Иаков 7

Есүс Христэд итгэх гуйвшгүй итгэл

орлуулах

Хэрэв та өнөөдөр зарим хүн Аврагчийн Сүмийн гишүүдийн итгэлийг санаатайгаар гуйвуулахыг оролдож байна гэж бодож байгаа бол таны зөв. Энэ нь шинэ зүйл биш. Нифайчуудын дунд Шерем хэмээх эр “хүмүүсийн зүрх сэтгэлийг зайцуулан дагуулж болохын тулд шаргуу хөдөлмөрлөсөн” (Иаков 7:3). Энэ хичээл Есүс Христэд болон Түүний сайн мэдээнд итгэх итгэлийнхээ сорилтыг даван туулахад бэлтгэхэд тань тусална.

Суралцагчдад судруудын агуулгыг ойлгоход туслах Судрын агуулга нь түүнд өгүүлэх түүх, хүмүүс, үйл явдал, номлол, тайлбар юм. Эдгээр элементийг ойлгох нь суралцагчдад судрууд дээрх хувь хүмүүстэй холбогдож, сүнслэг нөлөөгөөр бичигдсэн номлолоор дамжуулан сэнхрэхэд тусалж чадна.

Суралцагчийн бэлтгэл: Энэ хичээл суралцагчдад Есүс Христэд болон Түүний сайн мэдээнд итгэх итгэлийнхээ сорилтыг даван туулахад бэлтгэхэд тусална.

Боломжит суралцах үйл ажиллагаа

Ирээдүйн сорилтод бэлтгэх нь

Дараах мэдэгдлийг хуваалцахаасаа өмнө “Нэгээс арав хүртэлх оноогоор авч үзвэл, өнөө үед Есүс Христийн эрэлхэг шавь байх нь хэр хэцүү гэж та бодож байна вэ?” гэж асуух талаар бодож үз. Та суралцагчдаас гараа дээш өргөн хуруунуудаараа оноогоо харуулахыг хүсээд, дараа нь заримаас нь яагаад ингэж хариулснаа хуваалцахыг хүсэж болно.

Ерөнхийлөгч Рассэлл М.Нэлсон бидний тулгарч буй хүнд сорилтын талаар ийн хуваалцсан.

Ерөнхийлөгч Рассэлл M.Нэлсон

Хүнд өдрүүд бидний өмнө байна. Ирээдүйд итгэлтэй хожмын үеийн гэгээнтэн байх нь хэцүү байх бөгөөд ихийг шаардана. Бид бүгд соригдох болно. Төлөөлөгч Паул хожмын өдрүүдэд Их Эзэнийг хичээнгүйлэн дагасан хүмүүс “хавчигдах болно” [ 2 Тимот 3:12] гэдгийг анхааруулсан. Тэрхүү хавчлага нь таныг дуугаа хамхин, сул дорой байхад хүргэнэ эсвэл өдөр тутмын амьдралдаа илүү сайн үлгэр жишээ үзүүлж, зоригтой байхад нөлөөлнө. (Рассэлл М.Нэлсон, “Ирээдүйг итгэлээр угт,” 2011 оны 4-р сарын Ерөнхий чуулган, 34–37)

• Ерөнхийлөгч Нэлсон энэ үгийг 2011 онд хэлсэн. Түүний дүрсэлсэн зүйлийг та ямар замаар аль хэдийн мэдэрсэн эсвэл харсан бэ?

• Есүс Христийн сэргээгдсэн сайн мэдээнд үнэнч байх явдал нь ирээдүйд ямар учраас улам бүр буурч болзошгүй вэ? Энэ нь ямар учраас үнэ цэнтэй хэвээр байна гэж та бодож байна вэ?

• Их Эзэн ямар учраас эдгээр бэрхшээлийн талаар бидэнд урьдчилан хэлсэн гэж та бодож байна вэ?

Есүс Христийн сайн мэдээний талаарх гэрчлэлийнхээ өнөөгийн хүч чадлын талаар болон ирэх хүнд хэцүү өдрүүдэд Түүнд үнэнч үлдэхэд хэр бэлтгэлтэй байгаа талаараа нэг минут тунгаан бод. Иаков 7-г судалж байхдаа Шерем хэмээх хорон муу хүн итгэлийг нь гуйвуулахыг оролдоход үнэнч үлдэхийн тулд Иаков өөрийгөө хэрхэн бэлдсэнийг олж мэд.

Шерем Христийн эсрэг номлож буй нь

Иаков 7:1–7-г унш.   ChurchofJesusChrist.org  Нифайчуудын Христэд итгэх итгэлийг гуйвуулахаар оролдохдоо Шеремийн юу заасныг олж мэд.

• Нифайчуудын итгэлийг гуйвуулахаар оролдохдоо Шерем юу заасан бэ?

• Өнөөгийн хүмүүс Христийн шавь нарын итгэлийг сорьж болох ямар ямар арга зам байдаг вэ?

Суралцагчдыг дараах асуултыг дотроо тунгаан бодохыг урь.

Таны эргэн тойрныхноос хэн нэгэн нь бусдын нөлөөгөөр Есүс Христэд болон Түүний сэргээгдсэн сайн мэдээнд итгэх итгэлдээ эргэлзэж байсныг харсан эсэхээ тунгаан бод. Түүнд итгэх итгэлд тань хэн нэгэн эргэлзэж байгааг та анзаарсан уу?

Иаковын итгэлийг ганхуулах аргагүй

Суралцагчдыг жижиг бүлгүүд болон дараах шүлгийг уншихад урь. Дараа нь бүлэг бүрээс нэг суралцагчийг бусдыгаа төлөөлөн Иаковын жишээнээс сурч мэдсэн зүйлээ самбар дээр бичихэд урь. Суралцагчдын олж мэдэх зарим үнэн нь: Сүнс бидэнд итгэлийг маань сорьсон үед юу хийх, юу хэлэхээ мэдэхэд тусалдаг бөгөөд бид Христэд итгэх итгэлээ хүчирхэгжүүлэхийн тулд бошиглогчдын сургаалд найдаж болно.

Суралцагчдыг хуваалцах үед, төгс эзэмших сургаалын хэсгүүд, сүнслэг мэдлэг олж авах зарчмуудыг судалснаар Есүс Христэд итгэх итгэлийнхээ сорилтыг даван туулахад бэлтгэж чадна гэдгийг сануулах талаар бодож үз.

Иаков 7:5, 8–12-ыг уншаад, Шеремийн сургаалыг няцаахад Иаковт юу тусалсан болохыг олж мэд.

Бидний 5-р шүлэг-ээс сурч болох нэг зарчим бол Бидний итгэлийг хүчирхэгжүүлсэн өнгөрсөн үеийн сүнслэг туршлагуудыг дурсан санаснаар бид Есүс Христэд итгэх итгэлийнхээ сорилтуудыг даван туулж чаддаг явдал юм.

• Иаков энэ сорилтыг туулахдаа өөрт нь тусалсан ямар тодорхой зүйлийг санаж байсан бэ?

• Бидний итгэл сорилттой тулгарах үед өнгөрсөн үеийн сүнслэг туршлагыг санах нь хэрхэн биднийг хүчирхэгжүүлдэг вэ?

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

Ахлагч Нийл Л.Андэрсэн

Ариун Сүнснээс хүлээн авдаг намуухан удирдамжийн зэрэгцээ Бурхан биднийг мэддэг, хайрладаг гэдгээ мөн онцгойлон, нээлттэй адисалж байгаагаа хүчирхэг байдлаар бидний хүн нэг бүрд үе үе баталдаг. Харин хүнд хэцүү үед маань Аврагч эдгээр туршлагыг ой тойнд минь сануулдаг. …

Ариун нандин дурсамжуудаа нандигнан хайрла. Тэдгээртээ итгэ. Тэдгээрийг бичиж ав. … Хэрэв та амьдралыг тодорхойлогч сүнслэг үйл явдлуудаа хүлээн зөвшөөрч, нандигнан хайрлахад бэлэн байх юм бол тэдгээр нь ар араасаа даган ирнэ гэдгийг би танд амлаж байна. Тэнгэрлэг Эцэг таныг мэддэг бас хайрладаг. (Нийл Л.Андэрсэн, “Амьдралыг тодорхойлогч сүнслэг дурсамжууд,” 2020 оны 4-р сарын Ерөнхий чуулган, 18–24)

Хэрэв та дараах санааг ашиглах гэж байгаа бол суралцагчдад өөрсдийн мэдрэмж, туршлагыг тунгаан бодож, залбирч, тэмдэглэх хангалттай хугацаа өг. Суралцагчдыг хэт ариун нандин биш бол туршлагаасаа сайн дураар хуваалцахад урь. Суралцагчдад мөн өөрсдөдөө хамааруулж болох хэт ариун нандин буюу өвөрмөц бус хувийн жишээгээ хуваалцах талаар бодож үз.

Бурхан чамайг мэддэг, хайрладаг гэдгийг батлахын тулд Түүнээс танд өгсөн мэдрэмж, туршлагыг санахад хэсэг хугацаа зарцуул. Тэдгээрийн заримыг судлах тэмдэглэл эсвэл судартаа тэмдэглэ. Хэрэв танд ийм туршлагыг санахад тань тусламж хэрэгтэй бол Тэнгэрлэг Эцэгээс зарим нэг урагшлах алхмыг таньж мэдэхэд эсвэл санахад туслахыг хүсэн залбир. Тэр үүнийг өөрийн цаг хугацаа, арга замаар хийх болно.

“Амьдралыг тодорхойлогч сүнслэг дурсамжууд” видеог 13:40-14:46 хооронд үзэхийг хүсэж болно. Ахлагч Андэрсэны жишээнд бидний сүнслэг дурсамж хүнд хэцүү үед бидний болон бусдын аль алиных нь замыг гэрэлтүүлж чадахыг хэрхэн харуулж байгааг олж мэд. Энэ видеог эндээс үзэх боломжтой ChurchofJesusChrist.org.

Дараах зөвлөмжийг ашиглан, суралцагчдад хайртай хүндээ мессеж эсвэл э-мэйл бичих хэдэн минут өгч болно. Зарим ариун нандин түүхээ зөвхөн хувьдаа хадгалах ёстойг сануулах нь тустай байж болох юм.

Таны нэг туршлагыг сонсоод хүчирхэгжиж болох таньдаг хэн нэг хүнийхээ талаар тунгаан бод. Тэдэнтэй хуваалцах арга замыг хайж ол.

Мөн итгэл, туршлага нь таны итгэлийг бэхжүүлж чадах хайртай хүмүүс, Сүмийн удирдагчдын талаар бод. Тэднээс тусламж хүсэх талаар бодож үз.

Бурханаас ирсэн дохио

Иаков 7:13–23-ыг унш.

Дараах хоёр асуултыг үзүүлээд, тэдгээрийг дотроо тунгаан бодоход суралцагчдыг урь. Дараа нь тэднээс сайн дураараа хариултуудаа хуваалцахыг хүс.

• Иаков ямар учраас энэ түүхийг өнөөгийн хүмүүст зориулж бичсэн гэж та бодож байна вэ?

• Таны бодлоор Тэнгэрлэг Эцэг таныг өнөөдөр сурч мэдсэн зүйлээ тулгарч буй нөхцөл байдалдаа хэрхэн хэрэгжүүлэхийг хүсэх байсан бэ?

Тайлбар ба нөхцөл байдлын талаарх мэдээлэл

Би хэрхэн сүнслэг туршлагыг илүү сайн таньж, санаж чадах вэ?

Тэргүүн зөвлөлийн ерөнхийлөгч Хэнри Б.Айринг Их Эзэний мутрыг хэрхэн харснаа тэмдэглэлдээ бичихэд өдөөгдсөн тухайгаа ийн хуваалцсан.

Ерөнхийлөгч Хэнри Б.Айринг

Олон жилийн турш би өдөр бүр хэдэн мөр бичдэг байлаа. … Би бичиж эхлэхээсээ өмнө “Би өнөөдөр биднийг буюу хүүхдүүдийг маань, гэр бүлийг маань адисалж буй Бурханы мутрыг харсан уу?” хэмээх асуултыг тунгаан боддог байсан. Үүнийг үргэлжлүүлэн хийж байхад нэгэн зүйл тохиолдож эхэлсэн юм. Би тухайн өдрийнхөө талаар эргэн бодох үедээ, завгүй өнгөрүүлсэн цаг мөчүүд дунд анзаарч харж амжаагүй, бидний хэн нэгний төлөө Бурханы хийсэн зүйлсийн нотолгоог олж хардаг болсон. Энэ нь удаа дараа тохиож байсан ба би санахыг хичээснээр Бурхан надад юу хийснээ үзүүлэх боломжийг олгож байсныг анзаарч билээ. (Henry B. Eyring, “O Remember, Remember,” Liahona, Nov. 2007, 67)

Өнөө үед Христэд итгэх итгэлийг сүйтгэхээр эрэлхийлж буй хүмүүсийн сургаалыг би хэрхэн таних вэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн хэлжээ.

Ахлагч Д.Тодд Кристоффэрсон

Та бүхний мэдэж байгаачлан, дэлхийн арга замууд Христийн эсрэг буюу “Христээс өөр зүйл” юм. Бидний өдрүүд бол хүч чадалтай хүмүүс бусдыг шударга бусаар эзэгнэж, бэлгийн харьцааны эрх чөлөөнд баясаж, эд баялаг хуримтлуулахыг оршин тогтнох зорилгоо болгон уриалж байсан Мормоны Ном дахь түүхийн давталт билээ. Тэдний үндсэн зарчим нь “бяцхан нүгэл [2 Нифай 28:8] эсвэл бүр маш их нүгэл үйлдэхийг зөвтгөдөг боловч аль нь ч гэтэлгэлийг санал болгож чаддаггүй”. Тэрхүү гэтэлгэл зөвхөн Хурганы цусаар ирдэг. “Христээс өөр зүйл” аль эсвэл “наманчлалаас өөр зүйл” хэмээн ярьцгаадаг хүмүүсийн хэлж чадах хамгийн гоё үг бол нүгэл гэж байхгүй, эсвэл хэрэв байгаа бол энэ нь эцсийн эцэст ямар ч үр дагавар авчрахгүй гэсэн үндэслэлгүй мэдэгдэл юм. Би энэхүү мэдэгдэл Шүүлтийн өдөр хүчин төгөлдөр байна гэж бодохгүй байна. (Д.Тодд Кристоффэрсон, “Бурханы хайр,” 2021 оны 10-р сарын Ерөнхий чуулган, 17)

Төгс эзэмших сургаалыг судлах үндсэн материал (2022)-ын “Сүнслэг мэдлэг олж авах нь” хэсгийн 12-р догол мөрийг унш.

Хэн нэгэн миний итгэлд эргэлзэхэд би хэрхэн хариулахаа мэдэхгүй байвал яах вэ?

Далын ахлагч Жорг Клэбингат ийн хэлсэн.

Ахлагч Жорг Клэбингат

Үнэнийг гэрчлэхийн тулд та сайн мэдээний эрдэмтэн байх албагүй; та бүх хариултыг мэдэх ч шаардлагагүй, энгийн гэрчлэлийг мэдэх хүүхэд ч тоглоомын талбай дээр Христийн хамгаалагч байж чадахыг санаарай; Заримдаа “Би мэдэхгүй байна” гэж хэлэхэд зүгээр. (Jörg Klebingat, “Defending the Faith,” Ensign, Sept. 2017, 53)

Нэмэлт суралцах үйл ажиллагаа

Сөргөлдөөнийг маргаангүйгээр зохицуулах

Итгэл үнэмшилд тань эргэлзэхэд, халдахад эсвэл эелдэг бусаар хариулах үед хэцүү санагдаж болно.   Нэг ангийн хүүхэд нь залуу эмэгтэйн итгэл үнэмшилд халдсан дүрийг авч үзье. Тэрээр нөхцөл байдлыг хэрхэн илүү сайн зохицуулах талаар бишопоосоо зөвлөгөө авсан.

Суралцагчдын итгэл үнэмшилд хэн нэгэн эргэлзэх нөхцөл байдлыг биечлэн эсвэл онлайнаар хэлэлцэх талаар бодож үзээрэй. Дараа нь бусадтай сөргөлдөх мэдрэмжийг төрүүлэх юм уу нэмэгдүүлэхгүй байхын зэрэгцээ итгэлдээ хэрхэн бат зогсох талаар санаагаа хуваалцахад суралцагчдыг урь.

Холбогдох эшлэлээр дамжуулан ойлголтыг гүнзгийрүүлэх

Суралцагчдыг Иаков 7:5-ыг Хиламан 5:12, Иосеф Смит—түүх 1:22–26-тай холбогдох эшлэл болгож эсвэл холбоосыг холбож судлахыг урь. Дараа нь итгэлдээ хэрхэн бат бөх зогсохыг ойлгохын тулд хамтрагчтайгаа эдгээр эшлэлийг судлахад тэднийг урь.

Эргэлзээтэй тулгарсан үедээ судрыг судлах нь

  Энэ видеонд Арван хоёр төлөөлөгчийн чуулгын ерөнхийлөгч М.Рассэлл Баллард судруудыг судлах нь нэг номлогчид асуулт, эргэлзээг даван туулахад хэрхэн тусалсан талаар хуваалцжээ.