Ponokalafi

O ponokalafai i soo se faaaliaga, i ata po o tusitusiga, ua fuafuaina e faaosofia ai ma le faaletatau ia lagona tauafinea’itane. E mafai ona maua i anomea tusitusia, atapu’e, tifaga, ata i masini eletonika, taaloga vitio, tusitusiga i faasalalauga faaagafesootai, polokalama i telefoni, talanoaga faaoso tauafinea’itane i le telefoni, musika po o isi lava auala. O ponokalafi o se meafaigaluega lea le fili ma o lona faaaogaina e aluese ai le Agaga o le Alii mai ia i tatou.

Vaaiga Aoao

Ua faatuina e Iesu Keriso le faataitaiga o se tagata e mama i mafaufauga ma amioga (tagai i le 3 Nifae 27:21). E ui lava ina sa “faaosoosoina o [Ia] i mea uma e pei foi o i tatou,” ae sa tumau pea o Ia ua “leai se agasala” (Eperu 4:15 Sa Ia tausia o Ia lava ia mama, atoatoa, ma legavia, ma e mafai foi ona tatou faia faapea. Ua aoaoina uunaia i tatou e le Alii ia “ia tuu le amiomamā e teuteuina ai [o tatou] mafaufauga e lē aunoa” (Mataupu Faavae ma Feagaiga 121:45).

O ponokalafai i soo se faaaliaga, i ata po o tusitusiga, ua fuafuaina e faaosofia ai ma le faaletatau ia lagona tauafinea’itane. Ua sili atu le taatele o polokalafi i le lalolagi i aso nei nai lo se isi lava taimi muamua. E mafai ona maua i anomea tusitusia (e aofia ai tala faananau tuinanau), atapu’e, tifaga, ata i masini eletonika, taaloga vitio, tusitusiga i faasalalauga faaagafesootai, polokalama i telefoni, talanoaga faaoso tauafinea’itane i le telefoni, musika po o isi lava auala.

O faananauga maoloto faaletino o se vaega taua o le fuafuaga o le fiafia a le Tama Faalelagi. Peitai, o loo taumafai le fili e taofi le fuafuaga o le fiafia a le Alii e ala i le fautua mai e faapea, o le faanaunau maoloto faaletino e mo na’o le faamaliega faaletagata. O ponokalafi o se meafaigaluega lea a le fili ma o lona faaaogaina e aluese ai le Agaga o le Alii mai ia i tatou (tagai i le Mataupu Faavae ma Feagaiga 63:16).

O taunuuga e mafai ona i ai o polokalafi e aofia ai le faaesea, faalilolilo, ma le taufaasese lea e faaleagaina ai mafutaga ma tuua ai se tagata ua afaina i le leai o se talitonu ia te ia lava, atuatuvale, faanoanoa; faamoemoega le taulau ma faamatalaga sese e uiga i le maoloto o le tauafinea’itane; faamasani ai i tatou e vaai atu i tagata o ni mea faitino e faaaoga ma soonafai faatautala; ma le tutupu ai o faufauga o mafaufauga ma amioga faatufanua.

Na fautua mai Peresitene M. Russell Ballard:

“Afai ua e aafia ai i le taimi nei, afai ua e maileia i lenei faiga, ia saili nei le fesoasoani faaleagaga. E mafai ona e faatoilaloina ponokalafi faatasi ai ma le fesoasoani a le Faaola. Aua le faatali.”

O le tuu o le amiomamā e teuteuina ai o tatou mafaufauga e lē aunoa ma le ola i le tulafono o le legavia, o le a fesoasoani tatou te mulimuli ai i faataitaiga mama a le Faaola.

Tusifaamaumau Ou Lagona Uunai

E faapefea ona ou faatoilaloina mailei o ponokalafi?

Afai ua e gauai atu i ponokalafi o soo se ituaiga lava, e mafai ona e taofia. O loo ia te oe le faitalia e filifili ai i ou mafaufauga ma amioga O lea mea e manaomia ai se ioega faamaoni o le faafitauli ma se naunau e tali atu mo au amioga ma le tiga na faia e na amioga i isi. Atonu na faaseseina oe e le fili i se taimi ua mavae, ae o oe e i ai le filifiliga faaiu. E mafai ona e toe maua mai le malosi o le Agaga i lou olaga. Ina ia faia lenei mea, o le mea e sili ona taua e tatau ona e iloa, e alofa lou Togiola ia te oe. E ia te Ia le mana e fesoasoani ma faamalolo ai oe. Na maliu o Ia e totogi mo agasala a tagata uma o e salamo ma mulimuli ia te Ia. E mafai ona e utuvai mai i le mana o Lana Togiola mo le faamoemoe ma le malosi a o e salamo. Manatua upu a le Aposetolo o Paulo, “Ou te mafaia mea uma lava i le faamalosi mai o Keriso ia te a’u” (Filipi 4:13).

E tele punaoa o loo avanoa mo oe. O le uepisaite Addressing Pornography ma le Addiction Recovery Program [Polokalama mo le Toe Manuia mai Vaisu] o loo ofofina atu ai se polokalama e faatotonugalemu i le talalelei mo le toe manuia [mai ponokalafi] mo oe ma lou aiga.

Faitau upu o le faamoemoe.

Suesue, mafaufau loloto ma talanoaina le taiala “Ia Tuu le Amiomamā e Teuteuina Ou Mafaufauga” faatasi ma lou toalua, matua, po o le epikopo.
Fai se fuafuaga.

Tusi ma faasoa lau fuafuaga patino mo le toe manuia ma fai suiga pe a tatau ai.
Saili le lagolago.

Malamalama i ala e mafai ona e maua ai le fesoasoani a i latou e siomia oe e lagolago ai ia te oe i lou toe manuia mai.
Auai i le Polokalama o le Toe Manuia Mai i Vaisu.

Asiasi i le uepisaite, faitau le tusitaiala, pe alu i se fonotaga.
Mafaufau i fesoasoaniga faapolofesa.

Iloilo pe mata e manaomia le fesoasoani faapolofesa pe leai.

E faapefea ona ou aoaoina la’u fanau e uiga i le matautia o ponokalafi?

Ua i ai i matua se tiutetauave paia e aoao a latou fanau ma musuia ni tulaga faatauaina amiotonu ia i latou. O matua o e faia ni talanoaga malamalama ma a latou fanau e uiga i faananauga maoloto ma lona matafaioi i le fuafuaga a lo tatou Tama Faalelagi, ua fesoasonai e puipui a latou fanau mai le tāiga a le fili.

O le uepisaite o le Addressing Pornography o loo i ai punaoa e fesoasoani ai i matua e puipui ma aoao ai a latou fanau. O nisi o lesona o le afiafi faaleaiga atonu e fia tagatagai i ai o:

E faapefea ona ou iloa o loo tauivi se tagata ma ponokalafi?

E faigata ona iloatino lelei pe o tauivi se tagata ma ponokalafi pe leai, ae e i ai ni nai faailo e mafai ona e vaavaai i ai. E ui o le faaaliaga na’o se tasi o nei faailo atonu o se faailoilo le lelei, ae o le tele o faailo e i ai, o le tele foi lea o lou popole e tatau ona e i ai.

Leai o se fiafia i sootaga tauafinea’itane po o le lemalieivai o le tuinanau tauafinea’itane.
O amioga o le faafiti e pei o le faatautee, fai alofaga, ta’umāmāina o ponokalafi, ma isi mea faapena.
Faatamala i tiutetauave
Faateleina o le faanofoesea (e pei o taimi o le leva o le po i luga o le komepiuta); taumamao ma le aiga.
Lagona taumamao mai le aiga; faitioina soo o le toalua ma le fanau.
Itaitagofie; fesuisuiai o uiga faaalia.
Toesea e aunoa ma ni faamalamalamaga [o mea e alu i ai]
Le faamalamalamaina o le feaveaiga o le faaaogaina o tupe.

Afai ua e masalomia o tauivi se tasi e pele [ia te oe] ma ponokalafi, faitau le fautuaga o loo i le AddressingPornography.org.

E faapefea ona ou taulimaina le faaaogaina o ponokalafi e lo’u toalua po o [la’u] tama?

Afai ua e iloa o loo aafia se tagata o le aiga i ponokalafi, o se mea masani le lagona o le ita, lotovaivai, faalataina, po o le mafatia. I nei faafitauli, e mafai ona e suea ma maua le malosi pe afai lua te talanoa ma lou epikopo. Atonu foi e te manao e talosagaina se faamanuiaga faaleperisitua mai se alii agavaa o loo umia le perisitua. Maua le malosi mai tala a isi o e na oo i aafiaga faapena.

Faitau i tala o le faamoemoe mo taitoalua ma tagata o aiga i le AddressingPornography.org, ma suesue i le Spouse and Family Support Guide o loo i le AddictionRecovery.ChurchofJesusChrist.org.

Atonu foi e te auai i vaega lagolagosua mo taitoalua ma tagata o aiga o tagata ua fai ponokalafi ma vaiasu e ala i le Addiction Recovery Program.