A’oga

Vaaiga Aoao

A tatou masani i upumoni i punavai lelei o soo se ituaiga, tatou te saunia lelei ai e galulue ma auauna i le malo o le Atua. Na faaali mai e le Alii, “O le mamalu o le Atua o le atamai lea, po o, i nisi upu, o le malamalama ma le upumoni” (Mataupu Faavae ma Feagaiga 93:36). O upumoni uma e sau mai le Tama Faalelagi ma ua mamanuina mo le manuia o Ana fanau. E finagalo le Atua ia aoao o tatou mafaufau, faaleleia o tatou tomai, ma faaatoatoa o tatou gafatia ina ia mafai ona avea i tatou ma ni faatosinaga lelei mo le manuia i le lalolagi, saunia mea mo i tatou lava, o tatou aiga, ma i latou e limavaivai, ma atinae ai le malo o le Atua (tagai Mataupu Faavae ma Feagaiga 88:78–80).

O upumoni uma, e tusa pe faalelotu pe faalelalolagi, ua aofia uma i le fuafuaga a le Atua mo lo tatou faaolataga. Na aoao mai e le Perofeta o Iosefa Samita: “Soo se mataupu autu o le atamai tatou te maua i le olaga lenei, o le a tu mai faatasi ma i tatou i le toetutu. Ma afai e maua e se tagata le poto ma le tomai sili atu i le olaga lenei … o le a maua e ia le avanoa tele atu i le lalolagi a sau” (Mataupu Faavae ma Feagaiga 130:18–19).

Ua tuuina mai e le Alii ia i tatou taitoatasi ni meaalofa ma uunaia i tatou e faaleleia atili i na mea ma saili atu i isi meaalofa (tagai i le Mataupu Faavae ma Feagaiga 46: 8, 11; 1 Korinito 12:31). Ua Ia faatonuina foi i tatou ia “saili i le aoaoina, e ala lava lea i le suesue ma le faatuatua foi” (Mataupu Faavae ma Feagaiga 88:118). Ua uunaia e taitai o le Ekalesia ia tagata ina ia auai i taumafaiga ia faateleina le iloa faitau ma tusitusi, aoaoina, ma aoaoga faamasani i tomai.

Ua faamalosiau mai perofeta a le Atua o aso nei, i alii ma tamaitai ia maua le a’otauina e mafai ona latou maua. Na ta’u atu e Peresitene Gordon B. Hinckley i alii talavou ia “galulue mo se aoaoga. … Ia aotauina i aoaoga faamasani e mafai ona outou maua” (“Ola Agavaa mo le Teine O Le a E Faaipoipo I ai I se Aso,” Liahona, Iulai 1998). Sa uunaia e Peresitene Thomas S. Monson ia tamaitai talavou o le Ekalesia ina ia “faaauau au aoga—pe afai e te le o faia pe lei faia lava” (“O Sini e Tolu e Taialaina ai Oe,” Liahona, Novema 2007).

Tusifaamaumau Ou Lagona Uunai