“3 Нифай 12:1-16: ‘Та нар адислагдах болно,’” Мормоны Номын багшийн гарын авлага (2024)
“3 Нифай 12:1-16,” Мормоны Номын багшийн гарын авлага
3 Нифай 12:1-16
“Та нар адислагдах болно”
Тэнгэрлэг Эцэг, Есүс Христ хоёр биднийг адислахыг хүсдэг. Бид тэдний зөвлөгөөг дагаснаар тэдний цаг хугацааны дагуу, тэдний замаар адислалуудыг хүлээн авах болно гэдэгт итгэлтэй байж болно. Есүс нифайчуудад зааж байхдаа бидний хүлээн авч болох олон адислалыг тунхагласан. Энэ хичээл таныг Аврагчийн зөвлөгөөг дагахыг хичээх үед түүний хэлсэн адислалуудыг хүлээн авахад бэлтгэхэд тусална.
Бидний адислалын эх сурвалж болох Тэнгэрлэг Эцэг, Есүс Христ хоёр дээр анхаарлаа төвлөрүүлэх. Судруудыг судалж, амлагдсан адислалуудын талаар ярилцахдаа Тэнгэрлэг Эцэг, Есүс Христ хоёр бол тэдгээр адислалын эх сурвалж гэдгийг онцлон тэмдэглэ.
Суралцагчийн бэлтгэл: Аврагчийн уулан дээрх номлолтой маш төстэй 3 Нифай дахь Түүний номлолыг судлахад суралцагчдын зүрх сэтгэлийг бэлтгэхэд туслахын тулд тэднийг ерөнхийлөгч Иосеф Фийлдинг Смитийн (1876–1972) хэлсэн энэхүү мэдэгдлийг тунгаан бодоход урь. Тэрээр Уулан дээрх номлолыг “өдийг хүртэл бидний мэдэх, номлогдсон хамгийн агуу [номлол]” (Teachings of Presidents of the Church: Joseph Fielding Smith [2013], 234) хэмээн хэлжээ.
Боломжит суралцах үйл ажиллагаа
Адислагдсан
Суралцагчдад адислагдах гэдэг нь чухам юу гэсэн үг болохыг бодоход туслахын тулд самбар дээр энгийн сэтгүүлийн нүүр хуудасны зураг зур. Сэтгүүлээ Дэлхийнхний амжилт сэтгүүл гэсэнтэй адил нэрлээд, дугаарын онцолсон нэг нийтлэлд “Оны хамгийн азтай таван хүн” гэж нэр өг.
Суралцагчдыг самбар дээр ирээд, сэтгүүлийн нүүрэн дээрх өгүүлэлд анхаарлаа хандуулахыг хүсэн хэдэн адислал бичихэд урь.
Самбарын нөгөө талд ижил онцолсон нийтлэлтэй ижил сэтгүүлийн нүүрийг зур. Гэхдээ энэ удаа сэтгүүлээ Лиахона гэж нэрлэ. Суралцагчдыг Сүмийн сэтгүүлийн нийтлэлд төвлөрүүлэх хэд хэдэн адислал бичихэд урь.
-
Хүмүүсийг сонгох шалгуурын хувьд та нийтлэлийг ямар ямар тодорхой адислалыг онцлоосой гэж хүсэж байна вэ?
Одоо Лиахона сэтгүүлийн нийтлэлийг ижил нэртэй байна гэж төсөөл.
-
Нийтлэлд хэн нэгэнд тохиолдож болох хамгийн агуу ямар адислалын талаар ярихыг та хүлээж байна вэ?
-
Аврагч болон Түүний Сүм яагаад дэлхийн олон хүний эрэлхийлдэг янз бүрийн адислалаас өөр зүйл дээр хамгийн их үнэ цэнийг өгдөг байхыг бидэнд заадаг гэж та нар бодож байна вэ?
3 Нифай 12–14-д Есүс Христ нифайчуудад Шинэ Гэрээний уулан дээрх номлолтой тун төстэй номлолыг заасан. Ерөнхийлөгч Жозэф Фийлдинг Смит (1876–1972) Уулан дээрх номлолыг “өдийг хүртэл бидний мэдэх, номлогдсон хамгийн агуу [номлол]” (Teachings of Presidents of the Church: Joseph Fielding Smith [2013], 234) хэмээн хэлжээ.
Өнөөдөр та Аврагчийн номлолын Ерөөл гэж нэрлэгддэг хэсгийг судалж байхдаа Тэнгэрлэг Эцэг, Есүс Христ хоёр таныг адислахыг хүсдэг арга замуудыг сурах боломжтой болно. Ерөнхийлөгч Харолд Б.Лий (1899–1973) Аврагчийн ерөөлийг “төгс амьдралын үндсэн хууль” хэмээн хэлээд, “Багш Уулан дээрх номлолдоо өөрийн зан чанарын талаар тодорхой хэмжээний илчлэлт өгсөн. Энэ нь төгс байсан, … ийн үйлдсэнээрээ бидэнд өөрсдийн амьдралын загвар төлөвлөгөөг өгсөн” (Decisions for Successful Living [1973], 56–57) хэмээн тайлбарлажээ. Судалж байхдаа Христийн энэ номлолд санал болгодог адислалууд нь яагаад дэлхийн санал болгож буй ерөөлүүдээс хамаагүй илүү үнэ цэнэтэй байдгийг тунгаан бод.
Америк тивд өгсөн ерөөлүүд
3 Нифай 12:1–12-ыг уншаад, Аврагчийн эдгээр шүлэгт тодорхойлсон “адисласан гэсэн үгийг болон адислалуудыг тэмдэглэж ав. Эдгээр шүлэг дэх “адислагдсан” гэсэн үг нь туйлын азтай эсвэл бурханы таалалд нийцсэн гэсэн утгатай болохыг анхаарна уу.
Суралцагчдыг “адислагдсан” гэсэн үгийг хэдэн удаа харснаа тоолж, олсон адислалаа хуваалцахад урь.
-
Эдгээр шүлэгт Аврагчийн тодорхойлсон бүх адислалыг бодож үзвэл энэ нь Түүний болон Түүний Эцэгийн талаар танд юу хэлж байна вэ?
Энэ хэсгээс бидний сурч авах нэгэн үнэн бол Тэнгэрлэг Эцэг, Есүс хоёр биднийг Тэдний зөвлөгөөг дагахыг хичээх үед адислахдаа баяртай байдаг.
3 Нифай 12:1–2-ыг уншаад, бид Түүний болон Түүний Эцэгийн бидэнд санал болгодог адислалуудыг эрэлхийлбэл Аврагч биднээс юу хийгээсэй гэж хүсдэгийг тэмдэглэ.
Хариултаа сайн дураараа ангийнхандаа хуваалцахад урихаасаа өмнө суралцагчдыг судар судлах тэмдэглэлдээ дараах асуултуудад хариулахад урь. Суралцагчид мөн хамтрагчтайгаа эсвэл жижиг бүлгүүддээ хуваалцаж болно.
-
Бурхан яагаад “[Түүний] сонгосон арван хоёрын үгийг сонсдог” хүнийг адисалдаг гэж бодож байна вэ? (3 Нифай 12:1).
-
Бошиглогч, төлөөлөгчдийн үгийг сонссоны тань төлөө Бурхан таныг эсвэл таны мэддэг хүмүүсийг хэрхэн адисалсан бэ?
Хэрэв цаг гарвал суралцагчдыг Тэргүүн Зөвлөлийн эсвэл Арван хоёр төлөөлөгчийн чуулгын гишүүдийн саяхны ерөнхий чуулган дээр хэлсэн үгсийг хайж олоод, тэдний олсон тодорхой сургаалыг сонссоноор адислагдсан гэж бодож байгаа арга замаа хуваалцахад урь.
Адислалыг эрэлхийлэх
Суралцагчдыг дараах шүлгийг уншихын өмнө самбар дээр нэг баганад шүлгүүдээс олж бичсэн адислалуудыг, нөгөө баганад адислалд хүргэх үйлдлүүдийг эсвэл нөхцөлүүдийг санамсаргүй дарааллаар бичсэн хоёр багана зур. Суралцагчдыг адислалуудыг өөрсдийн үйлдэлтэй эсвэл нөхцөл байдалтай тохируулахад урь. Тэд дараа нь хариултуудаа шалгахын тулд 3 Нифай 12:3–12-ыг ашиглаж болно.
3 Нифай 12:3–12-ыг дахин уншаад, энэ удаа Аврагчийн ямар нөхцөл нь ямар адислалтай холбогдож байгааг олж мэд. Адислалуудыг хэрхэн тэмдэглэснээсээ өөрөөр эдгээр нөхцөлийг тэмдэглэ. Жишээлбэл, тодруулахын оронд дугуйл эсвэл өөр өөр өнгө ашигла.
Ерөөлүүдийг заах өөр нэг санаа бол энэ хичээлийн “Нэмэлт суралцах үйл ажиллагаа” хэсэгт буй “Ерөөлүүдийн хүснэгт” юм.
Эдгээр шүлгээс олж авахыг хүсэж буй нэг адислалыг сонго. Тэрхүү адислалд хүргэх үйлдлийг эсвэл нөхцөл байдлыг анхаарч үз. Судруудын удирдамж, Сайн мэдээний номын сангийн аппликэйшн эсвэл зүүлт тайлбар зэрэг эх сурвалжуудыг ашиглан, эдгээр үйлдэл, нөхцөл байдлыг судал.
Суралцагчдыг өрөөн дотуураа яваад, өөр өөр хэсгийг судалсан өөр суралцагчийг олж, дараах асуултуудын хариултаа хуваалцахад урь.
-
Таны судалсан, адислалыг хүсдэг хүмүүсээс юу шаардагдах талаар та юу мэдэж авсан бэ?
-
Аврагч уг үйлдэл, нөхцөл байдлыг хэрхэн харуулсан бэ? Тэр адислалыг хэрхэн эрэлхийлж болохыг ойлгоход Түүний жишээ танд хэрхэн тусалж чадах вэ?
Тэнгэрлэг Эцэг биднийг хайрладаг учраас Тэр биднийг өөрийн цаг хугацаанд Өөрийн замаар адислах болно гэдгийг санаарай. (Сургаал ба Гэрээ 88:64-ийг үзнэ үү.)
Хэрэв танай суралцагчид Их Эзэнд болон Түүний цаг хугацаанд итгэх нэмэлт урам зоригийг ашиглаж чадна гэж бодож байвал “Тайлбар ба нөхцөл байдлын талаарх мэдээлэл” хэсэгт ерөнхийлөгч Даллин Х.Өүксийн мэдэгдэл-ийг хуваалцаж болно.
Одоо та хүсэж буй адислалаа тодорхойлж, үүнийг амьдралдаа хэрхэн урьж авчрахыг судалсан тул тэрхүү адислалыг хэрхэн эрэлхийлэх талаар төлөвлөгөө гарга. Дараах асуултууд тустай байж болох юм:
-
Та тэрхүү адислалыг эрэлхийлэхийн тулд тодорхой юу хийж чадах вэ?
-
Та хэзээ эхлэхээр төлөвлөж байна вэ?
-
Замд ямар саад бэрхшээл тулгарч болох вэ? Та тэдгээрийг хэрхэн даван туулах вэ?
Та эдгээр адислалын аль нэгийг амьдралдаа хэрхэн харсан, Аврагч биднийг адислах хүсэлтэй байгаа тухай гэрчлэлээ хуваалцах нь тустай байж болох юм.