Lota

I le Feagaiga Tuai, o se atalii o Arana ma le atalii o le uso o Aperaamo (Kene. 11:27, 31; Ape. 2:4). Na oti Arana ona o le oge i Uro (Ape. 2:1). Na tuua e Lota Uro faatasi ma Aperaamo ma Sara ma sa malaga atu faatasi ma i laua i Kanana (Kene. 12:4–5). Na filifili Lota e nofo i Sotoma. Na auina atu e le Alii o avefeau e lapatai ia Lota e sola ese mai Sotoma a o lei faaumatia e le Alii lenā aai ona o le amioleaga a le nuu (Kene. 13:8–13; 19:1, 13, 15); ae ui i lea, na tepa i tua le avā a Lota i le faafanoga ma ua avea ai o se tupua masima (Kene. 19:26). O loo i ai foi i le Feagaiga Fou ni mau e uiga ia Lota (Luka 17:29; 2 Pete. 2:6–7). O lona olaga ina ua alu ese o ia mai ia Aperaamo o loo faamatalaina i le Kenese 13, 14, ma le 19.