3 Nifae 8–11

Vaaiga Aoao

I Amerika, o le tele o le faatafunaga ma le pogisa na faailogaina ai le Faasatauroga o le Faaola. I se taimi i aso e tolu o le mafiafia o le pogisa, sa fetalai atu ai Iesu Keriso i tagata. “Sa afio ifo o ia ma tu i le totonugalemu o i latou” (3 Nifae 11:8). Sa Ia aoaoina i latou e uiga i Lana misiona ma mea uma sa Ia faia mo i latou. Na Ia valaauliaina tagata ina ia taitasi ma molimau atu faapea na fasiotia o Ia mo agasala a le lalolagi. Sa taitasi ma ō atu ia te Ia ma tagotago i le manu’a sa i Lona itu, ma tulaga o fao i Ona lima ma vae. Ona Ia folafola atu lea o Lana aoaoga faavae ia i latou.

Saunia e Aoao Atu

O le faamatalaga lenei ua tuuina atu ai i faiaoga ni manatu o mea atonu e manaomia ona muai saunia mo lesona taitasi.

3 Nifae 8–10

Faamoemoega o le lesona: O lenei lesona o le a faailoa mai ai uiga o Iesu Keriso e mafai ona fesoasoani i tagata aoga ia lagona ai le alofa sili atu ma faalagolago ia te Ia.

• Sauniuniga a le tagata aoga: Valaaulia tagata aoga e faitau le 3 Nifae 8, ma vaai faalemafaufau pe ono faape’ī le i ai i le taimi o nei mea na tutupu.

• Vitiō: “Ua Faaali Atu Iesu Keriso i Amerika Anamua” (16:43; matamata mai le faailo taimi 0:35 i le 3:19)

• Fautuaga faafaiaoga faavitiō: I lenei lesona, o le a amata ai e tagata aoga se lisi o mea o loo latou aoaoina e uiga ia Iesu Keriso. O le a tuputupu ae lenei lisi a o faaauau pea ona latou suesue i Lana galuega i Amerika anamua. Mafaufau e fatu se lisi tuufaatasi a le vasega e mafai ona faaaogaina i le āluga o lesona a sau. Atonu o se pepa o faamatalaga faaeletonika po o se vaega o talanoaga faasolosolo e mafai e tagata aoga ona maua ma faaopoopo i ai.

3 Nifae 11:1–11

Faamoemoega o le lesona: O lenei lesona e mafai ona fesoasoani e faateleina ai le alofa ma le lotofaafetai o tagata aoga mo Iesu Keriso ona o le tagata e i ai o Ia ma le mea na Ia faia mo i latou.

• Sauniuniga a le tagata aoga: Valaaulia tagata aoga e sue se mau po o se faamatalaga mai se taitai o le Ekalesia e fesoasoani latou te malamalama atili ai e uiga i mea na faia e Iesu Keriso mo i latou.

• Vitiō: “Ua Faaali Atu Iesu Keriso i Amerika Anamua” (16:43; matamata mai le faailo taimi 11:19 i le 13:29)

• Anotusi e faaali atu: Mau faasino mo tagata aoga e suesue ai agai i le faaiuga o le lesona

• Fautuaga faafaiaoga faavitiō: Mafaufau e faaaoga le matapule o le laupapa paepae e lisi ai mea na aoaoina e tagata aoga e uiga ia Iesu Keriso mai le suesueina o le 3 Nifae 11:1–11. E mafai ona fesoasoani lenei mea i tagata aoga e faaopoopo i le lisi na valaaulia i latou e amata i le lesona talu ai.

Atamai i Aoaoga Faavae: 3 Nifae 11:10–11

Faamoemoega o le lesona: O lenei lesona e mafai ona fesoasoani i tagata aoga e tauloto ai le mau faasino o le atamai i aoaoga faavae ma fasifuaitau autu o le mau mo le 3 Nifae 11:10–11, ma faamatala le aoaoga faavae o loo aoaoina i lenei fuaitau, ma faaaoga mataupu faavae o le mauaina o le malamalama faaleagaga i tulaga moni o le olaga.

• Sauniuniga a le tagata aoga: Valaaulia tagata aoga e fai atu i se tagata o le aiga po o se taitai o le Ekalesia e faamatala mai pe aisea ua latou filifili ai e mulimuli ia Iesu Keriso.

• Ata: Iesu Keriso o loo faaali atu i le malumalu

• Anotusi e faaali atu: Siata e uiga i le mulimuli i isi po o le mulimuli ia Iesu Keriso

• Fautuaga faafaiaoga faavitiō: E faaopoopo atu i le faasoaina atu o mafuaaga mai le siata e fesoasoani ai ia Jessica e filifili e mulimuli ia Iesu Keriso, e mafai ona talosagaina tagata aoga e faaaoga o latou siosiomaga. Mafaufau e valaaulia i latou e faaali atu se mea i lo latou aiga e fesoasoani ia i latou e manatua ai la latou tautinoga e mulimuli ia Iesu Keriso ma faamanuiaga latou te maua e ala i le faia o lena mea.

3 Nifae 11:12–17

Faamoemoega o le lesona: O lenei lesona e mafai ona fesoasoani i tagata aoga ia maua pe faamalosia a latou molimau o Iesu Keriso o lo latou Faaola patino.

• Sauniuniga a le tagata aoga: Valaaulia tagata aoga e faitau le 3 Nifae 11:12–17 ma mafaufau pe faamata o a ni o latou lagona i le faia o lenei fegalegaleaiga patino ma Iesu Keriso.

• Vitiō: “Choices for Eternity” (31:24; matamata mai le faailo taimi 26:05 i le 26:28); “Jesus Christ Appears in the Ancient Americas” (16:43; matamata mai le faailo taimi 13:29 i le 16:03)

• Fautuaga faafaiaoga faavitiō: I le taimi o le lesona, mafaufau e valaaulia tagata aoga e vaai faalemafaufau i mea na tutupu o loo tusi faamaumauina i le 3 Nifae 11:12–15. Faamalosiau ia i latou e tapē a latou faaleotele leo ma tapē a latou meapueata ina ia mafai ona latou auai lelei i le gaoioiga ma lagona ai le logolelei sili atu. A uma se taimi faatulagaina, valaaulia i latou e toe ki a latou mea faaleotele leo ma meapueata ma faasoa mai o latou manatu ma lagona.

3 Nifae 11:18–41

Faamoemoega o le lesona: O lenei lesona e mafai ona fesoasoani i tagata aoga ia malamalama ma faamatala lelei le aoaoga faavae a Iesu Keriso.

• Sauniuniga a le tagata aoga: Valaaulia tagata aoga e aoao e uiga i le aoaoga faavae a Keriso a o lei amataina le vasega. E mafai ona latou suesue i aoaoga a le Faaola i le 3 Nifae 11:31–41 pe suesue i le “aoaoga faavae a Keriso” i le polokalama o le Potutusi o le Talalelei po o le ChurchofJesusChrist.org.

• O Pepa e tufa atu: “O Le Fuafuaga o le Lesona o le Aoaoga Faavae a Keriso”

• Atotusi e faaali atu: O fesili o le iloiloga faaletagata lava ia i le faaiuga o le lesona

• Fautuaga faafaiaoga faavitiō: E mafai ona valaaulia tagata aoga naunautai e faasoa mai a latou lesona i le vasega atoa. E mafai foi ona e faaaogaina potu e taape i ai ma valaaulia tagata aoga e aoao atu a latou lesona i se vaega toalaiti.