ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

ម៉ូសាយ ១១–១៧ ៖ ទិដ្ឋភាពទូទៅ

« ម៉ូសាយ ១១–១៧ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« ម៉ូសាយ ១១–១៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

ម៉ូសាយ ១១–១៧

ទិដ្ឋភាពទូទៅ

ព្រះអម្ចាស់បានចាត់ អ័ប៊ីណាដៃ យកសារទៅថ្វាយស្តេចណូអេ និងប្រជាជនរបស់ទ្រង់ឲ្យប្រែចិត្ត ហើយចៀសវាងការរងទុក្ខដែលអាចកើតមាន ដោយសារអំពើបាបរបស់ពួកគេ ។ អ័ប៊ីណាដៃ បានបង្រៀនណូអេ និងពួកសង្ឃរបស់ទ្រង់អំពីតួនាទីរបស់ព្រះយេស៊ូវគ្រីស្ទក្នុងការសង្គ្រោះពួកគេ និងសារៈសំខាន់នៃការមានបទបញ្ញត្តិរបស់ព្រះ សរសេរទុកនៅក្នុងបេះដូងរបស់ពួកគេ ។ ទោះជាស្ដេចណូអេបានត្រៀមព្រះកាយសម្លាប់លោកក៏ដោយ អ័ប៊ីណាដៃបានដឹងថា ព្រះនឹងអនុញ្ញាតឲ្យលោកបញ្ចប់សារដែលលោកត្រូវបានបញ្ជូនទៅចែកចាយ ។ អាលម៉ាជាសង្ឃម្នាក់របស់ស្តេចណូអេបានជឿអ័ប៊ីណាដៃ ។ បន្ទាប់ពីបានថ្លែងសារ និងទីបន្ទាល់របស់លោកអំពីព្រះយេស៊ូវគ្រីស្ទ នោះអ័ប៊ីណាដៃត្រូវបានសម្លាប់ ។

រៀបចំខ្លួនដើម្បីបង្រៀន

ព័ត៌មានខាងក្រោមនេះផ្តល់ជាគំនិតដល់គ្រូបង្រៀនអំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។

ម៉ូសាយ ១១–១៧

គោលបំណងមេរៀន ៖ មេរៀននេះអាចជួយបង្កើនបំណងប្រាថ្នារបស់សិស្ស ក្នុងការទទួលយកព្យាការីរបស់ព្រះអម្ចាស់ ហើយធ្វើសកម្មភាពតាមការអញ្ជើញដែលពួកលោកផ្តល់ឲ្យមកពីព្រះអម្ចាស់ ។

ការរៀបចំសិស្ស ៖ សូមអញ្ជើញសិស្សឲ្យធ្វើបញ្ជីសង្ខេបនៃការអញ្ជើញដែលពួកគេបានឮព្យាការីផ្ដល់ឲ្យនាពេលថ្មីៗនេះ ។ សូមឲ្យពួកគេមករៀនដោយបានត្រៀមខ្លួនចែកចាយពីរបៀបដែលការអញ្ជើញទាំងនេះ ជាភស្ដុតាងនៃសេចក្ដីស្រឡាញ់ និងការព្រួយព្រះទ័យរបស់ព្រះអម្ចាស់ចំពោះពួកគេ ។
វីដេអូ ៖ « Alma Recounts the Wickedness of King Noah » ( ២:២៦ ); « The Love of God » ( ១៣:១១ សូមមើលពីនាទីទី ៦:៣៥ ដល់នាទីទី ៧:០៤ ); « Abinadi Suffers Death for His Faith » ( ៤:២៨ )
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាបង្ហាញកំណែឌីជីថលនៃព្រះគម្ពីរ ។ សូមគូសសម្គាល់ឃ្លាដដែលៗ « លើកលែងតែពួកគេប្រែចិត្ត » នៅក្នុង ម៉ូសាយ ១១:២០–២៥ ហើយបង្ហាញសិស្សនូវឧទាហរណ៍មួយអំពីរបៀបគូសចំណាំឃ្លាដដែលៗនៅក្នុងខគម្ពីរទាំងនោះ ។

ម៉ូសាយ ១២–១៣

គោលបំណងមេរៀន ៖ មេរៀននេះអាចជួយសិស្សឲ្យធ្វើតាមព្រះយេស៊ូវគ្រីស្ទបានកាន់តែប្រសើរឡើង នៅពេលពួកគេសរសេរបទបញ្ញត្តិក្នុងបេះដូងរបស់ពួកគេ ។

ការរៀបចំសិស្ស ៖ សិស្សអាចសូមសមាជិកគ្រួសារ ឬមិត្តភក្តិឲ្យចែកចាយបទពិសោធន៍មួយ នៅពេលបទបញ្ញត្តិមួយមានអត្ថន័យផ្ទាល់ខ្លួនចំពោះពួកគេ ។
វីដេអូ ៖ « Abinadi Testifies before King Noah and His Priests » ( ៤:៣៥ )
យោបល់សម្រាប់ការបង្រៀនតាមសន្និសីទវីដេអូ ៖ នៅពេលសិស្សត្រូវបានសួរឲ្យរកមើលក្រឹត្យវិន័យដប់ប្រការ សូមពិចារណាឲ្យពួកគេធ្វើបញ្ជីអំពីបទបញ្ញត្តិនៅក្នុងឈែត ដើម្បីមើលថា តើពួកគេអាចនឹកឃើញក្រឹត្យវិន័យទាំង ១០ ជាមួយសិស្សទាំងអស់ក្នុងថ្នាក់ដែរឬទេ ។

ម៉ូសាយ ១៤–១៦

គោលបំណងមេរៀន ៖ មេរៀននេះអាចជួយសិស្សឲ្យស្គាល់ពីសារៈសំខាន់នៃការស្គាល់ព្រះយេស៊ូវគ្រីស្ទជាអង្គតែមួយគត់ដែលអាចប្រោសលោះយើងពីអំពើបាប និងសេចក្តីស្លាប់ ។

ការរៀបចំសិស្ស ៖ សូមអញ្ជើញសិស្សឲ្យសញ្ជឹងគិតអំពីតួនាទី និងព្រះបរមងាររបស់ព្រះយេស៊ូវគ្រីស្ទមួយណា ដែលមានអត្ថន័យបំផុតសម្រាប់ពួកគេ និងមូលហេតុ ។
វីដេអូ ៖ « Redemption » ( ១៥:២១ សូមមើលពីនាទីទី ០:៥៩ ដល់នាទីទី ១:៤៤ )
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាដាក់សិស្សជាក្រុមដោយប្រើមុខងារបំបែកក្រុម ហើយផ្ដល់ឲ្យក្រុមនីមួយៗនូវសំណួរសិក្សាទាំងបីក្នុងមេរៀន ។ សិស្សអាចសិក្សាខគម្ពីរដែលបានផ្ដល់ឲ្យពួកគេ ហើយរៀបចំដើម្បីចែកចាយអ្វីដែលពួកគេរៀនជាមួយសិស្សក្នុងថ្នាក់ទាំងមូល ។

វាយតម្លៃការរៀនសូត្ររបស់អ្នកទី ៤

គោលបំណងមេរៀន ៖ គោលបំណងនៃមេរៀននេះគឺដើម្បីជួយសិស្សឲ្យវាយតម្លៃគោលដៅដែលពួកគេបានដាក់ និងការរីកចម្រើនដែលពួកគេបានដកពិសោធកន្លងមក ក្នុងអំឡុងពេលសិក្សាព្រះគម្ពីរមរមនរបស់ពួកគេ ។

ការរៀបចំសិស្ស ៖ សូមពិចារណាឲ្យសិស្សនិយាយជាមួយឪពុកម្តាយ ឬមិត្តភក្តិអំពីអ្វីដែលព្យាការីធ្វើ និងរបៀបដែលព្យាការីបានជះឥទ្ធិពល ឬផ្តល់ពរដល់ពួកគេ ។
សម្ភារដែលត្រូវបង្ហាញ ៖ ឧទាហរណ៍អំពីផែនទីគំនិត
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាដាក់សិស្សជាក្រុមដោយប្រើមុខងារបំបែកក្រុម ។ សិស្សអាចប្តូរវេនគ្នាពន្យល់ពីតួនាទីរបស់ព្យាការីដល់ក្រុមរបស់ពួកគេ ។ ជម្រើសមួយទៀតគឺបង្កើតការសម្តែងស្ថានភាពប្រតិដ្ឋជាមួយសិស្សមួយចំនួន ដោយសួរសំណួរ ហើយសិស្សមួយចំនួនទៀតបង្រៀនសេចក្ដីពិតអំពីព្យាការី ។

ការរំឭកចំណេះចំណានខាងគោលលទ្ធិទី ៨

គោលបំណងមេរៀន ៖ គោលបំណងនៃមេរៀននេះគឺដើម្បីជួយសិស្សឲ្យទន្ទេញសេចក្ដីយោងបទគម្ពីរមួយ ឬច្រើន និងឃ្លាបទគម្ពីរគន្លឹះពីវគ្គចំណេះចំណានខាងគោលលទ្ធិទាំង ១២ ដំបូងនៅក្នុងព្រះគម្ពីរមរមន ។

ការរៀបចំសិស្ស ៖ សូមអញ្ជើញសិស្សឲ្យយក ឬត្រៀមខ្លួនដើម្បីពិពណ៌នាអំពីរូបភាពព្រះយេស៊ូវគ្រីស្ទដែលពួកគេចូលចិត្តបំផុត ហើយចែកចាយនូវអ្វីដែលរូបភាពនោះជួយពួកគេឲ្យចងចាំអំពីទ្រង់ ។
រូបភាព ៖ រូបភាពព្រះអង្គសង្គ្រោះ
យោបល់សម្រាប់ការបង្រៀនតាមសន្និសីទវីដេអូ ៖ ក្នុងអំឡុងពេលធ្វើលំហាត់គូររូបភាព សូមពិចារណាអញ្ជើញសិស្សឲ្យបិទមីក្រូហ្វូនរបស់ពួកគេ ហើយបិទកាមេរ៉ារបស់ពួកគេផង ។ សូមទុកពេលឲ្យពួកគេ ១០–១៥ នាទី ដើម្បីបង្កើតគំនូររបស់ពួកគេនៅលើក្រដាស ឬដោយសុសវែរនៅលើឧបករណ៍របស់ពួកគេ ។ អ្នកអាចចាក់បទចម្រៀងដែលច្រៀងដោយក្រុមចម្រៀងរោងឧបោសថ នៅវិសាលដ្ឋានព្រះវិហារបរិសុទ្ធ ឬតន្ត្រីលើកស្ទួយខាងវិញ្ញាណផ្សេងទៀត ។ បន្ទាប់មក សូមអញ្ជើញសិស្សឲ្យបើកមីក្រូហ្វូន និងកាមេរ៉ារបស់ពួកគេវិញ ហើយចែកចាយគំនូររបស់ពួកគេ ។