Suesuega Faaleaoaoga Faavae
Tulafono e Sefulu
Vaaiga Aoao
O Tulafono e Sefulu o ni mataupu faavae e faavavau o le talalelei ia e manaomia mo lo tatou faaeaga. Na faaalia mai e le Alii ia Mose i aso anamua (tagai Esoto 20:1–17), ma o loo ta’ua atoa po o se vaega foi i isi tusi o tusitusiga paia (tagai Mataio 19:18–19; Roma 13:9; Mosaea 12:33–36; 13:13–24; Mataupu Faavae ma Feagaiga 42:18–29; 59:5–13; 63:61–62). O Tulafono e Sefulu o ni vaega taua o le talalelei. O le usiusitai i nei poloaiga e pae ai le ala mo le usiusitai i isi mataupu faavae o le talalelei.
O le iloiloga lenei o Tulafono e Sefulu ua aofia ai ni faamalamalamaga pupuu o le ala e faaauau ona faaaoga i latou i o tatou olaga i aso nei:
1. “Aua ne’i e fai mo oe ni atua ese i o’u luma” (Esoto 20:3). E tatau ona tatou faia “faia mea uma ma le manatu tasi i le mamalu o le Atua” (Mataupu Faavae ma Feagaiga 82:19). E tatau ona tatou alolofa ma auauna i le Alii ma o tatou loto atoa, mafaufau atoa, manatu atoa, ma le malosi atoa (tagai Teuteronome 6:5; Mataupu Faavae ma Feagaiga 59:5).
2. “Aua e te fai mo oe se tupua ua ta” (Esoto 20:4). I le poloaiga lenei, e tausalaina e le Alii le ifo i tupua. O le ifo i tupua e mafai ona tele ona ituaiga. O ni isi tagata e le ifo i luma o ni tupua ua ta po o ni faatagata ae nai lo o lena, [latou] te suitulagaina le Atua soifua i isi tupua, e pei o tupe, oa o le lalolagi, manatu, po o le mamalu. I o latou olaga, “o a latou ʼoa o lo latou atua lea”—o se atua “o le a fano faatasi ma i latou” (2 Nifae 9:30).
3. “Aua e te ta’u fua le suafa o Ieova lou Atua” (Esoto 20:7).
4. “Ia e manatua le aso sapati e te faapaiaina” (Esoto 20:8).
5. “Ia e ava i lou tamā ma lou tina” (Esoto 20:12). O lenei poloaiga e tumau pea ona fusia ai i o tatou olaga atoa ma e mafai ona malamalama i ai i ni nai auala: E tatau ona tatou ava i o tatou tama ma o tatou tina o e o o tatou tuaa; e tatau ona tatou faafetai i le tama ma le tina na tuuina mai o tatou tino faalelalolagi; e tatau ona tatou ava ia i latou o e na tausia i tatou i le malamalama o le upumoni. Ae silisili ai, e tatau ona tatou ava i o tatou Matua Faalelagi. O le ala tatou te ava ai i nei tama ma tina uma o le tausia lea o poloaiga.
6. “Aua e te fasioti tagata” (Esoto 20:13).
7. “Aua e te mulilua” (Esoto 20:14). I se faaaliga i aso e gata ai, na ta’usalaina ai e le Alii e le gata i le mulilua, ae o “soo se mea faapena” (Mataupu Faavae ma Feagaiga 59:6). O le faitaaga, faatauatane/faatauafafine, ma isi agasala o feusuaiga ua solia ai le tulafono lona fitu.
8. “Aua e te gaoi” (Esoto 20:15). O le gaoi o se ituaiga lea o lē faamaoni.
9. “Aua e te molimau pepelo i le lua te tuaoi” (Esoto 20:16). O le tuuina atu o se molimau pepelo o se tasi lea o ituaiga o lē faamaoni.
10. “Aua e te manao” (Esoto 20:17). O le manao, po o le lotoleaga i se mea e a se isi tagata, e afaina ai le agaga. E mafai ona faatamaia ai o tatou mafaufauga ma tatou malaia ai i le le fiafia ma le le faamalieina i taimi uma. E masani ona oo atu ai i isi agasala ma le aitalafu i mea tautupe.
E ui o le tele o Tulafono e Sefulu ua lisi mai ai mea e le tatau ona tatou faia, ae latou te faatatau foi i mea e tatau ona tatou faia. Na aoteleina e le Faaola ia Tulafono e Sefulu i ni mataupu faavae se lua—alofa i le Alii ma le alofa i o tatou uso a tagata:
“E te alofa atu i le Alii lou Atua ma lou loto atoa, ma lou agaga atoa, ma lou manatu atoa.
“O le poloaiga muamua lena ma le sili.
“E faapena foi lona lua, E te alofa atu i le lua te tuaoi, ia pei o oe lava ia te oe” (Mataio 22:37–39).
Tusifaamaumau Ou Lagona Uunai
Autu Fesootai
-
Gagana Mataga
-
Taua
Tusitusiga Paia
Mau Faasino
Punaoa mo le Suesueina o Tusitusiga Paia
Savali mai Taitai o le Ekalesia
Savali Faaopoopo
Vitio
“Obedience to the Ten Commandments”
“Mataupu 19: O Tulafono e Toasefulu”
Punaoa mo le Aoaoina
Mekasini a le Ekalesia
“The Other Six,” New Era, Aokuso 2013
“E Aoao A’u e Tulafono e Sefulu ina ia Alofa i le Atua ma Ana Fanau,” Liahona, Setema 2012
Aoaoga a Peresitene o le Ekalesia
Punaoa mo le Aoao Atu
Tala ma Gaoioiga mo le Aoaoina o Tamaiti
“Poloaiga,” Fesoasoani i Lesona mo le Aoaoina o Tamaiti