Mosaea 29–Alema 4

Vaaiga Aoao

I totonu o sa Nifae, sa aoao atu ai e se tagata e igoa ia Neoa aoaoga faavae sese na mafua ai ona teena e tagata i ona aso, ma isi i tausaga a sau lo latou Faaola. Ona o lana faatosinaga, o nisi tagata “sa amata ona sauaina i latou o e sa auai i le ekalesia a le Atua” (Alema 1:19). Mulimuli ane, sa taitai e se tagata e igoa ia Amiliki se fouvalega e faasaga ia sa Nifae lea na mafua ai ona maliliu le toatele i le taua. I le aluga o taimi, o le faamaualuga ma finauga na faaalia e nisi o tagata o le Ekalesia a le Faaola na mafua ai ona toilalo le Ekalesia i lona alualu i luma. O se taunuuga, sa musuia Alema e faamavae i le avea ai ma faamasino sili ina ia tuuto atu o ia lava i le talaiina o le afioga a le Atua.

Saunia e Aoao Atu

O nei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Alema 1:1–18

Faamoemoega o le lesona: O lenei lesona e mafai ona fesoasoani i tagata aoga ia iloa ma teena aoaoga sese lea e mafai ona liliu ese ai i latou mai ia Iesu Keriso.

• Sauniuniga a le tagata aoga: E mafai e tagata aoga ona suesue le vaega o le “E mafai ona ou iloa ma teena aoaoga sese” i le otootoga ” 3–9 Iuni. Mosaea 29–Alema 4: ‘Sa Latou Tumau Ma lē Masiʼiʼese ’” i le Sau, Mulimuli Mai ia te Au—Mo Tagata Taitoatasi ma Aiga: Tusi a Mamona 2024.

• Vitio: “Salamō: O Se Filifiliga Fiafia” (15:45; matamata mai le faailo taimi 9:17 i le 10:10)

• Fautuaga faafaiaoga faavitio: A maua e tagata aoga ni mau e faasa’o ai aoaoga sese a Neoa, e mafai ona faasoa mai a latou tali e faaaoga ai le vaega o talanoaga.

Alema 1:19–33

Faamoemoega o le lesona: O lenei lesona e mafai ona fesoasoani i tagata aoga e tali atu ai ma le faamaoni ma lagona le filemu tusa lava pe latou te feagai ma sauaga ona o le avea ai ma tagata O Le Ekalesia a Iesu Keriso o le Au Paia o Aso e Gata Ai.

• Sauniuniga a le tagata aoga: Valaaulia tagata aoga e mafaufau e uiga i taimi i o latou olaga na luitauina ai o latou talitonuga ma pe na faapefea ona latou tali atu.

• Vitiō: “O Le Tau—ma Faamanuiaga—o le Avea ma Soo” (14:45; matamata mai le faailo taimi 0:25 i le 2:05)

• Fautuaga faafaiaoga faavitio: Mafaufau e valaaulia tagata aoga e faaaoga le vaega o talanoaga e lisi ai faatinoga na faia e sa Nifae. O lenei mea o le a tuu atu ai i tagata aoga se lisi e mafai ona latou faasino uma i ai, ma mafai ai ona latou faaopoopo faatinoga na maua e tagata o le vasega i a latou lava lisi.

Alema 2–3

Faamoemoega o le lesona: O lenei lesona e mafai ona fesoasoani i tagata aoga ia malamalama atili i taunuuga o e latou te filifili e mulimuli i ai i lenei olaga.

• Sauniuniga a le tagata aoga: Valaaulia tagata aoga e faitau pe faalogologo i le Alema 2–3 a o lei o mai i le vasega. Tuu atu ia i latou e mafaufau e uiga i mea e mafai ona latou aoaoina mai le tala i nei mataupu.

• Anotusi e faaali atu: O le siata ua faaautuina “O le totogi o lē ua ia filifili e usitai,” a lē o le faaali atu pe kopi i luga o le laupapa mo tagata aoga e faatumu

• Aitema: Fasipepa e faatusa i tupe; o taga po o pusa e lua

Alema 4

Faamoemoega o le lesona: O lenei lesona e mafai ona fesoasoani i tagata aoga e faaaoga le afioga a le Atua e faatoilalo ai le faamaualuga ma finauga.

• Sauniuniga a le tagata aoga: Valaaulia tagata aoga e o mai saunia e faasoa mai se mau po o se faamatalaga mai se taitai o le Ekalesia e uiga i le lotomaualalo.

• Lesona faatino: “Maa tu’ia” o loo tusia i luga o se fasipepa o loo faapipii i luga o le fola i le faitotoa o le potuaoga

• Vitio: “Ua Talai Atu e Alema le Afioga a le Atua” (10:33; matamata mai le faailo taimi 0:36 i le 1:59)

• Fautuaga faafaiaoga faavitio: Mafaufau e faaali atu se siata i le lesona atoa, ma le isi itu e faaali atu ai faafitauli na feagai ma Alema ma lona nuu ae o le isi itu o loo faaalia ai vaifofō. Valaaulia tagata aoga e faaopoopo atu i le siata lenei i le lesona atoa ma kopi i totonu o a latou api talaaga mo suesuega.

Atamai i Aoaoga Faavae Iloiloga 10

Faamoemoega o le lesona: O lenei lesona o le a tuuina atu ai i tagata aoga ni avanoa e faataitai ai le faaaogaina o nisi o fuaitau o le atamai i aoaoga faavae na latou suesueina i lenei tausaga i o latou lava olaga.

• Sauniuniga a le tagata aoga: Valaaulia tagata aoga e filifili se tasi o mau faasino muamua e 12 o le atamai i aoaoga faavae latou te iloa e anoa. Uunaia tagata aoga e o mai saunia e faasoa mai pe aisea e taua ai ia i latou le latou mau faasino na filifilia.

• Anotusi e faaali atu: O le siata o loo i ai fasifuaitau muamua e 12 o mau o le atamai i aoaoga faavae

• Fautuaga faafaiaoga faavitio: E mafai e tagata aoga ona faaaoga le vaega o talanoaga e tuu ai i luga ni luitau po o ni faafitauli eseese o loo i ai i le lalolagi. Ona mafai lea ona latou tuuina i luga fuaitau o le atamai i aoaoga faavae e mafai ona fesoasoani i tagata o feagai ma na luitau po o faafitauli.