Alma 13–16

Kinatibuk-ang Pagpasabot

Si Alma mipasabot nga ang Ginoo mi-orden og mga halangdon nga pari [high priest] aron sa pagtudlo sa mga sugo ug sa pagbuhat sa mga ordinansa aron ang mga tawo makasulod ngadto sa kapahulayan sa Ginoo. Samtang siya ug si Amulek mitudlo sa ebanghelyo ni Jesukristo sa siyudad sa Ammonihah, ang dautang mga tawo misakit sa mga tumotuo ug mipahamtang kanila og kamatayon pinaagi sa kalayo. Si Alma ug si Amulek dayon gipriso ug grabeng gipanglutos. Human milagrosong giluwas gikan sa bilanggoan, sila miadto sa Sidom, diin ilang nakit-an si Zeezrom nga nasakit og grabeng hilanat tungod sa gibati nga kahasol tungodsa iyang kasaypanan. Giayo ug gibunyagan ni Alma si Zeezrom.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Alma 13

Katuyoan sa leksiyon: Kini nga leksiyon makatabang sa mga estudyante nga makasabot unsay buot ipasabot nga makasulod ngadto sa kapahulayan sa Ginoo ug unsaon nila pagbuhat sa ingon.

• Pagpangandam sa estudyante: Ikonsiderar ang pagdapit sa mga estudyante sa paghunahuna kon sa unsang paagi sila napanalanginan pinaagi sa usa ka lider sa Simbahan o pinaagi sa pag-apil sa usa ka ordinansa sa ebanghelyo.

• Sugyot sa pagtudlo pinaagi sa videoconference: Ikonsiderar ang pagbahin sa mga estudyante ngadto sa mga grupo aron tun-an ang usa sa duha ka pamahayag sa doktrina ug baroganan diha sa leksiyon ug sa pagpangandam sa pagpakigbahin sa unsay ilang nadiskobrehan ngadto sa klase. Mahimong ibutang ang mga estudyante sa mga breakout room aron magtuon nga magkauban, o mahimo silang magtuon nga magtagsa-tagsa.

Alma 14

Katuyoan sa leksiyon: Ang katuyoan niini nga leksiyon mao ang pagtabang sa mga estudyante nga mosalig sa Ginoo kon mag-atubang og kalisdanan, pag-antos, ug pagkadili makiangayon.

• Pagpangandam sa estudyante: Dapita ang mga estudyante sa pagpamalandong sa bisan unsang mga pagsulay nga ilang nalahutay. Dasiga sila sa paghunahuna kon sa unsang paagi ang ilang pagsalig sa Manluluwas nakatabang kanila o makatabang unta kanila sa paglahutay sa ilang pagsulay.

• Mga Bidyo: “Si Zeezrom Nagtuo, ug ang mga Matarong Gipanglutos” (3:51); “Si Alma ug Amulek Milagrosong Naluwas gikan sa Bilanggoan” (2:45)

Alma 15

Katuyoan sa leksiyon: Kini nga leksiyon makatabang sa mga estudyante nga makagamit sa makaayo nga gahom nga anaa pinaagi ni Jesukristo.

• Pagpangandam sa estudyante: Dapita ang mga estudyante sa pagbasa sa ideya alang sa pamilya nga pagtuon sa kasulatan ubos sa Alma 15:1–12 diha sa latid [outline] sa pagtuon “Hunyo 24–30. Alma 13–16: ‘Makasulod ngadto sa Kapahulayan sa Ginoo’” sa Dali, Sunod Kanako—Alang sa mga Indibidwal ug mga Pamilya: Basahon ni Mormon 2024.

• Bidyo: “Si Zeezrom Naayo ug Gibunyagan” (2:42)

• Handout: “Espirituhanon nga Sakit”

• Sugyot sa pagtudlo pinaagi sa videoconference: Ikonsiderar ang paggamit sa whiteboard function aron ipakita ang handout nga “Espirituhanon nga Sakit” aron ang mga estudyante makasulat sa ilang mga nakaplagan ug mga tubag niini.

Sukda ang Imong Nakat-onan 5

Katuyoan sa leksiyon: Kini nga leksiyon gituyo aron sa pagtabang kanimo sa pagtimbang-timbang sa mga tumong nga imong gitakda ug sa paglambo nga imong nasinati sa pagkakaron atol sa imong pagtuon sa Basahon ni Mormon.

• Pagpangandam sa estudyante: Mahimong dapiton ang mga estudyante sa pagpangita og kasulatan diha sa Mosiah 18–Alma 16 mahitungod sa Pag-ula ni Jesukristo nga makahuluganon ngadto kanila.

• Content nga ipakita: Usa ka hulagway sa usa ka bukid o usa ka tawo nga nagbaklay sa bukid; usa ka hulagway sa usa ka tawo diha sa tunga-tunga sa dalan, nga gidrowing diha sa pisara sa wala pa ang klase

• Sugyot sa pagtudlo pinaagi sa videoconference: Ikonsiderar ang paggamit sa whiteboard function aron ang mga estudyante makapakigbahin sa unsay ilang nakat-onan o gibati atol sa ilang pagtuon sa unang katunga sa Basahon ni Mormon. Kon makadesisyon ka nga gamiton ang pagbansay nga makatabang sa mga estudyante sa pagpasabot sa Pag-ula ni Jesukristo, ikonsiderar ang pagbutang sa mga estudyante ngadto sa gagmay nga mga breakout room.

Rebyo 12 sa Doktrinal nga Kahanas

Katuyoan sa leksiyon: Kini nga leksiyon makatabang sa mga estudyante sa pagrebyo ug pagbansay sa pagsabot ug paggamit sa mga tudling sa doktrinal nga kahanas nga ilang gitun-an.

• Pagpangandam sa estudyante: Ikonsiderar ang pagdapit sa mga estudyante sa pagpili og duha sa mga tudling sa doktrinal nga kahanas tali sa 1 Nephi ug Mosiah ug sa pagpalandong kon unsay ilang mahimo aron masabtan ug magamit kini.

• Handout: “Unang 12 ka mga Tudling sa Doktrinal nga Kahanas ug ang Mahinungdanon nga Hugpong sa mga Pulong”

• Sugyot sa pagtudlo pinaagi sa videoconference: Sa sinugdanan sa leksiyon, samtang ang mga estudyante mopakigbahin sa ilang tambag kon unsaon sa pagsabot sa mga kasulatan, paghimo og lista niini nga tambag diin makita kini sa mga estudyante. Mahimo kini gamit ang whiteboard o chat feature. Idugang ang bisan unsang mga ideya nga imong gibati nga makatabang. Ang mga estudyante mahimong makabenepisyo gikan sa pagkakita niini nga mga ideya samtang sila naningkamot sa pagsabot sa mga tudling sa doktrinal nga kahanas nga ilang gipili.