Iloiloga 3 o le Atamai i Aoaoga Faavae Iloiloga

Malamalama ma Faamatala

E tuloto i le ausiaina o le atamai i aoaoga faavae le malamalama i fuaitau faapitoa o tusitusiga paia ma le agavaa e faamatala mea moni latou te aoaoina mai. O lenei lesona ua faamoemoe e fesoasoani e faateleina ai lou malamalama ma mafai ai ona e faataitai le faamatalaina atu o aoaoga faavae o loo aoaoina i nisi o fuaitau o le atamai i aoaoga faavae o le Tusi a Mamona.

Aoao atili e uiga i au tagata aoga. Vaavaai mo avanoa e faamasani ai i tagata aoga. O fesili o matauga ma faamaoni e mafai ona fesoasoani ia te oe e aoao atili ai e uiga i mea e taua i tagata aoga taitasi. A o e malamalama atili e uiga i au tagata aoga, e mafai ona fesoasoani le Agaga Paia ia te oe e taulai atu lau aoaoga i o latou manaoga.

Sauniuniga a le tagata aoga: Valaaulia tagata aoga e filifili se fuaitau se tasi o le atamai i aoaoga faavae o le Tusi a Mamona e taua ia i latou ma ia saunia e faasoa mai i le vasega pe aisea e anoa ai lenei fuaitau.

Gaoioiga e Ono Mafai Ona Aoao Ai

Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina o lesona ua saunia e le faatonu o le eria po o le itulagi po o le taitai faamaopoopo ia mautinoa o lesona taitasi o fuaitau o le atamai i aoaoga faavae o le a aoaoina a o faia vasega seminare.

Iloilo fuaitau o le atamai i aoaoga faavae

E mafai ona fetuunai le lesona e fuafua i manaoga o le vasega. Mo se faataitaiga, atonu e aoga le toe iloilo na o fuaitau na suesueina e tagata aoga i lenei tausaga.

Mafaufau e valaaulia tagata aoga e ta’u mai igoa o uluai mau faasino o le atamai i aoaoga faavae e 12 o le Tusi a Mamona i le tele latou te mafaia. Lisi mau nei i luga o le laupapa a o faaigoaina. Faaali atu le siata lenei e fesoasoani ai pe a manaomia. Ona fai atu lea o fesili nei.

Fuaitau ma Fasifuaitai Autu Muamua e 12 o le Atamai i Aoaoga Faavae

Tusi Lesona a le Faiaoga o le Tusi a Mamona (2024)

Mau Faasino	Fasifuaitau Autu o Mau
Mau Faasino 1 Nifae 3:7	Fasifuaitau Autu o Mau “O le a ou alu ma fai mea ua poloaiina e le Alii.”
Mau Faasino 2 Nifae 2:25	Fasifuaitau Autu o Mau “Na pa’ū Atamu ina ia i ai tagata; ma ua i ai tagata, ina ia latou maua le olioli.”
Mau Faasino 2 Nifae 2:27	Fasifuaitau Autu o Mau “Ua latou saoloto e filifili le saolotoga ma le ola e faavavau … pe … [o] le faatagataotauaina ma le oti.”
Mau Faasino 2 Nifae 26:33	Fasifuaitau Autu o Mau “Ua tutusa tagata uma i le Atua.”
Mau Faasino 2 Nifae 28:30	Fasifuaitau Autu o Mau O le Atua e “tuu atu i le fanauga a tagata lea fuaitau ma lea fuaitau, o lea mataupu ma lea mataupu.”
Mau Faasino 2 Nifae 32:3	Fasifuaitau Autu o Mau “Ia taumamafa fiafia i afioga a Keriso; aua faauta, o afioga a Keriso o le a ta’u mai ai ia te outou mea uma e tatau ona outou faia.”
Mau Faasino 2 Nifae 32:8–9	Fasifuaitau Autu o Mau “E ao ina outou tatalo e le aunoa.”
Mau Faasino Mosaea 2:17	Fasifuaitau Autu o Mau “Pe a outou auauna atu i o outou uso a tagata, ua nao lo outou auauna atu lava lea i lo outou Atua.”
Mau Faasino Mosaea 2:41	Fasifuaitau Autu o Mau “O i latou o e e tausi i poloaiga a le Atua … e faamanuiaina i latou i mea uma.”
Mau Faasino Mosaea 3:19	Fasifuaitau Autu o Mau “[Tuu] ese le tagata natura ma [avea] ma tagata paia e ala i le togiola a Keriso le Alii.”
Mau Faasino Mosaea 4:9	Fasifuaitau Autu o Mau “Ia talitonu i le Atua; … ia talitonu ua ia te ia le poto uma.”
Mau Faasino Mosaea 18:8–10	Fasifuaitau Autu o Mau Ia “papatisoina i le suafa o le Alii, o se molimau … ua outou ulu atu i se feagaiga faatasi ma ia.”

© 2023 Puletaofia e le Intellectual Reserve, Inc. Ua taofia aiā tatau uma.

• O fea o fuaitau nei ua e lagona lou malamalama lelei i ai?

• O a ni aafiaga na fesoasoani ia te oe e malamalama ai i upumoni o lena fuaitau?

  Afai ua maea ona faia e tagata aoga le tapenaga mo tagata aoga mo lenei lesona, mafaufau pe valaaulia i latou e faasoa po o fea o fuaitau sa anoa mo i latou ma pe aisea. Mafaufau e faaaoga lenei talanoaga e fesoasoani ai i tagata aoga e iloilo pe o le a le lelei o lo latou malamalama i fuaitau ma afai e i ai ni fuaitau latou te mananao e malamalama atili i ai.

Filifili ia le itiiti ifo ma le tasi se fuaitau o le atamai i aoaoga faavae o le Tusi a Mamona e te manao e malamalama atili i ai ma faamaea se tasi o gaoioiga nei e fesoasoani ia te oe e faalolotoina ai lou malamalama i le aoaoga faavae o loo aoao mai ai. Afai e vave ona e faamaeaina, filifili se isi fuaitau o le atamai i aoaoga faavae ma faamaea se isi gaoioiga.

Mafaufau e tuuina atu faauigaga nei mo tagata aoga a o latou suesue. E mafai foi ona e mafaufau e aumai ni mea faitino i le vasega mo tagata aoga e faaaoga mo le filifiliga o le “Faia o faatusatusaga”. E mafai foi e tagata aoga ona fatufatu ma faaaoga punaoa faaopoopo i le potuaoga e fai ai faatusatusaga.

Gaoioiga A: Vaaiga

Fatu se ata tusi, tuufaatasiga o ata, ata malie, upu ua teuteuina i sitaili eseese, faaputuga upu i tulaga eseese, po o isi faatusa vaaia o loo atagia ai le aoaoga mai lau fuaitau.

Oomi fesootaiga faatekinolosi nei mo ni faataitaiga:

• Upu ua teuteuina i sitaili eseese

• Ata malie

Gaoioiga E: O le faasoa ma isi

Faataatia se fuafuaga mo le aoao atu o lau fuaitau. E mafai ona aofia ai fesili o le a e fai atu e fesoasoani ai ia i latou o loo e aoaoina ia malamalama atili i le fuaitau. E mafai foi ona e mafaufau e fatu se vitio lea e te taliina ai fesili na e fatuina pe faamatala le uiga o upu autu ma fasifuaitau.

Gaoioiga I: O le suesue taitoatasi

Filifili se upu autu se tasi pe lua mai le fuaitau e suesue i ai. Faaaoga fesoasoaniga mo suesuega i au tusitusiga paia, le polokalama o le Gospel Library, po o isi punaoa mamana ua filifilia e faailoa ai faauigaga, mau fefaasinoai e ono i ai, po o faamatalaga mai taitai o le Ekalesia e faalolotoina ai lou malamalama. Tusifaamaumau mea ua e aoaoina, e aofia ai mea ua aoao mai e nei mea ia te oe e uiga i le Tama Faalelagi ma Iesu Keriso.

Gaoioiga O: Faia o faatusatusaga

Faailoa ni mea faitino pe fatu se talafaatusa e mafai ona faatusa i le fuaitau po o upu ma fasifuaitau mai le fuaitau. Mo se faataitaiga, mo le 2 Nifae 2:27 e mafai ona e tuuina se ki i le tasi lima e faapupula ai faapea “ua tatou saoloto e filifili le saolotoga ma le ola e faavavau” ma se loka i le isi lima e faatusa i le “faatagataotauaina ma le oti.”

A uma ua lava se taimi o tagata aoga i lenei gaoioiga suesue, valaaulia ni volenitia e faasoa mai se mea mai gaoioiga na latou filifilia. E mafai ona latou faasoa mai a latou galuega tau ata, o fesili na latou mauaina, malamalamaaga na latou maua mai a latou suesuega, po o mea faitino sa latou faaaogaina mo le faatusatusaga.

O lenei fetufaaiga e mafai ona faia i ni vaega toalaiti, o se vasega, po o mea uma e lua. I le avea ai ma se vaega o le talanoaga, e mafai e tagata aoga ona tali fesili nei mo se tasi pe sili atu foi o mau sa latou filifilia.

• Aisea e te manatu e taua ai ia te oe le malamalama i le fuaitau na e filifilia?

• E mafai faapefea e le malamalama i lenei fuaitau ona fesoasoani ia te oe e faateleina ai lou faatuatua ia Iesu Keriso pe avea atili ai e faapei o Ia?