Aoao (Perisitua Arona)

Vaaiga Aoao

O le perisitua o le mana ma le pule a le Atua. O se aoao o se tofi i le Perisitua Arona. E amata atu ia Ianuari o le tausaga e atoa i ai lo latou ta’i 14 tausaga, e mafai ona faauuina alii talavou agavaa i le tofi o le aoao—o se tofi e masani ona latou umia seia oo i le tausaga e atoa i ai lo latou ta’i 16.

O aoao e faatulagaina i ni korama i totonu o o latou uarota ma paranesi. O korama taitasi e pulefaamalumalu ai se aoao o lē ua vaetofia o se peresitene ma lē ua umia ki o le perisitua e taitai ai le korama (tagai Tusitaulima 2: Taitaiina o le Ekalesia, 8.3.2; Mataupu Faavae ma Feagaiga 107:86).

O le au epikopo o le au peresitene lea o le Perisitua Arona (tagai Mataupu Faavae ma Feagaiga 107:15). O le fesoasoani muamua i le au epikopo e faufautua faatasi ma le korama a aoao ma aoao i latou i tiute o lo latou tofi.

O se aoao e i ai uma tiutetauave o se tiakono. E i ai foi ia te ia tiutetauave nei (tagai Tusitaulima 2, 8.1.1.2):

.Na te tapenaina le faamanatuga
E tatau ia te ia “leoleo lea i luga o le ekalesia e lē aunoa, ma faatasi ma faamalosi i latou” (Mataupu Faavae ma Feagaiga 20:53). O se tasi auala na te faia ai lenei mea o le tautua lea o se uso o auaunaga. E tofia o ia e avea ma se soa i sē e umia le Perisitua Mekisateko.
E tatau ona ia “vaai e leai se amioletonu i totonu o le ekalesia, po o se feitagai ma le tasi, po o se pepelo, faatuaupua, po o se tautala leaga” (Mataupu Faavae ma Feagaiga 20:54). O lenei tiutetauave e aofia ai le avea ma se tagata e faatupuina le filemu, fai ma se faataitaiga o le faamaoni lelei ma le amiosao.
E tatau ona ia “vaai ia potopoto soo faatasi le ekalesia, ma vaai foi ia fai e tagata uma o le ekalesia o latou tiute” (Mataupu Faavae ma Feagaiga 20:55).
E fesoasoani o ia i le au epikopo i isi auala e tusa ai ma le tofi o se aoao.

Aoao (Perisitua Arona)

Vaaiga Aoao

Autu Fesootai

Tusitusiga Paia

Mau Faasino

Punaoa o le Aoaoina

Mekasini a le Ekalesia