Agaga

Vaaiga Aoao

O tagata taitoatasi uma lava o se atalii/afafine agaga o le Tama Faalelagi ma sa i ai o se agaga a’o le’i i ai i lenei olaga i le lalolagi. I le aluga o lenei olaga, ua nofofale ai le agaga o le tagata i se tino faaletino, lea na fanau mai i matua faalelalolagi.

Ua aoao mai tusitusiga paia e faapea, i le taimi o le oti faaletino, e le oti le agaga. E aluese mai le tino ma ola i se lalolagi o agaga i le mavae ai o le olaga faitino. I le taimi o le toetu, e toefaatasia ai le agaga ma le tino, “e lē toe tuueseeseina; ma faapea ona avea ai le tino atoa ma tino faaleagaga ma ola pea” (Alema 11:45).

Ua aoao mai foi tusitusiga paia e uiga i le natura o agaga. E ala mai i le Perofeta o Iosefa Samita, na faaali mai ai e le Alii e faapea, “o le agaga atoa o se mea e tino, ae ua sili atu ona lelei pe mamā, ma e nao mata e sili ona mamā e mafai ona vaai i ai” (Mataupu Faavae ma Feagaiga 131:7). O le agaga o le tagata ua foliga i lona lava tagata, faapea foi le agaga o le manu, ma isi meaola uma ua foafoaina e le Atua (Mataupu Faavae ma Feagaiga 77:2; tagai foi Eteru 3:7–16).

Tusifaamaumau Ou Lagona Uunai