2 Նեփի 32.8–9

«Դուք պետք է միշտ աղոթեք»

Մեզ տրված ամենահիմնական պատվիրաններից մեկը Երկնային Հորն աղոթելն է: Բայց աղոթելիս շատ բաներ կարող են խոչընդոտ լինել մեր ճանապարհին: Նեփին իր ժողովրդին հիշեցրեց աղոթքի կարևորության և կանոնավոր կերպով Երկնային Հոր հետ հաղորդակցվելուց եկող օրհնությունների մասին: Այս դասը կօգնի ձեզ մեծացնել աղոթքի միջոցով Երկնային Հոր հետ հաղորդակցվելու ձեր ցանկությունը:

Ուսանողների գիտելիքի գնահատում Յուրաքանչյուր ուսանող ավետարանի թեմաները տարբեր աստիճանի է ընկալում: Ուսանողներին առաջարկեք կիսվել իրենց իմացածով, որը կարող է օգնել ձեզ ընտրել, թե ուսանողները դասի որ հատվածի վրա պետք է ժամանակ ծախսեն:

Ուսանողի նախապատրաստում. ուսանողներին կարող եք առաջարկել մտածել, թե ինչ հաճախականությամբ են աղոթում և ինչու:

Հնարավոր ուսումնական վարժություններ

Ե՞րբ եք դուք աղոթում

Կարող եք սկսել ստորև ներկայացվող վարժությունից, որը կօգնի ուսանողներին մտածել, թե ինչու և երբ են աղոթում:

Գրատախտակին կարող եք գրել հետևյալ նախադասությունը. ես աղոթում եմ, երբ …

Մտածեք բազմաթիվ եղանակների մասին, որոնցով կարող եք ճշգրիտ լրացնել հետևյալ հայտարարությունը. ես աղոթում եմ, երբ …

Արդյունավետ կլինի, եթե ուսանողներին առաջարկեք նախադասությունն ավարտել անանուն՝ գրելով առանձին թղթերի վրա, որոնք կարող եք հավաքել և բարձրաձայն կարդալ:

Հնարավորության դեպքում դիտեք «Ես աղոթում եմ, երբ …» տեսանյութը (1:56), որպեսզի տեսնեք, թե տարբեր մարդիկ ինչպես են ավարտել նախադասությունը: Տեսանյութը հասանելի է այստեղ՝ ChurchofJesusChrist.org:

I Pray When... #didyouthinktopray

Մի պահ մտածեք, թե որքան հաճախ եք աղոթում Երկնային Հորը և ինչու եք աղոթում: Ձեր ուսումնասիրությունը շարունակելու ընթացքում խորհեք, թե Երկնային Հայրն ինչպես է օրհնում ձեր աղոթքների համար, ինչպես նաև՝ ինչպես եք զգում, որ Նա գուցե կամենում է, որ բարելավեք հաղորդակցումը Նրա հետ:

Նեփիի ուսմունքները աղոթքի մասին

Երբ Նեփին իր ժողովրդին ուսուցանում էր մնալ դեպի հավերժական կյանք տանող նեղ ու անձուկ արահետի վրա և սնվել Քրիստոսի խոսքերով (տես 2 Նեփի 31.19–20, 32.1–3), նա ուսուցանեց, թե ինչպես կարող են իմանալ Նրա խոսքերի ճշմարտացիությունը:

Կարդացեք Նեփիի խոսքերը 2 Նեփի 32.4, 7 հատվածում:

• Նեփիի ժողովուրդը ի՞նչ չէր ցանկանում անել:

• Ըստ ձեզ՝ ինչո՞ւ էր դա հուսահատեցնում Նեփիին:

Այնուհետև Նեփին շարունակեց ուսուցանել աղոթքների կարևորության մասին:

Կարդացեք 2 Նեփի 32.8–9 հատվածը և փնտրեք, թե ինչ էր ուսուցանում Նեփին աղոթքի մասին:

2 Նեփի 32.8–9 հատվածը վարդապետության սերտման սուրբ գրության հատված է: Կարող եք առանձնահատուկ ձևով նշել վարդապետության սերտման հատվածները, որպեսզի հեշտությամբ գտնեք դրանք: Հաջորդ դասին դուք հնարավորություն կունենաք կիրառելու այս հատվածում ուսուցանված վարդապետությունը որևէ հարցի կամ իրավիճակի համար:

• Ի՞նչ ճշմարտություններ գտաք:

Մի քանի ուսանողի խրախուսեք կիսվել: Երբ նրանք կիսվեն ճշմարտություններով, գրեք դրանք գրատախտակին կամ հնարավորություն տվեք ուսանողներին գրել դրանք գրատախտակին: Ստորև բերված են որոշ ճշմարտություններ, որոնք ուսանողները կարող են բացահայտել.

Նեփիի ուսուցանած ճշմարտություններից մի քանիսն են.

• Եթե մենք միշտ աղոթենք, Երկնային Հայրը կնվիրագործի մեր ջանքերը մեր հոգիների բարօրության համար:

• Երկնային Հայրը կամենում է, որ մենք աղոթենք:

• Սատանան չի կամենում, որ մենք աղոթենք:

• Դուք պետք է միշտ աղոթեք:

Հաղորդակցումը մեր Երկնային Հոր հետ

Ուսումնասիրեք, թե ուսանողներն ինչ են կիսվել աղոթքի մասին, ապա որոշեք, թե ստորև ներկայացված վարժություններից որոնք կարող են ամենաօգտակարը լինել: Կամ կարող եք ուսանողներին բաժանել հետևյալ թերթիկները ու առաջարկել նրանց կատարել մեկ կամ երկու վարժություն, որը նրանց կարծիքով ամենից շատ կօգնի նրանց:

Ուսանողները կարող են աշխատել մենակ կամ որևէ դասընկերոջ հետ: Միասին աշխատելու դեպքում կարող են իրենց բացահայտածը միասին ներկայացնել:

Իմացեք ավելին աղոթքի մասին

Մորմոնի Գիրք. Ուսուցչի ձեռնարկ. (2024). 2 Նեփի 32.8–9. «Դուք պետք է միշտ աղոթեք»

Վարժություն Ա

Որո՞նք են այն մի քանի պատճառները, որ Երկնային Հայրը կամենում է, որ մենք աղոթենք, մինչդեռ սատանան գայթակղում է մեզ չաղոթել:

• Սատանան ի՞նչ եղանակներով կարող է գայթակղել մեզ չաղոթել:

Սատանան կարող է «սովորեցել [մեզ], որ [մենք] չպետք է աղոթենք»՝ փորձելով համոզել մեզ այն սուտը, որ մենք այլևս արժանի չենք աղոթելու, քանի որ մեղանչել ենք:

Խորհեք, թե ինչ օրհնություններ է սատանան փորձում խանգարել մեզ ստանալ, երբ դուք անում եք հետևյալը.

• Ժամանակ հատկացրեք աղոթքի մասին ուսումնասիրություն կատարելու համար: Կարող եք աղոթքի մասին նյութեր փնտրել Աստվածաշնչի բառարանում կամ Սուրբ գրքերի ուղեցույցում, որոնել Ավետարանական թեմաներում կամ փնտրել գերագույն համաժողովի ելույթներում, որոնցում խոսվում է աղոթքի մասին: Ուսումնասիրելիս փնտրեք նյութեր աղոթքի օրհնությունների մասին: Կարող եք նաև մտածել ձեր կյանքում աղոթքից ստացած օրհնությունների մասին: Հիմնվելով ձեր ուսումնասիրության և փորձառությունների վրա՝ մտածեք, թե ինչու է Երկնային Հայրը կամենում, որ աղոթենք, և ինչու է սատանան գայթակղում մեզ չաղոթել:

Հնարավորության դեպքում լրացուցիչ պատճառներ գտեք «Աստված կամենում է, որ աղոթեք» տեսանյութը (3:28) դիտելիս (հասանելի է այստեղ՝ ChurchofJesusChrist.org): Տեսանյութը Քեյլայի փորձառության մասին է, որտեղ նա աղոթում է և միաժամանակ դժվարությունների է բախվում:

God Wants You to Pray

Գրեք առնվազն երկու ճշմարտություն, որ սովորեցիք աղոթքի մասին: Ներառեք, թե ինչու եք կարծում, որ Երկնային Հայրը կամենում է, որ մենք աղոթենք, իսկ սատանան գայթակղում է մեզ չաղոթել:

Վարժություն Բ

Ի՞նչ է նշանակում՝ «միշտ աղոթեք»:

Կարող եք նշել «միշտ աղոթեք և չթուլանաք» արտահայտությունը (2 Նեփի 32.9):

Կարդացեք Ալմա 34.21, 27 հատվածը և գտեք մտքեր, թե ինչ կարող էր նշանակել միշտ աղոթելը:

• «Ե՛վ առավոտյան, և՛ կեսօրին, և՛ երեկոյան» աղոթելը (Ալմա 34.21) ինչո՞ւ կարող է օրհնություն լինել:

• Մենք մեր սրտերն ինչպե՞ս կարող ենք առ Աստված ուղղել, նույնիսկ երբ չենք աղոթում:

Տասներկու Առաքյալների Քվորումից երեց Դեյվիդ Ա. Բեդնարը մի օրինակ է բերել այն մասին, թե ինչ կարող է նշանակել՝ միշտ աղոթել․

Առավոտյան աղոթքով խորհրդակցեք Երկնային Հոր հետ: …

Օրվա ընթացքում մենք աղոթքը պահում ենք մեր սրտում՝ շարունակ աջակցություն և ուղղորդում ստանալու համար: …

Մեր օրվա վերջում մենք կրկին ծնկի ենք իջնում և հաշվետվություն տալիս մեր Հորը: Մենք վերանայում ենք օրվա իրադարձությունները և սրտանց շնորհակալություն հայտնում մեր ստացած օրհնությունների և օգնության համար: Մենք ապաշխարում ենք և Տիրոջ Հոգու օժանդակությամբ գտնում այն ճանապարհները, որոնցով կարող ենք գործել և վաղը ավելի լավը դառնալ: Այսպիսով, մեր երեկոյան աղոթքը կառուցվում է առավոտյան աղոթքի վրա և դառնում դրա շարունակությունը: Իսկ մեր երեկոյան աղոթքը նաև նախապատրաստություն է իմաստալից առավոտյան աղոթքի համար: (Դեյվիդ Ա. Բեդնար, «Միշտ աղոթեք», Լիահոնա, նոյեմբեր 2008թ., 41–42)

Ձեր բառերով գրեք, թե ըստ ձեզ, ինչ է նշանակում՝ միշտ աղոթել:

Վարժություն Գ

Երկնային Հայրն ինչպես է մեր ջանքերը նվիրագործելու մեր հոգու բարօրության կամ օգուտի համար:

Նեփին ուսուցանել է. «դուք պետք է աղոթեք Հորը, Քրիստոսի անունով, որ նա նվիրագործի ձեր կատարումը ձեզ համար, որպեսզի [այն] լինի ձեր հոգու բարօրության համար» (2 Նեփի 32.9): Նվիրագործել նշանակում է որևէ սրբազան կամ նվիրյալ գործ կատարել:

Մտածեք առնվազն մեկ օրինակ, որտեղ Երկնային Հայրն օրհնել է մեկին, որն աղոթել և ձգտել է անել այն, ինչ Նա կամենում էր: Դա կարող է լինել անձնական փորձառություն, մեր օրերի օրինակ, կամ կարող եք գտնել մի պատմություն սուրբ գրություններում (անհրաժեշտության դեպքում օրինակ գտնելու համար օգտվեք Թեմաների ուղեցույցից, Ցանկից կամ Սուրբ գրքերի ուղեցույցից):

Գրեք օրինակը և ինչ է ուսուցանում ձեզ այդ օրինակն այն մասին, թե Երկնային Հայրն ինչպես կօրհնի Իր կամքն աղոթելով կատարելու մեր ջանքերը:

© 2024 by Intellectual Reserve, Inc. All rights reserved.

Վարժություն Գ-ի համար ուսանողները կարող են մտածել մի քանի օրինակների շուրջ․ երբ Նեփին աղոթում է, և նրա կապերը քանդվում են (տես 1 Նեփի 7.16–19), և երբ Լեքին աղոթում է ուղղորդում ստանալու համար, որպեսզի օգնի Նեփիին իր ընտանիքի համար սնունդ ձեռք բերել (տես 1 Նեփի 16.21–26, 30–32):

Մի քանի ուսանողի առաջարկեք կիսվել, թե ինչ սովորեցին իրենց կատարած վարժություններից: Դա թույլ կտա ուսանողներին սովորել իրենց դասընկերների փորձառություններից: Ուսանողները կարող են կիսվել նաև իրենց ունեցած հարցերով: Այդ դեպքում առաջարկեք այլ ուսանողների օգնել պատասխանել հարցերին՝ հիմնվելով իրենց ուսումնասիրածի և իրենց սեփական փորձի վրա:

Ի՞նչ եմ ուզում հիշել

Մտածեք, թե ինչ սովորեցիք այսօր: Կարող եք գրել այն, ինչը ցանկանում եք հիշել կամ անել արդյունքում: Օրինակ՝ գուցե ցանկանում եք ավելի հաճախ աղոթել, ձգտել իմանալ, թե Տերն ինչպես կօրհնի ձեզ աղոթելիս և գործելիս կամ ձգտել հաղթահարել ցանկացած գայթակղություն, որը զգում եք չաղոթելու համար::

Եթե զգաք, որ տեղին է, կարող եք ուսանողներին առաջարկել ընդմիջում անել և լուռ աղոթել՝ կիրառելով այն, ինչ մտածել են աղոթքի վերաբերյալ:

Բացատրական և պատմական տեղեկություններ

Ինչո՞ւ է աղոթքն այդքան կարևոր:

Յոթանասունի Քվորումիս երեց Հոսե Ա. Թեքսեյրան ասել է.

Remember Your Way Back Home

Մենք ապրում ենք այնպիսի ժամանակներում, երբ մեկ հպումով կամ ձայնային հրամանով կարող ենք համակարգիչների հսկայական և բարդ ցանցում պահվող վիթխարի տվյալների մեջ պատասխանների համար and organized որոնում սկսել գրեթե ցանկացած թեմայի վերաբերյալ:

Մյուս կողմից՝ մենք պարզ հրավեր ունենք` սկսելու պատասխաններ որոնել երկնքից: «Միշտ աղոթիր, և ես իմ Հոգին դուրս կթափեմ քո վրա»: Այնուհետև, Տերը խոստանում է. «Եվ մեծ կլինի քո օրհնությունը, այո՛, նույնիսկ ավելի մեծ, քան եթե դու ձեռք բերեիր երկրի գանձերը» [Վարդապետություն և Ուխտեր 19.38]:

Աստված լիովին ճանաչում է մեզանից յուրաքանչյուրին և պատրաստ է լսել մեր աղոթքները: Երբ մենք հիշում ենք, որ պետք է աղոթենք, գտնում ենք Նրա աջակցող սերը և որքան ավելի շատ աղոթենք մեր Երկնային Հորը Քրիստոսի անունով, այնքան ավելի շատ Փրկչին մեր կյանք կբերենք և ավելի լավ կճանաչենք ուղին, որը Նա նախանշել է դեպի մեր երկնային տուն (Հոսե Ա. Թեքսեյրա, «Հիշեք ձեր տունդարձի ճամփան», Լիահոնա, մայիս 2021թ., 93):

Ի՞նչ կարող եմ անել՝ աղոթքներն ավելի իմաստալից ու արդյունավետ դարձնելու համար:

Տասներկու Առաքյալների Քվորումից նախագահ Մ. Ռասսել Բալլարդն ասել է.

Հաճախ բավարար չէ միայն արդարության, խաղաղության, աղքատների և հիվանդների համար աղոթելը: Աղոթքի համար ծնկի իջնելուց հետո պետք է ոտքի կանգնենք և անենք՝ ինչ կարող ենք, որպեսզի օգնենք ինչպես մեզ, այնպես էլ ուրիշներին: (Մ. Ռասսել Բալլարդ, «Արդ ուշադիր եղեք և միշտ աղոթեք», Լիահոնա, նոյեմբեր 2020թ., 78–79)

«Միշտ աղոթեք» ելույթում Տասներկու Առաքյալների Քվորումից երեց Դեյվիդ Ա. Բեդնարն ուսուցանել է Երկնային Հոր հետ մեր հաղորդակցումն ամրացնելու երեք սկզբունք:

Pray Always

«Գաղափարների ցանկ. Աղոթեք զորությամբ» (New Era, օգոստոս 2006թ.) հոդվածը ներկայացնում է առաջարկություններ, թե ինչ անել, որ Երկնային Հորն ուղղված ձեր աղոթքներն ավելի նշանակալից լինեն:

Օժանդակ ուսումնական վարժություններ

Աղոթքի քայլերը

Եթե ուսանողներին անհրաժեշտ է օգնություն, թե ինչպես պետք է աղոթեն, կարող եք նրանց առաջարկել կարդալ Տիրոջ աղոթքը Մատթեոս 6.9–13-ում: Որպեսզի օգնեք ուսանողներին ընկալել աղոթքի կարևոր տարրերը, նրանց առաջարկեք վերանայել նախագահ Ռասսել Մ. Նելսոնի «Դասեր Տիրոջ աղոթքից» ելույթը (Լիահոնա, մայիս 2009թ.): Խրախուսեք նրանց մտածել այն մասին, թե ինչպես կարող են այդ բաները կիրառել իրենց աղոթքներում:

Lessons from the Lord's Prayers

Գերագույն համաժողովի ելույթի ուսումնասիրությունը

Ուսանողների տարբեր խմբերին առաջարկեք կարդալ երեց Դեյվիդ Ա. Բեդնարի «Միշտ աղոթեք» ելույթի երեք սկզբունքներից մեկը: Ուսանողները կարող են հետո հայտնել, թե ինչ սովորեցին, և սովորածն ինչպես կարող է օգնել նրանց միշտ աղոթել:

Չաղոթելու գայթակղությունները

Ուսանողները կարող են մտքերի փոխանակում անել և քննարկել այն ձևերն ու պատճառները, որոնցով սատանան կարող է փորձել գայթակղել դեռահասին չաղոթել: Նրանք կարող են սուրբ գրություններում որոնել այն ճշմարտությունները, որոնք կարող են օգնել դեռահասին հաղթահարել այդ գայթակղությունները: