Jacob 5:54–77; 6:1–13

“Pagkabulahan Kanila nga Naghago sa Kakugi diha sa Iyang Ubasan”

Sa unsang paagi ang pasumbingay sa mga kahoy nga oliba nga natala sa Jacob 5 nalambigit kanimo? Ang kataposang bahin niini nga pasumbingay nagsimbolo sa buhat sa Ginoo sa kataposang mga adlaw, lakip ang mga paningkamot nga Iyang gihimo ug sa Iyang mga sulugoon sa pagpundok og mga kalag ngadto Kaniya alang sa kataposang higayon. Kini nga leksiyon gituyo aron sa pagtabang kanimo nga mobati og mas dakong tinguha sa paghago uban sa Ginoo diha sa pagtabang sa mga anak sa Langitnong Amahan sa pagduol ngadto Kaniya.

Tabangi ang matag estudyante nga makatampo diha sa kasinatian sa pagkat-on. Ang matag estudyante gikinahanglan ug adunay kontribusyon nga himuon. Ang ubang mga estudyante mahimong mas hilig sa pag-apil kay sa ubang mga estudyante. Paghimo og mga paningkamot sa pagtabang sa matag estudyante nga makatampo sa mga paagi nga makahuluganon ug komportable alang kanila.

Pagpangandam sa estudyante: Ikonsiderar ang pagdapit sa mga estudyante sa pagbuhat sa kalihokan sa pagtuon ubos sa ulohan nga “Jacob 5:61–75: Ang Ginoo nagdapit kanako sa paghago uban Kaniya sa Iyang ubasan” diha sa latid [outline] sa pagtuon “Abril 8–14. Jacob 5–7: ‘Ang Ginoo Nag-ugmad uban Kanato’” sa Dali, Sunod Kanako—Alang sa mga Indibidwal ug mga Pamilya: Basahon ni Mormon 2024.

Mga Posibleng Kalihokan sa Pagkat-on

Mahinungdanon nga buhat

Ipaambit ang mosunod nga senaryo diha sa klase:

Si Annika bag-o lang gihangyo sa iyang bishop nga magmainampoong mokonsiderar og mga paagi nga siya mahimong moduol ug tabangan ang usa sa mga batan-ong babaye sa iyang ward nga wala na mitambong sa simbahan. Si Annika mibati og gamay nga kakulba ug natingala, “Ngano nga ang bishop mihangyo kanako sa pagbuhat niini? Tingali mas epektibo siya sa pagtabang kaniya kaysa kanako.”

• Unsa kaha ang pipila sa mga rason nga ang bishop ni Annika mahimong midapit kaniya sa pagtabang sa batan-ong babaye imbis nga siya [bishop] ang motabang niini?

Sa dili pa ipaambit ang mosunod nga pasiuna, mahimong makatabang ang pagdapit og pipila ka mga boluntaryo sa pag-summarize sa unsay ilang nahinumduman mahitungod sa mga bahin sa pasumbingay diha sa Jacob 5 nga ilang gitun-an sa miaging leksiyon.

Karong adlawa, imong tun-an ang kataposang bahin sa pasumbingay sa mga kahoy nga oliba nga narekord sa Jacob 5. Kini nga bahin sa pasumbingay nagrepresentar sa kataposang mga adlaw. Usa ka kamatuoran nga atong makat-onan gikan niini nga bahin sa pasumbingay mao nga ang Ginoo nagdapit sa Iyang mga sulugoon sa ulahing mga adlaw sa paghago diha sa Iyang ubasan pinaagi sa pag-apil sa pagpundok sa Israel.

Sa dili ka pa magsugod sa pagtuon, ikonsiderar ang imong mga pagbati mahitungod sa pagka dinapit sa Ginoo aron sa pagtabang sa pagpundok og mga tawo ngadto Kaniya. Nakahunahuna ka ba sukad kon nganong gidapit ka Niya sa pagtabang Kaniya sa Iyang buhat sa pagluwas sa mga kalag? Samtang magtuon ka, pangitaa ang mga pagtulun-an nga makatabang kanimo nga mas makasabot sa mga katuyoan sa Ginoo sa pagdapit kanato sa pag-apil uban Kaniya diha sa pagpundok sa Israel.

Ang agalon sa ubasan nagdapit sa mga sulugoon sa paghago uban kaniya

Ang kataposang bahin sa pasumbingay nagsugod sa panag-istoryahanay nga nahitabo tali sa agalon sa ubasan, kinsa nagrepresentar ni Jesukristo, ug sa iyang sulugoon, kinsa nagrepresentar sa mga propeta sa Ginoo.

Basaha ang Jacob 5:61–62, 70, mangita sa unsay gisugo sa agalon sa ubasan nga buhaton sa iyang sulugoon ug nganong mihangyo siya kaniya sa pagbuhat niini.

• Kinsa niini nga mga bersikulo ang makarepresentar kanimo ug sa ubang mga miyembro sa Simbahan?

Si Presidente Russell M. Nelson mihisgot sa buhat nga gihimo sa Ginoo ug sa Iyang mga sulugoon sa kataposang mga adlaw:

2018 Tibuok Kalibutan nga Debosyonal alang sa mga Kabatan-onan

Si Presidente Russell M. Nelson ug si Sister Wendy Nelson mamulong sa Tibuok Kalibutan nga Debosyonal alang sa mga Kabatan-onan karong Hunyo 3, 2018

Ang Ginoo misulti kang Propeta Joseph Smith nga karon, nagpasabot sa atong panahon, mao ang ika-onse nga oras ug ang katapusang higayon nga Siya motawag og mga mamumuo ngadto sa Iyang ubasan sa tuyo nga mapundok ang mga pinili gikan sa upat ka suok sa yuta [tan-awa sa Doktrina ug mga Pakigsaad 33:3, 6]. …

Gusto ba ninyong motabang sa pagpundok sa Israel niining bililhong ulahing mga adlaw? …

… Hunahunaa kana! Sa tanang katawhan nga nakapuyo niining kalibotana, kita ang makahimo sa pag-apil niini nga kalihokan sa kataposan, dakong panagtapok. Makapahinam gayod kana!

Gireserba sa atong Langitnong Amahan ang daghan sa Iyang labing halangdong mga espiritu—tingali moingon ko nga labing nindot Niya nga team—alang niining kataposang hugna. Kadtong halangdon nga mga espiritu—kadtong labing maayo nga mga magdudula, kadtong mga bayani—mao kamo! (Russell M. Nelson ug Wendy W. Nelson, “Paglaom sa Israel” [tibuok kalibotan nga debosyonal sa kabatan-onan, Hunyo 3, 2018], dugang ngadto sa New Era ug Ensign, 8, ChurchofJesusChrist.org)

• Unsa ang natabang sa pamahayag ni Presidente Nelson diha kanimo sa pagkat-on o pagbati mahitungod sa Dios?

• Unsa ang gitudlo niini kanimo mahitungod sa imong kaugalingon ug sa tahas nga imong buhaton sa pagpundok sa Israel?

• Unsa sa imong hunahuna ang pipila sa mga rason nganong ang Ginoo nagdapit kanato sa pagtabang sa pagpundok sa mga tawo ngadto Kaniya?

Ang imong bahin diha sa ubasan sa Ginoo

Ikonsiderar ang pagkompleto sa mosunod nga kalihokan diha sa imong kaugalingon sa dili pa ang klase ug ipakita sa mga estudyante ang imong litrato isip ehemplo.

Diha sa imong journal sa pagtuon o sa laing piraso sa papel, pagdrowing og hulagway sa ubasan o uma nga nagrepresentar sa ubasan sa Ginoo. Dayon pagdrowing o pagsulat og pipila ka mga butang nga nagrepresentar sa mosunod:

1. Mga kahigayonan nga aduna ka sa paghago diha sa ubasan sa Ginoo ug pagtabang sa pagpundok sa Israel. Ang mga ehemplo mahimong maglakip sa mga hulagway o mga pulong nga nagrepresentar sa mga tawo nga imong matabangan nga mas maduol ngadto sa Manluluwas, mga binuhatan nga imong mahimo aron sa pagpaambit sa ebanghelyo diha sa personal o sa online, o mga paningkamot sa pagpanalangin sa mga tawo sa pikas nga bahin sa tabil pinaagi sa paghimo sa buhat sa templo ug family history.

2. Mga babag nga imong giatubang sa imong mga paningkamot sa paghago diha sa ubasan sa Ginoo. Ang mga ehemplo mahimong maglakip sa mga hulagway o mga pulong nga nagrepresentar sa mga babag sama sa kahadlok, kawalay kasegurohan kon unsay buhaton, o pagbati nga busy kaayo sa ubang mga butang.

Tun-i ang mosunod nga mga bersikulo, mangita sa mga pagtulun-an nga makatabang kanimo sa pagbuntog sa mga babag nga imong nailhan. Ikonsiderar ang pagdugang og mga hulagway o mga pulong sa imong drowing sa ubasan base sa imong nakat-onan.

• Jacob 5:71–72, 75

• Jacob 6:2–8 (mga pagtulun-an nga gipaambit ni Jacob human sa pagkutlo sa pasumbingay)

• Doktrina ug mga Pakigsaad 18:10–16

• Unsa ang imong nakat-onan mahitungod sa Ginoo gikan niini nga mga bersikulo?

• Unsa nga mga pulong o hugpong sa mga pulong gikan niini nga mga bersikulo ang mahimong makatabang sa usa ka tawo nga nagduha-duha sa pag-apil diha sa pagpundok sa Israel?

Ikonsiderar ang pagpaambit og personal nga ehemplo isip kabahin sa diskusiyon alang sa sunod nga pangutana.

• Unsa nga mga panalangin ang imong nakita o nasinati tungod sa pag-apil uban sa Ginoo sa paghago aron sa pagdala og mga kalag ngadto Kaniya?

Paggahin sa makadiyot sa paghunahuna mahitungod sa imong sunod nga mga lakang sa pag-apil uban sa Ginoo diha sa pagpundok sa Israel. Pagrekord og usa ka tumong nga may kalabotan niini diha sa imong journal sa pagtuon o paghimo og usa ka tumong nga imo nang gitakda daan para sa imong kaugalingon. Mahimo usab nimong ilakip ang mga pulong o mga hulagway nga nagrepresentar sa imong tumong diha sa imong drowing sa ubasan. ChurchofJesusChrist.org

2021 Youth Theme Song: “A Great Work”

This is the lyric video of the 2021 Youth Theme, “A Great Work,” sung by Nik Day. The inspirational video details the work and the promises of the Lord in the latter days.

Ikonsiderar ang pagdapit sa pipila ka mga boluntaryo nga mopaambit sa ilang nahuman nga mga hulagway, uban sa ilang mga tumong, ngadto sa klase. Pagpamatuod sa mga kamatuoran nga nahisgotan karon ug dapita ang mga estudyante sa pagbuhat sa mga tumong nga ilang gihimo para sa ilang kaugalingon. Makabaton ang mga estudyante og kahigayonan sa pagduaw pag-usab niini nga tumong diha sa umaabot nga leksiyon sa Sukda ang Imong Nakat-onan.

Komentaryo ug Background nga Impormasyon

Unsa may kalabotan sa pasumbingay sa mga kahoy sa oliba ngare kanako?

Si Elder Brent H. Nielson sa Seventy mitudlo:

A Call to the Rising Generation

There is no greater call than teaching “all nations, baptizing them in the name of the Father, and of the Son, and of the Holy Ghost.”

Ang tawag sa Manluluwas alang kaninyo nga mga bag-ong henerasyon. Siya naghangyo alang sa takos, andam, matinud-anon nga batan-ong mga lalaki ug batan-ong mga babaye kinsa maminaw sa tingog sa propeta, kinsa nagtan-aw sa hagit ug moingon, ingon sa gisulti sa Manluluwas mismo, “Ania ako, ipadala ako” (Abraham 3:27). Ang panginahanglan wala pa sukad nahimong mas dako. Ang umahan wala pa sukad nahimong mas puti. Kamo gitawag sa pag-adto “niining kataposan nga higayon.” (Jacob 5:62). Walay mas dako nga buhat; walay labaw nga tawag. (Brent H. Nielson, “Usa ka Tawag ngadto sa mga Bag-o nga Kaliwatan,” Liahona, Nob. 2009, 97)

Kinsa ang nagdumala sa buluhaton nga nahitabo diha sa ubasan sa Ginoo?

Si Elder D. Todd Christofferson sa Korum sa Napulog Duha ka Apostoles mitudlo:

Pagpangandam alang sa Pagbalik sa Ginoo

Gihulagway ni Christtoferson kon giunsa pag-andam sa mga Santos sa Ulahing mga Adlaw ang yuta alang sa Ikaduhang Pag-anhi ni Jesukristo.

Samtang naningkamot nga magmakugihon sa pagpalig-on sa Zion, lakip sa atong bahin diha sa panagpundok sa pinili sa Ginoo ug sa pagtubos sa patay, kinahanglan mohunong kita aron mohinumdom nga buhat kini sa Ginoo ug Siya ang naghimo niini. Siya mao ang Ginoo sa ubasan, ug kita ang Iyang mga sulugoon. Nagdapit siya kanato sa paghago diha sa ubasan gamit ang atong kusog niining “kataposang higayon,” ug Siya maghago uban kanato (tan-awa sa Jacob 5:71–72). Tingali mas tukma ang pag-ingon nga Siya nagtugot kanato sa paghago uban Niya. … Siya mao ang nagpadali sa Iyang buhat sa Iyang angay nga panahon. Gamit ang atong dayag nga dili perpekto nga mga paningkamot—ang atong “gagmay nga mga paagi”—ang Ginoo makapahinabo sa mahinungdanon nga mga butang (tan-awa sa 1 Nephi 16:29). (D. Todd Christofferson, “Pagpangandam alang sa Pagbalik sa Ginoo,” Liahona, Mayo 2019, 84)

Unsa ang pipila sa mga paagi nga ako makahago diha sa ubasan sa Ginoo?

Sharing the Gospel

What we call “member missionary work” is not a program but an attitude of love and outreach to help those around us.

Because I Have Been Given Much

With the help of a friend, a young woman in a difficult situation finds hope in the gospel of Jesus Christ.

Dugang nga mga Kalihokan sa Pagkat-on

Kalig-on diha sa mga numero

Aron makatabang sa paghulagway sa dugang nga pagkaproduktibo nga mahimong mahitabo kon daghang mga tawo ang magtinabangay uban sa Ginoo sa pagpundok sa Israel, mahimo nimong ikatag ang mga 30–40 ka piraso sa papel palibot diha sa lawak nga adunay mga ngalan o mga hulagway sa mga tawo diha niini. Hatagi ang usa ka boluntaryo og 10 ka segundos aron makapundok og daghang “mga tawo” (mga hulagway o mga ngalan) kutob sa mahimo. Sunod, ikatag ang mga papel pag-usab ug hangyoa ang ikaduhang boluntaryo sa pag-apil sa unang estudyante diha sa pagpundok sulod sa 10 ka segundos. Itandi kon pila ka mga papel ang napundok niining higayona ngadto sa numero nga napundok sa estudyante sa iyang kaugalingon. Kon tinguhaon, mahimo kini nga sublion uban sa mas daghang mga estudyante.

Ubang mga kasulatan mahitungod sa paghago diha sa ubasan sa Ginoo.

Adunay daghang mga pakisayran sa ubasan sa Ginoo diha sa mga kasulatan. Ikonsiderar ang pagdapit sa mga estudyante sa pagtuon sa pipila sa mosunod nga mga bersikulo, mangita og dugang nga mga panabot nga ilang makuha mahitungod sa paghago sa ubasan sa Ginoo.

• Doktrina ug mga Pakigsaad 4:1–7

• Doktrina ug mga Pakigsaad 33:3–11

• Doktrina ug mga Pakigsaad 39:13, 17–20

ChurchofJesusChrist.org

How One Conversion Grew into a Band of Brothers

Elder Carl B. Cook tells how the conversion of one young man in Africa led to the conversion of 11 others and how they matured together, served missions, and then attended a temple dedication.

“O pagmaalamon; unsa pa ang akong ikadugang og sulti?” (Jacob 6:12)

Ikonsiderar ang pagdapit sa mga estudyante sa pagbasa sa panapos nga tambag ni Jacob diha sa Jacob 6:11–12. Mahimong dapiton ang mga estudyante sa paghunahuna kon nganong mahimong maalamon ang pagsunod sa tambag ni Jacob nga maghinulsol base sa unsay ilang nakat-onan gikan sa Jacob 5–6.