Mosiah 29–Alma 4

Kinatibuk-ang Pagpasabot

Taliwala sa mga Nephite, usa ka tawo nga ginganlan og Nehor ang mitudlo og sayop nga doktrina nga nakapahimo sa mga tawo sa iyang panahon, ug sa uban sa umaabot nga katuigan, sa pagsalikway sa ilang Manluluwas. Tungod sa iyang impluwensiya, pipila ka mga tawo “misugod sa pagpanggukod niadto nga sakop sa simbahan sa Dios” (Alma 1:19). Sa wala madugay, usa ka tawo nga ginganlan og Amlici nangulo og pagsukol batok sa mga Nephite nga maoy hinungdan nga daghan ang nangamatay sa panag-away. Sa paglabay sa panahon, ang garbo ug panagbingkil nga gipakita sa pipila ka mga miyembro sa Simbahan sa Manluluwas nakapapakyas sa Simbahan sa pag-uswag niini. Isip resulta, nadasig si Alma sa pagkanaog [resign] isip labaw nga maghuhukom aron ihalad ang iyang kaugalingon sa pagsangyaw sa pulong sa Dios.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Alma 1:1–18

Katuyoan sa leksiyon: Kini nga leksiyon makatabang sa mga estudyante sa pag-ila ug pagsalikway sa sayop nga mga pagtulun-an nga makapahilayo kanila gikan ni Jesukristo.

• Pagpangandam sa estudyante: Mahimong tun-an sa mga estudyante ang seksiyon nga “Makaila ko ug makasalikway sa sayop nga mga pagtulun-an” diha sa outline “Hunyo 3–9. Mosiah 29–Alma 4: ‘Sila Makanunayon ug Dili Matarog’” sa Dali, Sunod Kanako—Alang sa mga Indibidwal ug mga Pamilya: Basahon ni Mormon 2024.

• Bidyo: “Paghinulsol: Usa ka Mahimayaon nga Pagpili” (15:45; tan-awa gikan sa time code 9:17 hangtod sa 10:10)

• Sugyot sa pagtudlo pinaagi sa videoconference: Kon mapalgan sa mga estudyante ang mga kasulatan nga nagkorehir sa sayop nga mga pagtulun-an ni Nehor, mahimo nilang ipakigbahin ang ilang mga tubag gamit ang chat feature.

Alma 1:19–33

Katuyoan sa leksiyon: Kini nga leksiyon makatabang sa mga estudyante nga matinud-anong mosanong ug mobati og kalinaw bisan og mag-atubang sila og pagpanggukod tungod sa pagkamiyembro sa Ang Simbahan ni Jesukristo sa mga Santos sa Ulahing mga Adlaw.

• Pagpangandam sa estudyante: Dapita ang mga estudyante sa paghunahuna og mga higayon sa ilang kinabuhi dihang gihagit ang ilang mga pagtuo ug giunsa kini nila pagsanong.

• Bidyo: “Ang Bili—ug mga Panalangin—sa Pagkadisipulo” (14:45; tan-awa gikan sa time code 0:25 hangtod sa 2:05)

• Sugyot sa pagtudlo pinaagi sa videoconference: Ikonsiderar ang pagdapit sa mga estudyante sa paggamit sa chat feature aron paglista sa mga aksiyon nga gihimo sa mga Nephite. Kini maghatag sa mga estudyante og lista nga matan-aw nilang tanan, magtugot kanila sa pagdugang og mga aksiyon nga napalgan sa ilang mga klasmeyt sa ilang kaugalingong mga listahan.

Alma 2–3

Katuyoan sa leksiyon: Kini nga leksiyon makatabang sa mga estudyante nga mas makasabot sa mga sangpotanan kon si kinsa ang ilang gipili nga sundon niining kinabuhia.

• Pagpangandam sa estudyante: Dapita ang mga estudyante sa pagbasa o pagpaminaw sa Alma 2–3 sa dili pa motambong sa klase. Ipahunahuna nila kon unsa ang ilang makat-onan gikan sa asoy niini nga mga kapitulo.

• Sulod [Content] nga ipakita: Ang tsart nga giulohan og “Ang suhol gikan kaniya kinsa siya mipili sa pagsunod,” nga gipakita o gikopya diha sa pisara aron sulatan sa mga estudyante

• Mga Butang: Mga piraso sa papel nga magrepresentar sa kuwarta; duha ka bag o kahon

Alma 4

Katuyoan sa leksiyon: Kini nga leksiyon makatabang sa mga estudyante sa paggamit sa pulong sa Dios sa pagbuntog sa garbo ug panagbingkil.

• Pagpangandam sa estudyante: Dapita ang mga estudyante sa pagtambong nga andam sa pagpakigbahin og kasulatan o pamahayag gikan sa usa ka lider sa Simbahan mahitungod sa pagkamapainubsanon.

• Leksiyon nga naggamit og usa ka butang: “Babag” gisulat sa palid sa papel nga gipapilit sa salog sa entrada sa lawak tunghaan

• Bidyo: “Si Alma Nagsangyaw sa Pulong sa Dios” (10:33; tan-awa gikan sa time code 0:36 hangtod sa 1:59)

• Sugyot sa pagtudlo pinaagi sa videoconference: Ikonsiderar ang pagpakita og tsart sa tibuok leksiyon, ang usa ka bahin nagpakita sa mga problema nga nasinati ni Alma ug sa iyang mga katawhan ug ang pikas nga bahin nagpakita sa mga solusyon. Dapita ang mga estudyante sa pagdugang niini nga tsart sa tibuok leksiyon ug kopyahon kini ngadto sa ilang mga journal sa pagtuon.

Rebyo 10 sa Doktrinal nga Kahanas

Katuyoan sa leksiyon: Kini nga leksiyon maghatag sa mga estudyante og mga kahigayonan sa pagbansay sa paggamit sa pipila sa mga tudling sa doktrinal nga kahanas nga ilang gitun-an karong tuiga diha sa ilang kaugalingong kinabuhi.

• Pagpangandam sa estudyante: Dapita ang mga estudyante sa pagpili og usa sa unang 12 ka pakisayran sa doktrinal nga kahanas nga ilang nakita nga makahuluganon. Dasiga ang mga estudyante sa pagtambong nga andam sa pagpakigbahin nganong ang ilang gipili nga pakisayran makahuluganon ngadto kanila.

• Sulod [Content] nga ipakita: Ang tsart nga adunay unang 12 ka mga tudling sa doktrinal nga kahanas

• Sugyot sa pagtudlo pinaagi sa videoconference: Mahimong gamiton sa mga estudyante ang chat feature aron sa pagpost og nagkalainlaing mga hagit o problema nga anaa sa kalibotan. Mahimo dayon nilang i-post ang mga tudling sa doktrinal nga kahanas nga makatabang sa mga tawo nga nag-atubang niadto nga mga hagit o problema.