Mosiah 7–10

Kinatibuk-ang Pagpasabot

Timan-i: Kini nga semana naglakip sa mga leksiyon nga mohaum sa lain nga semana nga bloke sa kasulatan sa Dali, Sunod Kanako.

Ang Mosiah 5 naglangkob sa panapos sa pakigpulong ni Hari Benjamin ngadto sa iyang katawhan sa dihang iyaha silang gipundok aron sa paghatag kanila og ngalan (tan-awa sa Mosiah 1:11). Sa Mosiah 7–8, gidirekta ni Ammon si Hari Limhi ngadto sa propeta ug mipasabot usab sa importante nga mga kamatuoran mahitungod sa tahas sa mga propeta, mga manalagna, ug mga tigpadayag. Sa Mosiah 9–10, si Zeniff nakatutok pag-ayo sa pagbalik ngadto sa yuta sa Nephi ug sa pagtukod pag-usab sa mga siyudad didto nga siya wala magtagad sa pagkonsiderar sa pipila ka negatibo nga mga sangpotanan nga mahimong moabot gikan sa iyang desisyon. Human makasinati sa pipila ka mga sangpotanan, si Zeniff ug ang iyang mga katawhan midangop ngadto sa Ginoo diha sa hugot nga pagtuo.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Mosiah 5:1–5

Katuyoan sa leksiyon: Kini nga leksiyon makatabang sa mga estudyante nga madugangan ang ilang tinguha nga mag-usab o magpadayon sa pag-usab uban sa tabang sa Ginoo.

• Pagpangandam sa estudyante: Dapita ang mga estudyante sa paghunahuna kon unsay mga hinungdan nga gusto nilang mas moduol sa Langitnong Amahan ug ni Jesukristo.

• Mga Bidyo: “Ang mga Katawhan ni Hari Benjamin Naghimo og Pakigsaad” (3:40; tan-awa gikan sa time code 0:00 hangtod sa 1:37)

• Content nga ipakita: Ang tsart bahin sa kausaban, mahimong gipakita o gikopya sa pisara

• Sugyot sa pagtudlo pinaagi sa videoconference: Ikonsiderar ang paggamit sa whiteboard tool aron ma-type ang unang bahin sa kapahayag, “Samtang ang atong mga kasingkasing nausab pinaagi sa Espiritu sa Ginoo, kita …” Dayon tugoti ang lain-laing mga estudyante sa pagkompleto sa kapahayag base sa ilang pagtuon sa Mosiah 5:1–5.

Mosiah 5:6–15

Katuyoan sa leksiyon: Kini nga leksiyon makatabang sa mga estudyante nga makasabot sa kamahinungdanon sa pagdala diha sa ilang mga kaugalingon sa ngalan ni Jesukristo.

• Pagpangandam sa estudyante: Dapita ang mga estudyante sa pagpamalandong sa pangutana nga “Unsa ang gipasabot sa pagdala diha sa imong kaugalingon sa ngalan ni Kristo?”

• Sugyot sa pagtudlo pinaagi sa videoconference: Ikonsiderar ang pagdapit sa mga estudyante sa pagkompleto sa tsart sa usa ka dokumento sa ilang device. Dapita sila sa pagpaambit sa ilang screen sa ilang nahuman nga tsart. Kon imong pilion nga buhaton kini, pahibaloa daan ang mga estudyante nga dapiton sila sa pagpaambit sa ilang screen ug tsart.

Mosiah 7–8

Katuyoan sa leksiyon: Kini nga leksiyon makatabang sa mga estudyante nga makasabot sa kamahinungdanon sa tahas sa mga propeta isip mga manalagna diha sa plano sa Langitnong Amahan.

• Pagpangandam sa estudyante: Ikonsiderar ang pagdapit sa mga estudyante sa paghunahuna kon unsaon nila sa pagtubag kon adunay mangutana kanila nganong mituo sila sa mga propeta.

• Content nga ipakita: Ang dayagramsa mga panaw diha sa basahon ni Mosiah, mahimong gipakita o gikopya diha sa pisara (Kini mahimong ibilin alang sa pakisayran alang usab sa sunod nga leksiyon.)

• Sugyot sa pagtudlo pinaagi sa videoconference: Kon panahon na nga kompletohon sa mga estudyante ang usa sa mga kalihokan mahitungod sa bili sa mga manalagna, ikonsiderar ang pagpakita sa mga kapilian diha sa screen o pag-post niini sa chat. Kon andam na ang mga estudyante sa pagpaambit sa unsay ilang nakaplagan, dapita sila nga i-type sa chat ang gidaghanon sa kalihokan nga ilang nahuman. Dayon pagtawag og pipila ka mga estudyante nga nakakompleto sa lain-laing mga kalihokan aron ipaambit ang ilang nakaplagan.

Mosiah 9–10

Katuyoan sa leksiyon: Kini nga leksiyon makatabang sa mga estudyante sa pag-ila kon sa unsang paagi sila makadawat og kalig-on gikan sa Ginoo samtang sila mag-ampo ug magpadayon uban sa hugot nga pagtuo.

• Pagpangandam sa estudyante: Dapita ang mga estudyante sa pagpangita og pasabot sa pulong nga hilabihan ka madasigon. Dasiga sila sa pagtambong nga andam sa pagpaambit kon unsa man usahay ang hilabihan nga makapadasig sa mga tin-edyer ug ang mga hagit nga mahimong moresulta.

• Sulod nga ipakita: Ang hulagway sa usa ka eklipse; ang pangutana bahin sa mga eklipse, gipakita o gisulat diha sa pisara; ang dayagram sa mga panaw diha sa basahon ni Mosiah; ang mga bersikulo ug mga pangutana ubos sa ulohan nga “Pagdangop ngadto sa Ginoo”

• Sugyot sa pagtudlo pinaagi sa videoconference: Kon maabot na nimo ang senaryo sa kataposan sa leksiyon, dapita ang mga estudyante sa pagtubag sa mga pangutana gamit ang chat feature. Dayon pagpili og pipila sa mga tubag nga ipaambit sa klase.

Rebyo 7 sa Doktrinal nga Kahanas

Katuyoan sa leksiyon: Kini nga leksiyon makatabang sa mga estudyante nga makat-on unsaon paggamit ang doktrina nga gitudlo sa mga tudling sa doktrinal nga kahanas ngadto sa tinuod nga mga sitwasyon sa kinabuhi.

• Pagpangandam sa estudyante: Dapita ang mga estudyante sa pagrebyo sa pipila ka mga tudling sa doktrinal nga kahanas nga ilaha nang natun-an ug sa pagpamalandong kon sa unsang paagi kana nga mga tudling mahimong magamit sa kinabuhi sa usa ka tin-edyer karon.

• Bidyo: “Siya Nagtudlo Kanato sa Pagsalikway sa Kinaiyanhon nga Pagkatawo” (10:51; tan-awa gikan sa time code 0:00 hangtod sa 5:15)

• Content nga ipakita: Ang tsart sa mga tudling sa doktrinal nga kahanas ug sa mahinungdanon nga hugpong sa mga pulong sa kasulatan; ang mga instruksiyon alang sa sulat

• Sugyot sa pagtudlo pinaagi sa videoconference: Sa hapit na matapos ang leksiyon, human masulat sa mga estudyante ang ilang mga sulat, grupoha ang mga estudyante sa mga breakout room aron ilang mapaambit unsa ang ilang gisulat. Pahinumdomi sila nga ipaambit usab ang senaryo nga ilang gihimo. Kon mobalik na sila sa klase, dapita ang usa ka estudyante sa matag grupo sa pagpaambit kon unsa ang nakapadani niya sa sulat sa laing estudyante.