талаар зааж байна

Нифай Израилын хожмын үеийн цугларалтын талаарх Хуучин Гэрээний бошиглогч Исаиагийн чухал бошиглолыг хуваалцахыг өөрийн ах Иаковаас хүссэн (2 Нифай 6:4–7-г үзнэ үү).

Унших шүлгээ ойлгохоор бэлтгэхэд нь суралцагчдад туслахын тулд дараах тодорхойлолтуудыг уншиж мөн туг, дарцгийг дүрсэлсэн нэг эсвэл хэд хэдэн зургийг үзүүлж болно.

• Харийнхан: Бошиглолд дурдсанаар харийнхан гэсэн үг хэд хэдэн утгатай. Исаиагийн бошиглолд (2 Нифай 6:5–7-г үзнэ үү) Харийнхан гэсэн үгийн нэг утга нь Израилын удмын бус хүмүүсийг илэрхийлж болно ( Судруудын удирдамжийг үзнэ үү, “Харийнхан,” scriptures.ChurchofJesusChrist.org).

• Туг: “Зорилго нэгтэй эсвэл ижил төстэй хүмүүсийг тойруулан нэгтгэх дарцаг эсвэл далбаа” (Судруудын удирдамж, “Туг,” scriptures.ChurchofJesusChrist.org).

Ахмад Моронай ба эрх чөлөөний туг

Тугаа өргө

Дээрх тодорхойлолтуудыг санан 2 Нифай 6:5–7-г унш. Исаиагийн бошиглолоос чухал санагдсан хэсгүүдээ судлах тэмдэглэлдээ жагсаан бич.

Шаардлагатай бол, Исаиагийн бошиглолоос дараах чухал хэсгүүдийг олж танихад нь суралцагчдад туслаарай.

• Бурхан жишгийг тогтооно.

• Харийнхан Израилын охид, хөвгүүдийг тэвэрч, тэднийг мөрөн дээрээ үүрэх болно.

• Харийнхны хаан, хатад нь халамжлагч эцэг, эхчүүд байх болно.

• Исаиагийн бошиглолоос чухал санагдсан ямар хэсгүүдийг та олж мэдсэн бэ?

• Бошиглолын талаар өөр асуулт байна уу?

Нифай, Иаков хоёр бичээстээ энэ бошиглолыг дэлгэрүүлсэн. Дараах багц шүлгүүдээс дор хаяж нэгийг уншин, Исаиагийн бошиглолын талаар илүү гүн ойлгохыг эрэлхийл. Шүлгүүдийг 2 Нифай 6:5–7-той холбо эсвэл холбогдох эшлэлийг олох нь тустай байж болох юм.

Суралцагчдыг жижиг багуудад хуваарилж, багуудын хагасаар нь Нифайн үгийг, үлдсэн хагасаар нь Иаковын үгийг судлуулж болно. Судалсан шүлгээсээ юу сурч мэдсэнээ тайлагнах даалгаврыг суралцагчдадаа өг.

• 1 Нифай 22:6–12 (Нифайн үг)

• 2 Нифай 10:3–10 (Иаковын үг)

• Эдгээр шүлэгт Нифай, Иаков хоёр юуг заасан нь та бүхэнд 2 Нифай 6:5–7-г илүү сайн ойлгоход тусалсан бэ? Та ямар ямар шинэ ойлголт олж авсан бэ?

Дараах гурван асуулт нь уншсан шүлгээ илүү сайн ойлгоход суралцагчдад тусална. Хэрэв тэд шүлгийг аль хэдийн сайтар ойлгосон бол шууд дөрөв, тавдугаар асуулт руу шилжиж болно.

• Таны бодлоор олон хүний хувьд “агуу үнэтэй болох” эцсийн өдрүүдэд тохиох “гайхамшигт ажил” гэж юу вэ (1 Нифай 22:8)? Гайхамшигт ажил гэж юу болохыг ойлгоход нь суралцагчдад тусламж хэрэгтэй бол зүүлт тайлбарыг ашиглаж эсвэл энэ нь сайн мэдээний Сэргээлттэй холбоотой болохыг тайлбарлаж болно.

• 1 Нифай 22:12-т дурдсанчлан, тарж бутарсан израилчууд цугларснаараа юуг мэдэж авах вэ?

• Израилын хожмын үеийн цугларалтад харийнхны үндэстнүүд ямар үүрэг гүйцэтгэх вэ (1 Нифай 22:8–9; 2 Нифай 10:8–9 зэргийг үзнэ үү).

• Эдгээр сургаал Есүс Христэд болон Түүний хүмүүст хандах хандлагын талаар ойлгоход хэрхэн тусалсан бэ?

• Израилын цугларалтад гүйцэтгэх үүргээ ойлгоход тань эдгээр нь хэрхэн тусалсан бэ?

Исаиагийн бошиглолоос болон өмнөх хичээлийн ерөнхийлөгч Нэлсоны мэдэгдлээс суралцаж болох нэг үнэн бол Аврагчийн сэргээгдсэн Сүмийн гишүүдийн хувьд бид Израилын хожмын өдрүүдийн цугларалтад Их Эзэний хамт оролцох үүрэгтэй гэсэн үнэн юм.

• Их Эзэн танд хэрхэн ханддаг болохыг ойлгоход энэ үнэн хэрхэн туслах вэ?

• Аврагчийн талаар Түүнтэй цугларах хүслийг тань нэмэгдүүлсэн ямар зүйлийг та сурч мэдсэн бэ? Үүнийг бусадтай хуваалцсанаар Аврагчтай цуглах тэдний хүсэл эрмэлзлийг хэрхэн нэмэгдүүлэх вэ?

Их Эзэнд Израилыг цуглуулахад нь туслах төлөвлөгөө гарга

Ерөнхийлөгч Нэлсон Израилыг цуглуулахад туслахаар бид юу хийж болохыг тайлбарласан.

Ерөнхийлөгч Рассэлл М.Нэлсон

Бид ямар ч үед хөшигний аль аль талд байгаа хэнд ч болов Бурхантай гэрээ байгуулж, түүнийгээ сахихад нь туслахдаа Израилыг цуглуулахад тусалж байдаг. (Рассэлл М.Нэлсон, “Бурхан ялах болтугай,” 2020 оны 10-р сарын Ерөнхий чуулган, 92–93)

• Ерөнхийлөгч Нэлсоны мэдэгдлийг санаж, Их Эзэнтэй хамтарч бусдыг Түүн дээр ирэхэд нь туслахын тулд та ямар тодорхой зүйл хийж болох вэ?

• Тэнгэрлэг Эцэг, Есүс Христ хоёрт илүү их ойртоход нь эсвэл бусдыг цугларахад нь тусалсан ямар туршлага танд байна вэ?

Израилын цугларалтад хэрхэн Их Эзэнтэй илүү бүрэн дүүрэн оролцож болох талаараа бод.

Хэрэв цаг хангалттай байгаа бол тодорхой санаа бодож олоход нь суралцагчдад туслахаар дараах эх сурвалжаас нэг буюу хэд хэдийг хуваалцаж болно.

1. Ерөнхийлөгч Рассэлл М.Нэлсон Израилыг цуглуулахад хэрхэн тусалж болох талаар Сүмийн өсвөр үеийнхний санал болгосон санаануудыг хуваалцсан. ChurchofJesusChrist.org дээрх “Израилын найдвар” видеог цагийн код 40:29-өөс 43:38 хүртэл үз.

2. share.churchofjesuschrist.org холбоосоор зочилно уу.

3.  

Бусдыг Аврагч дээр цуглахаар урих эсвэл өөрөөр хэлбэл Христтэй гэрээ байгуулж, сахин Түүнд очиход нь туслахын тулд хийж чадах зүйлсийнхээ үйл ажиллагааны төлөвлөгөөг гарга. Өөрийн хэрэгжүүлж чадах тодорхой алхмуудыг заавал оруулаарай. Энэ нь танд итгэлээрээ үйлдэхэд тусална. Үүнийг хийх нэг арга нь дараах өгүүлбэрүүдийг гүйцээх явдал юм.

• Энэ өдрийн төгсгөл гэхэд би

• Энэ долоо хоногийн үлдсэн хугацаанд би

Тайлбар ба нөхцөл байдлын талаарх мэдээлэл

2 Нифай 6:6–7 дахь Исаиагийн бошиглолууд хэрхэн биеллээ олж байна вэ?

Энэхүү бошиглолын биелэлтийн нэг хэсэг болсон сайн мэдээ нь харь үндэстэн болох Америкийн Нэгдсэн Улсад сэргээгдсэн (Сургаал ба Гэрээ 109:60-ыг үзнэ үү). Сэргээгдсэн Сүм бол сүүлийн өдрүүдэд бүхий л үндэстний хүмүүс цугларах (1 Нифай 22:11–12; Исаиа 2:2–3; 11:12-г харна уу) Их Эзэний “хүмүүст зориулсан жишиг” (2 Нифай 6:6) юм.

 

Израилын цугларалтын талаар илүү ихийг хаанаас сурч мэдэж болох вэ?

 

Хэрэв Израилыг цуглуулахаар ямар нэг зүйл хийхийг хэн нэгнээс хүсэхэд минь миний урилгаас татгалзвал яах вэ?

Арван хоёр төлөөлөгчийн чуулгын ахлагч Дийтр Ф.Угдорф ийн хэлсэн.

Ерөнхийлөгч Дийтр Ф.Угдорф

Хүмүүсийг хөрвүүлэх ажил бол таны ажил биш гэдгийг ойлго. Энэ нь Ариун Сүнсний үүрэг юм. Харин та зүрх сэтгэл доторхоо хуваалцаж, итгэл үнэмшлийнхээ дагуу амьдрах үүрэгтэй.

Тиймээс хэн нэгэн хүн сайн мэдээний захиасыг шууд хүлээн авахгүй бол сэтгэлээр бүү уна. Энэ бол хувь хүнийхээ хувьд алдаа гаргаж байгаа хэрэг биш.

Энэ нь тухайн хувь хүн, Тэнгэрлэг Эцэг хоёрын хоорондын асуудал юм.

Харин та бол Бурханыг болон Түүний хүүхдүүд болох хөршөө хайрлах үүрэгтэй. (Дийтр Ф.Угдорф, “Номлолын ажил бол зүрх сэтгэл доторхоо хуваалцах явдал юм,” 2019 оны 4-р сарын Ерөнхий чуулган, 17)

Нэмэлт суралцах үйл ажиллагаа

Үндэстнүүдийн бэлгэдэл болох.

Аврагчийн сэргээгдсэн сайн мэдээ нь дэлхийд жишиг буюу бэлгэдэл болохтой холбоотой бошиглолуудын талаар илүү ихийг мэдэж авах нь суралцагчдад тустай. Үүнд туслахын тулд дараах судруудын заримыг эсвэл бүгдийг нь ангид уншиж болно: Исаиа 5:26; 11:12; 2 Нифай 29:2; Сургаал ба Гэрээ 45:9; 64:41–43; 113:5–6.

Та мөн Бригам Янг, бусад эртний Сүмийн удирдагчид Солт Лэйкийн хөндийд ирснийхээ дараахан Ensign (Инсайн) оргил дээр тугаа мандуулсан түүхийг уншиж, ярилцаж болно (Saints: The Story of the Church of Jesus Christ in the Latter Days, vol. 2, No Unhallowed Hand, 1846–1893 [2020], 67–68-ыг үзнэ үү).

Бид ичих ёсгүй.

Суралцагчдаас Сүмийн гишүүн болсноор баяр хөөр, аз жаргал, санаа зовнил, бүр ичгүүртэй байдал гэх мэт янз бүрийн мэдрэмж төрж байснаа бодоход урь. Суралцагчдад 2 Нифай 6:7, 12–13-г уншаад, Их Эзэнийг үнэнчээр хүлээснээр хүүхдүүд нь юу мэдрэх тухай Тэрээр хэрхэн заасныг эрэлхийлэхэд урь. Суралцагчид Хүүхдийн хэсгийн дуу болох “Есүс Христийн Сүм” (Хүүхдийн дууны ном, 48) дууг дуулж, Их Эзэнд итгэлтэй байж, Түүний эргэн ирэлтийг үнэнчээр хүлээхэд туслах сайн мэдээний үнэнүүдийг бодож болно.