2 Нифай 9:1–26

“Хязгааргүй Цагаатгал”

Адам, Ева хоёрын Уналтын улмаас бүх хүн төрөлхтөнд тулгарсан нөхцөл байдлын талаар Иаков нифайчуудад заасан. Зөвхөн Есүс Христээр болон Түүний гэтэлгэх хүчээр л хүн төрөлхтөн сүнслэг үхэл, бие махбодын үхэл хоёрыг ялж чадна гэдгийг тэрээр гэрчилжээ. Энэ хичээл танд нүгэл, үхэл хоёрыг даван туулахад Есүс Христийн гүйцэтгэх үүргийг илүүтэй талархан хүлээн авахад тань тусална.

Есүс Христэд итгэж найдахад сурахад нь суралцагчдадаа туслах. Аврагчийн Цагаатгалынхаа ачаар өгч чадах хүчийг суралцагчид мэдэж, мэдрэх ёстой. Иймээс багш нар Есүс Христэд хэрхэн хувьчлан итгэн найдаж болохыг ойлгоход нь суралцагчдадаа туслах ёстой. Тэд наманчлахыг хичээн, өршөөл эрэлхийлж, Тэрээр тэдний өдөр тутмын амьдрал, сорилт бэрхшээлд нь тусалж чадна гэдэгт итгэснээр үүнд хүрч чадна.

Суралцагчийн бэлтгэл: Суралцагчдыг 2 Нифай 9:1–26-г судлахад урь. Тэд Есүс Христийн Цагаатгалгүйгээр бидэнд юу тохиолдохыг нэг аргаар, Есүс Христ, мөн Түүний Цагаатгалын ачаар бидэнд юу тохиолдож болохыг өөр аргаар тэмдэглэж болно.

Боломжит суралцах үйл ажиллагаа

Хэцүү нөхцөл байдал

Дараах түүх нь суралцагчдад биднийг нүгэл, үхлээс чөлөөлөхөд Аврагчийн гүйцэтгэх үүргийн талаар судлахад бэлтгэхэд туслах зорилготой.

Дараах нөхцөл байдалд та хэрхэн хариулахаа эргэцүүлэн бод.

2010 оны 8-р сарын 5-нд нэгэн уурхайд нуранги болж, Чилийн 33 уурхайчин уурхайн гүнд гацжээ. Тэд уурхайн босоо амнаас доош газар доор 700 метрийн гүнд жижигхэн аюулгүй газарт хашигдсан байлаа.

Нөхцөл байдал тун хүнд байв. Тэднийг асар их чулуун нуранги гэр орон, гэр бүлээс нь тусгаарлаж байсан юм. Тэдэнд хоол, ундны багахан л нөөц байв. Хэдий тэдэнд багаж хэрэгсэл мөн мэдлэг чадвар байсан ч уурхайн тогтворгүй байдлаас шалтгаалан тэд өөрсдийгөө аварч чадахгүй байсан. Тэдний цорын ганц боломж нь аврах багийнхантай холбоо тогтоож аврагдах явдал л байлаа. (Connie Goulding, “Seeking Rescue,” Ensign, June 2015, 63)

• Хэрэв та бүхэн тэдний оронд байсан бол танд ямар бодол, мэдрэмж төрөх байсан бэ?

• Бид өөрсдийн хүчээр даван туулж чадахгүй нөхцөл байдлаас аврагдахын тулд ямар зүйл бидэнд хэрэгтэй вэ?

Адам, Ева хоёрын уналтын улмаас бид бүгдээрээ биеийн болон сүнсний үхэлтэй тулгардаг. Сүнсний үхэл гэж нүглийн улмаас Бурханаас тусгаарлагдахыг илтгэнэ.

2 Нифай 9:10-ыг уншаад, Иаков биеийн болон сүнсний үхлийг хэрхэн харьцуулсныг олж мэд.

• Таны бодлоор Иаков (биеийн) үхэл, (наманчлаагүй нүглийн улмаас учирсан сүнсний үхэл) тамыг ямар учраас “аймшигт мангас” хэмээн дүрсэлсэн бэ?

Хэрэв бид биеийн болон сүнсний үхлээс аврагддаггүй байсан бол амьдрал ямар байх тухай бод. Биднийг биеийн болон сүнсний үхлээс аврах Гэтэлгэгч нэн хэрэгтэй байгаа талаар та хэн нэгэнтэй хэрхэн ярилцахаа бодож үз. Суралцах явцдаа, Өөрийн Цагаатгалаар дамжуулан бидэнд эдгээр нөхцөл байдлыг даван туулахад тусалдаг Есүс Христэд хэрхэн хандаж байгаа талаараа тунгаан бод.

Биднийг нүгэл, үхлээс чөлөөлөхөд гүйцэтгэх Аврагчийн үүргийн талаар Иаков заасан

Суралцагчдаар дараах шүлгийг судлуулж, хүснэгтийг бөглөж дуусгахдаа бие даан, багаар эсвэл ангиараа хийхийг сонгоно. Дээрх аргуудыг хослуулан ашиглах нь тустай байж болно. Хичээл эхлэхээс өмнө энэ хүснэгтийг багш өөрөө бөглөж бэлтгэсэн байх нь тустай бөгөөд суралцагчид суралцах явцдаа туслах бэлтгэлтэй болох юм.

Доорх гурван гарчиг бүхий хүснэгтийг судлах тэмдэглэлдээ зур. Багана бүрд жагсаасан шүлгийг судалж, ойлгож авсан зүйлээ хүснэгтдээ бич. Хичээлийн явцад олж мэдсэн ойлголтоо үргэлжлүүлэн хүснэгтдээ нэмж бич.

Хэрэв Аврагч байгаагүй бол … (2 Нифай 9:7–9)	Аврагч байгаа болохоор … (2 Нифай 9:10–13)

  Хүснэгтдээ санаа бодлоо нэмж бич.

Why We Need a Savior

What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

Суралцагчид хангалттай судалсны дараа, сурч мэдсэн зүйлсээ харилцан хэлэлцүүл. Хэлэлцүүлгийн явцад дараах асуултуудыг асууж болно. Үүнд:

• Эдгээр шүлгийг судалж байхад тань Есүс Христийн талаар ямар бодол, мэдрэмж төрсөн бэ?

• Хэрэв Аврагч байгаагүй бол бидэнд юу тохиолдох байсан талаар та юу мэдэж авсан бэ?

• Аврагч Цагаатгалынхаа ачаар ямар боломж нээдэг талаар та юу мэдэж авсан бэ?

Таны судалсан шүлгүүд дэх Иаковын сургаалыг нэгтгэсэн нэг үнэн бол Есүс Христ Цагаатгалаараа дамжуулан нүгэл ба үхлийг ялахад бидэнд тусалдаг явдал юм.

• Тус үнэнийг ойлгох нь таны амьдралд хэрхэн нөлөөлөх вэ?

Суралцагчдыг дараах асуултад хариулахаас өмнө хувийн жишээгээ хуваалцах талаар бодож үз.

Мөн “Есүс Христийн нүгэл, үхлийг ялсан тухай мэдлэг бидний амьдралд хэрхэн нөлөөлж чадах вэ?” гарчиг доорх “Тайлбар ба нөхцөл байдлын талаарх мэдээлэл” хэсгийн видеонуудаас аль нэгийг үзүүлэх нь тус болж болох юм.

• Есүс Христ нүгэл, үхлийг ялсан тухай мэдлэг хэзээ таны хувьд хамгийн их утга учиртай байсан бэ?

Авралыг хүлээн авахаар сонгох

Хичээлийн эхэнд дурдсан Чилийн уурхайчдын тухай эргэн сана. Энэ түүхтэй үргэлжлүүлэн танилцахдаа тэдний туршлагыг, мөн бидний биеийн болон сүнслэг үхлээс аврагдахын ижил төстэй байдлын талаар бод.

Дараах догол мөрийг дэлгэцэд харуулж, суралцагчийг чангаар уншихад урих талаар бод.

Уурхайчдыг гацсанаас хоёр долоо хоног гаруйн дараа аврагчид тэднийг олж хоол, унд, хэрэгслээр хангах арга олов. Бараг хоёр сарын дараа аврагчид жижиг бүхээгийг доошоо буулгаж, уурхайчдыг нэг бүрчлэн татаж авч болохуйц том нүх гаргаж чаджээ. Уурхайчин бүр бүхээгт орж, өөрсдийнхөө амь насыг энэ төлөвлөгөөнд болон аврагчдад даатгасан юм. Нийт 69 хоног гацсаны дараагаар бүх уурхайчин аврагдав “Seeking Rescue,” Ensign, June 2015, 63–65-ыг үзнэ үү).

• Энэ түүх, Аврагч биднийг нүгэл, үхлээс аврах хоёрын хооронд ямар ижил төстэй зүйлсийг та харж байна вэ?

• Таны бодлоор, хэрэв уурхайчдын хэн нэг нь аврах бүхээгт орохоос татгалзсан бол юу болох байсан бэ? Яагаад?

Бие махбодын үхлээс ангижрах нь Аврагчийн бүх хүн төрөлхтөнд барих бэлэг боловч сүнсний үхлээс ангижрах нь зарим талаар бидний хүсэл, үйлдлээс хамаарна.

Суралцагчдыг хоёр хоёроор нь эсвэл жижиг бүлгүүдэд хуваарилж, дараах судрын хэсгүүдийг уншуулж, холбогдох асуултуудыг хэлэлцүүл.

2 Нифай 9:21–24-ийг уншиж, Аврагч биднийг сүнсний үхлээс аврахын тулд бид ямар ямар сонголт хийх ёстойг эрэлхийл. Хүснэгтийнхээ хоёр дахь баганад Аврагчийн тухай олж мэдсэн зүйлсээ тэмдэглэ.

• Аврагч биднийг сүнсний үхлээс аврахын тулд бид юу хийх ёстой талаар та юу сурч мэдсэн бэ?

• Та ямар учраас хэрэв бид эдгээр зүйлийг хийхгүй байх аваас “Бурханы хаант улсад аврагдаж чадахгүй” гэж бодож байна вэ?

Есүс Христийн тухай, мөн Түүний таны төлөө хийсэн зүйлсийн талаар өнөөдөр сурч мэдсэн зүйлсээ хэдэн хором эргэцүүлэн бод. Та магадгүй төрсөн аливаа бодол, бидний хайрт Аврагчид талархсан сэтгэгдлээ тэмдэглэж авч болох юм.

Есүс Христ, Түүний Цагаатгалын талаарх өөрийн гэрчлэлийг хуваалцан, хичээлээ дуусга. Амьдралынхаа туршид зөвхөн Есүс Христийн санал болгож чадах адислалуудыг эрэлхийлж, Түүнийг дагахыг хичээхэд суралцагчдаа уриал.

Тайлбар ба нөхцөл байдлын талаарх мэдээлэл

Хэрэв бидэнд Аврагч байгаагүй бол юу болох байсан бэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн тайлбарласан.

Хэрэв бид Бурханаас бүрмөсөн тусгаарлагдаж, бидний үхэл хэвээрээ үлдсэн бол ёс суртахууны сонгох эрх ямар ч ач холбогдолгүй байх байсан. Тийм ээ, бид сонголт хийхдээ чөлөөтэй байх байсан, гэвч үүний үр дүн нь юу байх байсан бэ? Эцсийн үр дүн нь гэвэл бидний үйлдлүүдээс үл хамааран, амилуулагдах болоод тэнгэрт очих тухай найдваргүйгээр бид үхэх байсан. Сайныг эсвэл мууг сонгосон ялгаагүй эцэстээ бид бүгдээрээ “чөтгөрийн элч” болж дуусна [2 Нифай 9:9]. (D.Todd Christofferson, “Moral Agency,” Ensign, June 2009, 50)

2 Нифай 9:7. “Аврагчийн цагаатгал хязгааргүй” гэсэн нь ямар утгатай вэ?

Ерөнхийлөгч Рассэлл М.Нэлсон ийн тайлбарласан.

[Есүс Христийн] Цагаатгал бол эцэс төгсгөлгүй мөнхийн юм. Энэ нь бас бүх хүн төрөлхтөн үхлээс үүрд мөнх аврагдах учраас хязгааргүй юм. Түүний зовлон юутай ч зүйрлүүлшгүй тул энэ нь бас хязгааргүй юм. Энэ нь мал амьтнаар тахил өргөдөг ёсыг халснаараа цаг хугацааны хувьд хязгааргүй юм. Энэ нь бүх хүний төлөө, тухайлбал нэг удаа хийгдсэн цар хүрээгээрээ хязгааргүй юм. Цагаатгалын нигүүлсэл нь тоо томшгүй олон хүнд хүрээд зогсохгүй мөн Түүний бүтээсэн хязгааргүй ертөнцөд хүрдэг. Энэ нь хүмүүний аливаа хэмжүүрийг эсвэл мөнх бусын тухай ойлголтыг давснаараа хэмжээлшгүй байсан. (Russell M. Nelson, “The Atonement,” Ensign, Nov. 1996, 35)

2 Нифай 9:8. Амилуулалт байгаагүй бол бид яагаад чөтгөрийн зарц болох байсан бэ?

Энэ асуултад Иаков хариулт өгөөгүй боловч төлөөлөгч Паул өгсөн. Паулын үг нь “Учир нь үхэгсэд амилуулагддаггүй бол Христ ч амилуулагдаагүй болно. Христ амилуулагдаагүй бол та нарын итгэл хоосон агаад та нар ч нүгэлдээ байсаар байна” (1 Коринт 15:16–17; тодруулга нэмсэн). Өөрөөр хэлбэл, хэрэв Христ үхлээс амилах хүчгүй байсан бол (түүний хэлснээр Тэрээр амилсан билээ) бидний нүглийг уучлах хүч Түүнд үгүй байх байсан.

Аврагч Гетсеманий цэцэрлэгт болон загалмай дээр хэрхэн зовж шаналсан бэ?

Хариултыг олж мэдэхийн тулд Матай 3:7–9; 3 Нифай 27:13–14; Сургаал ба Гэрээ 19:16–19-ийг судална уу.  

For God So Loved the World

Give thanks for the Lord Jesus Christ: His life, His atoning sacrifice, and His Resurrection. John 3:16

   

None Were with Him

Trumpeted from the summit of Calvary is the truth that we will never be left alone nor unaided, even if sometimes we may feel that we are.

Есүс Христ нүгэл, үхлийг ялсан тухай мэдлэг бидний амьдралд хэрхэн нөлөөлөх вэ?

   

Painted into a Corner

A young man learns the importance of repentance and how agency is an essential part of life.

He Will Give You Help

Faced with great pain and loss, a teen and his friends in Canada turn to God to find answers to their souls’ deepest questions. 

Нэмэлт суралцах үйл ажиллагаа

Видеоны сонголт

Аврагч бид бүхний тусын тулд юу хийснийг суралцагчдад ойлгуулахад дэмжлэг үзүүлэхээр Шударга ёс, хайр, нигүүлсэл нийлнэ (5:36) видеог үзүүлж болно. Энэ видеонд Арван хоёр төлөөлөгчийн чуулгын ахлагч Жэффри Р.Холланд хаданд авирч байхдаа дүү нь ахынхаа амийг хэрхэн аварсан тухай түүхийг хуваалцдаг.

Where Justice, Love, and Mercy Meet

Two brothers attempt to climb a sheer canyon wall without any safety ropes or harnesses.Read Elder Holland's full conference address: https://www.lds.org/general-conference/2015/04/where-justice-love-and-mercy-meet?lang=eng&_r=1add

2 Нифай 9:1–26-г судлах өөр арга барил

Ерөнхийлөгч Жозеф Фийлдинг Смит (1876–1972) 2 Нифай 9 нь “цагаатгалын талаар заасан хамгийн гэгээлэг номлол юм. … Авралыг эрэлхийлэгч хүн бүр үүнийг анхааралтай унших хэрэгтэй” (Answers to Gospel Questions, comp. Joseph Fielding Smith Jr., 5 vols. [1957–66], 4:57) хэмээн заасан.

Энэ мэдэгдлийг суралцагчидтай хуваалцаж, тэднийг ерөнхийлөгч Смитийн хэлсэн үгийг санан, 2 Нифай 9:1–26-г бие даан анхааралтай судлахад урь. Энэ бүлэгт дурдсан Аврагчийн талаарх Иаковын сургаалын ач холбогдлыг харуулахад туслах сургаалыг эдгээр шүлгээс олж, хуваалцахыг суралцагчдад даалгаж болно.