3 Nifae 1–7

Vaaiga Aoao

Sa vaavaai atu le au talitonu a sa Nifaē mo faailoga na valoia e Samuelu le sa Lamanā o le a oo mai (tagai Helamana 14), ae sa faamata’uina e tagata lē talitonu e fasioti i latou pe afai e lē faaalia mai faailoga. Sa aioi atu le perofeta o Nifae i le Atua, ma o lena po sa faataunuuina ai le valoaga. Mulimuli ane, sa taumafai le au faomea a Katianetona e faaumatia sa Nifaē. Peitai, o sa Nifaē “sa saunia e faafetaiai i latou … i le malosi o le Alii” (3 Nifae 4:10). Sa toe foi sa Nifaē i o latou fale ma amata ona toe fausia o latou olaga. E ala i le faamaualuga ma le fevaevaeaiga, na taitai atu ai e Satani tagata ia fouvale i le Atua. Sa matuā ogaoga ia taunuuga ma sa solofa i lalo le malo, ma sa vaevaeina tagata i ituaiga.

Saunia e Aoao Atu

O nei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

3 Nifae 1

Faamoemoega o le lesona: O lenei lesona ua faamoemoe e fesoasoani ai i tagata aoga ia lagonaina se talitonuga sili atu o le a faataunuuina e le Alii upu uma e fetalai mai ai o Ia e ala mai i Ana perofeta.

• Sauniuniga a le tagata aoga: E mafai e tagata aoga ona saunia e faasoa mai se faataitaiga pe faapefea pe aisea foi e mafai ai e le i ai o le faatuatua ia Iesu Keriso ona faamalosia se tasi i taimi lē mautonu po o faigata.

• Fautuaga faafaiaoga faavitiō: Mafaufau e faaali atu se lisi o tulaga e ono afua ai ona lagona e tagata le lē mautonu po o le fefe. E mafai ona fesoasoani lenei mea i tagata aoga e mafaufau ai pe mafai faapefea ona latou faatuatua ia Iesu Keriso a o latou tali atu i na tulaga

3 Nifae 2–5

Faamoemoega o le lesona: O lenei lesona e mafai ona fesoasoani i tagata aoga ia maua le malosi o le Alii e ala i le saunia faaleagaga ma faaletino.

• Sauniuniga a le tagata aoga: Valaaulia tagata aoga e talanoaina ma tagata o le aiga po o taitai o le Ekalesia ia faamanuiaga e oo mai i le saunia faaletino po o le faaleagaga.

• Vitiō: “Punaoa Mo Sauniuniga Faaletino” (3:09)

• Fautuaga faafaiaoga faavitiō: Pe a valaaulia tagata aoga e lisi sauniuniga a sa Nifaē ona lisi lea o mea e tutusa ai i ona po nei, mafaufau e faaaoga le matapule o le laupapa paepae e faataga ai i latou e faasoa mai a latou tali.

3 Nifae 6–7

Faamoemoega o le lesona: O lenei lesona e mafai ona fesoasoani i tagata aoga ia malamalama atili ai i le aafiaga o le faamaualuga ma le auala e faatoilalo ai le faamaualuga e ala i le mulimuli i le Faaola.

• Sauniuniga a le tagata aoga: Valaaulia tagata aoga e tatalo ma ole atu i le Tama Faalelagi e fesoasoani ia latou iloa uunaiga faaleagaga a o latou suesue i tusitusiga paia.

• Lesona faatino: fatu sana, o ni fatu sana ua pāpā, ma se pesini vai

• Fautuaga faafaiaoga faavitiō: Mo le vaaiga faataitai e uiga ia Simi, atonu e te manao e vaevae tagata aoga i ni potu vaevae taitoalua pe taitoatolu e talanoaina ai fesili. Ia mautinoa e tuuina atu muamua ia i latou ni faatonuga manino, e aofia ai le telē o le taimi o le a latou maua mo la latou talanoaga.

Iloilo Lou Aoaoina 7

Faamoemoega o le lesona: O lenei lesona e mafai ona fesoasoani i tagataaoga e manatua ma iloilo ai pe na faapefea ona fesoasoani o latou aafiaga i le Alema 53–3 Nifae 7 ia i latou e tuputupu ae ai faaleagaga.

• Sauniuniga a le tagata aoga: Valaaulia tagata aoga e toe iloilo mea na latou aoaoina i vaiaso talu ai nei ma o mai saunia i le vasega e faasoa mai se auala se tasi atonu latou te faaumaina ai le faamatalaga lenei: “O le lesona e tasi mai le Alema 53–3 Nifae 7 ou te manatu e taua mo au ona manatua o le … ona …”

• Ata: O loo tatalo Nifae i luga o le olo; O Samuelu le Sa Lamanā i luga o le papuipui

• Anotusi e faaali atu: O se atatusi o le taamilosaga o le faamaualuga; atatusi o Leoneti i luga o le mauga, o se aai ua puipuiina, ma se fale i luga o se faavae

• Fautuaga faafaiaoga faavitiō: Mafaufau e tuu tagata aoga i potu malolo e faamalamalama ai le matafaioi a perofeta. E mafai e tagata aoga ona faaaoga le vaaiga o talanoaga e faasoa mai ai mea sa latou faia e fausia ai o latou faavae faaleagaga i luga o Iesu Keriso.

Iloiloga 19 o le Atamai i Aoaoga Faavae

Faamoemoega o le lesona: O lenei lesona ua faamoemoe e fesoasoani ai i tagata aoga e faaaoga upumoni i fuaitau o le atamai i aoaoga faavae mai le afa lona lua o le Tusi a Mamona.

• Sauniuniga a le tagata aoga: Mafaufau e valaaulia tagata aoga e filifili se fuaitau se tasi pe lua o le atamai i aoaoga faavae ma galulue i le taulotoina o le mau faasino ma le fuaitau autu o le mau.

• Pepa e tufa atu: “Mauaina o le Malosi Faaleagaga e ala i le Atamai i Aoaoga Faavae”; “Atamai i Aoaoga Faavae o le Tusi a Mamona: Alema–Moronae”

• Vitiō: The Power of Spiritual Momentum (17:17; matamata mai le faailotaimi 5:11 e oo i le 5:55)

• Fautuaga faafaiaoga faavitiō: Mafaufau e faaaoga le laupapa paepae e tusi ai le ata mai le pepa e tufa atu “Mauaina o le Malosi Faaleagaga e ala i le Atamai i Aoaoga Faavae.” Valaaulia tagata aoga e filifili se fuaitau o le atamai i aoaoga faavae lea e lagolagoina se tasi o vaega e tolu o le mauaina o le malosi faaleagaga. Faamalosiau i tagata aoga e faasoa mai pe na faapefea ona uunaia i latou e a latou fuaitau filifilia.