Faasausili Faalelanu ma Faaleaganuu

Vaaiga Aoao

O tagata uma o fanau a le Atua ma o se vaega o Lona aiga faalelagi (tagai i le “O Le Aiga: O Se Folafolaga i le Lalolagi”). I le avea ai ma Ana fanau, ua tofu uma i tatou ma gafatia paia ma e taua i Ona fofoga. Ua aoao mai e tusitusiga paia e faapea o le Atua “ua faia e Ia nuu uma o tagata i le toto e tasi,” (Galuega 17:26), ma “e tutusa tagata uma” ia te Ia (2 Nifae 26:33). E le alofa o Ia i le tasi ituaiga e sili atu i lo le isi.

O le talalelei a Iesu Keriso e mo fanau uma a le Atua. Ua a’oa’o mai e le Tusi a Mamona e faapea o le Alii, “ua Ia valaauina i latou uma ia o mai ia te Ia ma taumamafa i lona agalelei; ma e le teena e Ia se tasi e sau ia te Ia, e uliuli pe pa’epa’e, e pologa pe saoloto, o tane ma fafine” (2 Nifae 26:33). O lo tatou tulaga i luma o le Atua e faalagolago i le tuuto atu ia te Ia ma Ana poloaiga, e le o le lanu o le pa’u, lo tatou ituaiga, po o isi uiga.

Ona o i tatou o fanau a le Atua, o i tatou uma o uso ma tuafafine. Ua poloaiina i tatou e le Atua “ia fealofani” (Ioane 13:34–35). I le faataoto i le Samaria Agalelei, sa a’oa’o mai ai e Iesu Keriso e faapea o le poloaiga o le alofa atu i o tatou tuaoi, e sopoia ai luga atu o eseesega faaleituaiga, faaleaganuu, ma faalelotu (tagai i le Luka 10:25–37). Na faataitaia mai e le Faaola lenei aoaoga. Sa ‘femaliuai o ia ma agalelei’ (Galuega 10:38), a’oa’o atu ma faamalolo tagata o soo se talaaga.

O le taumafai malosi e mulimuli i aoaoga ma faataitaiga a le Faaola, ua ta’usalaina ai e Le Ekalesia a Iesu Keriso o le Au Paia o Aso e Gata Ai le faasausili faalelanu, ma faaleaganuu o soo se ituaiga. Na a’oa’o mai Peresitene Russell M. Nelson: “Ua poloai mai le Mataisau o i tatou uma ia taitasi i tatou ma lafoai ese uiga faaalia o le faailoga tagata e faasaga i soo se vaega o fanau a le Atua. Soo se tasi o i tatou e faasausili i se isi lanu e manaomia ona salamo! (i le “President Nelson Shares Social Post about Racism and Calls for Respect for Human Dignity,” June 1, 2020, newsroom.ChurchofJesusChrist.org).

Na a’oa’o mai foi Peresitene Nelson e faapea e ao i tagata o le Ekalesia “ona taulamua i le lafoaiina o uiga faaalia ma faatinoga o le faasausili. Ou te aioi atu ia te outou,” na ia saunoa ai, “ina ia faalauiloa le faaaloalo mo tagata uma o fanau a le Atua” (“Ia Faamuamua le Atua,” Liahona, Nov. 2020, 94). Pe a oo ina tatou malamalama “i le Tulaga Faaletama o le Atua, … o lena malamalama e musuia ai i tatou i le naunauga faamama’i e fausia ala laupapa o le galulue faatasi nai lo pa pupuni o le faailoga tagata” ( le “‘All Are Equal,’ Prophet Proclaims at ‘Be One’ Celebration,” Church News, June 1, 2018; tagai foi Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 38.6.14).

Na faamalamalama mai e le Perofeta o Iosefa Samita e faapea o se tagata “e faatumulia i le alofa o le Atua, e le faamalieina i faamanuiaga na o lona aiga, ae oo atu i le lalolagi atoa le naunau ia faamanuiaina le fanauga uma a tagata” [Aoaoga a Peresitene o le Ekalesia: Iosefa Samita [2007], 426). E saili Le Ekalesia ma ona tagata e mulimuli i lenei mataupu faavae i mea uma latou te fai, e aofia ai le faasoa atu o le talalelei a Iesu Keriso i tagata uma, talileleia tagata uma ia auai i sauniga i le Ekalesia, ma le tausiga o i latou uma e manaomia.

Tusifaamaumau Ou Lagona Uunai

Autu Fesootai

Eseesega ma le Lotogatasi i Le Ekalesia a Iesu Keriso o le Au Paia o Aso e Gata Ai
Alofa
Lotogatasi

Tusitusiga Paia

Mau Faasino

Savali mai Taitai o le Ekalesia

Punaoa o le Aoaoina

I Tala Fou

“President Nelson Shares Social Post about Racism and Calls for Respect for Human Dignity,” Potu o Talafou

“Prophet Joins NAACP Leaders in Call for Racial Harmony in America,” Potu o Talafou

“‘All Are Equal,’ Prophet Proclaims at ‘Be One’ Celebration,” Church News