“Iloiloga 19 o le Atamai i Aoaoga Faavae: Faaaoga Fuaitau o le Atamai i Aoaoga Faavae,” Tusi Lesona a le Faiaoga o le Tusi a Mamona (2024)
“Iloiloga 19 o le Atamai i Aoaoga Faavae,” Tusi Lesona a le Faiaoga o le Tusi a Mamona
Iloiloga 19 o le Atamai i Aoaoga Faavae
Faaaoga Fuaitau o le Atamai i Aoaoga Faavae
O le aoao e faaaoga afioga a le Alii i tusitusiga paia e mafai ona faamanuiaina ai oe i le tele o auala. O lenei lesona e mafai ona fesoasoani ia te oe e faaaoga upumoni i fuaitau o le atamai i aoaoga faavae mai le afa lona lua o le Tusi a Mamona.
Faataitai ona faaaoga fuaitau o le atamai i aoaoga faavae. Tuu atu ni avanoa eseese mo tagata aoga e faamalamalama ma faaaoga mea ua latou aoaoina mai fuaitau o le atamai i aoaoga faavae. Fesoasoani i tagata aoga ia iloa le taua patino i fuaitau o mau ma uunaia i latou e ola i mataupu faavae na aoaoina.
Sauniuniga a le tagata aoga: Mafaufau e valaaulia tagata aoga e filifili se fuaitau se tasi pe lua o le atamai i aoaoga faavae ma galulue i le taulotoina o le mau faasino ma le fuaitau autu o le mau.
Gaoioiga e Ono Mafai Ona Aoao Ai
Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina o lesona ua saunia e le eria po o le faatonu o le eria po o le taitai faamaopoopo ina ia mautinoa ai o lesona taitasi o fuaitau o le atamai i aoaoga faavae o le a aoaoina a o faia vasega seminare.
Malosiaga
Ina ia amata le vasega, mafaufau e uiga i le valaaulia o se tagata aoga e faataavale se polo po o se taavale meataalo i luma o le vasega. Mafaufau e fatu se āega e mafai ona taavale ai i lalo le polo e faapupula ai le faateleina o le malosiaga.
Mafaufau faapea na e tuleiina pe kikiina se polo. O le a se mea e mafai ona tosina ai le mamao po o le saoasaoa o le taavale a le polo?
O le malosiaga o se tasi lea o auala e faamatala ai le malosi o se mea faitino o loo minoi. Mo se faataitaiga, o se uila vilivae e faaminoi a o tulei ese e le tagata tietie, ma e tumau le malosiaga a o taofiofi faapaleni e le tagata tietie ma faaauau pea ona vili. E maua e le uila le malosiaga a o faateleina e le tagata tietie a latou taumafaiga i le viliina po o le, pe afai e faaifo le auala.
-
O a nisi faataitaiga o le malosiaga lelei?
Atonu e te manao e faaali atu le faamatalaga lenei. E mafai ona fesoasoani le faailoga o upu taua ma fasifuaitau a o talanoaina e tagata aoga fesili nei.
Na aoao mai Peresitene Russell M. Nelson:
E leai se isi taimi ua matuā sili ai ona tatou manaomia le malosiaga lelei faaleagaga e sili atu i lo lenei taimi, e faafetauia ai le saoasaoa ua faateteleina o mea leaga ma faailoga pouliuli o taimi. O le malosiaga faaleagaga lelei o le a faatumauina lo tatou agai i luma i le lotolotoi o le fefe ma le lē mautonu ua mafua mai ona o le faama’i-oti, sunami, maugamu, ma fetaua’iga faafitafita. O le malosiaga faaleagaga e mafai ona fesoasoani ia i tatou ia tetee atu i osofaiga leaga ma fouvale a le fili ma taofia ana taumafaiga e faatamaia lo tatou faavae patino faaleagaga. (Russell M. Nelson, “O Le Mana o le Malosiaga Faaleagaga,” Liahona, Me 2022, 98)
-
E faapefea ona e faamatalaina po o le a le malosiaga faaleagaga ma pe aisea tatou te manaomia ai?
Atonu e aoga mo tagata aoga ona tusifaamaumau o latou manatu e uiga i fesili nei o le iloiloga faaletagata lava ia. Pe a uunaia ai e le Agaga, mafaufau e valaaulia tagata aoga e faasoa mai o latou malamalamaaga.
-
O a vaega o lou olaga e te manatu e te manaomia ai le malosiaga faateleina faaleagaga? O a ni faamanuiaga o le a e faamoemoe e maua?
Faateleina o le malosiaga faaleagaga
O fuaitau o mau o le atamai i aoaoga faavae ua aoao mai ai aoaoga faavae moni e fesoasoani tatou te aoao ai e uiga ia Iesu Keriso ma Lana talalelei. A o tatou mulimuli ia te Ia i le faatuatua, e mafai ona tatou fatuina ma faateleina le malosiaga faaleagaga i o tatou olaga.
Tuu atu i tagata aoga se taimi ia lava e faamaea ai le gaoioiga lea. Atonu e te manao e faataga tagata aoga e i ai ni manaoga tau i le aoaoina e galulue ma se paga. Mafaufau e fai ni kopi o pepa e tufa atu ua saunia mo tagata aoga e faaaoga i le taimi o le gaoioiga.
Afai e te filifili e lē faaaogaina le pepa-tufa, atonu e te manao e tusi le ata lenei i luga o le laupapa.
Mauaina o le Malosiaga Faaleagaga e ala i le Atamai i Aoaoga Faavae
Tusi Lesona a le Faiaoga o le Tusi a Mamona (2024)—“Iloiloga 19 o le Atamai i Aoaoga Faavae: Faaaoga Fuaitau o le Atamai i Aoaoga Faavae”
Mafaufau faapea o oe o le tagata tietie uila, ma o le auala e faatusa i lou olaga. Atonu e te matauina le sasa’o o le vaega muamua o lou ala, ona e fetaiai lea ma faafitauli ma mea lilifa lea e manaomia ai se taumafaiga sili atu e faatoilalo ai. Mafaufau i le malosiaga faaleagaga e te manaomia e agai ai ma le manuia i le olaga ma mea faalavefau ma luitau e te ono oo i ai.
Suesue fuaitau autu o mau o le atamai i aoaoga faavae sa e aoaoina, ma vaavaai mo fuaitau e faatatau i lau malaga patino. I talaane o fuainumera talafeagai i luga o lau ata, tusi ai le mau faasino i se fuaitau o le atamai i aoaoga faavae sa mafai ona fesoasoani ia te oe:
-
Faatumauina le malosiaga faaleagaga ma le alualu i luma i aso taitasi.
-
Aloese pe faatoilalo se faafitauli a o e talitonu ma faatino i le upumoni o loo aoao mai e le fuaitau.
-
Utuvai mai i le mana o le Faaola ma tulai a’e ia ausia au sini faaleagaga.
Mo fuaitau taitasi o le atamai i aoaoga faavae na e filifilia ma faaaofia i lau ata, tusi faamaumau ou manatu e uiga i se tasi o manatu nei:
-
O se aafiaga ina ua e lagonaina le moni ma le taua o le fuaitau o le atamai i aoaoga faavae.
-
Pe mafai faapefea ona e faaaogaina lelei le aoaoga faavae po o le mataupu faavae o le fuaitau i lou olaga.
-
Mafuaaga e te manatu ai o lenei fuaitau o le a faamanuiaina ai oe i le mana o le Faaola ma faateleina ai lou malosiaga faaleagaga.
-
Pe ua faapefea ona faateleina e le aoaoga faavae lou alofa mo le Tama Faalelagi ma Iesu Keriso.
© 2023 Puletaofia e le Intellectual Reserve, Inc. Ua taofia aiā tatau uma.
Ina ia fesoasoani i tagata aoga ia maua le to’a e galulue ai na o i latou lava, mafaufau e tuu atu ia i latou se faataitaiga e ala i le tusia o se mau faasino i talaane o se numera talafeagai ma talanoaina ma tagata aoga pe mafai faapefea ona faaaoga le mau i lena vaega.
Mafaufau e faaali atu pe tuu atu i tagata aoga le siata lenei e fai ma punaoa a o latou faaauau pea ona suesue i lenei lesona.
Atamai i Aoaoga Faavae o le Tusi a Mamona: Alema–Moronae
Tusi Lesona a le Faiaoga o le Tusi a Mamona (2024)
|
Mau Faasino |
Fasifuaitau Autu o le Mau |
|---|---|
Mau Faasino | Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.” |
Mau Faasino | Fasifuaitau Autu o le Mau “E ao ona faia o se togiola, … o se taulaga e le gata ma faavavau.” |
Mau Faasino | Fasifuaitau Autu o le Mau “Aua e te toe alu e tusa ma tuinanau o ou mata.” |
Mau Faasino | Fasifuaitau Autu o le Mau “E lei avea lava le amioleaga ma fiafia.” |
Mau Faasino | Fasifuaitau Autu o le Mau “O luga lava o le papa o lo tatou Togiola … e ao ina oulua atinae ai lo oulua faavae.” |
Mau Faasino | Fasifuaitau Autu o le Mau “Na ou tuu atu ai i le finagalo o le Tamā i mea uma mai le amataga.” |
Mau Faasino | Fasifuaitau Autu o le Mau “Ia outou atoatoa e pei lava o Aʼu, po o lo outou Tamā o le o i le lagi e atoatoa.” |
Mau Faasino | Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.” |
Mau Faasino | Fasifuaitau Autu o le Mau “Aua tou te le maua se molimau seia uma ona tofotofoina o lo outou faatuatua.” |
Mau Faasino | Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.” |
Mau Faasino | Fasifuaitau Autu o le Mau “O le alofa mama o le alofa le pona lea o Keriso.” |
Mau Faasino | Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.” |
© 2023 Puletaofia e le Intellectual Reserve, Inc. Ua taofia aiā tatau uma.
A uma, mafaufau e valaaulia i latou e faasoa mai fuaitau na sili ona loloto ai lo latou aafiaga. Faalogo ma le toto’a ma fai atu fesili tulitatao e fesoasoani ai i tagata aoga ia faalolotoina lo latou talisapaia o le auala e mafai ai e le Alii ona fesoasoani ia i latou ia faateleina lo latou malosiaga faaleagaga. Fautuaina i latou e faasoa mai a latou molimau e uiga i le Alii ma pe faapefea ona latou avea atili e faapei o Ia.