“Сүнслэг мэдлэг олж авах нь, 4-р хэсэг: Сүнслэг асуултуудад хариулт олж авах нь,” Мормоны Номын багшийн гарын авлага (2024)
“Сүнслэг мэдлэг олж авах нь, 4-р хэсэг,” Мормоны Номын багшийн гарын авлага
Сүнслэг мэдлэг олж авах нь, 4-р хэсэг
Сүнслэг асуултуудад хариулт олж авах нь
Зарим үед танд сургаалтай холбоотой хувийн, нийгмийн эсвэл түүхийн сэдвийн сүнслэг асуулт, асуудал байж болох юм. Та ийм асуулт эсвэл асуудал байгаа үедээ итгэлээр үйлдэх, утга санаа, асуултыг мөнхийн талаас нь шинжлэн судлах, илүү гүн ойлголтыг тэнгэрээс томилогдсон эх сурвалжаар дамжуулан эрэлхийлж болно. Дараах хичээл танд сүнслэг мэдлэг олж авах зарчмуудыг давтахад туслах зорилготой.
Сүнслэг мэдлэг олж авах зарчмуудыг заах. Эдгээр зарчмыг судалж, давтах нь суралцагчдад сүнслэг асуултуудад хариулахад тусална. Тэдгээрийг тогтмол давтах нь суралцагчдад зарчмуудыг өдөр бүр илүү сайн ойлгож, ашиглах боломжийг олгоно.
Суралцагчийн бэлтгэл: Суралцагчдыг өөрт тулгарч байсан эсвэл одоо байгаа сүнслэг асуултуудаа мөн асуултынхаа хариултыг олохын тулд юу хийсэн талаар бодоход урьж болно.
Боломжит суралцах үйл ажиллагаа
Итгэхэд тулгардаг саад бэрхшээл
Дараах жишээнүүдийг унш. ChurchofJesusChrist.org
Та санал болгож буй жишээнүүдийн нэгийг эсвэл хэд хэдийг ашиглаж эсвэл өөрийн жишээг бодоод, ангийнхандаа хуваалцаж болно. Суралцагчдаас хичээл орж байх үед нэг жишээг сонгох эсвэл жижиг бүлгүүдэд жишээг хуваарилж, хичээлийн үеэр асуултуудыг ярилцах боломж олго.
Эшлин бол найзаасаа Сүмийн талаар сэтгэлийг нь зовоосон зүйл сонссон эмэгтэй юм. Тэрээр түүнээс энэ мэдээллийг нуусан нь мөн эдгээр зүйлийг амьдралдаа өмнө нь сонсож байгаагүй нь түүнд худал хэлсэн мэт мэдрэмж өгсөн. Тэрээр түүнтэй адил бухимдсан хүмүүстэй ярилцаж эхэлсэн бөгөөд энэ сэдвээр сөрөг тайлбар уншсан.
Хюго сургаалын нэгэн сорилт бэрхшээлтэй сэдвийн талаар семинарт явж, илүү ихийг мэдэхийн тулд онлайнаар хайсан. Тэрээр энэ сэдвээр Сүмийг шүүмжилсэн эх сурвалжуудыг олж харсан. Тэрээр сонирхолдоо хөтлөгдөн Сүмийн сургаалыг сөргөөр дүрсэлсэн сэдэвт видеог үзжээ. Энэ туршлага нь түүнийг амьдралдаа анх удаа Сүмийн үнэн зөв эсэхэд эргэлзэхэд хүргэв.
-
Та эдгээр нөхцөл байдалд юу мэдрэх байсан бэ?
-
Та ямар хариу үйлдэл үзүүлэх байсан гэж бодож байна вэ?
Сургаалтай холбоотой хувийн, нийгмийн эсвэл түүхийн сэдвийн хариултгүй сүнслэг асуулттай байх нь хэцүү байж болно. Танд гарч ирж буй асуултуудын талаар бодож, энэ хичээлд зориулж бич.
Асуултад болон санаа зовоосон асуудалд үнэнч шударга, итгэлээр хариулахад тань туслах зүйлүүдийг сурч мэдэж, хийж болно. Энэ хичээлийг судлахдаа таны сурч мэдсэн мэдээлэл Тэнгэрлэг Эцэгт болон Есүс Христэд итгэх итгэлээр өөрийн асуултуудад хариулахад тань хэрхэн тусалж болох талаар бод.
Сүнслэг мэдлэг олж авах зарчмууд
Дараах зарчмууд таныг сүнслэг асуултуудын талаар заавар, ойлголт авах хичээл зүтгэлд тань чиглүүлж чадна. Үүнд:
-
Итгэлээр үйлдэх.
-
Утга санаа, асуултыг мөнхийн талаас нь шинжлэн судлах.
-
Тэнгэрээс томилогдсон эх сурвалжаар дамжуулан илүү гүн гүнзгий ойлголттой болохыг эрэлхийлэх
Суралцагчид тань сүнслэг мэдлэг олж авах зарчмуудыг хэр сайн мэддэг байхаас хамааран та энэ хичээлийг өөрчлөн тохируулж болно. Жишээлбэл: Хэрэв танд зарчмуудыг мэддэг зарим суралцагч байгаа бол бусад мэдэхгүй байгаа суралцагчдад тайлбарлуулж болно. Хэрэв таны бүх суралцагч эдгээр зарчмыг шинээр сурч байгаа бол зарчмуудыг танилцуулахад илүү их цаг зарцуулах шаардлагатай болно. Та энэ гарын авлагын эхнээс “Сүнслэг мэдлэг олж авах нь 1–3-р хэсэг”-ээс лавлаж болно.
Итгэлээр үйлдэх
Дараах жишээнүүдийг унш. ChurchofJesusChrist.org Мөн та Төгс эзэмших сургаалыг судлах үндсэн материал-ын (2022) “Сүнслэг мэдлэг олж авах нь” хэсгийн 5–7-р догол мөр-ийн жишээг унших юм уу видеог үзэхээсээ өмнө уншиж болно.
Өмнөх өгүүлбэрт дурдсан догол мөрүүдийг давтах нэг арга бол суралцагчдыг дөрвөөр нь бүлэгт хуваарилах юм. Бүлгийн гишүүдийн гурвыг нь гурван догол мөрийн аль нэгийг бүлэгт чангаар уншихад урь. Дараа нь дөрөв дэх бүлгийн гишүүнийг бусад гурвын уншсан зүйлийг хураангуйлахад урь.
Та суралцагчдаас сонгосон жишээн дээр нь үндэслэн дараах асуултуудад хариулт авч болно.
Юу хийснээ мэдсэнийхээ дараа Эшлин маш их сэтгэлээр унаж, сүм рүү очихоо больжээ. Тэрээр жил гаруйн хугацаанд Сүмээс хөндийрсөн аж. Сүүлд нь дотнын найз нь түүнээс яагаад очихоо больсныг нь асуув. Тэрээр түүнд тустай байж магадгүй гэж бодсон ерөнхий чуулганы үгийг түүнтэй хуваалцан, уншсан зүйлийнхээ талаар залбирахад урьсан.
Хюго эргэлзсэн, санаа зовнисон мэдрэмжээ дотроо хадгалан Сүмд үргэлжлүүлэн очсоор байв. Гэсэн хэдий ч түүний төөрөгдөл арилсангүй. Нэг удаа түүнд асуудлынхаа тухай эцэг эхтэйгээ ярилцах ёстой гэсэн маш хүчтэй мэдрэмж төржээ. Энэ нь түүний интернэтээс мэдээлэл хайснаас хойш төрсөн анхны сүнслэг мэдрэмж байв.
-
Эшлин, Хюго хоёрыг итгэлээр үйлдэж байгаа эсэхийг та юу гэж харж байна вэ?
-
Та тэднийг сорилт бэрхшээлдээ хариу үйлдэл үзүүлэхийн тулд Бурханд хандахад нь урамшуулан дэмжиж болох юуг хэлж болох вэ?
-
Хялбар хариулагдахгүй асуулт тээж явдаг хүнд итгэлээр үйлдэхэд ямар судар тусалж чадах вэ?
Судлах тэмдэглэлдээ дор хаяж нэг судрыг бичээд, яагаад үүнийг тустай гэж бодож буйгаа тайлбарла. Хэрэв танд олоход хэцүү байвал Төгс эзэмших сургаалыг судлах үндсэн материал-ын төгс эзэмших сургаалын судрын хэсгүүд ба судрын түлхүүр үг хэллэгүүд-ийг давт.
Та суралцагчдад өмнөх асуултын хариултын дагуу судруудыг олох цаг гаргаж өгөхийг хүсэж болно. Эдгээр сударт 2 Нифай 31:20 ба Сургаалт үгс 3:5–6-г багтааж болно. Хангалттай хугацаа өнгөрсний дараа дэргэдээ сууж буй хэн нэгэнд хуваалцаж болно. Эсвэл тэд олсон шүлгээ самбар дээр бичиж, ангийнхан нь мэдэхгүй шүлгүүдээ уншиж болно. Суралцагчид дараа нь ангийнхныхаа олсон судраас суралцсан зүйлээ хуваалцаж болно.
Утга санаа, асуултыг мөнхийн талаас нь шинжлэн судлах
Дараах догол мөрүүдийг давтах нэг арга бол суралцагчдыг жижиг бүлгүүдэд хуваарилж, бүлгийн суралцагч бүрийг гурван догол мөрийг уншихад урих юм. Дараа нь догол мөрүүдээс хамгийн их сэтгэгдэл төрүүлсэн нэг мөрийг бүлэгтэйгээ хуваалцахад тэднийг урь.
Төгс эзэмших сургаалыг судлах үндсэн материал-ын “Сүнслэг мэдлэг олж авах нь” хэсэг дээрх 8–10-р догол мөр-ийг дахин давт.
-
Эшлинд болон Хюгод эргэлзээ анх төрөхөд утга санаа, асуултыг мөнхийн талаас шинжлэн судлах нь хэрхэн тусалсан бэ?
-
Энэ нь тэдний одоогийн нөхцөл байдалд хэрхэн тус болох вэ?
-
Та Хюго, Эшлин хоёрыг амьдралынхаа энэ үед Бурхан, Түүний төлөвлөгөөний талаар юуг ойлгоосой гэж хүсэж байна вэ?
Энэ нь суралцагчдыг судруудыг ашиглан дадлагажих бас нэг сайн арга байж болно. Та суралцагчдаар өмнөх асуултынх нь хариултыг дэмжих судруудыг хайлгаж болно. Жишээлбэл, хэрэв суралцагч Тэнгэрлэг Эцэг бидэнд тэр бүр нэг дор бүрэн хариулт өгдөггүй гэдгийг онцолбол тэрээр тэрхүү мэдэгдлээ дэмжихийн тулд 2 Нифай 28:30-ийг ашиглаж болох юм.
Тэнгэрээс томилогдсон эх сурвалжаар дамжуулан илүү их ойлголт олж авахаар эрэлхийлэх
Төгс эзэмших сургаалыг судлах үндсэн материал-ын “Сүнслэг мэдлэг олж авах нь” хэсэг дээрх 11–12-р догол мөр-ийг дахин давт.
Өмнөх өгүүлбэрт дурдсан догол мөрүүдийг давтах нэг арга бол догол мөрүүдийг чанга уншихад хоёр суралцагчийг урих явдал юм. Дараа нь суралцагчид өөрсдийн сонссон тэнгэрээс томилогдсон өөр эх сурвалжуудыг хуваалцах хооронд тэдгээрийг самбар дээр сайн дураараа бичих нэг суралцагчийг урь.
Дараах жишээнүүдийг унш. ChurchofJesusChrist.org
Эшлин найзынхаа санал болгосон Ерөнхий чуулганы үгийг уншихаар шийдэв. Тэрээр уншиж байхдаа Сүмийн талаар сөрөг тайлбарыг уншихдаа мэдэрч байснаас тэс өөр амар амгалан, сэтгэл ханамжийг мэдэрчээ. Уншиж буй зүйлд нь сайн сайхан, үнэн байгаа гэдэгт хувийн зүгээс итгэх итгэлийг мэдэрсэн. Цаг хугацаа өнгөрөхөд залбирал, итгэлээр судалснаар тэр хариулт аваагүй асуултууд байсан ч гэсэн гэрчлэл нь хүчирхэгжиж байгааг мэдэрсэн.
Хюго эцэг эхтэйгээ ярилцсан бөгөөд тэд түүний асуудлуудыг чин сэтгэлээсээ ойлгохыг оролддог болохыг олж мэдэв. Тэд түүнд Сайн мэдээний номын сан дахь Сайн мэдээний сэдвүүд-ийн эх сурвалжийг танилцуулж, түүнтэй холбоотой сэдвүүдийн талаар хамтдаа уншсан. Тэрээр асуултынхаа хариултыг хайж болох бошиглолын хариултууд байдгийг мэдээд, тайтгарлыг олж авсан.
-
Жишээнд орсон хүн бүр ямар эх сурвалжаас мэдээлэл авсан бэ? Аль эх сурвалж найдвартай байсан бэ? Яагаад тийм эсвэл үгүй вэ?
Судар, бошиглогчид, Ариун Сүнс зэрэг тэнгэрээс томилогдсон тодорхой эх сурвалжууд байдаг ч биднийг Есүс Христ рүү чиглүүлэх, өнөө үеийн бошиглогчдын сургаалтай нийцдэг бусад найдвартай эх сурвалж байдаг.
-
Эшлин, Хюго хоёр тэнгэрээс томилогдсон эх сурвалжид хандсанаар ямар өөрчлөлт оруулсан бэ?
-
Та тэнгэрээс томилогдсон ямар эх сурвалжуудад талархаж байна вэ? Яагаад?
Та өнөөдөр юу сурч мэдсэнээ, энэ нь танд болон бусад хүнд тулгарч буй сүнслэг асуулт, сорилтод хэрхэн тусалж болох талаар бод. Амар амгалан, ойлголтыг олоход тань тус болох сурсан зүйлээ судлах тэмдэглэлдээ бичээрэй. Та эргэцүүлэн бодож, бичиж байхдаа танд бурханлагаар нөлөөлөх Тэнгэрлэг Эцэгийн нөлөөг урь.
Цөөн хэдэн суралцагчийг сайн дураараа зарим бодлоо хуваалцахад урь. Өнөөдөр ярилцсан үнэний талаар гэрчлээд, суралцагчдыг сүнслэг асуултуудтай тулгарах үед эдгээр зарчмыг ашиглахад урамшуулан дэмж.