Վարդապետության սերտման կրկնություն 6

Հասկանալ և բացատրել

կինը ուսուցանում է դասարանին

Վարդապետության սերտման նպատակներից մեկն է օգնել ձեզ հասկանալ վարդապետության սերտման հատվածներում ներկայացված Երկնային Հոր և Հիսուս Քրիստոսի ուսմունքները և կարողանալ բացատրել դրանք ձեր խոսքերով: Այս դասը կօգնի ձեզ ավելի խորությամբ հասկանալ և բացատրել Մորմոնի Գրքի վարդապետության սերտման հատվածներից մեկի կամ մի քանիսի ճշմարտությունները:

Սեր արտահայտեք և մեծ ակնկալիքներ ունեցեք: Երբ ուսուցիչներն իսկապես սիրում են իրենց ուսանողներին, չափազանց շատ ջանք են ներդնում նրանց առաջընթացի և հաջողության համար և բավարարված չեն լինում ուսանողների գործադրած շատ փոքր ջանքերով: Սիրով խրախուսեք ձեր ուսանողներին՝ իրացնելու իրենց ներուժը որպես ուսանողներ և Հիսուս Քրիստոսի աշակերտներ:

Ուսանողի նախապատրաստում. ուսանողներին առաջարկեք վերանայել այս դասի աղյուսակի հատվածները և ընտրել մեկը, որը կցանկանային ավելի լավ հասկանալ: Նրանց խնդրեք կարդալ իրենց ընտրած հատվածը և փորձել ավելի լավ հասկանալ այն: Դրա հետ կարող են նաև որոնել այլ համապատասխան սուրբ գրություններ, իրենց օրագրում գրել դրա վերաբերյալ իրենց մտքերը կամ մեկ ուրիշին հարցնել, թե ինչպես է նա հասկանում այդ հատվածը: Նրանց առաջարկեք պատրաստվել և կիսվել իրենց կատարածով և սովորածով:

Հնարավոր ուսումնական վարժություն

Գուցե անհրաժեշտ լինի այս դասի փոխարեն վարդապետության սերտման հատվածի դաս անել: Ուսումնասիրեք ձեր շրջանի կամ տարածաշրջանի տնօրենի կամ համակարգողի կողմից տրամադրված ժամանակացույցը, որպեսզի հավաստիանաք, որ վարդապետության սերտման յուրաքանչյուր հատված ուսուցանվելու է այն ժամանակ, երբ ընթանում են սեմինարիայի դասերը:

Ռազմավարություն

Ցուցադրեք ստորև ներկայացվող պատկերները կամ դրանց նմանվող պատկերներ: Ուսանողներին բաժանեք զույգերի կամ փոքր խմբերի և նրանց առաջարկեք քննարկել իրենց սիրած սպորտաձևերը կամ խաղերը, և ինչու են նրանք սիրում դրանք: Ապա կարող են միմյանց հետ քննարկել հետևյալ հարցերը:

ռեգբի

• Ո՞ր ռազմավարություններն են օգնում հաղթել ձեր սիրած սպորտաձևերում կամ խաղերում: Ինչո՞ւ:

• Ինչո՞ւ է կարևոր խաղում ռազմավարություն կամ ծրագիր ունենալ:

Երկու երիտասարդների օրինակը, որոնք իրենց սպորտաձևում և Երկնային Հոր ու Հիսուս Քրիստոսի հետ հարաբերությունում հաջողության հասնելու համար ռազմավարություններ են օգտագործում, դիտեք «Պահպանել հոգևոր «մարզավիճակը»» տեսանյութը (3:31), որը հասանելի է այստեղ՝ ChurchofJesusChrist.org:

• Սուրբ գրությունները կարդալուց բացի ռազմավարություններ ունենալն ինչպես կարող է օգնել ձեզ ավելի լավ հասկանալ սուրբ գրություններում ներկայացված Աստծո խոսքերը:

• Ի՞նչ ռազմավարություններ եք օգտագործել, որոնք օգնել են ձեզ հասկանալ սուրբ գրությունները:

Շատ ռազմավարություններ կան, որոնք կօգնեն ձեզ ավելի խորությամբ հասկանալ սուրբ գրությունները: Այս դասին դուք հնարավորություն կունենաք փորձել Մորմոնի Գրքի վարդապետության սերտման մեկ կամ մի քանի հատվածներն ավելի լավ հասկանալու ռազմավարությունը:

Ստորև ներկայացված է Մորմոնի Գրքի առաջին կեսի վարդապետության սերտման հատվածների ցուցակը: Ընտրեք մեկը կամ մի քանիսը, որոնք ցանկանում եք ավելի խորությամբ հասկանալ:

Ցուցադրեք հետևյալ աղյուսակը, որպեսզի ուսանողները կարողանան անդրադառնալ դրան դասի ընթացքում: Պատրաստակամ ուսանողներին առաջարկեք կիսվել, թե ինչ են սովորել դասին պատրաստվելու վարժությունը կատարելու ընթացքում:

Վարդապետության սերտման առաջին 12 հատվածները և հիմնական արտահայտությունները

Մորմոնի Գիրք. Ուսուցչի ձեռնարկ (2024)

Սուրբ գրությունների հղումներ	Սուրբ գրության հիմնական արտահայտությունը
Սուրբ գրությունների հղումներ 1 Նեփի 3.7	Սուրբ գրության հիմնական արտահայտությունը «Ես կգնամ ու կանեմ այն բաները, որոնք Տերը պատվիրել է»:
Սուրբ գրությունների հղումներ 2 Նեփի 2.25	Սուրբ գրության հիմնական արտահայտությունը «Ադամն ընկավ, որպեսզի մարդիկ լինեն. և մարդիկ կան, որպեսզի ունենան ուրախություն»:
Սուրբ գրությունների հղումներ 2 Նեփի 2.27	Սուրբ գրության հիմնական արտահայտությունը «Նրանք ազատ են ընտրելու ազատություն և հավերժական կյանք … կամ … գերություն և մահ»:
Սուրբ գրությունների հղումներ 2 Նեփի 26.33	Սուրբ գրության հիմնական արտահայտությունը «Բոլորը նույնն են Աստծո համար»։
Սուրբ գրությունների հղումներ 2 Նեփի 28.30	Սուրբ գրության հիմնական արտահայտությունը Աստված «կտա մարդկանց զավակներին՝ տող առ տող, ցուցում առ ցուցում»:
Սուրբ գրությունների հղումներ 2 Նեփի 32.3	Սուրբ գրության հիմնական արտահայտությունը «Սնվեք Քրիստոսի խոսքերով. Քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք»:
Սուրբ գրությունների հղումներ 2 Նեփի 32.8–9	Սուրբ գրության հիմնական արտահայտությունը «Դուք պետք է միշտ աղոթեք»:
Սուրբ գրությունների հղումներ Մոսիա 2.17	Սուրբ գրության հիմնական արտահայտությունը «Երբ դուք ձեր մերձավորների ծառայության մեջ եք, դուք սոսկ ձեր Աստծո ծառայության մեջ եք»:
Սուրբ գրությունների հղումներ Մոսիա 2.41	Սուրբ գրության հիմնական արտահայտությունը «Նրանք, ովքեր պահում են Աստծո պատվիրանները … օրհնված են բոլոր բաներում»։
Սուրբ գրությունների հղումներ Մոսիա 3.19	Սուրբ գրության հիմնական արտահայտությունը «[Հանեք] բնական մարդուն և [դարձեք] սուրբ, Տեր Քրիստոսի Քավությամբ»։
Սուրբ գրությունների հղումներ Մոսիա 4.9	Սուրբ գրության հիմնական արտահայտությունը «Հավատացեք Աստծուն, … հավատացեք, որ Նա ունի բոլոր իմաստությունը»։
Սուրբ գրությունների հղումներ Մոսիա 18.8–10	Սուրբ գրության հիմնական արտահայտությունը «Մկրտվեք Տիրոջ անունով՝ … որպես մի վկայություն … որ դուք մտել եք նրա հետ ուխտի մեջ»։

© 2023 by Intellectual Reserve, Inc. All rights reserved.

Խորացրեք ձեր հասկացողությունը

Կարդացեք ձեր ընտրած հատվածը կամ հատվածները:

• Այդ հատվածներից ի՞նչը կցանկանայիք ավելի լավ հասկանալ: Ի՞նչ ռազմավարություններ կարող եք օգտագործել դրա համար:

Ձեր ընտրած հատվածը կամ հատվածներն ավելի խորությամբ հասկանալու համար օգտագործեք ստորև ներկայացվող ռազմավարությունը կամ ձեր իմացած մեկ այլ ռազմավարություն: Ավելի ուշ դասի ընթացքում ձեզ հնարավորություն կտրվի բացատրել սովորածը:

Եթե ուսանողներն արդեն ունեն ռազմավարություն, որը ցանկանում են օգտագործել այս վարժության համար, առաջարկեք նրանց օգտագործել այն: Հակառակ դեպքում նրանց տրամադրեք հետևյալ ցուցումները որպես մի ռազմավարություն, որը կարող են օգտագործել իրենց ընտրած հատվածներն ավելի լավ հասկանալու համար:

Երիտասարդներին զորացնելու համար ամսագիրը հաճախ ներառում է սուրբ գրությունների ուսումնասիրության «Տող առ տող» կոչվող վարժությունը, որում բացատրվում կամ սահմանվում են որևէ սուրբ գրության հիմնական բառերն ու արտահայտությունները: «Տող առ տող» վարժության օրինակներ կան այստեղ. «Մի վախեցեք», Երիտասարդներին զորացնելու համար, փետրվար 2021թ., 32 կամ «Ստեղծեք հիմք», Երիտասարդներին զորացնելու համար, հունվար 2021թ., 19:

Վարդապետության սերտման վերոնշյալ հատվածներից մեկի համար ստեղծեք ձեր սեփական «Տող առ տող» վարժությունը: Եթե սիրում եք նկարչություն, կարող եք ձեր «Տող առ տող» էջին նկարներ և գույներ ավելացնել: Հետևեք ստորև նշված ցուցումներին, որոնք կօգնեն ձեզ ստեղծել այն.

Ըստ անհրաժեշտության կամ Սուրբ Հոգու հուշումներով օգնեք և խրախուսեք ուսանողներին: Կարող եք հարցեր տալ ուսանողների աշխատանքների վերաբերյալ, որոնք կօգնեն ձեզ ավելի լավ հասկանալ այդ աշխատանքները:

1. Էջի վերևում գրեք ձեր ընտրած սուրբ գրության հատվածի բոլոր բառերը:

2. Սուրբ գրության այդ հատվածից ընտրեք առնվազն հինգ բառ կամ արտահայտություն և իրար տակ գրեք դրանք էջի ձախ կողմում: Յուրաքանչյուր բառի կամ արտահայտության կողքին բավարար տեղ թողեք նշումների համար:

3. Գտեք և դուրս գրեք սահմանումներ, բացատրություններ, օրինակներ, այս հատվածին առնչվող սուրբ գրություններ կամ Եկեղեցու ղեկավարների խոսքեր, որոնք կարող են օգնել ձեզ խորությամբ հասկանալ սուրբ գրությունների ձեր ընտրած հատվածի բառերն ու արտահայտությունները: Դրանք սյունակով գրեք այն բառի կողքին, որի հետ կապված են: Կարող եք օգտվել այնպիսի գործիքներից, ինչպիսիք են՝ Սուրբ գրքերի ուղեցույցը, Թեմաների ուղեցույցը, համաժողովների ելույթները կամ Եկեղեցու ամսագրերը:

4. Ձեր փաստաթղթի որևէ հատվածում ավելացրեք մի պարբերություն այն մասին, թե ինչ սովորեցիք կամ ինչ եք ցանկանում հիշել այս հատվածից: Գրեք նաև, թե այն ինչ է ուսուցանում ձեզ Փրկչի, Նրա Եկեղեցու կամ մեզ փրկելու Նրա առաքելության մասին:

Ցանկության դեպքում այս վարժությունը կրկնեք ցանկում նշված վարդապետության սերտման մեկ այլ հատվածի համար:

Կարող եք ուսանողներին բաժանել երեք կամ չորս հոգուց կազմված խմբերի և խմբի առանձին անդամներին տարբեր հատվածներ հանձնարարել, որպեսզի յուրաքանչյուր ուսանող կարողանա մի քանի հատված սովորել: Յուրաքանչյուր ուսանողի առաջարկեք իր խմբում կիսվել իր «Տող առ տող» էջով և բացատրել, թե ինչ սովորեց տվյալ հատվածի մասին: Կարող եք կամավորներին առաջարկել նաև դասարանի հետ կիսվել իրենց էջերով: Կարող եք ուսանողներին առաջարկել իրենց էջերը կախել սենյակում կամ պատճենել կամ լուսանկարել էջերը և ցուցադրել:

first 12 doctrinal mastery chart