Оршил материал

Сүнслэг мэдлэг олж авах, 1-р хэсэг

Итгэлээр үйлд

уншиж, судалж буй залуу эмэгтэй

Сургаалыг төгс эзэмшихийн нэг зорилго нь Есүс Христэд өөрийн үндэс сууриа тавихад тань туслах сүнслэг мэдлэгийг эзэмших зарчмуудыг хэрэгжүүлж сурах явдал юм. Энэ хичээл нь таныг амьдралынхаа асуулт, санаа зовоосон асуудалд хариулт хайхдаа Есүс Христэд итгэх итгэлээр үйлдэхэд тусална.

Суралцагчдад сүнслэг мэдлэг олж авах зарчмуудыг заах. Суралцагчид сүнслэг мэдлэг олж авах зарчмуудыг мэдэж, хэрэгжүүлбэл сургаалыг төгс эзэмших зорилгыг илүү сайн биелүүлж чадна. Ангидаа эдгээр зарчмыг тогтмол эргэн харж, ойлгоход нь суралцагчдадаа байнга туслахаа бүү мартаарай. Суралцагчид төгс эзэмших сургаалын хичээл дээрээ эдгээр зарчмыг хэрэгжүүлэх боломжтой.

дүрс, заах арга зүйн заавар

Суралцагчийн бэлтгэл: Есүс Христэд чин үнэнчээр итгэдэг Сүмийн удирдагч эсвэл гэр бүлийн гишүүнээсээ сайн мэдээтэй холбоотой асуулт, асуудалтай тулгарахдаа бат зогсохын тулд юу хийдэг болохыг нь асуухыг суралцагчдад даалга.

Боломжит суралцах үйл ажиллагаа

дүрс, заах арга зүйн заавар

Анхаар: Энэ хичээлийг хичээлийн жилийн эхэнд эсвэл суралцагчдад сүнслэг мэдлэг олж авах зарчмуудтай анх танилцах бүрд заахыг зөвлөдөг.

Асуулт байх нь сайн уу муу юу?

Дараах хариултуудын аль нь энэ асуултад тохирохыг бод.

• Доорхын аль нь Есүс Христийн Сүм эсвэл сайн мэдээний талаар асуулт асуухад хүргэх шалтгаан болж болох вэ?

  дүрс, заах арга зүйн заавар

  Дараах сонголтуудыг суралцагчдаар уншуулах талаар бод үз. Сонголт бүрийн дараа түр зогсоож, зарим суралцагчаас яагаад үүнийг зөв эсвэл буруу гэж үзэж байгааг нь асуу. Эдгээр сонголтын аль нь ч хэн нэгний хүсэл, сонголтоос хамааран зөв эсвэл буруу байж болохыг ойлгоход нь суралцагчдад тусал.

  1. Одоохондоо сайн мэдээний тухай гэрчлэлтэй болоогүй байгаа.

  2. Сайн мэдээнд хангалттай их санаа тавьдаг ба энэ нь илүү ихийг ойлгож авахыг хүсэхэд хүргэдэг.

  3. Урьдын итгэлдээ эргэлзэх болсон.

  4. Бурхан заахыг хүссэн ямар нэг зүйлээ тэдэнд бодогдуулахаар сүнслэгээр нөлөөлсөн байж магадгүй.

     Хариулт нь хүн бүрийн хандлага, асуулт тавьсан шалтгаанаас хамаарна. Төгс эзэмших сургаалыг судлах үндсэн материал (2022)-ын “Сүнслэг мэдлэг олж авах нь” бүлгээс 3-р догол мөрийг уншихдаа сайн мэдээний талаарх асуултуудад хандах бидний хандлага Есүс Христэд итгэх бидний итгэлийг хэрхэн хүчирхэгжүүлж эсвэл сулруулж болохыг олж мэд.

• Энэ догол мөрд юу онцгой байна вэ? Яагаад?

заах заавар шигтгээ зураг

Суралцагчдад асуултууд эсвэл санаа зовоосон зүйл нь тэдний сүнслэг хөгжилд хэрхэн нөлөөлсөн талаар эргэцүүлэн бодоход урих талаар бод. Дараах догол мөр үүнд тусална.

Хүн бүрд асуулт, санаа зовоосон асуудал тулгардаг. Бусдад асуулт байгаа үед тэдний итгэлийг шүүмжлэхээс болгоомжлох хэрэгтэй бөгөөд бидэнд асуулт байгаа үед өөрсдийн итгэлдээ эргэлзэх хэрэггүй. Есүс Христэд итгэх итгэл, сэргээгдсэн сайн мэдээний талаарх бидний гэрчлэл бидний асуулт, санаа зовоосон асуудалд хэрхэн хандаж байгаагаас хамааран хүчирхэгжиж эсвэл суларч болно. Өнөөдрийн хичээлийн явцад таны асуултууд таны сүнслэг хөгжилд ямар үүрэг гүйцэтгэдэг талаар бодоорой. Сайн мэдээний талаар эсвэл Есүс Христийн Сүмийн талаар танд ямар асуулт байна вэ? Таны асуултууд таныг Аврагчид болон Түүний Сүмд илүү ойртуулж байгааг та мэдэрч байна уу?

Сүнслэг мэдлэг олж авах

Семинарт суралцах хугацаандаа Сүнслэг мэдлэг олж авах зарчмуудыг ашиглан дадлага хийх боломж гарна. Таны амьдралд асуулт, санаа зовоосон асуудал гарах үед дараах гурван зарчим Есүс Христэд илүү ойртоход тусална.

1. Итгэлээр үйлд

2. Утга санаа болон асуултыг мөнхийн талаас нь шинжлэн судал

3. Тэнгэрээс томилогдсон эх сурвалжаар дамжуулан илүү их ойлголт олж авахаар эрэлхийл

дүрс, заах арга зүйн заавар

Хэрэв ангийн зарим суралцагч өмнө нь семинарт хамрагдаж байсан бол эдгээр гурван зарчмын талаар мэдэх зүйлсийг нь тэднээс асууж болно. Ингэснээр ангийнханд зарчмуудын талаар товч мэдээлэл өгч, тэдгээр суралцагчийн ойлголтын түвшнийг мэдэж чадна.

Хичээлийн үлдсэн хугацаанд бид Есүс Христэд итгэх итгэлээр үйлдэх зарчмуудад төвлөрөх болно.

Төгс эзэмших сургаалыг судлах үндсэн материалын “Сүнслэг мэдлэг олж авах нь” бүлгээс 5–7-р догол мөрийг уншихдаа доорх өгүүлбэрийг дуусгах хэд хэдэн арга замыг эрэлхийл.

заах заавар шигтгээ зураг

Дараах гүйцэд бус өгүүлбэрийг самбар дээр бичиж болно.

Асуулт эсвэл санаа зовоосон асуудал гарахад бид … Есүс Христэд итгэх итгэлээр үйлдэж чадна.

заах заавар шигтгээ зураг

Хэд хэдэн суралцагчийг самбарт гарч өгүүлбэрийг гүйцээхэд урь. Суралцагчдад мэдлэгээ өөрийн болгоход нь туслах нэмэлт асуулт асуу. Жишээлбэл:

Суралцагч “Тушаалуудыг үргэлжлүүлэн сахих” ( 5-р догол мөрийг үзнэ үү) тухай бичвэл дараагийн асуулт нь “Хэцүү асуудалтай тулгарсан үед зарлигуудыг сахих нь Есүс Христтэд ойр байхад тань хэрхэн тусална гэж та бодож байна вэ? Өөрт тохиолдсон туршлагаасаа хуваалцахыг хүсэж буй суралцагч байна уу?” гэж болно.

Суралцагч “Үнэнийг нь мэдсэн зүйлсдээ үнэнч байх” гэж бичвэл ( 6-р догол мөрийг үзнэ үү), дараагийн асуулт нь “Үнэн болохыг нь мэдэх, асуулт гарахад ч үнэнч байх зүйлээ нэг минут тунгаан бод. Эдгээрийг үнэн болохыг та яаж мэдсэн бэ?” гэж асууж болно.

Суралцагч “Хариулт иртэл Бурханд найдах” 7-р догол мөр-ийг үзнэ үү) гэж бичвэл дараагийн асуулт нь “Хариулт хүлээж байхдаа Бурханд итгэхэд тань туслах Бурханы талаар та юу мэдэх вэ? Яагаад Бурхан заримдаа бидэнд бүрэн хариулт өгөхгүй байхыг сонгодог вэ?” гэж болно.

• Таны сонгосон арга замуудын аль нь өнөөгийн өсвөр насныханд эсвэл таны амьдралд илүү тохиромжтой гэж та бодож байна вэ? Яагаад?

• Энэ замаар итгэлээр үйлдэхийг сонгох нь хэн нэгний Аврагчтай харилцах харилцаанд хэрхэн нөлөөлөх вэ?

• Асуултын хариултыг олохдоо эсвэл санаа зовоосон асуудлыг шийдвэрлэхдээ итгэлээр үйлдсэн хэнийг та мэдэх вэ? Тэр юу хийсэн бэ?

заах заавар шигтгээ зураг

     

 

   

Судрын жишээнүүд

заах заавар шигтгээ зураг

Есүс Христэд итгэх итгэлийг нэмэгдүүлж эсвэл бууруулахад хандлага, сонголт хэрхэн нөлөөлөхийг олж мэдэхэд суралцагчдад туслах зорилгоор “Нэмэлт суралцах үйл ажиллагаа” дахь зөвлөмжийг дараах үйл ажиллагаатай хослуулж болно.

Есүс Христэд итгэх итгэлтэй холбоотой хүнд хэцүү асуултууд эсвэл эргэлзээтэй тулгарсан хүмүүсийн тухай олон түүх судруудад агуулагддаг. Эдгээрийн нэг нь бошиглогч Нифайн түүх юм. Нифайн амьдралаас дараах жишээг уншиж асуулт, бусад асуудалтай тулгарах үедээ тэрээр хэрхэн Есүс Христэд итгэх итгэлээр үйлдсэнийг олж мэд.

• 1 Нифай 2:16—Түүний хайртай хүмүүсийн зарим нь түүний эцэг, бошиглогч Лихайн зарлигийг эсэргүүцэж байв.

• 1 Нифай 3:7—Түүнээс ямар нэг хүнд хэцүү зүйлийг хийж гүйцэтгэхийг хүссэн.

• 1 Нифай 9:5–6—Түүний ойлгоогүй шалтгаанаар Их Эзэн түүнийг ямар нэг зүйл хийхийг тушаасан.

• 1 Нифай 10:17; 11:1–5—Тэр бошиглогч эцгийнхээ заасан зүйлийг өөрөө гэрчлэхийг хүссэн.

• 1 Нифай 11:17—Тэр сайн мэдээний талаар асуусан асуултын хариултыг бүрэн мэдэхгүй байсан.

• Нифайн итгэлээр үйлдэх ямар элементүүдийг хамгийн сайн жишээ болгон харуулсан бэ?

заах заавар шигтгээ зураг

Суралцагчдыг жижиг багуудад хуваарилж, дараах зүйлсийн талаар сэтгэгдлийг нь солилцуулснаар илүү олон суралцагчид хуваалцахад урих талаар бод.

Есүс Христэд эсвэл Түүний Сүмд итгэх хэн нэгний итгэлд нөлөөлж болох орчин үеийн асуулт, эргэлзээтэй асуудлын талаар тайлбарла. Ийм асуулт эсвэл асуудалтай тулгарсан хэн нэгэн хэрхэн итгэлээр үйлдэх вэ?

• Итгэлээр үйлдэх эсвэл үйлдэхгүй байх сонголт нь тухайн хүний Аврагчтай харилцах харилцаанд хэрхэн нөлөөлөх вэ?

• Та өнөөдөр сурч мэдсэн зүйлээсээ юуг амьдралдаа хэрэгжүүлэхийг хамгийн их хүсэж байна вэ? Энэ нь таны амьдралд хэрхэн тусалж болох вэ?

Тайлбар ба нөхцөл байдлын талаарх мэдээлэл

Сайн мэдээний талаар асуулттай байх нь зөв үү?

Тэргүүн зөвлөлийн ерөнхийлөгч асан Дийтр Ф.Угдорф ийн заасан.

Ерөнхийлөгч Дийтр Ф.Угдорф

Асуух зүйл байна гэдэг нь хэвийн зүйл юм. Чин сэтгэлийн асуултын жижиг үр ихэнхдээ соёолж, ойлголтын агуу том мод болон ургадаг. Ноцтой эсвэл эмзэг асуултуудын талаар хэзээ ч юм эргэлзэж байгаагүй Сүмийн гишүүд цөөхөн байдаг. Сүмийн зорилгуудын нэг бол зарим үед итгэлийн үрийг бүр эргэлзээ бүхий, итгэлгүй байдлын элсэрхэг хөрсөнд тарьж, арчилж ургуулах явдал байдаг. Итгэл бол үнэн хийгээд үл харагдах зүйлүүдэд найдах юм.

Тиймийн тул, хайрт ах эгч нар, найз нөхөд минь, итгэлдээ эргэлзэхээсээ өмнө эргэлзээндээ эргэлз. Эргэлзээ биднийг олзлон, Их Эзэн Есүс Христэд итгэх итгэлээр дамжин ирдэг хайр, амар амгалан, бэлгүүдээс маань холдуулахыг бид хэзээ ч зөвшөөрч болохгүй. (Дийтр Ф.Угдорф, “Ирж, бидэнтэй нэгд,” 2013 оны 10-р сарын Ерөнхий чуулган, 23)

Ерөнхийлөгч Рассэлл М.Нэлсон ийн тайлбарласан.

Ерөнхийлөгч Рассэлл М.Нэлсон

Их Эзэн зөвхөн сониуч ухаанд зааж чадна. (Russell M. Nelson, in M. Russell Ballard, “What Came from Kirtland” [Brigham Young University devotional, Nov. 6, 1994], 8, speeches.byu.edu)

Хэрэв би Бурханы тухайд эсвэл Сүмийн талаар эргэлзэж байгаа бол юу хийх ёстой вэ?

Ерөнхийлөгч Рассэлл М.Нэлсон ийн хэлсэн.

Ерөнхийлөгч Рассэлл М.Нэлсон

Есүс Христэд итгэхийг сонго. Хэрэв танд Бурхан Эцэг, Түүний Хайрт Хүү эсвэл Сэргээлт үнэн эсэхэд эсвэл Иосеф Смитийн бошиглогчийн бурханлаг дуудлагын талаар эргэлзээ төрдөг бол итгэхийг сонгож итгэлтэй бай. Асуултуудаа Их Эзэнээс болон бусад найдвартай эх сурвалжаас асуу. Бошиглогчийн амьдралаас ямар нэг өө сэв олох эсвэл судраас ямар нэг алдаа хайх зорилгоор бус, харин итгэх хүслээр суралц. Өөрийн эргэлзээг бусад эргэлзэгчтэй хуваалцан, улам лавшруулах хэрэггүй. Сүнслэг зүйлсээс суралцахдаа Их Эзэнээр удирдуулахыг зөвшөөр. (Рассэлл М.Нэлсон, “Христ амилсан бөгөөд Түүнд итгэх итгэлээр уулсыг нүүлгэж чадна,” 2021 оны 4-р сарын Ерөнхий чуулган, 104)

Арван хоёр төлөөлөгчийн чуулгын ахлагч Роналд А.Расбанд ийн хэлсэн.

Ахлагч Роналд А.Расбанд

Би та нарыг Сүнсийг мэдэрч байсан болон хүчтэй гэрчлэлтэй байсан үеэ, тавьсан сүнслэг үндэс суурь зэргээ ялангуяа асуудалтай тулгарсан үедээ дурсан санаарай гэж тэдэнд уриалж байсантай адил одоо ч бас урья. Хэрвээ та нар үүнийг хийж, гэрчлэлийг тань өсгөж бэхжүүлдэггүй юм уу итгэлийг тань элэглэн шоолдог зүйлсээс зайлсхийвэл гэрчлэл тань өсөн нэмэгдэж байсан үнэт цаг мөчүүд тань залбирал, мацаг барилтаар дамжин ой ухаанд тань эргэн ирнэ гэдгийг би амлаж байна. Та нар Есүс Христийн сайн мэдээний хамгаалалт, халуун дулаан мэдрэмжийг дахин мэдэрнэ гэдгийг би амлаж байна. (Роналд А.Расбанд, “Та мартахгүйн тулд,” 2016 оны 10-р сарын Ерөнхий чуулган, 110)

Нэмэлт суралцах үйл ажиллагаа

Судрын жишээнүүд

Зөвхөн Нифайн жишээг судалсан судар судлах зөвлөмжийн оронд энэ зөвлөмжийг ашиглаж болно.

Лихайн гэр бүлийн цөлөөр аялж буй дараах зургийг харуулж болно. Хэрэв тэд Лихайн хүүхдүүдийн нэг байсан бол өөрт тохиолдож болох асуултууд, эргэлзээгээ хуваалцахад суралцагчдыг урь.

Лихай болон түүний гэр бүлийнхэн цөлөөр аялж байна

Дараа нь суралцагчдад 1 Нифай 2:12–13 дээр Лемен, Лемүел хоёр өөрсдийн асуулт, эргэлзээтэй асуудлынхаа тал дээр хийсэн зүйлийг 16 дахь шүлэгт Нифайн хийсэн зүйлтэй харьцуулахад урь.

Үүнтэй адилаар, суралцагчид 1 Нифай 15:2–3, 8–9 дэх сайн мэдээний асуултдаа хариулт хайх Лемен, Лемүел нарын хандлагыг 1 Нифай 10:17; 11:1 дэх Нифайн хандлагатай харьцуулж болно.

Эдгээр ах дүүгийн жишээ өнөөдрийн бидэнд хэрхэн хамаарч болохыг ярилцахад суралцагчдаа урь.