“3 Нифай 13-14: Христийн сургаал,” Мормоны Номын багшийн гарын авлага (2024)
“3 Нифай 13-14,” Мормоны Номын багшийн гарын авлага
3 Нифай 13-14
Христийн сургаал
Амилсан Аврагчийн сургаалыг сонсох нь Өгөөмөр нутгийн хүмүүсийн хувьд ямар байсныг төсөөлөөд үз дээ. Бид Түүний 3 Нифай 13–14-д бичигдсэн захиасны хэсэг болсондоо адислагдсан. Эдгээр бүлэг нь Түүнийг тунхаглах үед тэнд байсан хүмүүсийн хувьд өнөөдөр ч гэсэн утга учиртай зарчмаар дүүрэн байдаг. Энэ хичээлийн зорилго нь Аврагчийн сургаалаас зарчмуудыг олж тодорхойлох, тэдгээр нь өнөөдөр таны амьдралд ямар хамааралтай болохыг олж харахад тань туслах явдал юм.
Сургаал, зарчмуудыг тодорхойлоход суралцагчдад тусал. Суралцагчид сайн мэдээний сургаал, зарчмуудыг тодорхойлж сурахаар үргэлжлүүлэн дадлага хийснээр тусыг хүртэж чадна. Олон зарчим заадаг судрын хэсгүүдийг хайж, суралцагчдад эдгээр үнэнийг хайх цаг гаргаж өг. Суралцагчдад олж мэдсэн үнэнүүдээ тодорхой илэрхийлэхэд нь тусал.
Суралцагчийн бэлтгэл: Суралцагчдыг хувиараа судар судлахдаа олсон шалтгаан-үр дагаврын мэдэгдлүүдээ хуваалцахаар хайгаад, бэлдэж ангидаа ирэхэд урь. Эдгээр нь хэрэв, дараа нь гэсэн үгийг хэрэглэж болох бөгөөд эсвэл судрын хэсэг нь ямар сонголт ямар үр дүнд хүргэж байгааг энгийн байдлаар тайлбарлаж болно.
Боломжит суралцах үйл ажиллагаа
Та юу гэж зөвлөх байсан бэ?
Нэг суралцагчийг ангид хөгжүүлсэн ур чадвараа товч тайлбарлахад юм уу дүрслэхэд урь. Эсвэл та бүх суралцагчийг нэг минутын турш хамтрагчдаа өөрт байгаа ур чадвараа тайлбарлахад урьж болно.
Өөрт байгаа туршлагаар хөгжүүлсэн ур чадвараа бод. Энэ нь спорт, хобби, хичээл эсвэл жолоодох, хоол хийх, тэжээвэр амьтан тэжээх зэрэг ур чадвар байж болно.
Хэн нэгэнд өөрийнхөө ур чадварыг товч тайлбарласныхаа дараа тэд үүнийг туршиж үзэх сонирхолтой байна гэж төсөөл.
Өөрийнхөө туршлагаас тэдэнд өгөх нэг зөвлөгөөг бод. Энэ нь ойлгоход их хугацаа орохооргүй туслах зөвлөгөө байж болно. Эсвэл таны ур чадварыг сурахад хүмүүсийн гаргадаг нийтлэг алдаанаас зайлсхийхэд тусална.
Зөвлөгөөгөө шалтгаан-үр дагаврын энгийн мэдэгдлээр дүгнэ. (Жишээ нь, хэрэв ур чадвар нь холын зайн гүйлт бол “Хэрэв та хангалттай сайн ус уувал булчингууд илүү хурдан сэргэх болно” гэж хэлж болно.)
Зарим суралцагчийг шалтгаан-үр дагаврын мэдэгдлүүдээ ангийнхандаа хуваалцахад урь.
Таны мэдлэг, зөвлөгөө нь таны ур чадварт суралцаж буй хэн нэгэнд амжилтад хүрч, шаардлагагүй алдаанаас зайлсхийхэд тусалдаг шиг Есүс Христийн зөвлөгөө таныг алдаанаас хамгаалж, адисалж чадна.
Өнөөдөр та Mатай 5–7-д байдаг Аврагчийн зүйрлэшгүй номлолын үргэлжлэл болох 3 Нифай 13–14-ийг судлах адислалыг хүртэх болно. Есүс биднийг Бурханы оршихуйд амьдрахад бэлтгэхэд тусалдаг илүү дээд хуулийг үргэлжлүүлэн заасаар байв (Сургаал ба Гэрээ 88: 21– 22-ыг үзнэ үү). Та Түүний зөвлөгөөг судалж байхдаа Түүний сургаал танд тулгарч буй нөхцөл байдалд хэрхэн хамааралтай болохыг олж мэд. Өөрийн олж мэдсэн зарчмуудынхаа талаар тунгаан бодож, Түүний заасан үнэнийг дагаж мөрдөх нь таныг Түүний оршихуйд буцаж ирэхэд хэрхэн бэлтгэх талаар бичихийн тулд үе үе түр зогс.
Судрууд дахь шалтгаан-үр дагаврын мэдэгдлүүд
Их Эзэний сургаалыг судлах нэг үр дүнтэй арга бол шалтгаан-үр дагаврын холбоо хамаарлыг олж мэдэх явдал юм. Ихэнх тохиолдолд эдгээр мэдэгдэл хэрэв гэсэн үгээр эхэлдэг. Эдгээр мэдэгдэл нь ямар сонголт ямар үр дүнд хүргэж байгааг тодорхой харахад тусална. Далын ахлагч Кэвин С.Хамилтон шалтгаан-үр дагаврын (эсвэл болзолт) мэдэгдлийн талаар ийн ярьсан:
Их Эзэн түүнчлэн нөхцөл тавьж ажилладаг. Итгэлийн нөхцөл. Зөв шударгын нөхцөл. Наманчлалын нөхцөл. Дараахын адил Бурхан нөхцөл байдлыг нь тогтоосон олон жишээ байдаг:
Мөн “хэрэв та нар Христэд итгэлтэй байж, чин сэтгэлтэйгээр, үнэн хүсэлтэйгээр асуух аваас, [тэгвэл] тэрбээр үүний үнэнийг Ариун Сүнсний хүчээр та нарт мэдүүлэх болно.” (Moронай 10:4). …
“Хэрэв та нар тушаалыг сахивал [тэгвэл] хайранд минь байх болно” (Иохан 15:10). (Кэвин С.Хамилтон, ““Тэгвэл би тэдэнд сул дорой зүйлүүдийг нь хүчирхэг болгож өгнө”,” 2022 оны 4-р сарын Ерөнхий чуулган, эх хувилбарт хаалт , хашилт нэмэгдсэн)
Ахлагч Хамилтоны жишээн дээр хэрэв гэсэн үг бидний хийх ёстой үйлдлүүдийн өмнө гардаг болохыг анхаар. Дараа нь бидний үйл ажиллагааны үр нөлөөг эсвэл үр дүнг тайлбарладаг.
Есүс Христ Өгөөмөр нутгийн хүмүүст заахдаа Түүний заасан зарим чухал зарчим нь хэрэв гэсэн үгийг багтаасан шалтгаан-үр дагаврын холбоогоор дурдагдсан байдаг. Жишээлбэл, 3 Нифай 13:14–15-ыг уншаад, шүлэг бүр дээр хэрэв гэсэн үгийг тэмдэглэ.
Ахлагч Хамилтоны жишээн дээр тэрээр бидний сонголтыг үр дүнг тодорхойлсон мэдэгдэл бүрдээ тэгвэл гэсэн үгийг оруулсан байдаг. Та Тэгвэл гэсэн үгийг 14–15-р шүлэг-т тохирч магадгүй гэж бодсон судар дээрээ тэмдэглэж болно.
Сайн дураар энэ хэсгээс олж мэдсэн шалтгаан-үр дагаврын мэдэгдлүүдээ самбар дээр бичихэд урь. Энэ нь суралцагчдын хичээлийн туршид нэмэгдэх үнэний мэдэгдлүүдийн жагсаалтыг эхлүүлж болно.
Аврагчийн сургаалыг шалтгаан-үр дагаврын мэдэгдэл болгон өөрчил
Есүсийн зарим сургаалд хэрэв гэсэн үг байдаггүй. Гэсэн хэдий ч анхааралтай бодож, Ариун Сүнсний тусламж авснаар Түүний заасан зарчмуудыг тодорхой болгосон шалтгаан-үр дагаврын холбоог анзаарч чадна. Дараах хэсгээс дор хаяж гурвыг нь уншаад, Аврагчийн зөвлөгөөг тусгасан хэсэг бүр дээр энгийн шалтгаан-үр дагаврын мэдэгдлийг бич.
Та Түүний заасан зүйлийг “хэрэв-тэгвэл” гэж дахин хэлэхийг хүсэж болно. Жишээлбэл: 3 Нифай 13:1–4-ийг судалсны дараа хэн нэгэн “Хэрэв бидний ядуу хүмүүст туслах сэдэл Христийнхтэй адил байвал бидний шагнал Тэнгэрлэг Эцэгээс ирнэ” гэж бичиж болно. Түүний Хүү Есүс Христтэй илүү адил болж байгаа хүмүүсийг адислах дуртай Тэнгэрлэг Эцэгийн хувьд бидний зөв шударга үйлдлүүдийн сэдэл чухал гэдгийг бид энэ хэсгээс мэдэж болно.
Суралцагчид энэ үйл ажиллагааг жижиг бүлгээр суралцагч бүр өөр өөр эшлэлийг судалж, өөрсдийн үүсгэсэн мэдэгдлүүдийг хуваалцаж хийж гүйцэтгэж болно. Та дараах бүх сонголтыг харуул эсвэл суралцагчдад хамгийн хэрэгтэй гэж үзсэн сонголтоор хязгаарлаж болно.
-
3 Нифай 13:24 (“Эд хөрөнгө” гэсэн үгийн нэг утга нь эд баялаг эсвэл өмч хөрөнгө гэсэн үг юм.)
Хэд хэдэн суралцагчийг өөрсдийн шалтгаан- үр дагаврын мэдэгдлүүдээ самбарт нэмж бичихэд урьж, тэдэнд Аврагчийн сургаал өнөөгийн ертөнцөд хэрхэн хамааралтай болохыг олж мэдэхэд нь туслахын тулд дараахтай адил асуулт асуу.
Тэдэнд холбоо хамаарлыг харахад туслах өөр нэг арга бол суралцагчдыг жижиг бүлэг болгож, самбар дээрх тодорхой зарчмууд нь өсвөр үеийнхэнд (1) гэртээ, (2) сургуульд эсвэл (3) түүний ирээдүйн насанд хүрсэн амьдралд тусалж болох нөхцөл байдлыг бодох юм. Хангалттай хугацаа өнгөрсний дараа бүлгүүдийг өөр бүлэгтэй санал бодлоо хуваалцахад урь.
-
Аврагч яагаад өнөө үеийн хүмүүсийг Түүний эдгээр бүлэгт заасан зүйлийг мэдээсэй гэж хүсдэг гэж та нар бодож байна вэ? Өнөө үед Түүний сургаалын аль нь хамгийн хэрэгтэй гэж та бодож байна вэ?
-
Өсвөр насныхан эдгээр бүлгээс таны бий болгосон шалтгаан-үр дагаврын зарчмуудын аль нэгийг гэртээ, сургууль дээр эсвэл ирээдүйн насанд хүрсэн амьдралдаа хэрхэн хэрэгжүүлж чадах вэ? Энэ нь түүнд хэрхэн тусалж болох вэ?
Та эдгээр бүлэгт Аврагчийн заасан зарчмуудын нэгийг анхаарч, энэ нь таны амьдралыг хэрхэн адисалсан тухайгаа хуваалцаж болно.
Дараа нь суралцагчдад дараахын талаар тунгаан бодож, бодлоо бичих цаг гаргаж өг:
-
Эдгээр бүлэг дэх Аврагчийн сургаалын аль нь таны амьдралд тулгарч буй нөхцөл байдалтай хамгийн сайн холбогдож байна вэ? Түүний өгсөн зөвлөгөөг ашиглахыг танд хэрхэн зөвшөөрнө гэж та бодож байна вэ?