Lotogatasi

Vaaiga Aoao

A o le’i faataunuuina e le Faaola le Togiola, sa tatalo o Ia mo Ona soo, o e na Ia auina atu i le lalolagi e aoao atu le talalelei. Sa tatalo foi o Ia mo i latou o e o le a talitonu ia te Ia ona o upu a Ona soo. Sa ia augani mai mo le lotogatasi: “Ina ia tasi i latou uma; faapei o oe le Tama o i totonu ia te au, o au foi o i totonu ia te oe, ina ia tasi i latou i totonu ia te i taua: ina ia talitonu le lalolagi ua e auina mai au” (Ioane 17:21). Mai i lenei tatalo ua tatou iloa ai le ala e tuufaatasia ai e le talalelei i tatou ma le Tama Faalelagi ma Iesu Keriso faapea ma le tasi ma le isi. A tatou ola i le talalelei, maua sauniga faaola ma tausia a tatou feagaiga, o le a suia o tatou natura. O le Togiola a le Faaola ua faapaia ai i tatou, ma e mafai ona tatou ola i le lotogatasi, olioli i le filemu i lenei olaga ma saunia ai e nonofo faatasi ma le Tama ma Lona Alo e faavavau.

Na fetalai mai le Alii, “Ia tasi outou; ma afai tou te lē tasi e lē a aʼu outou” (Mataupu Faavae ma Feagaiga 38:27). E mafai ona tatou sailia ma faalauiloa lenei tulaga faatauaina o le lotogatasi i totonu o o tatou aiga ma i le Ekalesia. Afai ua tatou faaipoipo, e mafai ona tatou lotogatasi ma o tatou taitoalua i le faamoemoe ma i faatinoga. E mafai ona tatou faatagaina o tatou uiga auaumama tulaga ese e fefaamālōa’i ai le tasi ma le isi a o tatou feagai faatasi ma luitau ma tuputupu ae i le alofa ma le loto malamalama. E mafai foi ona tatou lototasi ma isi tagata o le aiga ma tagata o le Ekalesia e ala i le auauna atu faatasi, aoao e le tasi le isi, ma faamalosiau le tasi i le isi. E mafai ona tatou tasi ma le Peresitene o le Ekalesia ma isi taitai o le Ekalesia a o tatou suesue i a latou saunoaga ma mulimuli i a latou fautuaga.

A o tuputupu a’e le Ekalesia i le lalolagi atoa, e mafai e tagata uma o le Au Paia o Aso e Gata Ai ona lotogatasi. O o tatou loto e mafai ona “fili faatasi … i le lotogatasi ma le alofa o le tasi i le isi” (Mosaea 18:21). Tatou te talisapaia le eseese o aganuu ma eseesega o tagata taitoatasi, ae tatou te sailia foi le “lotogatasi o le faatuatua” lea e oo mai pe a tatou mulimuli i taitai musuia ma manatua o i tatou uma o fanau o le Tama e tasi (tagai Efeso 4:3–6, 11–13).

Tusifaamaumau Ou Lagona Uunai

Autu Fesootai

Tusitusiga Paia

Mau Faasino

Punaoa mo le Suesueina o Tusitusiga Paia

Savali mai Taitai o le Ekalesia

Savali Faaopoopo

Vitio

“Unity of the Faith”

Ata

Faailoga o le Aufaipese a le Tapeneko

O Vitio o le Aufaipese a le Tapeneko

“Fai Upu Alofa i le Tasi”

Punaoa o le Aoaoina

Mekasini a le Ekalesia

“Why Is Unity Important,” Ensign, Tesema 2016

Tusi lesona mo Suesuega

Aoaoga a Peresitene o le Ekalesia

Tala

Punaoa mo le Aoao Atu

Tala ma Gaoioiga mo le Aoaoina o Tamaiti

“Lotogatasi,” O Fesoasoani i Lesona mo le Aoaoina o Tamaiti