Հակոբ 1–4

Ակնարկ

Նախքան մահանալը Նեփին իր կրտսեր եղբայր Հակոբին հանձնեց թիթեղները պահպանելու և դրանց վրա «ամենաարժեքավորը» գրելու պատասխանատվությունը (Հակոբ 1.2): Հակոբն իր ուղերձով մարդկանց մատնանշում էր Հիսուս Քրիստոսին՝ օգնելով նրանց խուսափել անհավատության և մեղքի հետևանքներից: Նա Աստծո հայտնությունից գիտեր, որ նեփիացիները տառապում էին տարբեր մեղքերից: Նա մի քարոզ կարդաց, որում անդրադառնում էր հպարտության մեղքին և ուսուցանում էր մաքրաբարոյության օրենքը: Նրա ուսմունքները կարող են օգնել մեզ հաղթահարել մեղքը մեր կայնքում և դարձի գալ դեպի Փրկիչը:

Պատրաստվեք ուսուցանել

Հետևյալ տվյալները ուսուցիչներին հուշում են, թե ինչ պետք է նախապատրաստեն յուրաքանչյուր դասի համար:

Վարդապետության սերտում. 2 Նեփի 32.8–9

Դասի նպատակը. այս դասը կօգնի ուսանողներին մտապահել 2 Նեփի 32.8–9 հատվածի վարդապեության սերտման հղումն ու սուրբ գրության հիմնական արտահայտությունը, բացատրել վարդապետությունը և կիրառել հոգևոր գիտելիքներ ձեռք բերելու սկզբունքները իրական իրավիճակներում:

• Ուսանողի նախապատրաստում. կարող եք ուսանողներին առաջարկել մտաբերել իրենց կամ որևէ ծանոթի կյանքի մի ժամանակաշրջան, երբ անկեղծ աղոթքն օգնել է նրանց ավելի մոտենալ Երկնային Հորը և Հիսուս Քրիստոսին:

• Առցանց ուսուցման առաջարկ. կարող եք ուսանողներին առաջարկել զրուցարանի միջոցով պատասխանել հարցերին: Դա ուսանողներին թույլ կտա պատրաստել պատասխանները՝ նախքան դրանք ուղարկելը, դա նաև կխրախուսի մասնակից լինել այն ուսանողներին, որոնք սովորաբար պատասխաններ չեն առաջարկում:

Հակոբ 1

Դասի նպատակը. այս դասը կօգնի ուսանողներին բացահայտել եղանակներ, որոնք կօգնեն ուրիշներին դարձի գալ դեպի Հիսուս Քրիստոսը:

• Ուսանողի նախապատրաստում. ուսանողներին առաջարկեք մտածել այն դեպքերի մասին, երբ նրանք ուրիշների հետ կարող էին խոսել Հիսուս Քրիստոսի մասին: Խրախուսեք նրանց աղոթքով հնարավորություն խնդրել և տվյալ պահին գործելու քաջություն ունենալ:

• Տեսանյութեր. «Հրավիրել բոլորին գալ դեպի Քրիստոս. կիսվել ավետարանով» (4:30), «Կիսվել ավետարանով․ համաշխարհային հեռարձակում» (54:06, դիտել 0:00-1:35-ը), «Անդամների պատմություններ. պատանիներ և չափահաս երիտասարդներ» (5:08), «Սպասավորել Փրկչի ձևով» (6:08)

• Առցանց ուսուցման առաջարկ. կարող եք ուսանողներին բաժանել քննարկման սենյակներում, որպեսզի քննարկեն եղանակներ, թե ինչպես կարող են օգնել ուրիշներին տարբեր իրավիճակներում դառնալ դեպի Քրիստոսը:

Հակոբ 2.1–21

Դասի նպատակը. այս դասը կարող է օգնել ուսանողներին ավելի նմանվել Հիսուս Քրիստոսին՝ ընդունելով հպարտության մեղքը և դիմակայելով դրան:

• Ուսանողի նախապատրաստում. ուսանողներին առաջարկեք պատրաստվել և կիսվել օրինակներով, թե այսօր աշխարհում ինչպես է դրսևորվում հպարտությունը:

• Բովանդակություն ցուցադրման համար. դասի սկզբում ներկայացված սցենարները, նախագահ Էզրա Թավտ Բենսոնի և երեց Դիտեր Ֆ. Ուխդորֆի ելույթներից մեջբերումները և եզրափակիչ հրավերը:

• Առցանց ուսուցման առաջարկ. ուսանողներին կարող եք բաժանել քննարկման սենյակներում, որպեսզի ուսումնասիրեն Հակոբ 2.17–21 հատվածները և քննարկեն այդ հատվածին առնչվող հարցերը: Կարող եք բոլոր քննարկման սենյակներին հաղորդագրություններ ուղարկել՝ հիշեցնելու հարցերի մասին:

Հակոբ 2.22–35

Դասի նպատակը. այս դասը կօգնի ուսանողներին հետևել մաքրաբարոյությանը, ինչպես Տերը:

• Ուսանողի նախապատրաստում. կարող եք ուսանողներին առաջարկել ծնողներին կամ Եկեղեցու ղեկավարին հարցնել մաքրաբարոյության օրենքին հետևելու օրհնությունների մասին: Կարող եք նաև կապվել ծնողների հետ՝ տեղեկացնելով, որ ուսանողները սովորելու են մաքրաբարոյության օրենքի մասին, որպեսզի ծնողները կարողանան ցանկության դեպքում տանը շարունակել քննարկումը:

• Բովանդակություն ցուցադրման համար. Տիրոջ չափանիշներն աշխարհի չափանիշների հետ համեմատող գծապատկեր

• Տեսանյութեր. «Հաստատ կանգնեք սուրբ տեղերում» (16:07, դիտել 3:22-4:50-ը), «Հակոբն ուսուցանում է մաքրաբարոյության մասին» (4:53, դիտել 0:20-1:51-ը), «Ես ընտրում եմ մաքուր լինել» (4:19)

• Նյութեր ուսանողների համար. «Երիտասարդներին զորացնելու համար» գրքույկի (2011) օրինակը յուրաքանչյուր ուսանողի համար

Հակոբ 4

Դասի նպատակը. այս դասը կգնի ուսանողներին ամրապնդել իրենց հավատքն առ Հիսուս Քրիստոսը՝ բացահայտելով, գրառելով և մտածելով Հակոբի ուսուցանած սկզբունքների և ճշմարտությունների մասին:

• Ուսանողի նախապատրաստում. ուսանողներին կարող եք առաջարկել կարդալ Հակոբ 4.7–14 հատվածները և պատրաստվել՝ դասի ընթացքում կիսվելու իրենց գտած սկզբունքներով և ճշմարտություններով, որոնք, նրանց կարծիքով, այսօր հատկապես անհրաժեշտ են աշխարհում:

• Նյութեր ուսանողների համար. գրիչից կամ մատիտից բացի մեկ այլ բան, որով ուսանողները կարող են ալյումինե նրբաթիթեղի կամ թղթի վրա գծագրել կամ փորագրել որևէ պարբերություն

• Բովանդակություն ցուցադրման համար. պարբերակներ դասի վերջում, որոնք օգնում են ուսանողներին խորհել իրենց բացահայտած ճշմարտության շուրջ

• Առցանց ուսուցման առաջարկ. մի քանի ուսանողի կարող եք առաջարկել կիսվել Հակոբ 4.7–14 հատվածներում իրենց գտած սկզբունքով և ճշմարտությամբ՝ օգտվելով զրուցարանի գործառույթից: Հետո մյուս ուսանողները կարող են կիսվել հարցերով, որպեսզի դասարանը խորհի սկզբունքի կամ ճշմարտության շուրջ: