2 Нифай 29

Бурханы үгийг илүү их хүлээн ав

Маш олон хүн Библийг Бурханы үг гэж итгэдэг. Хэдий тийм ч бүх хүн Бурханы үгийг өөрсдөд нь аль хэдийн байгаагаас илүү ихийг хүлээн авах хүсэлгүй байдаг. Нифай эцсийн өдрүүдэд олон хүн өөрсдөд нь Библи байгаа учраас Мормоны Номыг эсэргүүцэх болно гэдгийг бошиглосон ажээ. Их Эзэн биднийг сайн мэдээ нь хүн бүрд зориулагдсан бөгөөд Түүний үг Библиэр хязгаарлагдахгүй гэдгийг мэддэг байгаасай хэмээн хүсдэг. Энэ хичээл танд Их Эзэний үгийг амьдралдаа илүү их хүлээн авахад туслах зорилготой.

Библи, Мормоны Ном хоёроос зэрэг суралцах. Библи, Мормоны Ном хоёр судрын хамтрагчид бөгөөд Есүс Христийн сургаалыг заахад нэг нэгэндээ дэмжлэг болдог. Түүнчлэн Мормоны Ном нь Библиэс алдагдсан тодорхой хийгээд эрхэм үнэт үнэнүүдийг сэргээдэг. Мормоны Номыг судлах нь Библийн сургаалын талаарх бидний ойлголтыг тодорхой болгож чадна гэдгийг ойлгоход суралцагчдад тусал.

Суралцагчийн бэлтгэл: Суралцагчдыг Бурханаас ирсэн харилцааг хүлээн авахын тулд юу хийж байгаа талаараа бодохыг урь.

Боломжит суралцах үйл ажиллагаа

Илүү их ойлголт авах хүсэлтэй бай

15 настай Оливэр өөрт нь байгаа бүх мэдээлэл, технологи байхад л хангалттай гэж бодож байна гэж төсөөлье.

Шаардлагатай бол суралцагчидтайгаа илүү хамааралтай болгохын тулд дараах асуултад оныг нь өөрчилж болно.

• Хэрэв Оливэр 1950 онд ийм шийдвэр гаргасан бол юу алдах байсан бэ? Энэ цагаас хойш ямар мэдээлэл, технологи бий болсон бэ?

• Ийм нөхцөл байдал сүнслэг үнэнийг сурахтай хэрхэн холбогдох вэ?

Суралцагчдыг Бурханаас суралцах хүсэлтэй эсвэл бүр эрмэлздэг байх нь ямар адислал авчирдаг болох талаар бодоход урь.

Ерөнхийлөгч Рассэлл М.Нэлсоны хэлсэн дараах мэдэгдлийг уншихдаа энэ нь таны хувьд ямар утгатай болохыг бод.

Тэнгэр дэх Эцэг тань таныг мэдээсэй хэмээн хүсэж байгаа асар олон зүйл бий. Ахлагч Нийл А.Максвэлл “Харах нүдтэй, сонсох чихтэй хүмүүст Эцэг, Хүү хоёр орчлон ертөнцийн нууцуудыг задалж байгаа нь тодорхой юм!” гэж заасан. [“Meek and Lowly” (Brigham Young University devotional, Oct. 21, 1986), 9, speeches.byu.edu]. (Рассэлл М.Нэлсон, “Сүмд болон бидний амьдралд зориулсан илчлэлт,”2018 оны 4-р сарын Ерөнхий чуулган, 119)

Суралцагчдад амьдралдаа Бурханы үгийг хүлээн авах чадвараа үнэлэхэд нь туслахын тулд дараах материалыг тарааж, бие даан дуусгахад урихыг бод.

Бурханаас сүнслэг үнэнийг сурах миний чин хүсэл

Мормоны Номын багшийн гарын авлага—2 Нифай 29: Бурханы үгийг илүү их хүлээн ав

Бурханаас сүнслэг үнэнийг хүлээн авсан талаарх өөрийн хандлагыг эргэн санахад ганц хором зарцуул. Сайн хийж буй зүйлээ мөн цаашид сайжруулах боломжтой зүйлсээ харахыг хичээ.

• Хааяа: 1

• Заримдаа: 2

• Ихэвчлэн: 3

• Үргэлж: 4

Би Библи, Мормоны Ном хоёрыг хоёуланг нь судалж бас үнэлдэг.

Би судраас судалж, асуултынхаа хариуг хайдаг.

Би Бурханаас мөн Түүний тухай судруудаас суралцахыг эрэлхийлдэг.

Би Ариун Сүнснээс ирэх хувийн илчлэлтийг эрэлхийлж, бас дагадаг.

Би Бурханы намайг мэдээсэй хэмээн хүсдэг зүйлийг сурахаар Ерөнхий чуулган дээр хэлсэн үгсийг судалдаг.

© 2024 Intellectual Reserve, Inc. Бүх эрх хамгаалагдсан.

Өнөөдөр суралцахдаа Бурханы танд заахыг хүсдэг бүх зүйлийг үргэлжлүүлэн суралцахын тулд та юу хийж болохоо олж мэд.

Бурханы үгийг хүлээж авах янз бүрийн хандлага

2 Нифай 28–29 дээр Нифай эцсийн өдрүүдэд зарим хүн Бурханы үгийг илүү их хүлээн авах хандлагатай байх талаар бошиглосон. 2 Нифай 28:29, 2 Нифай 29:3-ыг тус тус уншаад зарим хүн эцсийн өдрүүдэд нэмэлт судруудыг хүлээж аваад, хэрхэн хариу үйлдэл үзүүлэх тухай Нифай, Их Эзэн нарын юу заасныг олж мэд.

• Та юу олж мэдсэн бэ?

• Хүмүүс ийм үзэл бодолтой байж болох зарим шалтгаан юу вэ?

Дараахыг үзүүлэн хичээл болгон харуул. Хөмөрсөн аягаар юу хийж болохгүй тухай ярилцаж, үүнийг Мормоны Номыг үгүйсгэдэг хүмүүстэй харьцуулахад нь суралцагчдад тусал.

Хоосон аяга аваад, юунд ашиглаж болох талаар бод. Одоо хөмрүүлж тавь. Аягыг хэрэглэх гэж байсан шигээ хэрэглэх боломжтой байна уу? Үүнийг Мормоны Номтой, мөн үүний хэн нэгний амьдралд үзүүлэх үр нөлөөтэй харьцуул.

• Бурхан биднийг Мормоны Номоор дамжуулан ямар мэдлэг, адислалыг хүлээж аваасай хэмээн хүсдэг гэж та бодож байна вэ?

Дээрх үзүүлэн хичээлийн үеэр хүлээн авахад бэлэн байгааг бэлгэдэж, аягыг дээш харуулан тавь. Суралцагч бүрд жижиг цаас тарааж өг. Суралцагч бүрийг Бурханы биднээс Мормоны Номоор дамжуулан хүлээж авахыг хүсдэг дор хаяж нэг зүйл бичихийг хүс. Суралцагчид өөрсдийн хариултаараа аягыг дүүргэж болох юм. Хүлээж авахыг хүссэн нэгэнд ямар гайхалтай адислал байгааг ойлгоход суралцагчдад туслахын тулд эдгээр хариултыг чанга унш.

2 Нифай 29:7–11-ийг уншаад, Есүс Христ Мормоны Номыг үгүйсгэдэг хүмүүсийг юу мэдээсэй хэмээн хүсдэг болохыг олж мэд.

Зарим суралцагч бусадтайгаа бүлэг болон уншвал илүү ихийг олж мэдэж магадгүй. Хэрэв тэдний шаардлагад нийцвэл суралцагчдыг бүлэг болгон хуваарилж, 7–11-р шүлэг-ийг уншуул.

• Та эдгээр шүлгээс Есүс Христийн тухай ямар үнэнийг мэдэж авсан бэ?

Суралцагчдад өөр өөр үнэнийг хуваалцах боломж олгож, тэдгээр үнэний үзүүлэх нөлөөг тайлбарлахад урь.

Бурхан бүхий л хүнийг санаж, бүхий л үндэстний хэлээр тэдэнтэй ярьдаг гэсэн нэг үнэнийг бид мэдэж авч чадна.

• Бурханы бүх үндэстний хүүхдүүдтэйгээ ярьдаг ямар өөр өөр арга зам байдаг вэ?

• Бурхан таныг санадаг, бас тантай ярьдаг гэдгийг ойлгоход тань ямар туршлага тусалсан бэ?

  ChurchofJesusChrist.org 

Хичээлийн төгсгөлд суралцагчдыг Бурханы үгийг хэрхэн илүү хүлээн авч болох талаар эргэцүүлэн бодоход урь. Үүнийг гүйцэтгэх нэг арга нь суралцагчдыг дараах алхмуудыг судлах тэмдэглэл дээрээ дуусгахад урих юм. Суралцагчдад алхмуудыг гүйцэтгэх хангалттай цаг гаргаж өгсний дараа, ярилцсан үнэнүүдээ гэрчил.

1. Бурхан Өөрийн үгийг танд хүргэсэн бүх арга замын жагсаалтыг гарга.

2. Эдгээр арга зам бүрээр дамжуулан Бурханы үгийг хүлээн авахад хэр бэлэн байгаагаа эргэцүүлэн бод. (Та Их Эзэнийг сонсоход хамгийн их хүлээж авах арга зам бүрийн хажууд энгийн аяга зурж болно.)

3. Эдгээр арга замаар Бурханы үгийг хүлээн авахад илүү бэлэн байхын тулд хийж болох нэг буюу хэд хэдэн өөрчлөлтийг бич.

Тайлбар ба нөхцөл байдлын тухай мэдээлэл

Бурханы сонсгохыг хүссэн зүйлийг сонсохын тулд би юу хийж чадах вэ?

Ерөнхийлөгч Рассэлл М.Нэлсоноос чухал зөвлөгөө мэдэж авахаар “#ТүүнийгСонс: Ерөнхийлөгч Нэлсон биднийг Их Эзэний дуу хоолойг сонсохыг урьж байна” (2:32) видеог үз.

Ерөнхийлөгч Нэлсон ийн заасан.

Өсөн нэмэгдсэн цэвэр ариун байдал, ягштал дуулгавартай дагах, үнэн сэтгэлээсээ эрэлхийлэх, Мормоны Номд байгаа Христийн үгэн дээр өдөр бүр найрлах, ариун сүм, гэр бүлийн түүхийн ажилд тогтмол цаг гаргаж байхтай адилаар тэнгэрийг нээх өөр юу ч байдаггүй.

Мэдээж хэрэг, заримдаа танд тэнгэр хаагдсан мэт санагдах үе гарч болно. Гэвч та үргэлжлүүлэн дуулгавартай байж, Их Эзэний өгсөн адислал бүрд талархаж, Түүний цагийг тэвчээртэй хүндэтгэх юм бол эрэлхийлсэн мэдлэг, ойлголт тань танд өгөгдөх болно гэдгийг би амлаж байна. (Рассэлл М.Нэлсон, “Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 115–120)

Бурхан хэрхэн Мормоны Номоор дамжуулан бидэнтэй ярьдаг вэ?

 

 

 

 

Ирээдүйд илүү олон судрын ном гарах болов уу?

Тэргүүн зөвлөлийн ерөнхийлөгч Даллин Х.Өүкс ийн хэлсэн.

Их Эзэн эцэст нь янз бүрийн үндэстний хүүхдүүддээ өгсөн сүнслэг нөлөө бүхий сургаалыг бүх хүний тусын тулд авчрах болно. Үүнд, амилсан Их Эзэний Израилын алдагдсан овгууд дээр айлчилсан түүх, Абрахамын бүх үр удамд хийсэн Түүний илчлэлтүүд багтана. …

Мөн бошиглолын дагуу шинэ бичээснүүд гарч ирэхэд тэдэнд Библи байгаа учраас Мормоны Номд хандсан шиг үгүйсгэхгүй байх гэж найдаж байна. (Dallin H. Oaks, “All Men Everywhere,” Liahona, May 2006, 80)

Нэмэлт суралцах үйл ажиллагаа

2 Нифай 29:7, 11. Бүх үндэстний тухай Их Эзэний үг

Суралцагчдад Есүс Христ бүх үндэстний хүмүүстэй ярьдаг болохыг ойлгоход нь туслах нэг арга бол дэлхийн газрын зургийг харуулж, дэлхий дээрх олон үндэстний заримаас нэрлэхийг урьж болно.

Суралцагчдад Есүс Христ бол энэ дэлхийн Сүмийн тэргүүн бөгөөд бүх үндэстний хүмүүстэй ярьдаг болохыг ойлгоход тусал. Жишээлбэл: Та өнөөгийн Сүмийн удирдагчид дэлхийн олон орноос ирсэн гэдгийг онцолж болно. Ерөнхийлөгч Рассэлл М.Нэлсон 2021 оны 4-р сарын Ерөнхий чуулганы ням гаргийн өглөөний хуралдаан дээр дараахыг хэлсэн.

Өнөө өглөө бид хүмүүсийн оршин суудаг тив бүрээс ирсэн Сүмийн удирдагчдын үгийг сонслоо. Сайн мэдээний адислалууд үнэхээр бүх үндэстэн, хэлтэн, хүмүүст зориулагдсан юм. Есүс Христийн Сүм бол дэлхий дахины сүм билээ. Есүс Христ бол бидний удирдагч. (Рассэлл М.Нэлсон, “Христ амилсан бөгөөд Түүнд итгэх итгэлээр уулсыг нүүлгэж чадна,” 2021 оны 4-р сарын Ерөнхий чуулган, 104–107)

Суралцагчид Сүмийн аль удирдагч хамгийн сүүлийн Ерөнхий чуулганд үг хэлж байгааг хайж олоод, тэдний аль үндэстнээс гаралтай болохыг онцлох нь хөгжилтэй байж болох юм.

Мормоны Номоор дамжсан Есүс Христийн мэдлэг

Суралцагчдад Мормоны Ном бидэнд Есүс Христийг болон Түүний сайн мэдээг мэдэж авахад тусална гэдгийг ойлгоход тусал. Суралцагчид 2 Нифай 30:3–8-ыг уншаад, эцсийн өдрүүдэд Мормоны Номд итгэсэн олон хүний ачаар ирэх Нифайн хэлсэн адислалуудыг олж мэдэж болно. Мөн та Ерөнхий чуулган дээр Мормоны Номын гэрчлэлээ хуваалцсан олон эрэгтэй, эмэгтэй хүмүүсийн өөр өөр мэдэгдлийг хуваалцаж болно. Түүнчлэн, хувийн гэрчлэлээ хуваалцаж мөн суралцагчдыг Мормоны Номыг судалснаар хэрхэн Аврагчаа мэддэг болсноо хуваалцахад урих талаар бод.