Sataraka

I le Feagaiga Tuai, o Sataraka, Mesako, ma Apeteniko o alii talavou ia e toatolu o Isaraelu, faatasi ai ma Tanielu, sa aumaia i le maota o Nepukanesa, le tupu o Papelonia. O le igoa Eperu o Sataraka o Hanania. O alii talavou nei e toafa sa mumusu e faaleagaina i latou lava i le aai i meaʼai ma uaina a le tupu (Tani. 1). O Sataraka, Mesako, ma Apeteniko sa lafoina i totonu o se ogaumu aasa e le tupu ma sa faasaoina i latou e le Alo o le Atua (Tani. 3).