Мормоны Номын семинарын багшийн гарын авлага (2024)

Агуулга
Нүүр хуудас
Мормоны Номын семинарын багшийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1-2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10
Хавсралт

2 Нифай 28:27–32: “Хүлээн авах түүнд [Бурхан] илүүг өгөх болно”

“2 Нифай 28:27–32: “Хүлээн авах түүнд [Бурхан] илүүг өгөх болно,’” Мормоны Номын багшийн гарын авлага (2024)

“2 Нифай 28:27–32” Мормоны Номын багшийн гарын авлага

2 Нифай 28:27–32

“Хүлээн авах түүнд [Бурхан] илүүг өгөх болно”

Танд хариултаа олоогүй сүнслэг асуултууд байдаг уу? Эсвэл та заримдаа гэрчлэлээ илүү хурдан хөгжөөсэй гэж хүсдэг үү? Биднийг Тэнгэрлэг Эцэгийн заадаг зүйлийг үргэлжлүүлэн хүлээн авахыг хүсэх үед мэдлэг Түүнээс бага багаар ирдэг гэдгийг Нифай тайлбарласан. Энэ хичээл Тэнгэрлэг Эцэг бидэнд үнэнийг хэрхэн илчилдэг талаар гүн ойлгоход танд тусална.

Суралцагчдад судруудыг адилтгахыг заах. Судруудыг адилтгах гэдэг нь өөрийн амьдралыг судартай харьцуулна гэсэн үг юм. Суралцагчдыг “Миний амьдралын ямар нөхцөл байдал судрын энэ хэсэгт өгүүлж буй нөхцөл байдалтай адил төстэй байна вэ?” эсвэл “Би судруудаас судалж байгаа дүрүүдтэйгээ ямар байдлаар адил байна вэ?” зэрэг асуултыг асуухад урамшуулан дэмж.

Суралцагчийн бэлтгэл: Суралцагчдыг 2 Нифай 28:30-ийг уншаад, Бурхан бидэнд сайн мэдээгээ бага багаар хэрхэн заадаг жишээг хуваалцахаар бэлдэж ангидаа ирэхэд урь.

Боломжит суралцах үйл ажиллагаа

Бурхан бидэнд шат шатаар заадаг

Шатны талаарх дараах зүйрлэлийг ашиглахын оронд, суралцагчид нэг хазаад идэхэд хэтэрхий том хэмжээтэй амттай зүйлийг санал болгосноор хичээлээ эхэлж болно. Уг суралцагчийг хазах үед, яагаад ганц хазаад, бүгдийг нь идэх бус нэг л жижиг хазаж байгааг тэднээс асуу. Суралцагчдыг 2 Нифай 28:26–30-ийг уншаад, энэ үзүүлэн хичээл бидэнд сүнслэг мэдлэгээ нэмэгдүүлэхэд хэрхэн тусалж болохыг олж мэд.

Таны сүнслэг мэдлэг ба ойлголтыг илэрхийлсэн урт шат өөд харж байна гэж төсөөл.

Хэрэв шатны орой нь Бурханы мэдлэгийг илэрхийлсэн бол таны одоогийн мэдлэгийн түвшин хаана нь байгаа гэж та бодож байна вэ?
Цаг хугацаа өнгөрөх тусам сүнслэг мэдлэг ба ойлголтоо нэмэгдүүлэхэд маань Бурхан бидэнд ямар арга замаар дамжуулан тусалдаг вэ?
Байгаа мэдлэгтээ сэтгэл хангалуун байгаагийнхаа улмаас дараагийн алхмаа хийхгүй байгаа хүнд юу тохиолдох вэ?

2 Нифай 28-д Нифай эцсийн өдрүүдийн бошиглолоо үргэлжлүүлсэн. Тэрээр бидний өдрүүдэд зонхилж буй зарим хандлагыг дүрсэлж, үнэнийг хүлээн авч ойлгоход маань туслахын тулд Их Эзэний ашигладаг загварыг хуваалцсан.

2 Нифай 28:26–30-ийг уншаад, шатны талаарх зүйрлэл нь хэрхэн Нифайн Их Эзэний тухай заасан үнэнүүдийг ойлгоход тусалдаг талаар тунгаан бод. Дүрэм бол хэрхэн үйлдэхийг бидэнд заадаг зарлиг, мөн зарчим гэдгийг мэдэх нь тустай байж болох юм.

2 Нифай 28:30 нь төгс эзэмших сургаалын судрын хэсэг юм. Төгс эзэмших сургаалын судрын хэсгүүдийг дараа нь хялбар олохын тулд онцгойлон тэмдэглэ. Та дараагийн хичээл дээр энэ хэсэгт заасан сургаалыг асуулт, нөхцөл байдал зэрэгт хэрэгжүүлэх дадлага хийх боломжтой болно.

Энэ хэсэг танд Их Эзэний талаар ойлгоход тань хэрхэн тусалж байна вэ? Энэ ойлголт тань хэрхэн таны амьдралыг адисалж болох вэ?
Зарим хүн яагаад Бурханы үгийн талаар өөрт байгаагаасаа илүү ихийг мэдэх боломжийг үгүйсгэдэг гэж та нар бодож байна вэ?

30-р шүлэг-ийг уншаад, энэ нь мөн юу зааж байгааг өөрийн үгээр хэрхэн дүгнэх талаар бодож үз. Та өөрийн дүгнэлтийг судартаа эдгээр шүлгийн дэргэд бичиж болох юм.

Суралцагчдыг дүгнэлтээ хуваалцахад урь.

Бидний сүнслэг үйл явцын загвар

Энэ хэсгээс ойлгосон нэг үнэн нь Бурхан үнэнийг хүлээн авах нэгэнд үүнийг шат шатаар илчилнэ.

Тэнгэрлэг Эцэг бидэнд үүнийг нэг мөсөн заахын оронд багаар багаар заадаг нь яагаад адислал байж болох вэ?
Сурах үйл явц нь хэрхэн биднийг Тэнгэрлэг Эцэг, Есүс Христ хоёртой илүү адил болоход туслах вэ? Энэ үйл явц нь Христийнхтэй адил ямар зан чанарыг хөгжүүлэхэд бидэнд тусалж чадах вэ?

Гэрлийн загвар

$nbsp ChurchofJesusChrist.org. Бурханы Өөрийнхөө хүслийг хүүхдүүддээ илчлэхдээ ашигладаг загварыг хайж ол.

3:4

Та ахлагч Бэднараас амьдралд тань тус болох юуг мэдэж авсан бэ?
Ахлагч Бэднарын тодорхойлсон ямар загвар Нифайн 30-р шүлэг-т заасантай таарч байна гэж та бодож байна вэ?

Дараах судлах зөвлөмжийг ашиглахын оронд “Нэмэлт суралцах үйл ажиллагаа” хэсэгт байгаа судраас суралцах үйл ажиллагааг ашигла.

Дараах судрын дор хаяж хоёр хэсгийг уншиж, 2 Нифай 28:30-ийн талаарх ойлголтод тань нэмэх юу байгааг хайж ол. Эдгээр шүлгийг судрынхаа 2 Нифай 28:30-тай холбох юм уу өөр хооронд нь холбох талаар бодож үз.

2 Нифай 28:30-ийг илүү сайн ойлгоход туслах юуг та нар эдгээр хэсгээс сурч мэдсэн бэ?
2 Нифай 28:30 дээр заасан үнэн хэн нэгэнд тусалсан ямар жишээ байна вэ?
Бурхан таны эргэн тойрны хүмүүсийн эсвэл таны амьдралд бага багаар заахыг та хэзээ олж харсан бэ?

Сайн мэдээний талаарх таны ойлголт ба гэрчлэл цаг хугацааны явцад хэрхэн бага багаар өссөнийг тунгаан бод. Өнөөдөр сурч мэдсэн зүйлийнхээ ачаар Тэнгэрлэг Эцэг таныг юуг санаж, хийхийг хүсэж байгааг судлах тэмдэглэлдээ бич.

Хэд хэдэн сайн дурынхныг бичсэн зүйлсийнхээ нэг хэсгийг хуваалцахад урих талаар бодож үз.

Тайлбар ба нөхцөл байдлын тухай мэдээлэл

“Шат шатаар” гэсэн зарчим бидний сүнслэг үйл явцад хэрхэн хэрэгжих вэ?

Тэргүүн зөвлөлийн ерөнхийлөгч асан Дийтр Ф.Угдорф ийн тайлбарласан.

Илчлэлт ба гэрчлэл үргэлж гайхуулан цочроох хүчтэйгээр ирдэггүй. Олон хүний хувьд гэрчлэл нь аажмаар—бага багаар ирдэг. Заримдаа энэ нь маш алгуухнаар ирдэг тул бид сайн мэдээ үнэн гэдгийг мэдэж байсан тэр мөчийг эргэн санахад хэцүү байдаг. Их Эзэн бидэнд “шат шатаар, дүрэм дүрмээр энд бяцхан мөн тэнд бяцханыг” өгөх болно (2 Нифай 28:30). (Дийтр Ф.Угдорф, “Та нарын чадавх ба онцгой боломж,” 2011 оны 4-р сарын Ерөнхий чуулган, 65)

Хариултуудыг нэг дор хүлээж авахгүй байх нь хэрхэн адислал болж чадах вэ?

Арван хоёр төлөөлөгчийн чуулгын ахлагч Ричард Г.Скотт (1928–2015) ийн заасан.

Та өөрийн мэдлэг, мөн оюун ухааны хил хязгаарт хүрч, үл мэдэх тодорхойгүй байдлын харанхуйд итгэлээ хөгжүүлснээр өөр ямар ч арга замаар олж авч чадахгүй шийдлийг олоход хөтлөгдөх болно. Таны хамгийн хүчирхэг итгэл байсан ч Бурхан таныг хүслийн тань дагуу шууд шагнахгүй. Үүний оронд Бурхан Өөрийн мөнхийн төлөвлөгөөн дэх хамгийн сайн үр дүнг авчрах үед танд хамгийн сайн зүйлээр хариулах болно. Заримдаа хариулт ирэхээс өмнө Бурхан таныг удаан хугацаанд тэмцэлдэхийг зөвшөөрдөгт талархдаг байгаарай. Энэ нь таны итгэлийг өсгөж, зан чанарыг хөгжүүлдэг. (Richard G. Scott, “The Transforming Power of Faith and Character,” EnsignLiahona, Nov. 2010, 44)

Арван хоёр төлөөлөгчийн чуулгын ахлагч Д.Тодд Кристоффэрсон чин сэтгэлээсээ залбирсан ч чухал асуудлын шийдэл хурдан гарч ирээгүй тухай дараах зүйлийг хуваалцав.

Зовж шаналж байсан хэдий ч тулгарсан асуудал тэр дороо хурдан шийдэгдээгүйд одоо би баярладаг. Бурханд хандан хэдэн жил бараг өдөр бүр тусламж гуйхаас өөр аргагүй байсан нь хэрхэн чин сэтгэлээсээ залбирч, залбирлынхаа хариуг аван, Бурханд итгэлтэй байхыг бодит байдлаар надад заасан юм. Би Аврагчийг болон Тэнгэрлэг Эцэгээ өөр ямар нэгэн арга замаар, өөр ямар ч түвшинд таних боломжгүй тийм арга замаар таньж мэдсэн. Үүнээс өөр арга замаар бол хэт их хугацаа шаардах байсан байх. … Их Эзэнд бүх зүрх сэтгэлээрээ итгэхийг би сурч мэдсэн. Өдөр бүр Түүнтэй хамт алхахыг би сурсан. (D. Todd Christofferson, “Recognizing God’s Hand in Our Daily Blessings,” Ensign, Jan. 2012, 19)

Нэмэлт суралцах үйл ажиллагаа

Судар судлах үйл ажиллагаа

Энэ үйл ажиллагаа нь бид нэмэлт заавар авахаасаа өмнө хүлээн авсан зүйлээ дагах хэрэгтэй гэдгийг ойлгоход нь суралцагчдад туслах зорилготой юм.

Уг үйл ажиллагааг дуусгахын тулд тэдний бүлгүүд дөрвөн судрын хэсэг 2 Нифай 28:30-ийн талаарх тэдний ойлголтыг хэрхэн нэмэгдүүлж байгааг уншиж, танд эргэн мэдээлэх болно гэдгийг суралцагчдад хэл.

Тэдний сурах эхний хэсэг бол Сургаал ба гэрээ 42:61 гэдгийг бүлгүүдэд хэл. Бүлэг бүр танд хэсгүүд нь 2 Нифай 28:30-ийн талаарх ойлголтыг нь хэрхэн нэмэгдүүлж байгааг тайлагнах үед уг бүлэгт судлах дараагийн лавлагааг чимээгүйхэн өг. Бүлэг бүр дараах дөрвөн хэсгээс сурч мэдсэн зүйлээ тайлагнах хүртэл энэ үйл явц үргэлжилнэ.

Сүмийн түүхийг шат шатаар

Их Эзэн Өөрийн үнэнийг “шат шатаар, дүрэм дүрмээр энд бяцхан мөн тэнд бяцханыг” (2 Нифай 28:30) илчилснийг харуулсан жишээнүүдийг Сүмийн түүхээс ярилцах нь тустай байж болох юм. Та энэ хэлэлцүүлгийг эхлүүлэхийн тулд Арван хоёр төлөөлөгчийн чуулгын ахлагч Дэвид А.Бэднарын дараах мэдэгдлийг ашиглаж болно.

Сүмийн түүх, мөн бидний хувийн амьдрал аль аль нь илчлэлтийг “шат шатаар, дүрэм дүрмээр” хүлээн авдаг Их Эзэний загварыг харуулсан жишээгээр дүүрэн байдаг. Жишээлбэл: Ариун ойн цоорхойд, сэргээгдсэн сайн мэдээний үндсэн гол үнэнүүдийг бошиглогч Иосeф Смитэд шууд нэг дор бүгдийг нь өгөөгүй юм. Эдгээр үнэлж баршгүй эрдэнэс нь нөхцөл байдал, цаг нь зөв болсны дагуу илчлэгдсэн (Дэвид A.Бэднар, “Илчлэлтийн Ариун Сүнс,” 2011 оны 4-р сарын Ерөнхий чуулган, 88).

Есүс ач ивээлээс ач ивээл рүү дэвшсэн

Суралцагчдыг Сургаал ба Гэрээ 93:11–20-ийг уншаад, Аврагчийн ахиц дэвшил 2 Нифай 28:30-д заасан зүйлийг хэрхэн харуулж байгааг олж мэдэхэд урь. Аврагчийн нэг зан чанар бол тэвчээр гэдгийг мөн бид тэвчээртэй байж, шат шатаар суралцвал Түүнтэй илүү адил болдог гэдгийг ойлгоход нь суралцагчдад тусал.

Тэднийг Лук 2:40-ийг уншаад, энэ шүлэгт дурдсан Аврагчийн ахиц дэвшлийн дөрвөн хэсгийг олж мэдэхэд урь. Суралцагчдад Хүүхэд, өсвөр үеийнхний хөтөлбөрийг сануулж, эдгээр дөрвөн чиглэлээр шат шатаар ахиц дэвшил гаргахад нь туслах зорилго тавьж, ажиллахыг урамшуул.