3 Նեփի 19

«Նրանք լցվեցին Սուրբ Հոգով»

Նեփիացի տասներկու աշակերտները չէին կարող ցանկանալ ավելին, քան Սուրբ Հոգու ընկերակցությունն ունենալը։ Երբ Փրկիչն ավարտեց նրանց մեջ Իր ծառայության առաջին օրը, հենց դա էր Երկնային Հորն ուղղված նրանց աղոթքների թեման։ Ի՞նչ պետք է անենք, որպեսզի Սուրբ Հոգին մեզ հետ լինի։ Ինչպե՞ս կարող ենք վայելել Նրա ընկերակցությունը մեր կյանքում։ Այս դասի նպատակն է օգնել ձեզ ավելի լավ հասկանալ, թե ինչպես օրհնություններ ստանալ Սուրբ Հոգուց։

Օգնեք ուսանողներին ուսուցանվել Սուրբ Հոգուց։ Որպեսզի ուսանողներն ուսուցանվեն Սուրբ Հոգու կողմից, պետք է համապատասխան ուսումնական միջավայր լինի։ Դասարանի նստարանների դասավորությունը և ուսանողների հետ ձեր դրական շփումները կարող են նպաստել այնպիսի մթնոլորտի ստեղծմանը, որը կապահովի Սուրբ Հոգու ներկայությունը։

Ուսանողի նախապատրաստում․ կարող եք ուսանողներին առաջարկել ուսումնասիրել «Հիսուս Քրիստոսի աշակերտները փնտրում են Սուրբ Հոգու պարգևը» նյութը, որը կարող են գտնել 3 Նեփի 17–19 գլուխների ուսումնասիրման համար նախատեսված Եկ, հետևիր ինձ․ Տան և Եկեղեցու համար․ Մորմոնի Գիրքը 2024 ուսումնական ծրագրում և պատրաստվել՝ կիսվելու, թե ինչ են սովորել ու զգացել այդպես անելով։

Հնարավոր ուսումնական վարժություններ

Պատանեկան արդար ցանկություններ

Հետևյալ հարցը տալու և ուսանողներից պատասխաններ ստանալու փոխարեն կարող եք յուրաքանչյուր ուսանողի փոքրիկ թղթեր բաժանել, որոնց վրա նրանք պետք է գրեն իրենց պատասխանները։ Հետո հավաքեք պատասխանները և մի քանիսը ներկայացրեք դասարանին։ Ուսանողները կարող են բազմաթիվ ձևերով պատասխանել այս հարցին։

• Եթե ձեր տարածքի 100 պատանու հետ հարցում անցկացնեիք, ի՞նչ եք կարծում, որո՞նք կլինեին նրանց ամենատարածված արդար ցանկությունները։

Մտածեք, թե այդ ցանկություններից որո՞նք են ձեզ առնչվում։ Երբ ուսումնասիրեք 3 Նեփի 19 գլուխը, փնտրեք ճշմարտություններ, որոնք կարող են օգնել ձեզ իրականացնել ձեր արդար ցանկությունները։

Երբ Փրկիչն ավարտեց Իր ծառայությունը, ուսուցումը, բժշկումը և օրհնեց մարդկանց, Նա «հեռացավ նրանցից և համբարձվեց երկինք» (3 Նեփի 18․39)՝ խոստանալով, որ հաջորդ օրը վերադառնալու է։ Մարդիկ վերադարձան տուն և «ողջ գիշեր, ամենուր լուր տարածվեց Հիսուսի մասին», և «մի չափազանց մեծ թիվ … անչափ տքնեց ողջ այդ գիշեր, որպեսզի հաջորդ օրը նրանք կարողանային լինել այն տեղում, որտեղ Հիսուսը պետք է իրեն ցույց տար բազմությանը» (3 Նեփի 19․3)։ Հաջորդ օրը Հիսուսի ընտրած տասներկու աշակերտները հավաքեցին մարդկանց և սովորեցրին նրանց այն «խոսքերը, որոնք Հիսուսն էր խոսել»։ Հետո աշակերտները ծնկի իջան և «աղոթեցին Հորը՝ Հիսուսի անունով» (3 Նեփի 19․8)։

Կարդացեք 3 Նեփի 19․9 հատվածը և գտեք, թե ինչ էին նրանք ամենաշատը ցանկանում, երբ աղոթում էին։

Կարող եք ցուցադրել հետևյալ հարցերը. Ուսանողներին մի քանի րոպե տվեք իրենց պատասխաններն օրագրերում գրելու համար, այնուհետև կարող եք նրանց փոքր խմբերի բաժանել, որպեսզի քննարկեն իրենց գտած պատասխանները։

• Ըստ ձեզ՝ ինչո՞ւ էին նրանք այդքան շատ ցանկանում ունենալ Սուրբ Հոգուն։

• Ի՞նչ հանգամանքների կարող եք բախվել ապագայում, որոնցում կցանկանայիք ճանաչել ու հասկանալ Սուրբ Հոգու հուշումները։

Խորհեք, թե արդյոք իսկապես ցանկանում եք, որ Սուրբ Հոգին լինի ձեր կյանքում, և ձեր կյանքն ինչպես կարող է փոխվել, եթե Նրա ազդեցությունն ավելի կանոնավոր կերպով ցանկանաք։

Փնտրեք Սուրբ Հոգուն

Կարդացեք 3 Նեփի 19․10–23 հատվածները և փնտրեք, թե ինչպես կարող եք ավարտել հետևյալ նախադասությունը․

• Մենք կարող ենք լցվել Սուրբ Հոգով, եթե …

Կարող եք ուսանողներին առաջարկել գրատախտակին գրել, թե ինչպես կավարտեին այդ նախադասությունը։ Ստորև ներկայացված է նախադասությունն ավարտելու երկու տարբերակ։

• … անկեղծորեն ցանկանանք և աղոթենք Նրա ընկերակցության համար։

• … մասնակցենք ավետարանի արարողություններին։

Ա և Բ վարժությունները կարող են օգնել ուսանողներին հասկանալ, թե ինչ կարող են անել՝ Սուրբ Հոգով լցվելու համար։ Այդ վարժությունները կարելի է կատարել դասարանով։ Ուսանողները կարող են նաև փոքր խմբերով կատարել վարժություններից մեկը կամ երկուսը և կիսվել սովորածով։

Ուսանողներին խնդրեք կիսվել իրենց գտած հատուկ գաղափարներով կամ սուրբ գրություններով։ Ուսանողներին առաջարկեք կիսվել Սուրբ Հոգուն ունենալու ցանկության և Նրա համար աղոթելու կամ արարողություններին մասնակցելու անձնական փորձառություններով։

Ա և Բ վարժություններից բացի կարող եք քննարկել նաև, թե ինչպես է Հիսուս Քրիստոսին և Նրա սպասավորների խոսքերին հավատալն օգնում մեզ լցվել Սուրբ Հոգով։

Վարժություն Ա․ մենք կարող ենք լցվել Սուրբ Հոգով, եթե անկեղծորեն ցանկանանք և աղոթենք Նրա ընկերակցության համար։

• Մեր ցանկություններն ու աղոթքներն ինչպես կարող են օգնել մեզ լցվել Սուրբ Հոգով։

Տասներկու Առաքյալների Քվորումից երեց Դեյվիդ Ա. Բեդնարը բացատրել է, թե ցանկությունն ու աղոթքն ինչպես կարող են օգնել մեզ ունենալ Հոգին մեզ հետ։

Մենք … հիշո՞ւմ ենք նախօրոք և շարունակաբար աղոթել այն բանի համար, ինչը մենք պետք է ամենաշատը փափագենք, նույնսիկ՝ Սուրբ Հոգուն։ Թե՞ մեր ուշադրությունը շեղվում է աշխարհիկ հոգսերի և առօրյա գործերի պատճառով և արժանվույնս չենք գնահատում կամ նույնիսկ անուշադրության ենք մատնում այս ամենակարևոր պարգևը: Սուրբ Հոգին ստանալը սկսվում է մեր կյանքում Նրա ընկերակցության մեր անկեղծ և մշտական փափագից: (Դեյվիդ Ա. Բեդնար, «Ստացիր Սուրբ Հոգին», Լիահոնա, նոյեմբեր 2010 թ․, 96)։

Կարող եք դիտել «Հրավիրեք Սուրբ Հոգին» տեսանյութը (2:56), որը հասանելի է ChurchofJesusChrist.org կայքում։

Having the Holy Ghost

You can invite the Holy Spirit into your life through prayer, scripture study and being obedient to God’s commandments.

• Ձեր արդար ցանկությունները և աղոթքները ե՞րբ են օգնել ձեզ զգալ Հոգու ազդեցությունը։

Վարժություն Բ․ Մենք կարող ենք լցվել Սուրբ Հոգով, եթե մասնակցենք ավետարանի արարողություններին։

Կարդացեք 3 Նեփի 18․7, 11, 27․20 հատվածները և փնտրեք, թե արարողություններն ինչպես կարող են օգնել մեզ լցվել Սուրբ Հոգով։

Մարգարե Ջոզեֆ Սմիթն (1805–44) ուսուցանել է.

Մկրտությունը սուրբ արարողություն է՝ նախապատրաստելով Սուրբ Հոգու ստացմանը․ այն ուղի է և բանալի, որի միջոցով Սուրբ Հոգին կսպասավորվի։ Ձեռնադրմամբ Սուրբ Հոգու Պարգևը հնարավոր չէ ստանալ որևէ այլ սկզբունքի միջոցով, բացի առաքինության սկզբունքից (Եկեղեցու նախագահների ուսմունքները․ Ջոզեֆ Սմիթ [2007], 95–96)։

• Ի՞նչ սովորեցիք արարողությունների (օրինակ՝ մկրտությունը և հաղորդությունը) դերի մասին, որոնք օգնում են մեզ լցվել Սուրբ Հոգով։

• Ե՞րբ եք ավետարանի արարողություններին մասնակցելիս լցվել Սուրբ Հոգով։

Անձնական կիրառումը

Կարող եք կիսվել անձնական փորձառությամբ, թե ինչ եք արել Սուրբ Հոգին փնտրելու համար։

Մտածեք Սուրբ Հոգին ունենալու ձեր անձնական կարիքի և այն մասին, թե ինչու եք ցանկանում Նրա ազդեցությունն ունենալ ձեր կյանքում։ Ներշնչված ի՞նչ արարք կցանկանայիք անել՝ Սուրբ Հոգին ձեզ հետ պահելու համար։ Ձգտեք իրագործել այդ արարքը։

Բացատրական և պատմական տեղեկություններ

Ինչպե՞ս կարող է Սուրբ Հոգին մեր մշտական ուղեկիցը լինել։

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Եթե մենք ձգտենք լինել և դառնալ լավը՝ ոչ անմիջապես կատարյալ, այլ աստիճանաբար ավելի լավը դառնալով, եթե մենք հարգենք մեր ուխտերը, փնտրենք Սուրբ Հոգու ընկերակցությունը, արժանիորեն ընդունենք հաղորդությունը և պահպանենք մեր մեղքերի թողությունն ու առաջ շարժվենք, այդ ժամանակ իսկապես կարող ենք ունենալ Սուրբ Հոգու մշտական ընկերակցությունը։ Մենք չենք «պատրաստվում հայտնություն ստանալ», մենք «ապրում ենք հայտնության մեջ» (Դեյվիդ Ա. Բեդնար, «Հայտնության Հոգին», [2021], 7)։

Վարդապետություն և Ուխտեր 121․45–46 հատվածները նույնպես ուսուցանում են, թե ինչպես կարող ենք ունենալ Սուրբ Հոգին որպես մեր մշտական ուղեկից։

3 Նեփի 19․23: Սուրբ Հոգին ինչպե՞ս կարող է օգնել մեզ դառնալ մեկ՝ Հոր և Որդու հետ։

Տասներկու Առաքյալների Քվորումից երեց Դ. Թոդ Քրիստոֆերսոնը բացատրել է․

That They May Be One in Us

We will not be one with God and Christ until we make Their will and interest our greatest desire.

Իհարկե, մենք չենք կարողանա մեկ լինել Աստծո և Քրիստոսի հետ, մինչև Նրանց կամքն ու հետաքրքրությունը մեր ամենամեծ ցանկությունը չդարձնենք: Նման հնազանդության չի կարելի հասնել մեկ օրում, այլ Սուրբ Հոգու միջոցով Տերը կխրատի մեզ, եթե մենք կամենանք, մինչև որ ժամանակի ընթացքում զգուշորեն կարելի կլինի ասել, որ Նա մեր մեջ է, ինչպես որ Հայրն է Նրանում: Երբեմն ես դողում եմ՝ մտածելով, թե ինչ կպահանջվի, բայց ես գիտեմ, որ միայն այս կատարյալ միավորման մեջ է, որ ուրախության լրիվությունը կարելի է գտնել (Դ. Թոդ Քրիստոֆերսոն, «Որ Նրանք մեկ լինեն մեր մեջ», Լիահոնա, նոյ. 2002 թ․, 73)։

Օժանդակ ուսումնական վարժություններ

3 Նեփի 19․1–15: Փրկիչը մեզ հետ կլինի, երբ ծառայենք ուրիշներին և կիսվենք Նրա խոսքով

Ուսանողները կարող են օրհնվել, երբ հասկանան ու զգան, որ Փրկիչը մեզ հետ կլինի այն ժամանակ, երբ ծառայենք ուրիշներին ու նրանց հետ կիսվենք Նրա խոսքով։ Հետևյալ վարժությունը կարող է օգնել ձեզ իրագործել սա։

Ուսանողներին առաջարկեք պատմել մի անձի մասին, որը իրենց համար քրիստոսանման օրինակ է եղել։ Խնդրեք նրանց բացատրել, թե այդ անձն ինչպես է ավելի լավ ազդել իրենց վրա։ Առաջարկեք նրանց ուսումնասիրել 3 Նեփի 19․1–15 հատվածները և փնտրել, թե ինչ արեցին աշակերտները Փրկչի օրինակին հետևելու համար, և ինչպիսին էր արդյունքը։ Առաջարկեք նրանց ձգտել ծառայել ուրիշներին և նրանց հետ կիսվել Քրիստոսի խոսքով այնպես, ինչպես Նա կցանկանար։

3 Նեփի 19․19–23, 27–30։ Սուրբ Հոգու մաքրագործող ազդեցությունը

Եթե ուսանողների համար օգտակար կլինի ավելի լավ հասկանալ, թե ինչ մաքրագործող ազդեցություն կարող է ունենալ Սուրբ Հոգին իրենց վրա, կատարեք հետևյալը․

Բացատրեք ուսանողներին, որ ինչ-որ բան մաքրագործել նշանակում է այն մաքրել կամ ազատել անցանկալի տարրերից (տե՛ս Merriam-Webster.com Dictionary, «purify» («մաքրագործել»))։ Ուսանողներին առաջարկեք կիսվել, թե ինչը կցանկանային մաքրել (օրինակ՝ սպասքը, տունը, հագուստը կամ մարմինը)։ Ի՞նչ կօգտագործեն դրա համար։

Առաջարկեք ուսանողներին 3 Նեփի 19․19–23, 27–30 հատվածներում որոնել, թե Տերն ինչ է տրամադրել, որպեսզի օգնի մեզ ավելի մաքրվել։ Անհրաժեշտության դեպքում նրանք կարող են վերանայել նաև Մոսիա 3․19, 4․1–3 հատվածները։

Առաջարկեք նրանց քննարկել, թե ինչ գործողություններ կարող ենք ձեռնարկել՝ այս օրհնությունն ստանալու համար։ Խրախուսեք նրանց գործել ըստ իրենց ստացած տպավորությունների։

3 Նեփի 19․23: Դառնալ մեկ Երկնային Հոր և Հիսուս Քրիստոսի հետ

Հետևյալը կարող է օգնել ուսանողներին ամրացնել իրենց հարաբերությունը Երկնային Հոր և Հիսուս Քրիստոսի հետ։

Առաջարկեք ուսանողներին ուսումնասիրել 3 Նեփի 19․23 հատվածը և երեց Քրիստոֆերսոնի խոսքերը «Բացատրական և պատմական տեղեկություններ» բաժնում։ Հանձնարարեք ուսանողներին կիսվել սովորածով։ Հովհաննես 17․11–23 հատվածներում ներկայացված Փրկչի աղոթքներն Իր աշակերտներին և ուրիշներին նույնպես կարող են օգնել ուսանողներին հասկանալ այս կարևոր վարդապետությունը։

Ուսումնասիրելուց հետո առաջարկեք ուսանողներին քննարկել, թե Աստվածագլխի մեկ լինելու հասկացողությունն ինչպես է ազդում Սուրբ Հոգու վերաբերյալ նրանց ունեցած զգացումների վրա։ Կարող եք քննարկել նաև, թե դա հասկանալն ինչպես կարող է ազդել մեր գործողությունների վրա։