2 Нифай 6–10

Тойм

Нифайн дүү Иаков Их Эзэний хожмын үеийн ажил дахь үүргээ ойлгоход бидэнд тусалж болох бидний өдрүүд, Израилын цугларалтын тухай бошиглолуудыг хуваалцсан. Тэрээр нифайчуудад Адам, Ева хоёрын Уналтын улмаас бүх хүн төрөлхтөнд тулгарч буй нөхцөл байдлын талаар заасан. Тэрээр Есүс Христ биднийг Уналтын үр дагавраас чөлөөлдөг хэмээн тунхаглаж, биднийг Христээс холдуулах үйлдэл, хандлага гаргахаас сэрэмжлүүлсэн. Тэрээр Өөрийн хүмүүсийг Христ рүү ирж, сайн мэдээний адислалууд дээр найрла хэмээн урьсан.

Заахад бэлд

Дараах мэдээлэл нь хичээл бүрд урьдчилан заахад бэлдсэн байх ёстой зүйлсийн талаарх санааг багш нарт өгдөг.

2 Нифай 6; 10

Хичээлийн зорилго: Энэ хичээл суралцагчдад Израилын хожмын үеийн цугларалтад Их Эзэнтэй нэгдэх илүү агуу хүслийг мэдрэхэд тусална.

• Суралцагчийн бэлтгэл: Суралцагчдыг Израилын цугларалтад оролцож байсан туршлагаа хуваалцахаар бэлдэж ирэхэд урь.

• Видео: “Израилын найдвар” (цагийн код 1:01:34; 39:36-аас 40:05, 40:29-өөс 43:38 хүртэл үз)

• Зураг: Далбаа, туг эсвэл мандуулж буй дарцаг

• Видео хурлаар хичээл заах зөвлөмж: “Их Эзэнд Израилыг цуглуулахад туслах төлөвлөгөө гарга” гэсний дагуух үйл ажиллагааны хувьд эх сурвалжуудыг чаатын онцлог дээр хуулж буулгаснаар суралцагчид тэдгээрийг хурдан ашиглах боломжтой болно. Суралцагчдад эх сурвалжтай танилцах хугацаа өгч, нэг минут үлдсэн үед сануулах нь тустай байж болох юм. Энэ нь тэдэнд хичээлээ дуусгаж, төлөвлөгөөгөө боловсруулж ангийнхантайгаа хуваалцах цаг гаргахад нь тусалж чадна.

2 Нифай 9:1–26

Хичээлийн зорилго: Энэ хичээл суралцагчдад нүгэл болоод үхлийг даван туулахад туслах Есүс Христийн үүргийг илүү их үнэлэхэд тусалж чадна.

• Суралцагчийн бэлтгэл: Суралцагчдаас 2 Нифай 9:1–26-г судлахад урих талаар бод. Тэд Есүс Христийн Цагаатгалгүйгээр бидэнд юу тохиолдохыг нэг аргаар тэмдэглэж болох ба Есүс Христ, Түүний Цагаатгалын ачаар бидэнд юу тохиолдож болохыг мөн өөрөөр тэмдэглэж болно.

•  

• Үзүүлэх материал: Аврагчтай амьдрал, Аврагчгүйгээр амьдрал ямар байхыг харуулсан хүснэгт

• Видео хурлаар хичээл заах зөвлөмж: Видео хурлын аппаараа самбарын онцлогийг ашиглаж болно. Ангийнханд хамтдаа судалж, суралцах явцдаа хүснэгтийн тал бүрийг бөглөхийг зөвшөөр.

2 Нифай 9:27–49

Хичээлийн зорилго: Энэ хичээл суралцагчдад өөрсдийгөө Есүс Христээс холдуулж, аз жаргалгүй байдал руу хөтлөх зан чанар гаргахаас сэргийлэхэд тусална.

• Суралцагчийн бэлтгэл: Суралцагчдыг одоо болон дараагийн хичээлийн хооронд хийсэн үйлдлүүдийн аль нь тэднийг Бурхантай илүү ойртуулахад тусалж, аль нь Түүнээс илүү холдсон мэт санагдахад хүргэсэн байгааг анхаарахад урь.

• Авчрах зүйлс: Хичээлийн эхэнд чихэр гэх мэт суралцагчдын хувьд “халуун эсвэл хүйтэн” тоглоомыг зугаатай болгох зүйл

•  

• Видео хурлаар хичээл заах зөвлөмж: Мөн суралцагчдын бэлтгэлийг өөр аргаар хийлгэх бол тэднээс таньдаг сүнслэг сэтгэлгээтэй хүмүүсийн жишээгээ хуваалцахаар бэлдэж ирэхэд урь. Боломжтой бол тэднийг өөрсдийнхөө сонгосон хүний зургийг авчирч, санал бодлоо хуваалцаж байх үедээ камерын өмнө харуулахыг урамшуулах талаар бодож үз.

2 Нифай 9:50-52

Хичээлийн зорилго: Энэ хичээл суралцагчдад зөвхөн Есүс Христийн өгч чадах адислал, сэтгэл хангалуун байдлыг эрэлхийлэх илүү их хүслийг мэдрэхэд туслах зорилготой.

• Суралцагчийн бэлтгэл: Суралцагчдыг урт удаан үргэлжлэх сэтгэл ханамжийг өгсөн сонголт, явсан газар, сурч мэдсэн зүйлсийнхээ талаар бодоход урь.

• Авчрах зүйлс: Шар буурцаг, гич, шингэрүүлсэн карамель, шоколад гэх мэт хүний цангааг тайлахгүй зүйлсийг аяганд хийж дүүргэнэ. (Мөн давс, жижиг гаа гэх мэт өл дарахгүй зарим хүнсний зүйл болоод жимс гэх мэт илүү тэжээллэг хүнс авчирч болно.)

• Видео хурлаар хичээл заах зөвлөмж: Суралцагчдаас тусдаа өрөө ашиглаж, 2 Нифай 9:50–52-оос олсон нэг эсвэл хэд хэдэн холбогдох эшлэлийг бүлгийнхэнтэйгээ хуваалцахыг хүс. Суралцагчид мөн бүлгийнхэнтэйгээ хамтран холбогдох эшлэлийг олох боломжтой.

Төгс эзэмших сургаалын давтлага 3

Хичээлийн зорилго: Энэ хичээл суралцагчдын ойлголтыг нэмэгдүүлэхэд тусалж, Мормоны Номын төгс эзэмших сургаалын судрын зарим хэсэгт заасан сургаалыг тайлбарлах дадлага хийх боломжийг тэдэнд олгох зорилготой.

• Суралцагчийн бэлтгэл: Суралцагчдыг Мормоны Номын төгс эзэмших сургаалын өөрсдөд нь утга учиртай нэг хэсгийг сонгож, энэ хэсэг яагаад утга учиртай болохыг ангийнхантай хуваалцахад урь.

• Авчрах зүйлс: Таны суралцагчдад А, Б, В эсвэл Г үйл ажиллагааг дуусгахад шаардлагатай зүйлс

• Видео хурлаар хичээл заах зөвлөмж: Суралцагчдад А, Б, В эсвэл Г үйл ажиллагаанд гэрээсээ ашиглаж болох эд зүйл, багаж хэрэгслийн талаар бодоход нь тусалж болно. Суралцагчдыг эд зүйлээ ангийнхантайгаа хуваалцахад урь.