Վարդապետության սերտման կրկնություն 3

Հասկացեք և բացատրեք

Սուրբ գրությունների հատվածների ըմբռնումը և դրանց ուսուցանած ճշմարտությունները բացատրելու կարողությունը կարևոր են վարդապետության սերտումն ավարտին հասցնելու համար: Այս դասը նախատեսված է՝ օգնելու մեծացնել ձեր հասկացողությունը և թույլ տալ ձեզ վարժվել Մորմոնի Գրքի վարդապետության սերտման որոշ հատվածներում ուսուցանվող վարդապետությունը բացատրելու մեջ:

Իմացեք ավելին ձեր ուսանողների մասին: Ուսանողներին ճանաչելու հնարավորություններ փնտրեք: Դիտարկումը և անկեղծ հարցերը կարող են օգնել ձեզ ավելին իմանալ, թե յուրաքանչյուր ուսանողի համար ինչն է կարևոր: Երբ ձեր ուսանողների մասին ավելին հասկանաք, Սուրբ Հոգին կարող է օգնել ձեզ ձեր ուսուցումը կենտրոնացնել նրանց կարիքների վրա:

Ուսանողի նախապատրաստում. ուսանողներին առաջարկեք ընտրել Մորմոնի Գրքի վարդապետության սերտման մեկ հատված, որն իմաստալից է նրանց համար և պատրաստվել ու կիսվել դասարանի հետ, թե ինչու է այդ հատվածն իմաստալից:

Հնարավոր ուսումնական վարժություններ

Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Ուսումնասիրեք ձեր շրջանի կամ տարածաշրջանի տնօրենի կամ համակարգողի կողմից տրամադրված ժամանակացույցը, որպեսզի հավաստիանաք, որ սուրբ գրությունների վարդապետության սերտման յուրաքանչյուր հատված ուսուցանվելու է այն ժամանակ, քանի դեռ ընթանում են սեմինարիայի դասերը:

Վարդապետության սերտման հատվածների ըմբռնումը

Դասը կարող է հարմարեցվել ըստ դասարանի կարիքների: Օրինակ՝ կարող է օգտակար լինել վերանայել միայն այն հատվածները, որոնք ուսանողները մինչև այդ պահն ուսումնասիրել են այս տարի:

Կարող եք ուսանողներին առաջարկել Մորմոնի Գրքի վարդապետության սերտման առաջին 12 հղումներից անվանել այնքան, որքան կարող են: Անվանելուն պես սուրբ գրությունների այդ հղումները գրեք գրատախտակին: Ըստ անհրաժեշտության ցուցադրեք ստորև ներկայացվող գծապատկերը: Այնուհետև տվեք ստորև ներկայացվող հարցերը:

Վարդապետության սերտման առաջին 12 հատվածները և հիմնական արտահայտությունները

Մորմոնի Գիրքը. Ուսուցչի ձեռնարկ (2024)

Սուրբ գրությունների հղումներ	Սուրբ գրության հիմնական արտահայտությունը
Սուրբ գրությունների հղումներ 1 Նեփի 3.7	Սուրբ գրության հիմնական արտահայտությունը «Ես կգնամ ու կանեմ այն բաները, որոնք Տերը պատվիրել է»:
Սուրբ գրությունների հղումներ 2 Նեփի 2.25	Սուրբ գրության հիմնական արտահայտությունը «Ադամն ընկավ, որպեսզի մարդիկ լինեն. և մարդիկ կան, որպեսզի ունենան ուրախություն»:
Սուրբ գրությունների հղումներ 2 Նեփի 2.27	Սուրբ գրության հիմնական արտահայտությունը «Նրանք ազատ են ընտրելու ազատություն և հավերժական կյանք … կամ … գերություն և մահ»:
Սուրբ գրությունների հղումներ 2 Նեփի 26.33	Սուրբ գրության հիմնական արտահայտությունը «Բոլորը նույն են Աստծո համար»։
Սուրբ գրությունների հղումներ 2 Նեփի 28.30	Սուրբ գրության հիմնական արտահայտությունը Աստված «կտա մարդկանց զավակներին՝ տող առ տող, ցուցում առ ցուցում»:
Սուրբ գրությունների հղումներ 2 Նեփի 32.3	Սուրբ գրության հիմնական արտահայտությունը «Սնվեք Քրիստոսի խոսքերով. Քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք»:
Սուրբ գրությունների հղումներ 2 Նեփի 32.8–9	Սուրբ գրության հիմնական արտահայտությունը «Դուք պետք է միշտ աղոթեք»:
Սուրբ գրությունների հղումներ Մոսիա 2.17	Սուրբ գրության հիմնական արտահայտությունը «Երբ դուք ձեր մերձավորների ծառայության մեջ եք, դուք սոսկ ձեր Աստծո ծառայության մեջ եք»:
Սուրբ գրությունների հղումներ Մոսիա 2.41	Սուրբ գրության հիմնական արտահայտությունը «Նրանք, ովքեր պահում են Աստծո պատվիրանները … օրհնված են բոլոր բաներում»։
Սուրբ գրությունների հղումներ Մոսիա 3.19	Սուրբ գրության հիմնական արտահայտությունը «[Հանեք] բնական մարդուն և [դարձեք] սուրբ, Տեր Քրիստոսի Քավությամբ»։
Սուրբ գրությունների հղումներ Մոսիա 4.9	Սուրբ գրության հիմնական արտահայտությունը «Հավատացեք Աստծուն, … հավատացեք, որ Նա ունի բոլոր իմաստությունը»։
Սուրբ գրությունների հղումներ Մոսիա 18.8–10	Սուրբ գրության հիմնական արտահայտությունը «Մկրտվեք Տիրոջ անունով՝ … որպես մի վկայություն … որ դուք մտել եք նրա հետ ուխտի մեջ»։

© 2023 by Intellectual Reserve, Inc. All rights reserved.

• Ձեր կարծիքով, այս հատվածներից որո՞նք եք լավ հասկացել:

• Ո՞ր փորձառություններն օգնեցին ձեզ հասկանալ այդ հատվածի ճշմարտություն(ներ)ը:

  Եթե ուսանողները պատրաստվել են այս դասի համար, առաջարկեք նրանց կիսվել, թե որ հատվածներն են իմաստալից նրանց համար և ինչու: Կարող եք օգտագործել այս քննարկումը, որպեսզի օգնեք ուսանողներին գնահատել, թե որքան լավ են հասկանում հատվածները, և արդյոք կան հատվածներ, որ նրանք կցանկանային ավելի լավ հասկանալ:

Ընտրեք Մորմոնի Գրքի վարդապետության սերտման հատվածներից առնվազն մեկը, որը կցանկանայիք ավելի լավ հասկանալ և կատարեք հետևյալ վարժություններից մեկը, որը կօգնի ձեզ խորացնել դրա ուսուցանած վարդապետության ձեր ընկալումը: Եթե արագ վերջացնեք, ընտրեք վարդապետության սերտման մեկ այլ հատված և կատարեք մեկ այլ վարժություն:

Ուսանողների ուսումնասիրման ժամանակ կարող եք նրանց ցուցադրել հետևյալ տարբերակները: Կարող եք նաև ուսանողների համար դասարան բերել առարկաներ, որպեսզի օգտագործեք դրանք «Կատարեք համեմատություններ» տարբերակի համար: Ուսանողները կարող են նաև ստեղծարար լինել և համեմատություններ անելու համար դասարանում լրացուցիչ նյութեր օգտագործել:

Վարժություն Ա. Պատկերացրեք

Ստեղծեք մի նկար, կոլաժ, մեմ, վորդ արտ, բառերի ամպ կամ այլ տեսողական ներկայացում, որը կարտացոլի, թե ինչ են ուսուցանում ձեր հատվածները:

Սեղմեք այս հղումները՝ օրինակներ տեսնելու համար.

• Վորդ արտ

• Մեմեր

Վարժություն Բ. Կիսվեք ուրիշների հետ

Կազմեք ձեր հատվածի ուսուցման ծրագիր: Դա կարող է ներառել հարցեր, որ կցանկանայիք տալ, որոնք կօգնեն ձեր ուսանողներին ավելի լավ հասկանալ հատվածը: Կարող եք նաև տեսանյութ ստեղծել, որում պատասխանում եք ձեր կազմած հարցերին կամ բացատրում եք առանցքային բառերի և արտահայտությունների իմաստը:

Վարժություն Գ. Ինքնուրույն ուսումնասիրեք

Ընտրեք հատվածի մեկ կամ երկու հիմնական բառ ուսումնասիրման համար: Օգտագործեք ձեր սուրբ գրությունների, Gospel Library հավելվածի կամ այլ աստվածային աղբյուրներում տրամադրվող օգնությունը, որպեսզի սահմանեք հասկացությունները, հնարավոր խաչաձև հղումները կամ Եկեղեցու առաջնորդների հայտարարությունները, որոնք խորացնում են ձեր հասկացողությունը: Գրի առեք այն, ինչ գիտեք՝ ներառյալ այն, ինչ դրանք ուսուցանում են Երկնային Հոր և Հիսուս Քրիստոսի մասին:

Վարժություն Դ. Կատարեք համեմատություններ

Սահմանեք նյութական առարկաներ կամ ստեղծեք նմանատիպ բաներ, որոնք կարող են ներկայացնել հատվածը կամ հատվածի բառերն ու արտահայտությունները: Օրինակ՝ 2 Նեփի 2.27 հատվածի համար մի ձեռքում կարող եք բանալի պահել՝ ցուցադրելու, որ մենք «ազատ ենք՝ ընտրելու ազատությունը և հավերժական կյանքը», իսկ մյուս ձեռքում՝ կողպեք, որով կներկայացնեք «գերությունը և մահը»:

Այս վարժության համար ուսանողներին բավարար ժամանակ տրամադրելուց հետո կամավորներին առաջարկեք կիսվել իրենց ընտրած վարժության որևէ բանով: Նրանք կարող են ներկայացնել իրենց արվեստի գործը, իրենց առաջարկած հարցերը, ուսումնասիրության ընթացքում ծագած գաղափարները կամ համեմատության համար օգտագործած առարկաները:

Սա կարող են անել փոքր խմբերով, դասարանով կամ երկուսը միասին: Որպես քննարկման մաս՝ ուսանողները կարող են իրենց ընտրած սուրբ գրություններից մեկի կամ մի քանիսի համար պատասխանել ստորև ներկայացվող հարցերին:

• Ձեր կարծիքով, ձեզ համար ինչո՞ւ է կարևոր հասկանալ ձեր ընտրած հատվածը:

• Այս հատվածի ըմբռնումը ինչպե՞ս կարող է օգնել ձեզ մեծացնել ձեր հավատքն առ Հիսուս Քրիստոս կամ ավելի շատ նմանվել Նրան: