Moronae 10

Vaaiga Aoao

I nisi o ana tusitusiga mulimuli, sa faamamafa mai ai e Moronae o le Atua o le punavai o upumoni uma. Sa ia aoao mai afai tatou te ole atu i le Atua ma se loto faamaoni, manatu moni, ma le faatuatua ia Keriso, e mafai ona tatou iloa e moni le Tusi a Mamona e ala i le mana o le Agaga Paia. Sa ia molimau mai i meaalofa ua tuuina mai e le Atua i Ana fanau e ala i le Agaga ina ia manuia ai i latou. I fuaiupu mulimuli o le Tusi a Mamona, na valaaulia ai e Moronae tagata uma ia mulimuli i le Faaola ma ia faaatoatoaina ia te ia.

Saunia e Aoao Atu

O le faamatalaga lenei ua tuuina atu ai i faiaoga ni manatu o mea atonu e manaomia ona muai saunia mo lesona taitasi.

Moronae 10:1–7

Faamoemoega o le lesona: O lenei lesona e mafai ona fesoasoani i tamaiti aoga ia iloa mo i latou lava e moni le Tusi a Mamona.

Sauniuniga a le tamaitiiti aoga: Valaaulia tamaiti aoga e faitau le Moronae 10:1–7, ma vaavaai mo soo se upu po o fasifuaitau e fesoasoani latou te malamalama ai i mea e manaomia ia iloa ai le moni e uiga i le Tusi a Mamona.
Vitio: “Moroni Invites All to Come unto Christ” (8:37; matamata mai le faailo taimi 4:39 i le 5:32); “O Se Molimau Ola” (20:29; matamata mai le faailo taimi 13:51 i le 14:31)
Anotusi e faaali atu: Faatonuga mo le gaoioiga ua faatulagaina i fasifuaitau e tolu o le fautuaga a Moronae
Fautuaga faafaiaoga faavitio: Mafaufau e vaevae tamaiti aoga i ni vaega ua vaevae e talanoaina ai fasifuaitau e tolu o le fautuaga a Moronae e faaaoga ai le anotusi o loo aofia i le lesona. Ia mautinoa e kopi le anotusi mo vaega taitasi ma faasoa atu ia i latou i le talanoaga po o le imeli e taiala ai la latou talanoaga.

Atamai i Aoaoga Faavae: Moronae 10:4-5

Faamoemoega o le lesona: O lenei lesona e mafai ona fesoasoani i tamaiti aoga e tauloto lenei tusi faasino o le atamai i aoaoga faavae ma le fasifuaitau autu o le mau mo le Moronae 11:4–5, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga moni o le olaga.

Sauniuniga a le tamaitiiti aoga: Valaaulia tamaiti aoga e tauloto le mau faasino ma le fasifuaitau autu mo le Moronae 10:4–5: “Ole atu ma le loto faamaoni, ma le manatu moni i ai, ma le faatuatua ia Keriso. … Ma o le mana o le Agaga Paia e mafai ona outou iloa ai le moni o mea uma lava.”
Fautuaga faafaiaoga faavitio: A uma ua lava se taimi o tamaiti aoga e saunia ai a latou tali i le faamatalaga o “Fesili ma Tali”, mafaufau e tuu atu ia i latou se taimi e faasoa mai ai. E mafai ona faia lenei mea i ni paga, i ni vaega toalaiti i potu e taape i ai, po o le vasega atoa.

Moronae 10:8–25

Faamoemoega o le lesona: O lenei lesona e mafai ona fesoasoani i tamaiti aoga e saili i meaalofa a le Agaga.

Sauniuniga a le tamaitiiti aoga: Valaaulia tamaiti aoga e aoao e uiga i meaalofa a le Agaga. E mafai ona latou faaaogaina fesoasoaniga mo le suesueina o tusitusiga paia e pei o le tusiga o Autu o le Talalelei “Meaalofa Faaleagaga” (topics.ChurchofJesusChrist.org).
Vitio: “Serve with the Spirit” 19:12; matamata mai le faailo taimi 5:33 seia oo i le 5:48)

Moronae 10:26-34

Faamoemoega o le lesona: O lenei lesona e mafai ona fesoasoani i tamaiti aoga e “o mai ia Keriso, ma faaatoatoaina ia te ia” (Moronae 10:32).

Sauniuniga a le tamaitiiti aoga: Valaaulia tamaiti aoga e o mai saunia e faasoa mai o latou manatu i le uiga o le fasifuaitau “o mai ia Keriso”. E mafai e tamaiti aoga ona sue le fuaitau i le polokalama o le Gospel Library pe afai latou te manaomia le fesoasoani.
Mea faitino: O ni nai aitema (po o ata o aitema) e i ai ni faamoemoega iloga
Anotusi e faaali atu: O le siata o loo lisi ai valaaulia a Moronae ma folafolaga a le Tama Faalelagi
Vitio: “Come unto Christ: Pese Autu o le 2014” (4:48)
Fautuaga faafaiaoga faavitio: E mafai e tamaiti aoga ona faaaoga le matapule o talanoaga e faasoa mai ai le uiga o valaaulia ma folafolaga a Moronae i a latou lava upu (tagai Moronae 10:30–34).

Iloilo Lou Aoaoina 10

Faamoemoega o le lesona: O lenei lesona ua faamoemoe e fesoasoani i tamaiti aoga e iloilo le alualu i luma ua latou oo i ai i le taimi o a latou suesuega o le Tusi a Mamona i lenei tausaga.

Sauniuniga a le tamaitiiti aoga: E mafai e tamaiti aoga ona tomanatu i a latou suesuega o le Tusi a Mamona ma saunia e faasoa mai se malamalamaaga po o se upumoni ua latou aoaoina ua faateleina ai lo latou alolofa mo Iesu Keriso.
Fautuaga faafaiaoga faavitio: Mo le vaega “O le a se mea ua e malamalama i ai e uiga i le Tama Faalelagi ma Iesu Keriso?” mafaufau e faataga tamaiti aoga e faaaoga le laupapa paepae po o le matapule o talanoaga e faasoa mai ai upumoni ua latou aoaoina mai le Tusi a Mamona e uiga i le Tama Faalelagi ma Iesu Keriso.