Suesuega Faaleaoaoga Faavae
Meaalofa Faaleagaga
O meaalofa faaleagaga o ni faamanuiaga po o tomai e tuuina mai e le Atua i Ana fanau e ala mai le mana o le Agaga Paia. O meaalofa a le Agaga e tuuina mai e faamanuia ai ma aoga ia i latou e alolofa i le Alii ma saili e tausi Ana poloaiga.
Vaaiga Aoao
O meaalofa faaleagaga o ni faamanuiaga po o tomai e tuuina mai e le Atua i Ana fanau e ala mai le mana o le Agaga Paia. O meaalofa a le Agaga e tuuina mai e faamanuia ai ma aoga ia i latou e alolofa i le Alii ma saili e tausi Ana poloaiga. (Tagai i le Mataupu Faavae ma Feagaiga 46:9).
O tagata faatuatua taitoatasi o le Ekalesia ua maua e le itiiti ifo ma se tasi se meaalofa faaleagaga, ma e uunaia e le Alii Ana fanau ia “saili … ma le faamaoni meaalofa silisili ona lelei, ma manatua pea le pogai ua tuuina mai ai (Mataupu Faavae ma Feagaiga 46:8). Ua aoao mai e tusitusiga paia le tele o meaalofa a le Agaga:
Le malamalama “o Iesu Keriso o le Alo o le Atua, ma sa faasatauroina o ia mo agasala a le lalolagi” (Mataupu Faavae ma Feagaiga 46:13).
O le mafaia ona talitonu i upu a i latou e molimau mai ia Iesu Keriso (tagai Mataupu Faavae ma Feagaiga 46:14).
Malamalama i le “eseesega o pulega” (Mataupu Faavae ma Feagaiga 46:15; tagai foi i le 1 Korinito 12:5). O lenei meaalofa e faaaoga i le puleaina ma le taitaiga o le Ekalesia.
Malamalama i le “eseesega o faiga,” lea e fesoasoani i tagata taitoatasi e filifili ai po o se aoaoga po o se uunaiga e mai le Atua pe mai se isi punaoa (Mataupu Faavae ma Feagaiga 46:16; tagai foi 1 Korinito 12:6–7).
O le meaalofa o “le upu o le poto” (1 Korinito 12:8; Mataupu Faavae ma Feagaiga 46:17). E le faapea e faatatau i le tulafono ua iloaina o le Upu o le Poto (tagai Mataupu Faavae ma Feagaiga 89). Nai lo lena, o le meaalofa o le atamai—o le mafaia ona faaaoga le malamalama i auala amiotonu.
Le meaalofa o “le upu o le malamalama” (1 Korinito 12:8; Mataupu Faavae ma Feagaiga 46:18).
O le mafaia ona aoao atu e ala i le mana o le Agaga Paia (tagai Moronae 10:9–10; tagai foi Mataupu Faavae ma Feagaiga 46:18).
O le meaalofa o le faatuatua (tagai 1 Korinito 12:9; Moronae 10:11).
O le meaalofa o le “maua le faatuatua e faamalolo ai”(Mataupu Faavae ma Feagaiga 46:19).
O le meaalofa o le “maua le faatuatua e faamalolo atu ai” (Mataupu Faavae ma Feagaiga 46:20; tagai foi 1 Korinito 12:9; Moronae 10:11).
“Le faia o vavega” (1 Korinito 12:10; Mataupu Faavae ma Feagaiga 46:21; tagai foi Moronae 10:12).
O le meaalofa o valoaga (tagai 1 Korinito 12:10; Moronae 10:13; Mataupu Faavae ma Feagaiga 46:22). Na aoao mai le Aposetolo o Ioane faapea “o le agaga o le valoaga o le mau lea ia Iesu” (Faaaliga 19:10
“Le vaaia o agelu ma agaga auauna mai” (Moronae 10:14).
“Le iloaina o agaga” (1 Korinito 12:10; Mataupu Faavae ma Fegaiga 46:23).
Le meaalofa e tautala ai i gagana eseese, po o le tautala i gagana (tagai 1 Korinito 12:10; Moronae 10:15; Mataupu Faavae ma Feagaiga 46:24).
O le meaalofa o “le faaliliuga o gagana” (1 Korinito 12:10; Mataupu Faavae ma Feagaiga 46:25; tagai foi Moronae 10:16).
O nei meaalofa faaleagaga ma isi ua lisiina i tusitusiga paia ua na o ni faataitaiga o le tele o meaalofa o le Agaga. E faamanuiaina e le Alii Ana fanau i le tele o auala e tusa ai ma lo latou faatuatua ma o latou manaoga ma manaoga o i latou latou te auauna atu i ai.
Tusifaamaumau Ou Lagona Uunai
Autu Fesootai
-
Agaga Paia
Tusitusiga Paia
Mau Faasino
Punaoa mo le Suesueina o Tusitusiga Paia
-
Topical Guide, “Atua, Meaalofa o le,” “Agaga Paia, Meaalofa o le”
-
Tagai Taiala i Tusitusiga Paia, “Meaalofa a le Agaga”
Savali mai Taitai o le Ekalesia
Savali Faaopoopo
Vitio
“Gifts of the Spirit (8 March 1831)”
“Gifts of the Spirit for Hard Times”
Vitio o le Aufaipese a le Tapeneko
Punaoa o le Aoaoina
Mekasini a le Ekalesia
“O a Au Meaalofa Faaleagaga?” Friend, March 2017
Linda G. Paulsen, “I Want to Play the Flute,” Friend, March 2017
Bethany Bartholomew, “The Pointe of Achieving Balance,” New Era, February 2017
Lane Johnson, “O le Ala e Maua ai Meaalofa Faaleagaga,” Ensign, Tesema 1975