Poloaiga, e Sefulu

E sefulu tulafono na tuuina atu e le Atua e ala i le perofeta o Mose e pulea ai amioga tatau i le vafealoai.

O le igoa Faa-Eperu o nei tulafono o “Upu e Sefulu.” Sa taʼua foi nei tulafono o le Feagaiga (Teu. 9:9) po o le Molimau (Esoto 25:21; 32:15). O le tuuina atu e le Atua o Poloaiga e Sefulu ia Mose, ma ala atu ai ia te ia ia Isaraelu, ua faamatala mai i le Esoto 19:9–20:23; 32:15–19; 34:1. Sa tusia nei poloaiga i luga o papa maa e lua, ia sa tuuina i totonu o le Atolaau; o lea na taʼua ai le Atolaau o le Atolaau o le Feagaiga (Numera 10:33). Na sii mai e le Alii upu mai le Teu. 6:4–5 ma le Levi. 19:18, ua aoteleina ai Poloaiga e Sefulu i “poloaiga silisili e lua” (Mata. 22:37–39).

Na toe tuuina mai i faaaliga i aso e gata ai Poloaiga e Sefulu (Mosaea 12:32–37; 13:12–24; MF&F 42:18–28; 59:5–13; FIS, Esoto 34:1–2).