3 Нифай 12–16

Тойм

Есүс Өгөөмөр нутгийн хүмүүст заах үедээ уулан дээр хийсэн номлолтой төстэй номлолдоо бидний хүлээн авч болох олон адислал, Өөртэй нь илүү адил болох арга замуудыг тунхагласан. Тэрээр Бурханы хүүхдүүдийг бүгдийг цуглуулах Түүний хайр, хүслийг ойлгоход хүмүүст тусалсан.

Заахад бэлд

Дараах мэдээлэл хичээл тус бүрд урьдчилан бэлтгэсэн байх шаардлагатай санаануудыг багш нарт өгдөг.

3 Нифай 12:1-16

Хичээлийн зорилго: Энэ хичээл Аврагчийн зөвлөгөөг дагахыг хичээх үед Түүний хэлсэн адислалуудыг хүлээн авахад бэлтгэхэд суралцагчдад тусална.

• Суралцагчийн бэлтгэл: Уулан дээрх Түүний номлолтой маш төстэй 3 Нифай дахь Аврагчийн номлолыг судлахад суралцагчдын зүрх сэтгэлийг бэлтгэхэд туслахын тулд тэднийг ерөнхийлөгч Жозеф Фийлдинг Смитийн (1876–1972) хэлсэн энэхүү мэдэгдлийг тунгаан бодоход урь. Тэрээр Уулан дээрх номлолыг “өдийг хүртэл бидний мэдэх, номлогдсон хамгийн агуу [номлол]” хэмээн хэлжээ (Teachings of Presidents of the Church: Joseph Fielding Smith [2013], 234).

• Үзүүлэх материал: Лиахона сэтгүүлийн нүүрэн дээрх энгийн зураг

• Видео хурлаар хичээл заах зөвлөмж: Суралцагчид Сүмийн удирдагчдын ерөнхий чуулган дээр хэлсэн үгсийг судалж байгаа бол та тэдэнд үгийн тодорхой хэсгийг зааж өгөхийн тулд дэлгэцээ хуваалцахыг зөвшөөрч болно.

3 Нифай 12:17-48

Хичээлийн зорилго: Энэ хичээл суралцагчдад Тэнгэр дэх Эцэг болон Есүс Христ шиг төгс болох боломжоо ойлгоход нь туслах зорилготой.

• Суралцагчийн бэлтгэл: Суралцагчдыг Судруудын удирдамж “Төгс” гэсэн хэсгийн эхний догол мөрийг судалж, энэ тодорхойлолтын юу нь яагаад хамгийн утга учиртай санагдсанаа тайлбарлахаар бэлдэж ирэхэд урь.

• Харуулах зураг: Үр, гөлөг, нялх хүүхдийн зураг

• Суралцагчдад зориулсан материал: Суралцагчид дээр нь бичиж болох жижигхэн цаас

• Видео хурлаар хичээл заах зөвлөмж: Хичээлийг эхлүүлэхийн тулд та үр, гөлөг, нялх хүүхдийн зургийг харуулахаас гадна ургасан мод, том болсон нохой, Есүсийн эсвэл Тэнгэрлэг Эцэгийн зургийг үзүүлж болно. Эхний гурван зургийг үзүүлсний дараа та суралцагчдад нэмэлт зургуудыг үзүүлж төсөөлөхөд тусалж болно.

Төгс эзэмших сургаал: 3 Нифай 12:48

Хичээлийн зорилго: Энэ хичээл суралцагчдад 3 Нифай 12:48--ын судрын эшлэл, түлхүүр үг хэллэгийг цээжилж, энэ хэсгүүдэд заасан сургаалыг тайлбарлаж, сүнслэг мэдлэг олж авах зарчмуудыг бодит амьдралын нөхцөл байдалд ашиглахад тусална.

• Суралцагчийн бэлтгэл: Суралцагчдыг ангидаа ирэхээсээ өмнө 3 Нифай 12:48-ыг цээжлэхэд урь. Та тэднийг анги руу явах замдаа ангийн бусад гишүүдэд биечлэн, мессежээр эсвэл өөр ямар нэгэн байдлаар судраас цээжилснээ давтахыг урьж болно.

• Суралцагчдад зориулсан материалууд: Тал цаас

• Видео хурлаар хичээл заах зөвлөмж: “Тайлбарлах ба, цээжлэх” хичээлийн хэсэг болгож, та хичээлд тайлбарласны дагуу өөр өөр буланд бичсэн судрын хэллэгтэй бичгийг бэлдэж болно. Дараа нь та дэлгэцээ хуваалцаж, сурагчдыг дарааллаар нь хэллэгт хүргэж болно. Нэг удаад нэг хэллэгийг устгаж, суралцагчдын баримт бичиг хоосон болтол дэлгэцэнд хүрч, үгийг хэлэх үйлдлийг давтахад урь. Та мөн өөр өөр буланд бичсэн судрын хэллэг бүхий хэд хэдэн баримт бичгийг бэлтгэж, баримтыг нэг нэгээр нь үзүүлж, суралцагчдад үгсийн дарааллыг олж, гол хэллэгийг давтах боломжийг олгож болно.

3 Нифай 13-14

Хичээлийн зорилго: Энэ хичээлийн зорилго нь суралцагчдад Аврагчийн сургаалаас зарчмуудыг олж тогтоох, тэдний өнөөгийн амьдралд ямар хамааралтай болохыг олж харахад туслах явдал юм.

• Суралцагчийн бэлтгэл: Суралцагчдыг хувийн судар судлахаас олсон шалтгаан-үр дагаврын мэдэгдлүүдээ хуваалцахаар хайж олж, бэлтгэж ангидаа ирэхэд урь. Эдгээр нь хэрвээ, дараа нь эсвэл эшлэл нь зүгээр л ямар сонголт ямар үр дагаварт хүргэхийг тайлбарласан байж болно.

• Видео хурлаар хичээл заах зөвлөмж: Суралцагчдыг шалтгаан-үр дагаврын мэдэгдлийг бий болгохын тулд Аврагчийн сургаалыг ашиглах цаг гаргасны дараа тэднийг чаат дээр өөрсдийн мэдэгдлийг нийтлэхэд урь. Энэ нь суралцагчдад Аврагчийн сургаал өнөө үед хэрхэн хамааралтай хэвээр байгааг ярилцах үедээ бүх мэдэгдлийг харах боломжийг олгоно.

3 Нифай 15–16

Хичээлийн зорилго: Энэ хичээл суралцагчдад Аврагчийн тэднийг болон хүн бүрийг Өөртөө цуглуулах хүслийг мэдрэхэд нь туслах зорилготой.

• Суралцагчийн бэлтгэл: Суралцагчдыг “Аврагч хүн бүрийг Өөртөө цуглуулахыг хүсдэг ямар нотолгоог та харсан бэ?” гэсэн энэ асуултад хэрхэн хариулах талаар тунгаан бодоход урь.

• Зураг: Христийн хоёр зураг (Түүний нэг нь хоньчин); хонины хашааны зураг

• Харуулах контент: Иохан 10 дахь Хэсэг-үүдийг болон 3 Нифай 15, 16-ийн холбоотой асуултууд

• Видео хурлаар хичээл заах зөвлөмж: Хичээлийн эхэнд суралцагчдад Аврагчийн хоньчны дүр төрхийг олоход хэдэн минут өг. Суралцагчдад сонгосон зургийнхаа юу нь таалагдсан, Христийн тухай юу зааж байгааг тайлбарлахдаа дэлгэцээ хуваалцахыг зөвшөөр.