ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

វាយតម្លៃការរៀនសូត្ររបស់អ្នក ទី៤ ៖ អេណុស–ម៉ូសាយ ១៧

« វាយតម្លៃការរៀនសូត្ររបស់អ្នក ទី៤ ៖ អេណុស–ម៉ូសាយ ១៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« វាយតម្លៃការរៀនសូត្ររបស់អ្នក ទី៤ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

វាយតម្លៃការរៀនសូត្ររបស់អ្នក ទី៤

យុវជនកំពុងសិក្សា និងនិយាយអំពីព្រះគម្ពីរជាមួយគ្នា ។

គោលបំណងនៃមេរៀននេះគឺជួយអ្នកឲ្យវាយតម្លៃគោលដៅទាំងឡាយដែលអ្នកបានដាក់ និងការរីកចម្រើនដែលអ្នកបានដកពិសោធ អំឡុងការសិក្សាព្រះគម្ពីរមរមនរបស់អ្នក ។

ការជួយសិស្សឲ្យធ្វើតាមវិវរណៈផ្ទាល់ខ្លួន ។ដើម្បីធ្វើតាមវិវរណៈ សិស្សត្រូវតែទទួលស្គាល់ថា ពួកគេកំពុងទទួលវិវរណៈ ។ សូមជួយសិស្សឲ្យយល់ថា អារម្មណ៍ខាងវិញ្ញាណរបស់ពួកគេមានទំនាក់ទំនងជាមួយនឹងព្រះវិញ្ញាណបរិសុទ្ធ ។ តាមរយៈការពិភាក្សាអំពីរបៀបអនុវត្តគោលការណ៍នៃដំណឹងល្អ អ្នកផ្តល់ឱកាសដល់ព្រះវិញ្ញាណបរិសុទ្ធបំផុសគំនិតសិស្សអំពីអ្វីដែលពួកគេគួរធ្វើ ដើម្បីប្រែកាន់តែដូចព្រះយេស៊ូវគ្រីស្ទ ។

ការរៀបចំសិស្ស ៖ សូមពិចារណាអញ្ជើញសិស្សឲ្យនិយាយជាមួយឪពុកម្តាយ ឬមិត្តភក្តិអំពីអ្វីដែលព្យាការីធ្វើ និងរបៀបដែលព្យាការីបានជះឥទ្ធិពល ឬផ្តល់ពរដល់ពួកគេ ។

សកម្មភាពរៀនសូត្រដែលអាចមាន

សកម្មភាពខាងក្រោមមានគោលបំណងជួយសិស្សឲ្យវាយតម្លៃគោលដៅរបស់ពួកគេ សមត្ថភាពរបស់ពួកគេក្នុងការពន្យល់អំពីការបង្រៀននៅក្នុងព្រះគម្ពីរមរមន និងពីរបៀបដែលអាកប្បកិរិយា បំណងប្រាថ្នា និងសមត្ថភាពរបស់ពួកគេក្នុងការរស់នៅតាមដំណឹងល្អកំពុងផ្លាស់ប្តូរ ។

សិស្សរបស់អ្នកប្រហែលផ្តោតទៅលើសេចក្តីពិតផ្សេងៗនៅក្នុងការសិក្សាក្នុងថ្នាក់អំពី អេណុស–ម៉ូសាយ ១៧ ។ ប្រសិនបើដូច្នេះ សូមមានអារម្មណ៍ដោយសេរីក្នុងការបង្កើតសកម្មភាពវាយតម្លៃដែលដោះស្រាយសេចក្តីពិតផ្សេងៗគ្នាទាំងនោះ ។ សម្រាប់ជំនួយលើកែសម្រួល ឬបង្កើតសកម្មភាពវាយតម្លៃ សូមមើល ការបំពាក់បំប៉នការវាយតម្លៃ ដែលមាននៅក្នុងកម្មវិធីសិក្សាថ្នាក់សិក្ខាសាលានៅ ChurchofJesusChrist.org.

« វាយតម្លៃ … ហើយបន្តព្យាយាម »

ម្តងម្កាល វាជារឿងសំខាន់ក្នុងការចំណាយពេលដើម្បីពិចារណា និងវាយតម្លៃពីរបៀបដែលយើងកំពុងធ្វើ ។ អែលឌើរ ឌែល ជី រិនឡាន់ ក្នុងកូរ៉ុមនៃពួកសាវកដប់ពីរនាក់បានមានប្រសាសន៍ ៖

ការអញ្ជើញរបស់ខ្ញុំចំពោះយើងទាំងអស់គ្នាគឺដើម្បីវាយតម្លៃជីវិតរបស់យើង ប្រែចិត្ត ហើយបន្តព្យាយាម ។ … នៅពេលយើងផ្លាស់ប្តូរ យើងនឹងយល់ឃើញថា ព្រះពិតជាយកព្រះទ័យទុកដាក់ច្រើនអំពីយើង និងអំពីអ្វីដែលយើងកំពុងប្រែក្លាយ ជាងយើងកាលពីមុន ។ ( ឌែល ជី រិនឡាន់ « Latter-day Saints Keep on Trying » Liahona ខែ ឧសភា ឆ្នាំ ២០១៥ ទំព័រ ៥៨ )

សិស្សអាចពិចារណាពីសំណួរខាងក្រោម ។ តាមតម្រូវការ សូមប្រើសកម្មភាពនៅក្នុងមេរៀននេះ ដើម្បីជួយសិស្សស្វ័យវាយតម្លៃនៅក្នុងផ្នែកជាក់លាក់បន្ថែមទៀត ។

តើអ្នកមានអារម្មណ៍ថា អ្នកកំពុងរីកចម្រើន ឬផ្លាស់ប្តូរដោយរបៀបណាខ្លះ ដោយសារអ្វីដែលអ្នកកំពុងរៀនពីព្រះគម្ពីរមរមន ?
តើអ្នករីកចម្រើនប៉ុនណាលើគោលដៅដែលអ្នកបានដាក់ ?
តើអ្នកចង់បន្តធ្វើអ្វីទៀត ឬតើវាមានប្រយោជន៍ដែរឬទេក្នុងការជ្រើសរើសផ្នែកផ្សេងៗដើម្បីផ្តោតលើនោះ ?

សកម្មភាពខាងក្រោមអាចជួយអ្នកវាស់វែងការយល់ដឹង ចំណេះដឹងរបស់អ្នក និងការរីកចម្រើនដែលអ្នកកំពុងព្យាយាមធ្វើ ។ សូមយាងអញ្ជើញព្រះវិញ្ញាណបរិសុទ្ធឲ្យជួយអ្នកទទួលស្គាល់ការខិតខំរបស់អ្នក ហើយទទួលអារម្មណ៍ពីសេចក្តីស្រឡាញ់របស់ព្រះវរបិតាសួគ៌ ។

ការពន្យល់អំពីតួនាទីរបស់ព្យាការី

សកម្មភាពខាងក្រោមអាចជួយសិស្សឲ្យអនុវត្តការពន្យល់អំពីតួនាទីរបស់ព្យាការី ។ ដើម្បីចាប់ផ្ដើម អ្នកអាចអញ្ជើញសិស្សម្នាក់ឲ្យនិយាយឡើងវិញដោយសង្ខេបអំពីដំណើររឿងរបស់ អ័ប៊ីណាដៃ ។

ពេលអ្នកបានសិក្សាអំពីព្យាការី អ័ប៊ីណាដៃ នៅក្នុង ម៉ូសាយ ១១–១៧ នោះអ្នកអាចបានដឹងថា អាលម៉ា បានជឿថា លោកជាព្យាការី ហើយបានធ្វើតាមការបង្រៀនរបស់លោក ខណៈដែលស្តេចណូអេ និងពួកសង្ឃដទៃទៀតបានបដិសេធលោកដោយបើកចំហ ។ អ្នកអាចសង្កេតឃើញនៅជំនាន់យើងថា មនុស្សមួយចំនួនទទួលយកព្យាការី រីឯអ្នកខ្លះទៀតបដិសេធពួកលោក ។

សូមប្រើធនធានខាងក្រោម ឬធនធានផ្សេងទៀតដែលអ្នករកឃើញ ដើម្បីរៀបចំការឆ្លើយតបខ្លីមួយ ដើម្បីជួយនរណាម្នាក់ឲ្យយល់ពីព្យាការី និងមូលហេតុដែលត្រូវការព្យាការីសព្វថ្ងៃនេះ ។ សូមបញ្ចូលខគម្ពីរមួយ ឬច្រើន ដើម្បីគាំទ្រការឆ្លើយតបរបស់អ្នក ។

សម្រាប់ភាពចម្រុះ សិស្សអាចបង្កើតការចុះផ្សាយនៅលើប្រព័ន្ធផ្សព្វផ្សាយសង្គម ឬវីដេអូខ្លីដែលអាចចែកចាយជាមួយថ្នាក់បាន ។ សិស្សក៏អាចធ្វើការជាគូ ដើម្បីរៀបចំការឆ្លើយតបរបស់ពួកគេផងដែរ ។

អ្នកអាចពិចារណាបង្ហាញធនធាន និងសំណួរខាងក្រោមដើម្បីជួយសិស្ស នៅពេលពួកគេរៀបចំ ។ វាក៏អាចមានប្រយោជន៍ផងដែរក្នុងការដើរចុះឡើងក្នុងបន្ទប់ ដើម្បីជួយអស់អ្នកដែលអាចមានសំណួរឲ្យបានកាន់តែប្រសើរឡើង ។

ធនធានបទគម្ពីរដែលអាចមានប្រយោជន៍ ៖

ម៉ូសាយ ៨:១៣, ១៦–១៨
ម៉ូសាយ ១១:២០–២១; ១៣:៣៣; ១៥:១១
សូមស្វែងរកប្រធានបទដំណឹងល្អសម្រាប់ « ព្យាការី » នៅ topics.ChurchofJesusChrist.org.

សំណួរដែលអ្នកអាចពិចារណាក្នុងការបង្កើតការឆ្លើយតបរបស់អ្នក ៖

តើព្យាការីមានន័យយ៉ាងណា ហើយតើព្យាការីទាំងនោះធ្វើអ្វី ?
តើមនុស្សអាចមានសំណួរ ឬយល់ខុសអ្វីខ្លះអំពីព្យាការី ?
តើអ្នកអាចចែកចាយអ្វីទៀតដើម្បីជួយអ្នកដទៃឲ្យយល់ពីមូលហេតុដែលព្រះហៅព្យាការីនាសព្វថ្ងៃនេះ ?

សូមទុកពេលឲ្យសិស្សបង្ហាញការឆ្លើយតបរបស់ពួកគេ ឬប្តូរវេនពន្យល់ពីតួនាទីរបស់ព្យាការី ។

ការជួយប្រមូលសាសន៍អ៊ីស្រាអែល និងការបម្រើអ្នកដទៃ

សកម្មភាពនេះអាចជួយសិស្សឲ្យតាមដានលើការអញ្ជើញដែលពួកគេបានធ្វើ និងវាយតម្លៃពីការរីកចម្រើន និងវឌ្ឍនភាពរបស់ពួកគេ ។

សេចក្តីពិតមួយដែលព្រះបានបើកសម្ដែងតាមរយៈព្យាការីរបស់ទ្រង់គឺថា កិច្ចការ និងសិរីល្អរបស់ទ្រង់ គឺដើម្បីជួយកូនចៅទ្រង់ឲ្យសម្រេចបានជីវិតដ៏អស់កល្បជានិច្ច ( សូមមើល ម៉ូសេ ១:៣៩) ។ នៅក្នុងព្រះគម្ពីរមរមនស្ដេចបេនយ៉ាមីន បានចង្អុលបង្ហាញថា វិធីមួយដែលយើងអាចជួយសម្រេចកិច្ចការរបស់ព្រះបានគឺ ដោយការបម្រើអ្នកដទៃ ( សូមមើល ម៉ូសាយ ២:១៧ ) ។ ថ្មីៗនេះ ប្រធាន បូនី អេច ខូដុន ប្រធានយុវនារីទូទៅ បានបង្រៀន ៖

គោលបំណងដ៏អស់កល្បរបស់យើងគឺមករកព្រះគ្រីស្ទ ហើយចូលរួមជាមួយទ្រង់យ៉ាងសកម្មក្នុងកិច្ចការដ៏អស្ចារ្យរបស់ទ្រង់ ។ វាសាមញ្ញដូចនឹងការធ្វើអ្វីដែលប្រធាន [ រ័សុល អិម ] ណិលសុន បានបង្រៀន ៖ « រាល់ពេលដែលយើងធ្វើអ្វីមួយដើម្បីជួយនរណាម្នាក់ … ដើម្បីចុះ និងរក្សាសេចក្តីសញ្ញារបស់ពួកគេជាមួយនឹងព្រះ នោះយើងកំពុងជួយប្រមូលពួកសាសន៍អ៊ីស្រាអែលហើយ » ។ ហើយពេលយើងធ្វើកិច្ចការរបស់ទ្រង់ជាមួយនឹងទ្រង់ យើងស្គាល់ និងស្រឡាញ់ទ្រង់កាន់តែខ្លាំង ។ ( បូនី អេច ខ័រឌុន « Come unto Christ and Don’t Come Alone » Liahona ខែ វិច្ឆិកា ឆ្នាំ ២០២១ ទំព័រ ១១ )

សូមគិតអំពីគោលដៅ ឬផែនការដែលអ្នកបានធ្វើនៅក្នុងមេរៀនមុនៗ ដែលកំពុងជួយអ្នកឲ្យចូលរួមក្នុងកិច្ចការរបស់ព្រះតាមរយៈ ៖

ការជួយព្រះអម្ចាស់ក្នុងកិច្ចការរបស់ទ្រង់ដើម្បីប្រមូលសាសន៍អ៊ីស្រាអែល ( សូមមើល យ៉ាកុប ៥:៧១–៧២, ៧៥ )
ការបម្រើអ្នកដទៃតាមរបៀបដូចព្រះគ្រីស្ទ ( សូមមើល ម៉ូសាយ ២:១៧ )
ការធ្វើការលើគោលដៅផ្សេងទៀតទាក់ទងនឹងដំណឹងល្អដែលអ្នកមាន ឬចង់ចាប់ផ្ដើមគោលដៅនោះ

សូមទុកពេលឲ្យសិស្សឆ្លើយនឹងសំណួរដូចខាងក្រោមនៅក្នុងសៀវភៅកំណត់ហេតុការសិក្សារបស់ពួកគេ ។ សូមយកចិត្តទុកដាក់នឹងការបំផុសគំនិតមកពីព្រះវិញ្ញាណ ប្រសិនបើអ្នកអញ្ជើញសិស្សឲ្យចែកចាយគំនិតអំពីការរីកចម្រើនខាងវិញ្ញាណរបស់ពួកគេ ។

តើអ្នក ( ឬហេតុអ្វីអ្នកចង់ ) រីកចម្រើនក្នុងផ្នែកនេះដោយរបៀបណា ? តើអ្នកបានធ្វើអ្វី ( ឬអាចធ្វើអ្វី ) ដើម្បីធ្វើឲ្យមានការរីកចម្រើននេះ ?
តើឧបសគ្គ ឬការតស៊ូអ្វីខ្លះដែលអ្នកបាន ( ឬរំពឹងថានឹង ) ជួបប្រទះ ? តើអ្នកបាន ( ឬអាច ) ព្យាយាមយកឈ្នះឧបសគ្គទាំងនោះដោយរបៀបណា ?
តើអ្នកមានអារម្មណ៍យ៉ាងណាចំពោះសេចក្តីស្រឡាញ់របស់ព្រះវរបិតាសួគ៌ នៅពេលអ្នកបានធ្វើការលើគោលដៅនេះ ? ហេតុអ្វីអ្នកគិតថា ទ្រង់នឹងសព្វព្រះទ័យជាមួយការខិតខំរបស់អ្នក ?

ការមានអារម្មណ៍រីករាយ និងអំណរតាមរយៈព្រះយេស៊ូវគ្រីស្ទ

សកម្មភាពខាងក្រោមមានគោលបំណងជួយសិស្សឲ្យវាយតម្លៃកម្រិតនៃសុភមង្គល និងសេចក្តីអំណរដែលពួកគេដកពិសោធតាមរយៈព្រះយេស៊ូវគ្រីស្ទ ។ ដើម្បីរំឭកដល់ការចងចាំរបស់សិស្ស អ្នកអាចពិចារណាបង្ហាញរូបភាពនៃដំណើររឿងក្នុងព្រះគម្ពីរទាំងនេះ ។

នៅក្នុងការសិក្សាព្រះគម្ពីរមរមនរបស់អ្នក អ្នកបានអានដំណើររឿងនៃមនុស្សជាច្រើនដែលបានរកឃើញសេចក្តីអំណរ និងសុភមង្គលតាមរយៈព្រះយេស៊ូវគ្រីស្ទ និងដំណឹងល្អរបស់ទ្រង់ ។ សូមចំណាយពេលខ្លះដើម្បីរំឭកឧទាហរណ៍ទាំងនេះ ។ ឧទាហរណ៍ទាំងនោះរួមមានដូចតទៅ ៖

លីហៃ និងអ្នកដែលបានមករកដើមជីវិត ( សូមមើល នីហ្វៃទី១ ៨:១០–១២, ៣០ )
អេណុស ( សូមមើល អេណុស ១:១–៨ )
រាស្ដ្ររបស់ស្ដេចបេនយ៉ាមីន ដែលបានត្រេកអរដោយសារអ្វីដែលពួកគេបានរៀនអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ( សូមមើល ម៉ូសាយ ២:៤១; ៤:៣; ៥:១–៥ )

សូមគិតអំពីរបៀបដែលអ្នកអាចពិពណ៌នា ឬបង្ហាញពីសុភមង្គលដែលអ្នកមានតាមរយៈដំណឹងល្អនៃព្រះយេស៊ូវគ្រីស្ទ ។

អ្នកអាចពិចារណាចាប់ផ្ដើមសកម្មភាពផែនទីគំនិតខាងក្រោមនៅលើក្ដារខៀនជាមួយសិស្ស មុនពេលសិស្សធ្វើការដោយខ្លួនឯង ។ សូមធានាដល់សិស្សថា គំនិតរបស់ពួកគេគឺផ្ទាល់ខ្លួន ហើយមិនចាំបាច់ត្រូវចែកចាយឡើយ ។

នៅចំកណ្តាលនៃទំព័រក្រដាសទទេក្នុងសៀវភៅកំណត់ហេតុការសិក្សារបស់អ្នក ឬក្រដាសផ្សេងមួយសន្លឹក សូមសរសេរពាក្យ សេចក្តីអំណរ និងសុភមង្គលតាមរយៈព្រះយេស៊ូវគ្រីស្ទ ។ សូមគូសរង្វង់ជុំវិញពាក្យទាំងនោះ ។ ឥឡូវនេះសូមចាប់ផ្ដើមបន្ថែមគំនិតដែលអ្នកភ្ជាប់ទៅនឹងពាក្យទាំងនេះ ។ ដើម្បីចាប់ផ្ដើម អ្នកអាចពិចារណាពីរបៀបដែលអ្នកនឹងឆ្លើយសំណួរខាងក្រោម ។

តើអ្នកមានអារម្មណ៍ថា ដំណឹងល្អរបស់ព្រះយេស៊ូវគ្រីស្ទកំពុងរួមចំណែកដល់សេចក្តីអំណរក្នុងជីវិតរបស់អ្នកដែរឬទេ ? ហេតុអ្វីអាច ឬហេតុអ្វីមិនអាច ?
តើអ្នកបានរៀនអ្វីខ្លះនៅក្នុងព្រះគម្ពីរមរមន ដែលបានជួយអ្នកឲ្យមានអារម្មណ៍រីករាយជាងមុន ?
តើអ្នកមានអារម្មណ៍ថាទំនាក់ទំនងរបស់អ្នកជាមួយនឹងព្រះវរបិតាសួគ៌ និងព្រះយេស៊ូវគ្រីស្ទបានល្អប្រសើរជាង ដោយសារការសិក្សាព្រះគម្ពីររបស់អ្នកដែរឬទេ ? ហេតុអ្វីអាច ឬហេតុអ្វីមិនអាច ?

នៅពេលអ្នកគិតដល់គំនិតផ្សេងៗ សូមសរសេរគំនិតទាំងនោះនៅលើក្រដាសរបស់អ្នក ហើយគូសរង្វង់លើវា ។ សូមភ្ជាប់គំនិតនោះទៅវិញទៅមក ឬភ្ជាប់ត្រឡប់ទៅឃ្លានៅកណ្តាល ។ នៅពេលអ្នកបន្ថែមគំនិត និងយោបល់កាន់តែច្រើន ផែនទីគំនិតរបស់អ្នក អាចចាប់ផ្ដើមមើលទៅដូចនេះ ៖

សូមទុកពេលឲ្យសិស្សបន្តធ្វើការលើផែនទីគំនិតផ្ទាល់ខ្លួនរបស់ពួកគេ ។ ពួកគេអាចប្រើខ្មៅដៃ ឬប៊ិកពណ៌ផ្សេងគ្នា ដើម្បីបញ្ជាក់ពីគំនិតដែលមានអត្ថន័យ ។

បន្ទាប់ពីបញ្ចប់ផែនទីគំនិតរបស់អ្នក សូមពិចារណាដាក់វានៅកន្លែងមួយដែលអ្នកនឹងឃើញវានៅសប្តាហ៍ក្រោយ ។ អ្នកអាចនឹងចង់អធិស្ឋានទៅកាន់ព្រះវរបិតាសួគ៌ទូលសូមជំនួយដើម្បីស្វែងរក និងទទួលស្គាល់សេចក្តីអំណរ និងសុភមង្គលកាន់តែខ្លាំងនៅក្នុងព្រះយេស៊ូវគ្រីស្ទ និងដំណឹងល្អរបស់ទ្រង់ ។

ខណៈដែលវាគ្មានបំណងឲ្យសិស្សចែកចាយផែនទីគំនិតរបស់ពួកគេ អ្នកអាចចង់ឲ្យសិស្សពិភាក្សាអំពីអ្វីដែលពួកគេទទួលអារម្មណ៍ នៅពេលពួកគេបង្កើតវា ។ សូមយកចិត្តទុកដាក់ និងធ្វើតាមការបំផុសគំនិតមកពីព្រះវិញ្ញាណ នៅពេលពិចារណាថា តើត្រូវអញ្ជើញសិស្សឲ្យចែកចាយគំនិតរបស់ពួកគេឬអត់ ។