Matua Faalelagi

Vaaiga Aoao

O tagata soifua uma o fanau agaga faapelepele a matua faalelagi (tagai i le “O Le Aiga: O Se Folafolaga i le Lalolagi”). Ona o o tatou matua faalelagi, ua tofu ai i tatou ma se gafatia paia. O lenei faapogai paia ua maioio ai lo tatou faasinomaga moni.

I lo tatou muai olaga, sa tatou a’oa’o ai le ata o le faaolataga, lea ua saunia ai le ala e mautofi ai i le ola faavavau, le soifuaga o o tatou matua faalelagi. O le faamoemoega o lo tatou soifua mai, e aofia ai ma le olaga faitino, o le saunia ai lea o i tatou ia maua lenei meaalofa mamalu.

E itiiti lava se mea ua faaalia mai e uiga i lo tatou tina faalelagi i talaatu o se malamalama i lona soifua ai (tagai “Tina i le Lagi”). E ui tatou te le tapuai atu ia te ia, ae tatou te faamamaluina o ia o se matua faalelagi. I le mulimuli ai i le faataitaiga a le Faaola, e na o lo tatou Tama Faalelagi tatou te tatalo i ai (tagai Mataio 6:9; 3 Nifae 18:19; Mataupu Faavae ma Feagaiga 20:19). Tatou te maua le taitaiga ma faatonuga mai le Tama Faalelagi ma Lona Alo e ala i le Agaga Paia.

I lenei olaga, tatou te taumafai malosi ai e atia’e ia uiga paia faaleatua o loo umia e o tatou matua faalelagi. O nei uiga paia o loo faaalia i le soifuaga o Iesu Keriso.

Tusifaamaumau Ou Lagona Uunai

Autu Fesootai

Avea Faapei o le Atua
O Le Atua le Tamā
Tina i le Lagi

Savali mai Taitai o le Ekalesia

Ala o faasalalauga

Musika

“Lo’u Tama e,” Viiga, nu. 178