Оршил

Авралын төлөвлөгөө

Тэнгэрлэг Эцэгийн хүүхдүүддээ зориулсан төлөвлөгөө

Их зөвлөгөөн

Бидэнд мөнх бус аяллын маань хугацаанд, Би хаанаас ирсэн бэ? Би яагаад энд байгаа вэ? Эндээс би хаашаа явах бол? гэх мэтчилэн амьдралын зорилго, утга учрын тухай асуултууд байнга тулгардаг. Эдгээр асуултын хариуг олж мэдэх нь амьдралын сорилтуудыг даван туулж, Их Эзэний гэрээний зам дээр үлдэхэд тусална. Энэ хичээл танд Тэнгэрлэг Эцэгийн төлөвлөгөөний ач холбогдлыг ойлгож, мэдрэхэд тусална.

Шашны Институт, семинарын зорилго. “Бидний зорилго бол өсвөр үеийнхэн, залуучуудыг Есүс Христийн сургаал болон Цагаатгалыг ойлгон, тэдгээрт найдаж, ариун сүмийн адислалуудыг хүлээн авахад зохистой байж, өөрсдийгөө болон гэр бүлээ, түүнчлэн бусдыг Тэнгэр дэх Эцэгтэйгээ хамт байх мөнх амьдралд бэлтгэхэд нь туслах явдал мөн” гэдгийг сана (Сайн мэдээг заах ба судлах нь: Шашны институт, семинарын багш, удирдагчдад зориулсан гарын авлага [2012], x), ChurchofJesusChrist.org)

заах арга зүйн заавар шигтгээ зураг

Суралцагчийн бэлтгэл: Суралцагчдаасаа байхгүй бол амьдарч чадахгүй гэж мэдэрдэг зүйлийнхээ тухай бодож, яагаад гэдгийг нь тайлбарлахаар бэлдэж ирэхийг хүсээрэй. Хэрэв тохиромжтой бол тэд уг зүйлээ эсвэл зургийг нь хичээл дээр авчирч болно.

Боломжит суралцах үйл ажиллагаа

Тэнгэрлэг Эцэгийн төлөвлөгөө

заах арга зүйн заавар шигтгээ зураг

Ангийнханд нэг нэгийнхээ талаар мэдэхэд нь туслахын тулд доорх асуултуудын хариултуудыг хуваалцахад урихыг бод. Энэ нь суралцагчдад санаа бодлоо эсвэл түүний дүр зургийг харуулахад тустай байж болох юм. Суралцагчдын амьдралын чухал зүйлсийн тал дээр эерэг, хүндэтгэлтэй уур амьсгал бүрдүүлж буй эсэхээ анхаараарай.

• Ямар мэдлэггүйгээр та амьдарч чадахгүй байх байсан гэж бодож байна вэ? Яагаад?

Судар, орчин үеийн илчлэлтээр дамжуулан бид мөнх бус амьдралын өмнөх амьдрал, Аврагчийн Цагаатгал, үхлийн дараах амьдрал, бидний мөнх оршихуйн бусад олон элементийн талаар мэдлэг хуримтлуулсан. Энэ мэдлэггүй бол амьдрахад хэцүү. Тэнгэрлэг Эцэгийн төлөвлөгөөний талаар юу мэддэг талаараа бодож үзэхэд цаг гарга. Тэрхүү мэдлэггүй байсан бол таны амьдрал ямар байх тухай тунгаан бодоорой.

Өнөөдөр та нарын мэдэж авсанчлан, Тэнгэрлэг Эцэгийн хүүхдүүддээ зориулсан хайрын төлөвлөгөөний тухай суралцахдаа тусламж авахын тулд Ариун Сүнсний нөхөрлөлийг эрэлхийлээрэй.

Мормоны Ном дахь Тэнгэрлэг Эцэгийн төлөвлөгөө

заах арга зүйн заавар шигтгээ зураг

Дараах асуулт, эшлэлийг самбарт бичих нь илүү тустай байж болох юм. Өөр нэг арга нь асуулт бүрийг тусдаа цаасан дээр бичээд, ангиа тойруулан байршуул. Суралцагчдад ангиа тойрон алхаж асуултыг олоод, судраасаа асуултын хариуг олохыг даалга. Суралцагчид олсон хариултаа уг цаасан дээр бичсэн ч болно.

Мормоны Номд Тэнгэрлэг Эцэгийн төлөвлөгөөний тухай заасан зүйл их байдаг. Ерөнхийлөгч Рассэлл M.Нэлсон ийн хэлсэн. Мормоны Ном бол үнэхээр Бурханы үг гэдгийг би гэрчилж байна. Үүнд амьдралын хамгийн чухал асуултуудын хариултууд бий” (Рассэлл М.Нэлсон, “Мормоны Ном: Үүнгүйгээр таны амьдрал ямар байх байсан бэ?,” 2017 оны 10-р сарын Ерөнхий чуулган, 55). Мормоны Номоос хариултыг нь олох хэдэн асуултыг энд үзүүлэв. Дор хаяж хоёр асуулт сонгоод, асуултад хариулахад туслах хэсгийг судраас уншаарай.

• Мормоны Ном мөнх бус амьдралын өмнөх амьдралын тухай юу заадаг вэ? (Алма 12:25, 30; “дэлхийн үүслээс” гэдэг хэлц нь мөнх бус амьдралын өмнөх амьдралыг илэрхийлнэ.)

• Тэнгэрлэг Эцэгийн төлөвлөгөөнд Есүс Христ ямар үүрэг гүйцэтгэдэг вэ? (Aлмa 22:12–14)

• Амьдралын зорилго юу вэ? (Алма 34:32–33)

• Биднийг үхэхэд юу болдог вэ? (Алма 40:11–14, 21–23)

• Есүс Христийн Цагаатгал байгаагүй бол юу болох байсан бэ? (2 Нифай 9:6–11)

заах арга зүйн заавар шигтгээ зураг

Асуултуудад олсон хариултуудаа хэлэлцэхэд суралцагчдаа урь. Суралцагчдыг мөн уншсан шүлгүүдийнх нь талаар эсвэл Тэнгэрлэг Эцэгийн төлөвлөгөөний тухай асуултуудыг тавихад урьж болно. Судрын хэсгүүдийг ойлгож, асуултдаа хариулт олж авахын тулд тэд Сайн мэдээний сэдэв болох “Авралын төлөвлөгөө”-г ашиглаж болно.

• Та уншсан шүлгээсээ ямар үнэнийг эсвэл ямар сургаалыг олж тодорхойлсон бэ?

• Шүлгүүдийн ямар үг, хэллэг таны тодорхойлсон үнэн эсвэл сургаалыг зааж байна вэ?

заах арга зүйн заавар шигтгээ зураг

Суралцагчдын олж тодорхойлсон үнэнийг эсвэл сургаалыг самбар дээр бичих талаар бод. Суралцагчид Есүс Христийн Цагаатгалаар дамжуулан бид Уналтаас гэтэлгэгдэж чадна гэх зэрэг олон янзын үнэнийг олж тодорхойлж болох юм.

• Тэнгэрлэг Эцэгийн төлөвлөгөөний аль сургаалд та хамгийн их талархалтай байдаг вэ? Яагаад?

заах арга зүйн заавар шигтгээ зураг

Тэнгэрлэг Эцэгийн төлөвлөгөөг суралцагчид жижиг бүлгээр эсвэл хос хосоороо тайлбарлах дасгал хийх нь тустай байж болох юм. Төлөвлөгөөг тайлбарлахаас гадна суралцагчдаас энэ нь тэдний амьдралд хэрхэн нөлөөлж болох тухай бодлоо хуваалцахыг хүсээрэй.

Тэнгэрлэг Эцэгийн төлөвлөгөө ба миний амьдрал

заах заавар шигтгээ зураг

Тэнгэрлэг Эцэгийн төлөвлөгөө тэдний амьдралд хэрхэн нөлөөлж болох тухай хэлэлцэхэд нь суралцагчдад тусал. Та ерөнхийлөгч М.Рассэлл Баллардын энэхүү мэдэгдлийг болон дараах зарим асуултыг мөн ашиглаж болох юм.

Арван хоёр төлөөлөгчийн чуулгын ерөнхийлөгч М.Рассэлл Баллард бид Тэнгэрлэг Эцэгийн авралын төлөвлөгөөг ойлгох нь бидний амьдралд ямар тустайг тайлбарлажээ. Та “Амьдралын тухай асуулт, хариулт” видеог цагийн код 10:37-оос 12:09 хүртэл үзэж эсвэл дараах бичвэрийг уншиж болно.

Ерөнхийлөгч М.Рассэлл Баллард

Мөнх бус хүмүүн бид амьдралыг мөнхийн хэтийн төлөвийн хувьд хязгаартай хардаг. Гэвч хэрэв бид Тэнгэрлэг Эцэгийн төлөвлөгөөг мэддэг мөн ойлгодог бол бэрхшээлд хэрхэн хандах нь бидний соригдох гол арга замуудын нэг болохыг ухамсарладаг. …

Бид мөнхийн аз жаргалынхаа төлөө Тэнгэрлэг Эцэгийн төлөвлөгөөний зарчмыг баримтлан, түүнд төвлөрснөөр дэлхий ертөнцийн ёс бус байдлаас өөрсдийгөө тусгаарлаж чадна. Хэрэв бид өөрсдийгөө хэн бэ, яагаад энэ дэлхий дээр байгаа, мөнх бус амьдралын дараа хаашаа явах вэ гэдгээ баттай ойлговол Сатан ямар ч төрлийн уруу таталтаар бидний аз жаргалд заналхийлж чадахгүй. Хэрэв бид Тэнгэрлэг Эцэгийн төлөвлөгөөний дагуу амьдрахаар шийдсэн бол шийдвэр гаргахдаа бусдын үзэл бодлоос эсвэл дэлхий ертөнцийн өнөөгийн бодол санаанаас үл хамаарах илчлэгдсэн үнэнд тулгуурлах Бурханы өгсөн ёс суртахууны сонгох эрхийг ашиглана. (M. Russell Ballard, “Answers to Life’s Questions,” Liahona, May 1995, 23–24)

• Таны амьдралд Тэнгэрлэг Эцэгийн төлөвлөгөөний тухай мэдлэг тань хэрхэн нөлөөлсөн бэ?

• Ямар нөхцөл байдалд Тэнгэрлэг Эцэгийн төлөвлөгөөний тухай мэдлэг тань таны гаргах шийдвэрт нөлөөлж болох вэ?

• Тэнгэрлэг Эцэгийн төлөвлөгөөний тухай мэдлэг амьдралын туршлага, нөхцөл байдлын талаар таны үзэл санаанд хэрхэн нөлөөлөх вэ?

заах арга зүйн заавар шигтгээ зураг

Хичээлийг Тэнгэрлэг Эцэгийн төлөвлөгөөний тухай өөрийн гэрчлэл, таны амьдралд ямар нөлөө үзүүлсэн тухай хуваалцаж дуусгаарай.

Тайлбар ба нөхцөл байдлын талаарх мэдээлэл

Авралын төлөвлөгөө нь яагаад Бурханы хайрын нотолгоо болдог вэ?

Арван хоёр төлөөлөгчийн чуулгын ерөнхийлөгч М.Рассэлл Баллард ийн заасан.

Ерөнхийлөгч М.Рассэлл Баллард

Тэнгэрлэг Эцэг биднийг үнэхээр хайрласан тул Тэрээр авралын төлөвлөгөөгөө бэлтгэхдээ Аврагчийг гол хүн болгосон. Есүс биднийг үнэхээр хайрласан тул Тэнгэр дэх агуу зөвлөлийн үеэр Тэнгэрлэг Эцэгийг “Хэнийг илгээх вэ би?” хэмээн асуухад Тэнгэрлэг Эцэгийн бүх сүнсэн хүүхдийн Ууган хүү Есүс Христ “Би энд байна, намайг илгээгтүн” хэмээн хариулсан [Абрахам 3:27]. Тэрээр Эцэгт хандан, “Аав аа, таны таалал хэрэгжих болно, мөн алдар суу үүрд таных байх болно” хэмээн хэлсэн билээ [Mосе 4:2]. Есүс Өөрийн саналаар бидний Аврагч, Гэтэлгэгч болохыг зөвшөөрснөөр бид Тэдэнтэй адил болж, Тэдний оршихуйд эргэн очих боломжтой болсон. (M.Рассэлл Баллард, “Чи Намайг эднээс илүү хайрладаг уу?,” 2021 оны 10-р сарын Ерөнхий чуулган)

Яагаад бидний амьдралд сорилт, бэрхшээл тулгардаг вэ?

Тэргүүн зөвлөлийн ерөнхийлөгч Даллин Х.Өүкс ийн хэлсэн.

Ерөнхийлөгч Даллин Х.Өүкс

Биднийг сорих сөрөг талтай хүн бүр нүүр тулж үзсэн билээ. Эдгээрийн зарим нь нүгэлд уруу татах сорилт байдаг. Харин зарим нь хувь хүний нүглээс ангид, мөнх бус байдлын саад бэрхшээл байдаг. Зарим нь асар том байхад зарим нь өчүүхэн жижиг байна. Зарим нь урт хугацааных байхад зарим нь түр зуурынх байдаг. Бидний хэн нь ч энэ бүхнээс чөлөөлөгдөөгүй. Сөрөг тал нь бидэнд Тэнгэрлэг Эцэгийн болоосой хэмээн хүсэж байгаа тэр хүн нь болон өсөж хөгжих боломжийг олгодог. (Даллин Х.Өүкс, “Бүх зүйлд сөрөг тал байх хэрэгтэй,” 2016 оны 4-р сарын Ерөнхий чуулган, 103–106)

Тэнгэрлэг Эцэгийн төлөвлөгөөг мэдэх нь надад хэрхэн туслах вэ?

“Авралын төлөвлөгөө—Бид гэр бүл хэвээр” (4:46) видеонд Авралын төлөвлөгөөний тухай мэдлэг нь гэр бүлийнхээ хэдэн гишүүнийг алдсан залуу эрэгтэйд хүнд сорилтыг даван туулахад нь хэрхэн тусалсныг үзүүлдэг.

Амьдралын зорилго, утга учир юу вэ?

Тэргүүн зөвлөлийн ерөнхийлөгч Даллин Х.Өүкс ийн тайлбарласан.

Ерөнхийлөгч Даллин Х.Өүкс

Судруудад “аз жаргалын агуу төлөвлөгөө,” “гэтэлгэлийн төлөвлөгөө,” “авралын төлөвлөгөө” (Алма 42:8, 11, 5) хэмээн нэрлэгддэг энэ төлөвлөгөө нь тэнгэр дэх зөвлөл хуралдахад эхэлсэн тухай Сэргээлтээр илчлэгдсэн. Сүнсний хувьд бид Тэнгэрлэг Эцэг Эхийнхээ адил мөнх амьдралыг хүлээн авахыг хүссэн билээ. Тухайн үед бид бие махбодтой болж мөнх бус оршихуйд амьдрах туршлагагүйгээр өсөж хөгжиж болох дээд түвшиндээ хүрсэн байсан. Бидэнд тэрхүү туршлагыг өгөхөөр Бурхан Эцэг энэ дэлхийг бүтээхээр төлөвлөжээ. Түүний төлөвлөснөөр, дэлхийн амьдралд бид сүнслэг байдлын хувьд өсөж хөгжихөд хэрэгтэй эсэргүүцэлтэй тулгарснаар нүгэл үйлдэн бохирдох байв. Бид мөн бие махбодын үхэлд харьяалагдах байлаа. Тэнгэрлэг Эцэг маань биднийг үхэл, нүглийн савраас суллахын тулд Аврагчийг өгөхөөр төлөвлөсөн байв. Түүний Амилуулалт бүх хүнийг үхлээс гэтэлгэж, цагаатгагч золиос нь бидний өсөлт хөгжилд түлхэц өгөх үүднээс тавьсан нөхцөлийг биелүүлсэн тохиолдолд бүх хүнийг нүглээс цэвэршүүлэх төлөөсийг төлөх байлаа. Есүс Христийн Цагаатгал бол Эцэгийн авралын төлөвлөгөөний гол цөм мөн. (Даллин Х.Өүкс, “Агуу төлөвлөгөө,” 2020 оны 4-р сарын Ерөнхий чуулган, 93)

Тэнгэрлэг Эцэгийн төлөвлөгөөний тоймыг “Амьдралын зорилго, утга учир юу вэ?” (7:43) болон “Бидний мөнхийн амьдрал” (3:46) зэрэг видеог Youtube болон ChurchofJesusChrist.org сайтуудаас тус тус үзээрэй.

Нэмэлт суралцах үйл ажиллагаа

Хичээл эхлүүлэх өөр арга

Хэрэв боломжтой бол өнгийн линзтэй нүдний шил ангид авчирна. Суралцагчдаас нүдний шилийг зүүж үзээд, хараанд нь хэрхэн нөлөөлж буйг тайлбарлахыг хүсээрэй. Тэднээс мөн Тэнгэрлэг Эцэгийн төлөвлөгөөний дагуу амьдрах амьдралаа оюундаа зураглах нь тэдний бодол, үйлдэлд хэрхэн нөлөөлж болох талаар тунгаан бодохыг хүсэж болно. Бид Тэнгэрлэг Эцэгийн төлөвлөгөөг илүү сайн ойлгох тусам мөнх бус амьдралын тухай илүү тодорхой ойлголттой болно. Үүний нэг жишээ нь үхлийн дараа амьдрал үргэлжлэхийг мэддэг хүмүүс хайртай хүн нь нас нөгчих үед илүү хялбар тайтгардаг явдал юм.

Авралын төлөвлөгөөн дэх Аврагчийн гол үүрэгт төвлөр

Ерөнхийлөгч Даллин Х.Өүксийн “Аврагч маань бидний төлөө юу хийсэн бэ?” (2021 оны 4-р сарын Ерөнхий чуулган, 73–76) хэлсэн үгийг ашиглаад, Есүс Христ бидэнд мөнх бус байдалтай холбоотой сорилтыг даван туулахад хэрхэн тусалдаг болохыг ойлгоход суралцагчдадаа туслах талаар бод. Үүнийг “Тэр [ Есүс] миний төлөө юу хийсэн юм бэ?” хэмээн асуусан эмэгтэйн тухай хэлсэн үгийн эхний хэсгийг уншсанаар эхлүүлж болно. Хэлсэн үгийн хэсгүүдийг ангийнханд хуваан өгч, энэ асуултын хариултыг олохыг тэдэнд даалга. Сурагчдаас эдгээр зүйл Тэнгэрлэг Эцэг, Есүс Христ хоёрын талаар тэдний мэдрэмжид хэрхэн нөлөөлдөг болохыг гэрчлэхийг урь. Суралцагчид мөн Аврагчтай эсвэл Аврагчгүй амьдралын тухай дараах шүлгүүдийг судалж болно.

• Христтэй амьдрал: Мозая 16:8–11; Алма 11:42–45; Алма 12:33–34

• Христгүй амьдрал: 2 Нифай 9:6–9; Мозая 16:6–7; Алма 41:10–11; Алма 42:11–14

Авралын төлөвлөгөөг дүрсэлж үзүүл

Суралцагчдыг Тэнгэрлэг Эцэгийн төлөвлөгөөний талаар судалсны дараа та тэднээс төлөвлөгөөг мөн төлөвлөгөөнд гүйцэтгэх Аврагчийн үүргийг тайлбарласан зураг зурахыг хүсээрэй. Суралцагчид ангийнхандаа төлөвлөгөөний тухай сурч мэдсэн зүйлээ тайлбарлахад зураг дүрслэлээ ашиглаж болно. Доор жишээ зураг үзүүлэв.

Авралын төлөвлөгөө

Авралын төлөвлөгөөг гурван бүлэгт хуваах

Авралын төлөвлөгөөг ойлгох нэг арга нь үүнийг мөнх бус амьдралын өмнөх, мөнх бус амьдрал, мөнх бус амьдралын дараах гэсэн гурван хэсэгт хуваах юм. “Авралын төлөвлөгөө” (10:39) видеог үзүүлж, суралцагчдадаа төлөвлөгөөг хэрхэн гурван үзэгдэлт жүжигт хувааж болох, үүнийг ийм арга замаар харах нь илүү сайн ойлгоход хэрхэн туслах тухай хуваалцахыг бод. Видеог түр зогсоож, хэлэлцүүлэг хийх хугацаа:

• 1:42: Тэнгэрлэг Эцэгийн төлөвлөгөөг ойлгох нь эдгээр нөхцөл байдалд хэрхэн тусалж чадах вэ?

• 2:59: Яагаад үүнийг будлиантай гэж та нар бодож байна вэ? Эхэнд юу болсныг мэдэх нь хэрхэн туслах вэ?

• 4:56: Бидэнд туслах ямар зохиол байна вэ? Энэ нь танд хэрхэн тусалсан бэ?

• 6:00: Төлөвлөгөөний гурван хэсгийг эргэн харж, тэдгээрийг мэдсэн нь хэрхэн тусалсан болохыг тайлбарла.