Seminari
Helamani 11–12: Cikli i Krenarisë

“Helamani 11–12: Cikli i Krenarisë”, Manual i Mësuesit për Librin e Mormonit (2024)

“Helamani 11–12”, Manual i Mësuesit për Librin e Mormonit

Helamani 11–12

Cikli i Krenarisë

Pamja
i ri duke parë me përulësi drejt Perëndisë

Një nga modelet nëpër të gjithë Librin e Mormonit është se njerëzit priren ta harrojnë Perëndinë dhe bëhen krenarë kur gjërat shkojnë mirë për ta. Nga ana tjetër, njerëzit priren ta përulin veten dhe të kthehen te Perëndia kur gjërat janë të vështira. A e ke vënë re këtë model në shoqëri ose në jetën tënde? Ky mësim mund të të ndihmojë të ndiesh një dëshirë më të madhe për ta rritur përulësinë ndaj Perëndisë.

Ndihmojini nxënësit të mësojnë nga modelet në shkrimet e shenjta. Ka modele nëpër të gjitha shkrimet e shenjta në qëndrimet dhe sjelljet, temat doktrinore dhe gjuhën e shkrimeve të shenjta. Duke i theksuar këto modele, ju mund t’i ndihmoni nxënësit t’i dallojnë doktrinën dhe parimet domethënëse. Nxitini ata ta zbatojnë atë që mësojnë me ndihmën e këtyre modeleve.

Veprimtari të Mundshme të të Mësuarit

Modele

Shikoji numrat vijues. Për 30 sekonda gjej sa më shumë numra të mundesh në rendin numerik, duke filluar me numrin “1”.

Veprimtaria vijuese ka për qëllim të tregojë vlerën e përcaktimit të modeleve. Paraqiteni figurën ose shkruajini numrat në tabelë, sipas modelit të shpjeguar më poshtë.

Pamja
fusha e numrave 1 deri në 50

  • Sa numra munde të gjeje për 30 sekonda? A vure re një model se ku ndodhen numrat?

Nëse nxënësit vunë re një model, ftojini ata ta tregojnë atë. Nëse nxënësit nuk e vunë re modelin e përshkruar në paragrafin vijues, mësojuani atë atyre. Vini në dukje numrat e parë të renditur si shembujt.

Numrat në tabelë e kanë një model. Nëse vendos një vijë vertikale dhe një vijë horizontale në qendër të tabelës për të krijuar katër kuadrate të barabarta, do të zbulosh se numrat ndjekin një model sipas drejtimit të akrepave të orës, siç e tregon shigjeta. Për shembull, numri “1” është në kuadratin e sipërm majtas, numri “2” është sipër djathtas, e me radhë.

Pamja
fusha e numrave 1 deri në 50 me modelin e treguar

Merr 30 sekonda më shumë për ta ribërë sfidën dhe shih ndryshimin që ndodh kur e ndjek modelin.

Nëse dëshironi, mund t’i ftoni nxënësit të tregojnë nëse janë përmirësuar dhe sa shumë.

  • Cila është vlera e përcaktimit të modeleve si ky?

Të qenit në gjendje për t’i përcaktuar modelet është një aftësi që mund ta përmirësojë studimin e shkrimeve të shenjta nga ana jote. Bërja e kësaj mund të të ndihmojë ta zbatosh më mirë në jetën tënde atë që gjendet në shkrimet e shenjta.

Në mësimin e sotëm ti do të mësosh rreth një modeli të quajtur shpesh si cikli i krenarisë. Ndërsa studion, mendo rreth mënyrës se si ai model mund të jetë duke ndodhur në jetën tënde dhe çfarë mund të bësh për ta shmangur krenarinë dhe rritur përulësinë.

Cikli i krenarisë

Mund të të kujtohet se profeti Nefi ishte i zellshëm dhe kërkoi të bënte vetëm vullnetin e Zotit. Si rrjedhojë, Zoti e bekoi atë me fuqi të madhe dhe i premtoi se “të gjitha gjërat do të bëhen sipas fjalës [së tij]” (Helamani 10:5). Ngjarjet që ndodhën pasi Nefit iu dha kjo fuqi, mund të na ndihmojnë të shohim një shembull të ciklit të krenarisë mes nefitëve.

Merreni parasysh të paraqitni diagramin vijues dhe t’i ftoni nxënësit të vizatojnë diçka të ngjashme në ditarin e tyre të studimit.

Pamja
diagrami i ciklit të krenarisë

Merreni parasysh t’i ndani nxënësit në grupe me nga katër veta. Vëreni çdo nxënës të plotësojë veprimtarinë vijuese për njërën nga fazat e ciklit të krenarisë. Nxënësit mund t’ua tregojnë më pas gjetjet e tyre anëtarëve të grupit dhe t’i shenjojnë shkrimet e tyre të shenjta për secilën fazë të ciklit të krenarisë. Grupet mund të diskutojnë gjithashtu pyetjen që vijon.

Lexoji fragmentet e shkrimit të shenjtë në diagram, duke filluar me vargjet te Helamani 10:13–15. Kërkoji fjalët ose frazat që e përshkruajnë fazën e ciklit të krenarisë në të cilën ishin njerëzit. Merre parasysh t’i shenjosh ato fjalë dhe fraza dhe ta shkruash emrin e fazës në anët e shkrimeve të tua të shenjta pranë vargjeve përkatëse.

  • Përse mund të jetë e dobishme për ne të jemi në dijeni të këtij modeli?

Mendo se ku e sheh veten në këtë model. Ndërsa vazhdon të studiosh, mendo se si mund ta rritësh përulësinë dhe mbështetjen te Zoti.

Të mësuarit nga cikli i krenarisë

Në vend që t’i përmblidhni vargjet vijuese, mund të ftoni disa vullnetarë t’ia lexojnë me zë të lartë klasës.

Pasi Zoti e hoqi zinë e bukës, populli u begatua. Megjithatë, brenda vetëm pak viteve, populli u bë sërish krenar dhe përjetoi luftë dhe pikëllim (shih te Helamani 11:21–33). Ata u nxitën ta kujtonin Perëndinë, por ranë shpejt në krenari dhe ligësi përsëri (shih te Helamani 11:34–38).

Mund ta kesh vënë re nga studimi yt i Librit të Mormonit se ka raste kur profeti Mormon e ndaloi tregimin e rrëfimeve të caktuara për të përcaktuar mësimet që mund të mësojmë. Ai përdorte shpesh fraza si “kështu ne shohim” ose “kështu ne mund të shohim”.

Shkruajeni frazën Dhe kështu ne mund të shohim … në tabelë. Ftojini shumë nxënës të japin përgjigjet e tyre për pyetjen vijuese.

  • Bazuar në atë që ke studiuar rreth nefitëve te Helamani 11, si do ta përfundoje këtë thënie: “Dhe kështu ne mund të shohim …”?

Lexo te Helamani 12:1–6, duke kërkuar disa nga përfundimet në të cilat arriti Mormoni pasi e tregoi këtë rrëfim.

  • Si mendon, përse njerëzit që janë të begatuar, e harrojnë nganjëherë Zotin?

  • Si mund t’i shmangë ose kapërcejë një person pjesët e krenarisë dhe vuajtjes të ciklit të krenarisë (kutitë 1 dhe 2)?

Si pjesë e diskutimit të pyetjes së mëparshme, ju mund t’i ftoni nxënësit të lexojnë tek Alma 62:48–51 dhe të vënë re se si një grup nefitësh qenë në gjendje ta shmangnin krenarinë dhe pasojat e saj.

Shkruajeni të vërtetën vijuese në tabelë. Mund të merrni parasysh gjithashtu të vizatoni shigjeta në diagramin e ciklit të krenarisë që zbresin nga kutia 4 sërish tek kutia 3.

Një e vërtetë që mund të na ndihmojë të mbetemi në pjesët më të mira të këtij cikli është nëse zgjedhim ta kujtojmë Zotin, ta përulim veten dhe të pendohemi, ne mund ta shmangim krenarinë dhe pasojat e saj.

Ftojini nxënësit të mendojnë për disa përgjigje për pyetjen vijuese. Mund t’u jepni shumë nxënësve një bojë uji dhe t’i ftoni të shkruajnë një përgjigje në tabelë. Ose nxënësit mund të bëjnë një listë në ditarët e tyre të studimit dhe më pas t’i tregojnë përgjigjet e tyre.

Mund të jetë gjithashtu e dobishme të tregoni disa ose të gjitha thëniet te pjesa “Komente dhe Informacion për Rrethanat” si pjesë e këtij diskutimi.

  • Çfarë mund të bëjmë që do të na ndihmojë ta kujtojmë Zotin dhe ta shmangim krenarinë?

Vlerësoje veten

Mendo se si të vërtetat që ke studiuar sot lidhen me ty. Vetëvlerësimi vijues mund të të ndihmojë për këtë. Vlerësoji përpjekjet e tua në fushat vijuese në një shkallë nga 1 deri në 5, ku 1 është “asnjëherë” dhe 5 është “gjithmonë”.

Mund t’i paraqitni pyetjet dhe t’u jepni nxënësve kohë të qetë për të reflektuar dhe vlerësuar veten për secilën pyetje në ditarin e tyre të studimit. Mund të jetë gjithashtu e dobishme që nxënësit të krijojnë grupin e tyre të pyetjeve që mund t’i përdorin për ta vlerësuar veten në aspektin e krenarisë. Mos u kërkoni studentëve t’i tregojnë përgjigjet e tyre.

  1. A ndien dhe shpreh mirënjohje ndaj Perëndisë dhe të tjerëve?

  2. A gjen kohë për Perëndinë çdo ditë?

  3. A të duket sikur sukseset e tua janë rezultati i përpjekjeve të tua?

  4. A e kërkon ndihmën dhe udhërrëfimin e Perëndisë në jetën tënde?

  5. A i trajton të tjerët me mirësi dhe respekt?

  6. A i kritikon të tjerët apo ushtron gjykime të padrejta ndaj tyre?

Shtyp në Letër