2 Nifae 11–19

Vaaiga Aoao

Sa fiafia tele Nifae i molimau a lona uso o Iakopo ma le perofeta o Isaia lea na ia faamaumauina ai i latou faatasi ai ma lana lava molimau ia Iesu Keriso. Sa ia fai mai e uiga ia Isaia, “Ua fiafia lo’u agaga i ana upu” (2 Nifae 11:2). Sa faaaoga e Isaia gagana faafaatusa e faamatala ai le mana ma le paia o le Alii. Sa ia vavalo foi e uiga i le Faaola, ma lisi ai nisi o Ana faalaniga ma uiga auaumama.

Saunia e Aoao Atu

O lenei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

2 Nifae 11

Faamoemoega o le lesona: O lenei lesona e mafai ona fesoasoani e faamalosia ai molimau a tagata aoga i le moni o Iesu Keriso.

Sauniuniga a le tagata aoga: Valaaulia tagata aoga e fai i se uo po o se e pele e faasoa mai pe na faapefea ona latou maua a latou molimau ia Iesu Keriso.
Vitio: “O Molimau Faapitoa a Keriso—Peresitene Russell M. Nelson” (5:47; matamata mai le faailotaimi 4:32 i le 5:47); “O Molimau Faapitoa a Keriso—Peresitene M. Russell Ballard” (3:45; matamata mai le faailotaimi 2:22 i le 3:45); “O Molimau Faapitoa a Keriso—Elder Quentin L. Cook” (4:57; matamata mai le faailotaimi 3:53 i le 4:57); “O Molimau Faapitoa a Keriso—Elder Neil L. Andersen” (5:24; matamata mai le faailotaimi 4:20 i le 5:24); “O Molimau Faapitoa a Keriso—Elder D. Todd Christofferson” (5:51; matamata mai le faailotaimi 4:30 i le 5:51)
Fautuaga faafaiaoga faavitio: Mafaufau e tuu se sootaga i le vaega o talanoaga i le “O Le Keriso Soifua: O Le Molimau a le Au Aposetolo” i le ChurchofJesusChrist.org. Valaaulia tagata aoga e faaalu ni nai minute e suesue ai ona faasoa mai lea i le vasega mea sa latou aoaoina pe lagonaina.

2 Nifae 12–15

Faamoemoega o le lesona: O lenei lesona e mafai ona fesoasoani i tagata aoga ia malamalama i valoaga faafaatusa a Isaia ma mafaufau loloto ai pe mafai faapefea ona fesoasoani nei valoaga ia i latou i o latou olaga.

Sauniuniga a le tagata aoga: Faailoa atu i tamaiti aoga faapea na tusia e Nifae le tele o mataupu o valoaga a Isaia i lana lava talafaamaumau ma sa faaaoga e Isaia le tele o faatusa. Faitau le 2 Nifae 12:1–3 po o le 2 Nifae 14:5–6 ma mafaufau loloto po o le a le uiga o nei fuaiupu.
Anotusi e faaali atu: I le tasi itu o le laupapa, o se atatusi o se mauga, ua faaigoaina i le mau faasino 2 Nifae 12:1–3; i le isi itu o le laupapa, o se atatusi o se ao ma se afi faaniutu, ua faaigoaina i le mau faasino 2 Nifae 14:5–6
Fautuaga faafaiaoga faavitio: A o suesue e tagata aoga le faatusa o le mauga, o le ao, ma le afi faaniutu, e mafai e oe po o se tagata aoga ona faapupula mai nei faatusa e faaaoga ai le meafaigaluega o le laupapa paepae. A o talanoaina e tagata aoga le uiga o nei faailoga, e mafai ona faaopoopo ni faamatalaga i autafa o le ata.

2 Nifae 16

Faamoemoega o le lesona: O lenei lesona e mafai ona fesoasoani i tagata aoga ia iloa le tomai o le Alii e faamagalo ma faamama ai i latou.

Sauniuniga a le tagata aoga: Valaaulia tagata aoga e mafaufau loloto i le fesili lenei: O le a le mea e finagalo se Atua alofa ia tatou malamalama i ai pe a tatou lagona e le lava lo tatou lelei?
Ata e faaali mai: E tele ata o le Faaola o loo faaali atu i tagata i le lalolagi

2 Nifae 17–19

Faamoemoega o le lesona: O lenei lesona ua faamoemoe e fesoasoani i tagata aoga e faalagolago ia Iesu Keriso e ala i le suesueina o Ona uiga ma faalaniga.

Sauniuniga a le tagata aoga: I a latou suesuega o tusitusiga paia i aso taitasi, valaaulia tagata aoga e faailoa mai soo se faalaniga o le Faaola ma mafaufau loloto po o le a le uiga o na faalaniga ma pe mafai faapefea ona latou fesoasoani ia i latou ia faalagolago atili ma alofa atili i le Faaola.
Fautuaga faafaiaoga faavitio: Ina ia fesoasoani i tagata aoga ia malamalama i le talaaga o nei mataupu, mafaufau e valaaulia nisi o i latou e fai ma sui o le Tupu o Aasa o Iuta; lona atalii, le Tupu o Esekia; Tupu o Resina o Suria; Tupu o Peka o Isaraelu; ma le tupu o Asuria. E mafai e tagata aoga ona saunia pine o igoa a o lei amataina le vasega pe sui o latou igoa otooto mo se taimi le tumau i le tagata o loo latou sui ai. Mafaufau e valaaulia le tagata aoga o fai ma sui o le Tupu o Aasa e faitau atu afioga a le Alii ia te ia i le 2 Nifae 17:3–4, 7 ma le tagata aoga o loo fai ma sui o le Tupu o Esekia e faitau le 2 Nifae 18:11–13, 17.

Toe Iloiloga 4 o le Atamai i Aoaoga Faavae

Faamoemoega o le lesona: O lenei lesona ua faamoemoe e fesoasoani i tagata aoga e faaaoga le aoaoga faavae o loo aoaoina i fuaitau eseese o le atamai i aoaoga faavae o le Tusi a Mamona.

Sauniuniga a le tagata aoga: Valaaulia tagata aoga e sauni e faasoa mai se mau e sili ona fiafia i ai ma ta’u mai pe aisea ua avea ai o se tasi o mau e sili ona latou fiafia i ai. E mafai ona e fai atu ia i latou e faaaofia ai pe faapefea ona faatatau i o latou olaga. Atonu e fesoasoani le valaaulia o ni nai tagata aoga e faasoa mai mea na latou maua.
Vitio: “Peresitene Nelson—Ua Aoaoina i Tatou e Tusitusiga Paia e uiga ia Iesu Keriso” (0:59)
Pepa e tufa atu: O le siata o mau faasino o le atamai i aoaoga faavae ma fasifuaitau o mau autu