Rebyo 7 sa Doktrinal nga Kahanas

Gamita ang mga Tudling sa Doktrinal nga Kahanas

Usa sa kinatibuk-ang katuyoan sa doktrinal nga kahanas, ug hilabi na niini nga piho nga leksiyon, mao ang pagtabang kanimo nga makat-on unsaon sa paggamit sa doktrina nga gitudlo sa tudling sa doktrinal nga kahanas ngadto sa tinuod nga mga sitwasyon sa kinabuhi.

Pagtabang sa mga estudyante nga makakaplag og mga tubag sa ilang mga pangutana.Dili responsibilidad sa magtutudlo ang pagtubag sa matag pangutana nga gipangutana sa mga estudyante. Tabangi ang mga estudyante sa paggamit sa mga baroganan sa pag-angkon og espirituhanong kahibalo aron sila makadiskobre sa mga tubag sa ilang kaugalingon. Dasiga ang mga estudyante nga magmatinud-anong modangop ug mosalig sa Ginoo.

Pagpangandam sa estudyante: Dapita ang mga estudyante sa pagrebyo sa pipila ka mga tudling sa doktrinal nga kahanas nga ilaha nang natun-an ug sa pagpamalandong kon sa unsang paagi kana nga mga tudling mahimong magamit sa kinabuhi sa usa ka tin-edyer karon.

Mga Posibleng Kalihokan sa Pagkat-on

Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon. Tan-awa ang eskedyul sa pagtudlo nga gihatag sa imong direktor o koordinitor sa lugar o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.

Si Jesukristo ug ang Iyang ebanghelyo makapausab sa mga kinabuhi

Ang paggamit sa mga kasulatan sa atong kinabuhi mao ang pagbuhat sa unsay gitudlo niini.

Ikonsiderar ang pagpasalida sa mosunod nga bidyo isip usa ka ehemplo kon sa unsang paagi ang paggamit sa mga kamatuoran sa kasulatan makaimpluwensiya sa atong mga kinabuhi, o pagpaambit og personal nga istorya aron sa paghulagway niini nga ideya.

Aron makakita og ehemplo sa usa ka batan-ong babaye ug sa iyang amahan nga nagbuhat sa mga kamatuoran nga gitudlo sa Mosiah 3:19, tan-awa ang “Siya Nagtudlo Kanato sa Pagsalikway sa Kinaiyanhon nga Pagkatawo” (10:51) gikan sa time code 0:00 hangtod sa 5:15. Kini nga video makita sa https://www.churchofjesuschrist.org/study/general-conference/2010/10/he-teaches-us-to-put-off-the-natural-man?lang=ceb ChurchofJesusChrist.org.

Ikonsiderar ang pagbuhat sa mosunod nga kalihokan diha sa pisara isip usa ka klase ug dapita ang mga estudyante sa pagkompleto niini diha sa ilang mga journal sa pagtuon. Hisgoti sa daklit ang mga tubag sa mga estudyante.

Pagdrowing og linya sugod sa ibabaw paubos sa tunga sa usa ka pahina sa imong journal sa pagtuon. Sa ibabaw sa usa ka kilid isulat ang “Sa wala pa”, ug sa ibabaw sa pikas nga bahin isulat ang “Pagkahuman.” Paghunahuna og pipila ka mga ehemplo sa mga tawo nga imong nailhan o mga tawo diha sa mga kasulatan kansang mga kinabuhi milambo pinaagi sa pagkat-on ug paggamit sa mga kamatuoran sa ebanghelyo ni Jesukristo nga anaa sa mga kasulatan. Diha sa kolum nga “Sa wala pa,” ilista og daklit ang mga pulong o hugpong sa mga pulong nga naghulagway kon unsa ang mga tawo o unsa ang ilang gibuhat sa wala pa maggamit sa mga kasulatan. Diha sa kolum nga “Pagkahuman,” ihulagway sa daklit ang mga kausaban nga gitabang sa Manluluwas nga ilang himoon samtang ilang gigamit ang mga kamatuoran gikan sa mga kasulatan.

• Sa unsang paagi nga ang mga kasulatan nahimong instrumento sa Manluluwas sa pagtabang niadtong mga tawo sa paghimo og mga kausaban?

Pagsulat og senaryo mahitungod sa usa ka tawo nga imong kaedad kinsa nakasinati og mga hagit nga mahimong komon sa mga batan-on sa inyong dapit. Mahimong tinuod o hinanduraw ang senaryo apan kinahanglang dili maghulagway ni bisan kinsa nga kaila sa imong mga klasmeyt o magtutudlo. Ilakip ang mga detalye sama sa iyang edad, sekso, sitwasyon sa pamilya, kon siya miyembro ba sa Ang Simbahan ni Jesukristo sa mga Santos sa Ulahing mga Adlaw, ug pipila ka mga problema o mga hagit nga iyang giatubang karon.

Sa higayon nga masulat na sa mga estudyante ang ilang senaryo, mahimong makatabang nga butangan nila og ilhanan ang papel aron makahibalo sila nga ila kini. Dayon mahimo silang magbayloay sa laing estudyante sa klase. Sa laing paagi, ang tanan nga mga estudyante mahimong mopasa sa ilang mga papel. Mahimo nimong gisagol-sagol [shuffle] ang mga papel ug dayon iapod-apod kini aron ang matag estudyante adunay senaryo nga gisulat sa usa ka klasmeyt.

Dapita ang mga estudyante sa pagpamalandong ug tingali isulat ang ilang mga tubag sa mosunod nga mga pangutana base sa senaryo nga bag-o lang nilang nadawat gikan sa usa ka klasmeyt o base sa ilang kaugalingong senaryo kon wala sila magbayloay.

• Tungod sa mga sirkumstansiya niini nga batan-on ug sa mga problema nga iyang giatubang, unsa ang pipila sa mga pangutana nga mahimong aduna siya ug mga emosyon nga posibleng iyang gisinati? Ngano man?

• Unsa ang imong nahibaloan mahitungod sa unsay gibati sa Manluluwas mahitungod kaniya ug sa unsang paagi Siya makatabang kaniya?

Pagsabot ug paggamit sa mga kasulatan

Rebyoha ang mosunod nga mga tudling sa doktrinal nga kahanas gikan sa unang katunga sa Basahon ni Mormon, mangita sa mga tudling nga imong gibati nga mahimong mapuslanon alang sa batan-on sa imong sitwasyon nga masabtan ug magamit.

Ipakita o ihatag sa mga estudyante ang mosunod nga tsart.

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan 1 Nephi 3:7	Mahinungdanon nga Hugpong sa mga Pulong sa Kasulatan “Ako moadto ug mobuhat sa mga butang nga ang Ginoo nagsugo.”
Pakisayran sa Kasulatan 2 Nephi 2:25	Mahinungdanon nga Hugpong sa mga Pulong sa Kasulatan “Si Adan napukan aron ang mga tawo mahimo; ug ang mga tawo naingon, nga unta sila makabaton og hingpit nga kalipay.”
Pakisayran sa Kasulatan 2 Nephi 2:27	Mahinungdanon nga Hugpong sa mga Pulong sa Kasulatan “Sila gawasnon sa pagpili sa kalingkawasan ug sa kinabuhi nga dayon … o … sa pagkabihag ug sa kamatayon.”
Pakisayran sa Kasulatan 2 Nephi 26:33	Mahinungdanon nga Hugpong sa mga Pulong sa Kasulatan “Ang tanan managsama ngadto sa Dios.”
Pakisayran sa Kasulatan 2 Nephi 28:30	Mahinungdanon nga Hugpong sa mga Pulong sa Kasulatan Ang Dios “mopadayag ngadto sa mga katawhan og pagtulun-an human sa usa ka pagtulun-an, lagda human sa usa ka lagda.”
Pakisayran sa Kasulatan 2 Nephi 32:3	Mahinungdanon nga Hugpong sa mga Pulong sa Kasulatan “Pagbusog sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton.”
Pakisayran sa Kasulatan 2 Nephi 32:8–9	Mahinungdanon nga Hugpong sa mga Pulong sa Kasulatan “Kamo kinahanglan gayod nga mag-ampo sa kanunay.”
Pakisayran sa Kasulatan Mosiah 2:17	Mahinungdanon nga Hugpong sa mga Pulong sa Kasulatan “Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.”
Pakisayran sa Kasulatan Mosiah 2:41	Mahinungdanon nga Hugpong sa mga Pulong sa Kasulatan “[Kadto] nga naghupot sa mga sugo sa Dios … bulahan sa tanan nga mga butang.”
Pakisayran sa Kasulatan Mosiah 3:19	Mahinungdanon nga Hugpong sa mga Pulong sa Kasulatan “[Isalikway] ang … kinaiyanhon nga pagkatawo ug [mahimo] nga usa ka santos pinaagi sa pag-ula ni Kristo ang Ginoo.”
Pakisayran sa Kasulatan Mosiah 4:9	Mahinungdanon nga Hugpong sa mga Pulong sa Kasulatan “Tuo sa Dios; … tuo nga siya aduna sa tanan nga kaalam.”
Pakisayran sa Kasulatan Mosiah 18:8–10	Mahinungdanon nga Hugpong sa mga Pulong sa Kasulatan “Pagpabunyag diha sa ngalan sa Ginoo, ingon og usa ka saksi … nga kamo nakasulod ngadto sa usa ka pakigsaad uban kaniya.”

Ipakita ang mosunod nga mga instruksiyon, ug dapita ang mga estudyante sa pagkompleto sa kalihokan diha sa papel nga ilang nadawat gikan sa ilang klasmeyt o sa ilang kaugalingong papel kon wala sila magbayloay.

Pagsulat og mubo nga sulat aron matabangan kini nga tawo sa iyang kahimtang karon. Ilakip ang mosunod:

• Labing menos usa ka tudling sa doktrinal nga kahanas gikan sa tsart sa ibabaw ug ubang makatabang nga mga tudling sa kasulatan, apil ang mga kamatuoran gikan sa mga tudling nga imong gibati nga makatabang niini nga batan-on.

• Pipila ka mga paagi nga ilang magamit kadtong mga kamatuoran ug unsa nga mga panalangin ang mahimo nilang madawat gikan sa Langitnong Amahan kon ilang buhaton. Mahimong makatabang ang pagpaambit og ehemplo kon sa unsang paagi nimo, sa imong kaila, o sa usa ka tawo diha sa mga kasulatan nga migamit niadto nga mga kamatuoran ug sa mga panalangin nga misunod.

• Sa unsang paagi ang Langitnong Amahan ug si Jesukristo makatabang sa batan-on nga magamit kini nga mga kamatuoran.

Human sa igong panahon, dapita ang mga estudyante sa pagdala sa ilang mga sulat ug ibutang kini sa salog diin kini klaro nga makita. Dapita ang mga estudyante sa pagpangita sa papel nga adunay ilang senaryo ug sa pagbasa sa tubag nga gihatag sa ilang klasmeyt. Kon adunay panahon, ang mga estudyante mahimong mopili og laing tudling sa doktrinal nga kahanas nga magamit sa senaryo nga ilang gihimo. Kon mahuman na sila, dapita sila sa pagpaambit sa unsay ilang nakat-onan gikan niini nga kalihokan. Hangyoa sila sa pagpaambit og mga paagi nga ilang gibati ang gugma sa Langitnong Amahan ug ni Jesukristo samtang ilang gihimo ang kalihokan. Dapita sila sa pagkonsiderar kon unsay gusto nilang magamit sa ilang kaugalingong kinabuhi base sa unsay ilang nakat-onan ug gibati niini nga leksiyon.