“3 Нифай 11:18-41: ‘Есүс Христ сургаалаа тунхагладаг,’” Мормоны Номын багшийн гарын авлага (2024)
“3 Нифай 11:18-41,” Мормоны Номын багшийн гарын авлага
3 Нифай 11:18–41
Есүс Христ сургаалаа тунхагладаг
Номлогчид зааж байгаа хүмүүстээ ямар үнэнийг хуваалцдаг талаар та бодож үзсэн үү? Тэдний хамгийн чухал захиаснуудын нэг нь мөнх амьдралын адислалуудыг хүлээн авахын тулд юу хийх ёстойтой холбоотой юм. Энэ захиасыг заримдаа Христийн сургаал гэж нэрлэдэг (2 Нифай 31:21-ийг үзнэ үү). Аврагч нифайчуудад ариун сүмд үзэгдсэнийхээ дараахан тэдэнд энэ сургаалыг заасан. Энэ хичээл танд Есүс Христийн сургаалыг илүү сайн ойлгож, тайлбарлахад тусална.
Суралцагчдыг суралцахаар бэлтгэхэд урамшуулан дэмжих. Суралцагчид суралцахад бэлтгэх үедээ Ариун Сүнсийг хүлээн авахад зүрх сэтгэлээ бэлддэг. Суралцагчид судрын хэсэг уншиж, асуултын талаар тунгаан бодож эсвэл хуваалцах туршлагаа бодож хичээлдээ бэлдэж болно. Суралцагчдыг бэлтгэхэд урьж, дараа нь бэлтгэх нь суралцахад нь хэрхэн нөлөөлж байгааг харах боломжийг бий болго.
Суралцагчийн бэлтгэл: Суралцагчдыг хичээл эхлэхээс өмнө Христийн сургаалын талаар суралцахад урь. Тэд 3 Нифай 11:31–41 дэх Аврагчийн сургаалыг судалж эсвэл Сайн мэдээний номын сан апп эсвэл ChurchofJesusChrist.org дээрээс “Христийн сургаал”-ыг хайж болно.
Боломжит суралцах үйл ажиллагаа
Энэ хичээлийн суралцах үйл ажиллагаа нь голчлон Есүс Христийн 3 Нифай 11:31–41 дээр заасан сургаал дээр төвлөрсөн байдаг. Шаардлагатай бол 3 Нифай 11 дэх зөрчилдөөний тухай болон хэн нэгнийг баптисм хүртэх зөв арга замын талаарх нэмэлт сургаалыг ойлгоход нь суралцагчдад туслахын тулд “Нэмэлт суралцах үйл ажиллагаа” хэсгийг ашигла.
Есүс Христийн дагагч болох
Хэд хэдэн суралцагчийг ангийнхаа өмнө дараах дүрд тоглоход урь. Илүү олон суралцагчдад хуваалцах боломж олгохын тулд тэднийг жижиг бүлгүүдэд хуваарилж, хариултаа ээлжлэн хуваалцахад урих талаар бодож үз.
Танд Сүмийг сонирхож эхэлсэн найз байна гэж төсөөлөөд үз. Найз чинь өнөөг хүртэл сурсан, мэдэрсэн зүйлийнхээ талаар сайхан мэдрэмж төрж байгаагаа хэлж байна. Тэр Аврагчийг бүрэн дагахын тулд юу хийх ёстойгоо мэдэхийг хүсдэг.
-
Та найзаа юу хийхэд урьж болох вэ? Яагаад?
“Энэ бол миний сургаал”
Амилсан Аврагч Өгөөмөр нутгийн нифайчуудад үзэгдсэнийхээ дараахан тэдэнд сургаалаа заасан. Энэ сургаалыг заримдаа “Христийн сургаал” (2 Нифай 31:21) гэдэг ба бидэнд хэрхэн Есүс Христийг дагаж, мөнх амийн адислал хүлээн авах тухай ойлгоход тусалдаг. Өнөөдөр та нар Христийн сургаалыг илүү сайн ойлгож, өөрийн үгээр тайлбарлах боломжтой болно.
Суралцагчдад Христийн сургаалын тухай хичээл бэлтгэж, ангийнхаа жижиг бүлэгт заах боломж гарна гэдгийг хэл. Суралцагчдыг хичээлээ бэлдэж байхдаа харж болох дараах зааврыг харуул.
-
3 Нифай 11:31–41 дээрх Аврагчийн сургаалын талаар Түүний хичээлийг судал.
-
Хүсвэл 2 Нифай 31:17–21-ийг эсвэл 3 Нифай 27:19–22-ыг Есүс Христийн сургаалын эсвэл сайн мэдээний талаарх нэмэлт заасан зүйлсийг судал. Та мөн Сайн мэдээний номын сан апп болон ChurchofJesusChrist.org дээрээс “Христийн сургаалыг” хайж болно.
-
Христийн сургаалын тухай гурваас таван минутын хичээл бэлтгэ. Өөрийн тоймыг бэлтгэхэд туслахын тулд доор өгсөн загварыг ашигла. Та өөрийгөө хэн нэгэнд заахын тулд энэ хичээлийг бэлтгэж байгаа номлогч гэж төсөөлж болно. Хэн нэгэн таньдаг хүнийхээ тухай бодоод, түүнд хичээлээ хуваалцах гэж байгаа мэт бэлд.
Хичээлийн загвар тараах материалын хуулбарыг суралцагчдад тараа. Хичээлээ бэлтгэх хангалттай хугацааг тэдэнд гаргаж өг.
Чанга ярьж заахдаа санаа зовж байгаа суралцагчдад өөр боломж санал болго. Сонголтуудад хичээлийнхээ тоймыг өгөх эсвэл заахдаа илүү тухтай эсвэл туршлагатай хамтрагчтай ажиллах зэрэг орно. Та богино хичээлд хэрхэн бэлтгэх талаар товч загварчлан үзүүлснээр суралцагчдад тусалж болно.
Христийн сургаал хичээлийн төлөвлөгөө
Мормоны Номын багшийн гарын авлага (2024)—“3 Нифай 11:18–41: Есүс Христ сургаалаа тунхагладаг”
-
Сурсан, судалсан зүйлээсээ Христийн сургаалын хураангуйг бич.
-
Зааж буй хүмүүстээ Христийн сургаалыг илүү гүнзгий ойлгож, эргэцүүлэн бодоход туслахын тулд асууж болох хоёроос гурван асуултыг жагсаан бич.
-
Та яагаад Аврагчийн эдгээр сургаалыг дагах нь чухал гэж бодож байгаагаа тайлбарла. Боломжтой бол эдгээр сургаал таны амьдралыг хэрхэн адисалсныг харуулсан туршлагаа оруул.
-
Заасан хүмүүстээ Христийн сургаалын талаар сурсан зүйлээ хэрэгжүүлэхэд нь туслахын тулд нэг юм уу хоёр урилгыг жагсаан бич.
-
(Заавал биш) Таны зааж буй хүмүүст Христийн сургаалыг илүү сайн ойлгоход туслах ямар нэг зүйл эсвэл үйл ажиллагааны талаар бод.
© 2023 by Intellectual Reserve, Inc. All rights reserved.
Суралцагчид бэлтгэл хийх хангалттай цаг гаргасны дараа хамтрагчдаа эсвэл жижиг бүлгүүдэд хичээлээ заах боломжийг олго. Хичээлээ чанга ярьж заахдаа санаа зовж байгаа суралцагчдыг бүү хүчил. Та ангид бүхэлд нь хичээл заах хүсэлтэй хэд хэдэн суралцагчийг урьж болно.
Суралцагчдыг зааж дуусахад сурсан зүйлээ ярилцах цаг гарч болно. Дараах үнэнийг самбар дээр бич: Бурханы хаант улсад орохын тулд бид Аврагчийн сургаалыг дагахын тулд Түүнд итгэж, наманчилж, баптисм хүртэж, Ариун Сүнсийг хүлээн авч, эцсээ хүртэл тэвчих ёстой..
Та ярилцлагынхаа үеэр дараах асуултуудыг ашиглаж болно:
-
Энэ сургаал яагаад Аврагчийн нифайчуудад заасан эхний зүйлийн нэг байсан гэж та бодож байна вэ?
-
Бурханы хаант улсыг өвлөн авахад эдгээр зарчим, ёслол яагаад хэрэгтэй гэж та нар бодож байна вэ?
-
Эдгээр зарчим, ёслолыг амьдралынхаа илүү чухал хэсэг болгохын тулд та юу хийж чадах вэ?
Өөрөө өөрийгөө үнэлэх
Суралцагчдыг хичээлээ хуваалцсаны дараа цаг гарвал Христийн сургаалыг өдөр бүр амьдралдаа хэрэгжүүлэх арга замуудын талаар тунгаан бодож болно. Дараах үнэлгээний талаар хуваалцаж, суралцагчдад өөрсдийгөө чимээгүйхэн дүгнэх цаг гаргаж өгөх талаар бодож үз.
Хичээлээ дуусгахдаа Христийн сургаалыг өдөр бүр амьдралдаа хэрхэн хэрэгжүүлэх талаар тунгаан бодох цаг гарга. Дараах өөрийн үнэлгээ нь таныг одоо Аврагчийн сургаалын дагуу амьдарч байгаа арга зам, сайжруулах арга замаа тодорхойлоход тусална.
Дараах мэдэгдлүүдэд “үргэлж”, “заримдаа” эсвэл “хааяа” гэсэн үгээр хариул.
-
Би Есүс Христэд итгэх итгэлээ зарлигуудыг дагахыг хичээж, сорилт бэрхшээлийг даван туулахад минь тусалж чадна гэдэгт итгэдэг.
-
Би алдааныхаа төлөө өдөр бүр наманчилж, Түүнтэй илүү адил болоход минь туслах Аврагчийн хүчийг эрэлхийлдэг.
-
Би баптисмын гэрээнүүдээ сахин, ариун ёслолоос зохистой хүртэх замаар долоо хоног бүр энэ хүчин чармайлтаа шинэчлэхийг хичээдэг.
-
Би Тэнгэрлэг Эцэгтээ тогтмол залбирснаар Ариун Сүнсийг амьдралдаа урьж, сүнслэг өдөөлтүүдийг судалж, үйлдэхийг эрэлхийлдэг.
Суралцагчдыг Аврагчийн сургаалаас амьдралдаа илүү бүрэн тусгаж болох талыг тодорхойлж, дараа нь үүнийг хийх төлөвлөгөө гаргахад урамшуулан дэмж. Ярилцсан үнэнийхээ талаар гэрчил. Суралцагчдыг эдгээр сургаалыг бусадтай хуваалцах боломжийг олоход урамшуул.