Aлмa 19

“Наманчилж мөн итгэдэг бүх хүмүүст Түүний мутар сунгаастай байдаг”

Таныг сайн мэдээг бусадтай хуваалцахыг бодох үед Аврагчийн сургаалыг хэзээ ч хүлээн зөвшөөрөхгүй байх магадлалтай хүмүүс байдаг юм шиг санагддаг уу? Тэнгэрлэг Эцэг ийм хүмүүсийг хэрхэн хардаг гэж та бодож байна вэ? Аммоны леменчүүдтэй хийсэн номлолын туршлагаас бид Их Эзэн амьдралын бүх давхаргын хүмүүсийн зүрх сэтгэлийг Өөрийн сайн мэдээг хүлээн авахад бэлтгэж байгааг харж байна. Энэ хичээл Их Эзэн бүх хүнийг хайрладаг бөгөөд хүн бүрийг Түүнд ирээсэй гэж хүсдэгийг ойлгоход тань тусалж чадна.

Бусдын итгэл үнэмшил, үзэл бодлыг хүндлэх нь Бусдын итгэл үнэмшил, үзэл бодлыг хүндэтгэдэг орчныг бүрдүүлэхийг эрэлхийл. Суралцагчдыг сонсож, бусад хүн яагаад тэднээс өөрөөр итгэж болохыг ойлгоход урамшуулан дэмж. Суралцагчдад бусдын итгэл үнэмшлийг хүлээн зөвшөөрч сурахад нь мөн өөрсдийн итгэл үнэмшлийг эелдэг, хүндэтгэлтэй хуваалцахад нь тусал. Энэ дасгал тэднийг бусадтай сайн мэдээг хүндэтгэлтэй хуваалцахад бэлтгэж чадна.

Суралцагчийн бэлтгэл: Суралцагчдыг Алма 19-ийг судлаад, леменчүүдэд Аммоны заасан Аврагчийн сайн мэдээ хэрхэн нөлөөлснийг олж мэдэхэд урь.

Боломжит суралцах үйл ажиллагаа

Санал асуулгыг бөглөөрэй

Дараах санал асуулгыг үзүүлж, суралцагчдад сайн бодож, үнэн зөв хариулах цаг гаргаж өг. Хэрэв суралцагчдын хариулт хэт хувийн шинжтэй биш бол хариултаа хуваалцахад урь.

Дараах хүмүүсийг Есүс Христийн сайн мэдээний тухай илүү ихийг мэдэхэд урих магадлал хэр их байна гэж бодож байгаагаа 1–5 хүртэлх оноогоор үнэл.

1. Сүмийг сонирхож байгаагаа илэрхийлсэн таны мэддэг хүн

2. Сайн мэдээний жишгийг аль хэдийн дагаж мөрддөг ч гишүүн болоогүй байгаа найз, гэр бүлийн гишүүн

3. Сайн мэдээний жишгийг дагадаггүй найз, гэр бүлийн гишүүн

4. Бусдын сайн мэдээний талаар илүү ихийг мэдэж авах урилгаас татгалзаж байсан таны таних нэгэн

Яагаад ингэж хариулсан шалтгаанаа тунгаан бод.

• Сайн мэдээг хуваалцах хичээл зүтгэлд бусдын талаарх бидний хувийн бодол хэрхэн нөлөөлж болох вэ?

Мозаягийн хөвгүүд леменчүүдэд номлож эхлэхэд олон хүн тэднийг элэглэн дооглож инээлдсэн ба ийм ёс бус хүмүүсийн дунд тэд амжилтад хүрнэ гэдэгт эргэлзэж байв (Алма 26:23–25-ыг үзнэ үү). Гэсэн хэдий ч Аммон ба түүний ах нар амжилтад хүрсэн. Аммоныг хаан Лемонайд сайн мэдээг заасны дараа хаан түүний бүх үгэнд итгэж, нигүүлсэл гуйн залбирч, Сүнсээр даван туулахдаа тэрээр газарт унасныг санаж байгаа байх (Алма 18:40–43-ыг үзнэ үү).

Өнөөдөр та Аммоныг хаанд заасны дараа Лемонайн гэрт болсон үйл явдлуудын тухай мэдэх болно. Үргэлжлүүлэн судлахдаа Тэнгэрлэг Эцэг Өөрийн хүүхдүүдийг, тэр дундаа сайн мэдээг хүлээн зөвшөөрдөггүй хүмүүсийг хэрхэн хардгийг илүү сайн ойлгоход тань туслах үнэнүүдийг олж мэд.

Аммон Лемонайн гэрийнхэнд үргэлжлүүлэн заав

Хичээлийн энэ хэсгийн зорилго нь Алма 19-д цэдэглэсэн үйл явдлуудыг судалж, 36-р шүлэг-т заасан зарчмыг олж тогтооход суралцагчдад туслах юм. Зарчмыг тодорхойлохын өмнө энэ бүлгийг судлахад суралцагчдад туслахын тулд та энэ хэсэгт жагсаасан аргуудаас өөр аргыг ашиглах тухай бодож болно.

Жишээлбэл: Та энэ бүлгийг уншигчдын театр болгож, зургаан суралцагчийг сонгон, тус бүрд нь нэг хэсгийг оноож болно. Нэг суралцагч өгүүлэгч болж (1, 6–7, 11–12, 15, 33–36-г), үлдсэн тав нь хатны үгийг эсвэл түүний тухай (2, 4–5, 9, 29–30-ийг), Аммон (3, 6–8, 10, 14, 22–23-ыг), хаан Лемонай (12–13, 31-ийг), Эбиш (16–17, 28-ыг) болон бусад леменчүүдийн тухай (шүлэг 18–21, 24–27, 32-ыг) уншиж үйлчилж болно. Суралцагчдад хичээл эхлэхээс өмнө эдгээр даалгаврыг хийх нь унших шүлгээ тодорхойлоход нь тус болж болно.

  ChurchofJesusChrist.org  Суралцагчид видеог үзэж байхдаа судар дээрээ дагаж уншиж болно.

Нөхрийнхөө үхлийг мэдээд леменчүүдийн хатан Аммонтой ярилцахын тулд хүн илгээв (Алма 19:1–3-ыг үзнэ үү).

Алма 19:4–17-г уншаад, Аммонтой ярьсны дараа хатан ба бусад хүн юу мэдэж авсныг олж мэд.   ChurchofJesusChrist.org 

Ammon Serves and Teaches King Lamoni | Alma 17–19

Ammon and the sons of Mosiah go to teach the Lamanites the word of God. Ammon becomes King Lamoni’s servant and teaches him the gospel of Jesus Christ.

• Та эдгээр шүлгээс хатны талаар юу мэдэж авсан бэ?

• Лемонай өмнөх гурван өдрийн турш Есүс Христийн талаар юу мэдэж авсан бэ?

• Энэ мэдлэг яагаад Лемонайд ийм баяр баясгалан авчирсан гэж та бодож байна вэ?

Хааны гэрт бусдыг цуглуулсны дараа хүмүүс хааныг болон бусад хүнийг яагаад үхсэн мэтээр газарт хэвтэж байгаа талаар өөр хоорондоо маргалдаж эхлэхэд хатны зарц Эбиш гайхаж бас харамсав (Алма 19:18–28-ыг үзнэ үү).

Алма 19:29–36-г уншаад, энэ зөрчилтэй мөчид Эбишийн юу хийснийг болон дараа нь леменчүүдийн дунд юу болсныг олж мэд.   ChurchofJesusChrist.org 

Ammon Serves and Teaches King Lamoni | Alma 17–19

Ammon and the sons of Mosiah go to teach the Lamanites the word of God. Ammon becomes King Lamoni’s servant and teaches him the gospel of Jesus Christ.

• Итгэхийг сонгосон олон лемен хүнд Есүс Христийн сайн мэдээ хэрхэн нөлөөлсөн бэ?

• Мормон энэ түүхийг хуваалцсаныхаа дараа 36-р шүлэг-т Их Эзэний тухай ямар үнэнийг заасан бэ?

Их Эзэний бүх хүнийг Өөртөө ирүүлэх хүсэл

36-р шүлэг дэх Мормоны үгээс бид Их Эзэнд наманчилж мөн түүний нэрд итгэх бүх хүнд түүний мутар сунгаастай байдгийг сурч мэднэ. Судар дээрээ энэ үнэнийг тэмдэглэж ав.

Энэ хам сэдэвт, Их Эзэний мутар сунгаастай байдаг гэсэн ойлголт Түүний нигүүлсэл, уучлах хүслийг агуулна.

• Энэ зарчмын үнэнийг өөрийнхөө болон бусдын амьдралаас харахад танд ямар туршлага тусалсан бэ?

Суралцагчдыг хэт хувийн биш туршлагаасаа хуваалцахад урь. Та мөн туршлагаасаа хуваалцаж болно.

Мөн Аврагчийн амьдралын жишээнүүдийг олж мэдэхэд цаг заваа зориулах нь амьдралын бүхий л давхаргын хүмүүст Өөр лүү нь ирэхэд туслахад бэлэн гэдгээ харуулсан нь тустай байж болох юм. Олон судраас Матай 9:10–13; Марк 5:25–34; Лук 5:18–25; Иохан 8:2–11 зэрэг судрын хэсгүүдийн зарим жишээг та суралцагчдад үзүүлж болно. Мөн та суралцагчдаар 2 Нифай 26:33-ыг судлуулж, энэ шүлгийг судрынх нь Алма 19:36-тай холбуулж болно.

Заримдаа бид хэн нэгний гадаад төрх эсвэл өнгөрсөнд юу хийж байсан зэргээс нь шалтгаалан сайн мэдээг сонирхохгүй байх гэсэн буруу дүгнэлт хийдэг. Ийм байдалд байгаа хэн нэгнийг төсөөлөөд үз. Энэ нь таны таньдаг хүн байж болно. Эсвэл энэ тайлбарт таарсан хүний талаар бодож болно.

Та суралцагчдаас судлах тэмдэглэлдээ өмнөх догол мөрд дүрсэлсэн хүнийг төлөөлсөн хүний дүрс зурахыг хүсэж болно. Суралцагчид дараах асуултад өгөх хариултаа хүний дүрстэй зурган доороо бичиж болно. Дараа нь суралцагчдын бичсэн зүйлсийг ярилц.

• Бурхан энэ хүний тухай ямар бодолтой байдаг вэ?

• Энэ хүний тухай Бурхан хэрхэн мэдэрдгийг ойлгох нь тэдэнд хандах таны сэтгэлд хэрхэн нөлөөлөх вэ?

Өнөөдөр ярилцсан үнэнийхээ талаар гэрчлээд, бусдыг Бурханы адил харахыг эрэлхийлэхэд суралцагчдыг урамшуулан дэмж.

Тайлбар ба нөхцөл байдлын талаарх мэдээлэл

Би нэг хүчирхэг туршлагаар Их Эзэнд хөрвөгдөж чадах уу?

Аммоны заасан леменчүүд хөрвүүлэлтийг маш гайхалтай мэдэрсэн тул Сүнсээр хүчирхэгжиж, дэлхий дээр унасан. Энэ нь Тэнгэрлэг Эцэгийн хүүхдүүдийн хөрвөгддөг нийтлэг арга зам биш юм.

Арван хоёр төлөөлөгчийн чуулгын ахлагч Дэвид А.Бэднар ийн заасан.

Converted unto the Lord

Knowing that the gospel is true is the essence of a testimony. Consistently being true to the gospel is the essence of conversion.

Бидний олонхын хувьд хөрвүүлэлт нь цаг хугацаа шаардсан үйл явц бөгөөд энэ нь хүчтэй буюу сэтгэл хөдөлгөсөн үйл явдлын үр дүнд бий болдог нэг удаагийн явдал биш юм. Шат шатаар мөн дүрэм дүрмээр, яваандаа, бараг мэдэгдэлгүйгээр, бидний үйл хөдлөл, бодол, үг, үйлс Бурханы хүсэлтэй нэгдэн нэг болдог. Их Эзэнд хөрвүүлэгдэх нь тэвчээртэй мөн шаргуу байдлын аль алиныг шаарддаг. (Дэвид А.Бэднар “Их Эзэнд хөрвүүлэгдэв,” 2012 оны 10-р сарын Ерөнхий чуулган, 130–133)

Бусдад хүлээн зөвшөөрөгдөөгүй хүмүүсийн талаар Есүс Христ юу мэдэрдэг вэ?

Халамжийн нийгэмлэгийн ерөнхий ерөнхийлөгчийн зөвлөлийн нэгдүгээр зөвлөх Шэрон Юбанк эгч ийн заасан.

Христ бол харанхуйг гийгүүлэгч гэрэл

Юбанк эгч бид хэрвээ Христийг амьдралынхаа гол цөм болговол Тэрээр биднийг зүдгүүрт үед маань дэмжин, харанхуй дахь гэрэл байх болно гэж заалаа.

Есүс уяман өвчтэй хүмүүс, татвар хураагчид, хүүхдүүд, галилчууд, эмэгтэйчүүд, садар эмс, фарисайчууд, нүгэлтнүүд, самаричууд, бэлэвсэн эмэгтэйчүүд, Ромын цэргүүд, завхайрагчид, ёс жаягийн дагуу цэвэр бус гээд олон янзын хүмүүст хүрч туслахын тулд асар их хүчин чармайлт гаргасныг Шинэ Гэрээ харуулдаг. Тэрээр бараг бүх түүх дээр нийгэмд хүлээн зөвшөөрөгддөггүй байсан хэн нэгэнд хүрч тусалсан байдаг. (Шэрон Юбанк, “Христ бол харанхуйг гийгүүлэгч гэрэл,” 2019 оны 4-р сарын Ерөнхий чуулган, 88)

Бурханы адилаар бусдыг харах нь надад хэрхэн нөлөөлж байна вэ?

Арван хоёр төлөөлөгчийн чуулгын ахлагч Дэйл Г.Рэнланд ийн заасан.

Through God’s Eyes

Dale G. Renlund teaches that to truly serve others, we need to see them as Heavenly Father sees them.

Бид бусдад үр дүнтэй үйлчлэхийн тулд тэднийг эцэг эхийнх нь нүдээр мөн Тэнгэрлэг Эцэгийн мэлмийгээр харах хэрэгтэй. Зөвхөн тэгж чадсан тохиолдолд бид бодгалийн жинхэнэ үнэ цэнийг ойлгож эхлэн, бүх хүүхдээ хайрлах Тэнгэрлэг Эцэгийн хайрыг ухаарах болно. Зөвхөн тэгснээр биднийг гэсэн Аврагчийн сэтгэлийг ойлгох болно. (Дэйл Г.Рэнланд, “Бурханы мэлмийгээр харах нь,” 2015 оны 10-р сарын Ерөнхий чуулган, 82)

Нэмэлт суралцах үйл ажиллагаа

Нифайчуудын леменчүүдтэй сайн мэдээг хуваалцах гэсэн өмнөх оролдлогууд

Хичээлийн эхэнд суралцагчид нифайчуудын олонх нь Аммоныг болон түүний ах нарыг леменчүүдэд номлох гэж оролдсоных нь төлөө шоолж байсныг мэдэх болно (Алма 26:23–25-ыг үзнэ үү). Эдгээр мэдрэмжийн заримд нь леменчүүдэд номлох гэсэн нифайчуудын өмнөх оролдлогууд нөлөөлсөн байж магадгүй гэдгийг онцлох нь тустай байж болно. Та Иаков 7:24 ба Инос 1:20-ийг судалж, өмнөх оролдлогуудын талаар уншиж болно.

Алма 19:36. Бурханы мутар бүх хүнд сунгаастай

   

Jesus is Real: Calyann's Experience with the Book of Mormon

Friends, fun, success—Calyann had it all! That was until she realized she lived in a prison of her own making. While learning of Jesus Christ, Calyann felt His love, which is available to all who seek Him.

Мормоны Ном дахь хөрвүүлэгдсэн хүмүүсийн дунд ижил төстэй хариултууд байдаг

Мормоны Ном дахь гайхалтай арга замаар хөрвүүлэгдсэн хүмүүс хөрвөлтийн туршлагынхаа дараа үүнтэй төстэй зүйлийг хэлсэн. Тэд ихэвчлэн Бурханыг магтаж, өөрчлөгдсөн хүслийнхээ тухай ярьж, бусдыг Аврагчийг дагахад урамшуулсан. Суралцагчид энэ загварын жишээг үзэхийг сонирхож болох юм. Дараах шүлгийг хуваалцаж, суралцагчдыг хүмүүсийн хариултаас ижил төстэй зүйлийг олж мэдэхэд урь: Мозая 5:2–3; 27:23–26; Алма 19:12–14, 29, 33.