Suesuega Faaleaoaoga Faavae
Malamalama o Keriso
O le Malamalama o Keriso, o le malosiaga faalelagi, mana, po o le uunaiga e mai le Atua e ala ia Keriso ma e tuuina mai le ola ma le malamalama i mea uma. O le Malamalama o Keriso e faatosina tagata ia faia mea lelei ma saunia i latou ia maua le Agaga Paia. O se tasi o faailoaga mai o le Malamalama o Keriso, o le mea ua tatou ta’ua o le lotofuatiaifo.
Vaaiga Aoao
O le Malamalama o Keriso, o le malosiaga faalelagi, mana, po o le uunaiga e mai le Atua e ala ia Keriso ma e tuuina mai le ola ma le malamalama i mea uma. O le Malamalama o Keriso e faatosina tagata ia faia mea lelei ma saunia i latou ia maua le Agaga Paia. O se tasi o faailoaga mai o le Malamalama o Keriso, o le mea ua tatou ta’ua o le iloa o le lelei ma le leaga.
O le Malamalama o Keriso e “ua susulu atu mai luma o le Atua e faatumulia ai le loaloa o le vateatea.” “O le malamalama lea ua i totonu o mea uma, lea ua tuuina le ola i mea uma, o le tulafono lea ua pulea ai mea uma” (Mataupu Faavae ma Feagaiga 88:12–13; tagai foi i le Mataupu Faavae ma Feagaiga 88:6–11). O lenei mana o se uunaiga mo le lelei i olaga o tagata uma lava (tagai i le Ioane 1:9; Mataupu Faavae ma Feagaiga 93:2). I tusitusiga paia, o le Malamalama o Keriso e ta’ua i nisi taimi o le Agaga o le Alii, o le Agaga o le Atua, o le Agaga o Keriso, po o le Malamalama o le Ola.
E le tatau ona fenumiaia le Malamalama o Keriso ma le Agaga Paia. E le o se peresona, e pei ona i ai le Agaga Paia. O lana uunaiga e taitaiina atu ai tagata ina ia latou maua le talalelei moni, ia papatisoina, ma maua le meaalofa o le Agaga Paia (tagai i le Ioane 12:46; Alema 26:14–15).
O le lotofuatiaifo o se faailoaga o le Malamalama o Keriso, ua mafai ai e i tatou ona faamasino le lelei mai le leaga. Ua aoao mai le perofeta o Mamona: “Ua tuuina mai i tagata taitoatasi le Agaga o Keriso, ina ia mafai ona iloa e ia le lelei mai le leaga; o le mea lea, ou te faaali atu ai ia te outou le ala e faamasino ai; ona o mea uma e valaau mai ia fai le lelei, ma faatauanau mai ia talitonu ia Keriso, ua auina mai i le mana ma le meaalofa a Keriso; o le mea lea e mafai ai ona outou iloa ma le malamalama atoatoa ua mai le Atua. … Ma o lenei, ou uso e, ina ua vaai ua outou iloa le malamalama tou te faamasino ai, o le malamalama lea o Keriso, vaai ia outou le faamasino sese; aua o le faamasinoga lava lea tou te faamasino atu ai o le a faamasino ai foi outou” (Moronae 7:16, 18).
Tusifaamaumau Ou Lagona Uunai
Autu Fesootai
-
Alofa fuatiaifo
-
Agaga Paia
Tusitusiga Paia
Mau Faasino
Punaoa mo le Suesueina o Tusitusiga Paia
-
Topical Guide, “Light of Christ”
-
Bible Dictionary, “Light of Christ”
-
Taiala i Tusitusiga Paia, “Malamalama, Malamalama o Keriso”
Savali mai Taitai o le Ekalesia
Vitio
“Jesus Declares: I Am the Light of the World, the Truth Shall Make You Free”
“Patterns of Light: The Light of Christ”
“O Mamanu o le Malamalama: Iloatino o le Malamalama”
“O Mamanu o le Malamalama: Agaga o Faaaliga”
O Vitio o le Aufaipese a le Tapeneko
Punaoa o le Aoaoina
Mekasini a le Ekalesia
“O Le Misiona Paia a Iesu Keriso: Malamalama o le Lalolagi,” Liahona, Mati 2014
“The Light of Christ at Christmas,” Friend, Tesema 2013
“O Iesu Keriso O Le Malamalama, o le Ola, ma le Faamoemoe o le Lalolagi,” Liahona, Tesema 2008
“In a Word: Light of Christ,” New Era, Tesema 2007
Daniel K. Judd, “O Le Agaga o Keriso: O Se Malamalama i totonu o le Pogisa,” Liahona, Me 2001
“What is the difference between the Holy Ghost, the Spirit of Christ, and the Light of Christ?” Ensign, Iuni 1989